威風百麵

营业中

休息中

Intro: 紅磡最近有一間車仔麵店重開，夜晚未到6點已經有好多人排隊，一開店已經坐滿人；雖然呢到叫麵嘅價錢偏貴，但好多餸都係$12蚊內，仲送小甜品，送埋甜品真係有驚喜~___________________🍽 自選車仔麵 - 紅薯粉 + 秘制豬頸肉 + 手撕雞 + 菜心 +沙嗲湯底💰 16+12+10+8 = 46 ⭐️ 8/10✍🏻 整個車仔麵都蓋滿餸，餸嘅份量多；✍🏻 雞絲偏乾同難口，但勝在份量多，呢類雞絲比較適合撈麵；✍🏻 菜心好綠好新鮮，仲帶點清甜味；✍🏻 紅薯粉偏冧，懷疑煮太耐，如果口感彈牙就更好；✍🏻 沙嗲汁就唔夠濃，落多啲會更好。🍽 木糠布甸💰 跟車仔麵免費附送 ⭐️ 8.5/10✍🏻 呢到嘅木糠布甸唔會雪到好實好硬；✍🏻 甜度同木糠碎適中，算係唔錯嘅甜品。___________________🏠 威風百麵📍 紅磡湖光街1-7號聯盛大廈地下10B1號舖(必嘉街)⭐️ 8.5/10___________________

《威風八麵》📍 紅磡湖光街1-7號聯盛大廈地下10B1號舖呢間位於紅磡嘅車仔麵店唔單止有車仔麵食😵‍💫，食完仲有甜品送😍，成件事好貼心❤️‍🔥✨，食完咸嘢再有埋甜嘢簡直冇得頂👍🏻，價錢都好親民😻➖➖➖➖➖➖➖➖➖➖➖➖➖➖➖➖➖➖➖✨麻辣豬腩片+$12、生菜+$8、燒汁雞軟骨+$12米粉$16、麻辣汁同埋腩汁，總共$48（7/10）我個人認為呢個價錢真係物超所值😻，質量都唔差👍🏻👍🏻✨，不過我個人就覺得雞軟骨就冇乜味😵‍💫，不過麻辣豬腩片都好冧🥰，湯底都好濃✨，overall都好正👍🏻✨豬紅+$8、瑞士雞翼+$11、生菜+$8、豬大腸$12米線$16、麻辣汁同埋腩汁，總共$55（7/10）個人認為豬紅冇乜特別正正常常👍🏻，不過個瑞士雞翼超級入味😻亦都好冧推薦❗️❗️✨腸仔+$10、魚腐+$11、瑞士雞翼+$11、菜心+$8、豬大腸+12（7/10）米粉$16，腩汁，總共$68✨法式焦糖燉蛋+$5➖➖➖➖➖➖➖➖➖➖➖➖➖➖➖➖➖➖➖✨食物（7/10）✨環境（6/10）✨服務（7/10）

午餐時間，買外賣，外面大嘅有六、七個人等緊堂食，所以我非常有興趣試吓佢哋嘅麵。叫了三個麵，我的天，最驚喜唔係車仔麵。。。而係佢地嘅跟個麵會送又或者加5蚊嘅- 甜品！Crème burlee 係超高質素！香甜滑加面頭脆！椰皇奶凍好有誠意，清新甜美！好想知可唔可以單買。。。實在好好味！非常推薦！講返車仔麵，d餸好高質！我喜歡腩肉、瑞士雞翼、魚腐、牛肚，真係煮得好好食！整個外賣過程頗快、只係等咗一陣、外賣放在個袋放得好企理。

一間又平又好食的車仔麵店 甜品都食得好滋味1. 自選車仔麵 ($46) ✔️牛腩 ✔️芝士腸 ✔️溏心蛋✔️沙嗲汁 ✔️米線沙嗲湯底好香濃，牛腩夠淋，溏心蛋入口即融好好食！🌟 評分: 7/102. 自選車仔麵 ($50)✔️紅燒豬腩肉 ✔️牛腩 ✔️溏心蛋✔️沙嗲汁 ✔️米線紅燒豬腩肉炆得好入味，好肥好滑！🌟 評分: 7/103. 瑞士雞翼 ($29)好入味好大隻！🌟 評分: 7/104. 焦糖燉蛋 (跟餐價: +$10) 超好食！塊焦糖好脆，蛋味濃郁，入口好滑嘟嘟！值得一試～ 推介！👍🏻🌟 評分: 9/105. 3.6牛乳奶凍 (跟餐價: +$9) 呢間嘅甜品都好好食🤤 奶凍好滑好有奶味！🌟 評分: 8/10❤️ 味道: 7.5/10🧡 環境: 7/10💛 服務: 8/10💙 性價比: 9/10

之前結業既時候有暗暗傷心，因為曾經幾次摸門釘一直未試🥲後尾得知係原址附近再開，依然係細鋪位，假日中午時分要排隊，不過流動性好高，等一陣仔就入得😌▪️ 威風百麵（7/10）💲55豬大腸係偏瘦無咩肥膏，食落零異味，腩肉幾軟腍，唯獨係雞翼肉質較鞋口🧐冬菇就好入味，溏心蛋會保留到半熟既效果，醬油同蛋味幾香，墨魚丸、順德魚腐、時蔬正常發揮😗揀左個腩汁底米線，個人會鍾意麵條再硬身少少😎附送既甜品有好多款式，尤其係個木糠布甸確實係有誠意，忌廉層幾順滑，朱古力慕斯就普通🫣▪️ 牛腩（6/10）+ 蘿蔔（7.5/10）+ 寬條紅薯粉（6.5/10）💲12 + 8 + 16牛腩會係連埋筋位，好可惜係咬唔開😖蘿蔔幾清甜，寬粉粗厚身幾煙韌，但唔係好掛到呢種偏稀身既湯底😳🔎 整體評分（7/10）

紅磡出名多野食，不過又真係唔會冇啦啦過嚟搵野食。 睇完戲順個便食埋晚飯。車仔麵控既我見到招牌《威風百麵$55》乜都有仲送甜品，岩哂有選擇困難既我！ 有8個餸，樣樣不過不失。最中意係溏心蛋，腩肉就略嫌柴皮，可以再肥啲。附送辣菜脯任加。夠曬辣，食到同行友人係咁filifele，但又不停加！ 甜品選擇多，必食《焦糖燉蛋 跟餐+$5》，要多個《椰皇奶凍》。 燉蛋質素拍得住大型品牌PL, 即燒即食冇得頂！奶凍都唔差。Overall，呢個價錢絕對值得一試。

之前成日排晒隊，今次見佢無咩人就試下先。今次試左佢嘅瑞士汁雞翼水餃腩肉拉麵，原先係想食薯粉但賣晒，所以就叫左佢嘅上海拉麵。聽聞佢地出色嘅係佢地嘅甜品，我就選左個芒果布甸。甜品就送完即止。由於係叫外賣，所以佢個湯係分開上，個湯係豬骨湯就底，都好甜，撈埋落個麵到就更甜，因為揀左瑞士汁底嘅關係。所以甜上加甜。可能下次就要加埋佢個辣汁先會平衡番。汁料最多選擇兩款，多過兩款就要加錢。第一次都算有點驚喜，都可以再食。不過都會選擇叫外賣，皆因佢個鋪唔大，比較密集，有點迫嘅感覺。而且飲品都係得罐裝飲品揀，要加錢的。手調嘅檸茶檸水類別就免問了。大家要叫外賣暫時都要親身到鋪呀！佢地個電話原來未得，所以未可以打佢落order.

第一次食，叫咗自選5餸➡️豬紅、豬大腸、金錢肚、蘿蔔、牛柏葉（幼麵配腩汁）份量正常，無諗過有菜送👍🏻仲有甜品送，感覺良好🤭幼麵索左啲腩汁，一齊食好正。蘿蔔size一口一淡，夠琳夠入味👍🏻金錢肚和豬大腸都好入味，唔錯！牛柏葉切到正常寬度，食落口感非常好，唔會un 雖然第一次食呢間，正體味道正常，會再試佢其他餸😊

新店比舊店大左又光亮左, 但坐位依然迫迫地。週末去食晚餐, 門外都有人排隊, 大概等左十幾分鐘就可以入去🤭坐左係麵檔隔離個位, 可以睇到到底有幾忙。除左堂食仲有外賣, 一張接一張單, 麵檔忙到停唔到手😬原本係想食薯粉, 但售完只好改要米線。溏心蛋肉燥手撕雞伴麵 $48手撕雞多到成碗麵都係, 肉質少少乾。配料有肉燥花生紅蘿蔔絲🥕同青瓜絲🥒撈埋一齊食, 大大碗不過不失。麻辣手撕雞撈米線 $48QR Code自助點餐唔知點解呢碗有生菜同菜心免費揀唔洗加錢🥬所以就揀晒兩款菜份量好多。呢碗既味道同肉燥手撕雞伴麵有D似, 係多左辣味🌶️同埋冇以前舊店咁濃味, 味道偏淡。肉燥紅燒豬腩肉便當 $42紅燒豬腩肉好入味, 送飯一流🍚便當份量亦好大份, 真係會食唔晒。肉燥就唔似台式, 比較多汁同結身😳最後每個餐都會送一個甜品, 揀左兩個木糠布甸同一個牛奶椰汁奶凍🍮不得不說佢地既甜品一流, 木糠布甸細細杯都有兩層, 餅碎同淡忌廉層層交替, 口感豐富👍🏼而牛奶椰汁奶凍既椰汁味好濃🥥牛奶香滑, 又唔會太甜。

請你們qr 下單後可接駁付款，現在你們下單後，需現場付款才開始準備，之後再等20分鐘，那我提早下單有何作用呢？以前舊鋪已開始幫趁，下單情況比現在好得多，付款立即可取外賣！這是趕客不會有下次啊

曾經介紹過舊舖 知道佢哋結束營業好傷心 原來剛剛搬咗去前少少既舖位 位置多左 除咗多款車仔麵食選擇 亦新增左飯類 三餸車仔麵 $46+$6 自製酸梅湯餸揀咗豬紅、溏心蛋、紅燒豬腩肉醬汁揀左沙嗲汁 湯底香濃 不會太油膩 紅燒肉炆得入味 車仔麵比較少見既餸 溏心蛋必吃！同行揀咗嘅咖喱同麻辣醬汁 都非常惹味 酸梅湯有啲似黑加侖子汁 酸酸甜甜 好開胃 😇重點係四十幾蚊碗仲送埋甜品 當日有大概五六款甜品選擇 揀咗椰皇布甸同焦糖燉蛋（+$5) 我次次嚟都係食焦糖燉蛋 焦糖面好脆 燉蛋好creamy 甜甜之選🤭係百吃不厭嘅車仔麵舖頭(˶‾᷄ ⁻̫ ‾᷅˵)🍽️ 威風百麵 #紅磡sis📍 紅磡湖光街1-7號聯盛大廈地下10B1號舖🚆 黃埔站B出口，步行約3分鐘

重新開幕去試一次， 整體食物質素和以前差不多， 都係重口味。 今日堂食冷氣唔太足夠， 天氣還未熱入咗去坐， 之後係咁出汗，希望之後冷氣會勁啲。 食品質素都係好。 好入味。 湯底好味飲咗好多。 但係就鹹咗一啲， 減返一啲鹹就好啲。 鹽酥雞都脆口， 滷肉也是鹹了一點。 未夠六點就有位可以坐，之後就好多人要等位。 又有好多人買外賣，要排好耐隊先至有。 畀啲心機等。 附送甜品有四個選擇不用加錢， 今次食咗椰皇椰汁糕，好有椰皇椰汁味。 椰皇糕硬咗啲。 兩個餐106蚊都ok。

見證威風由舊舖搬新舖，真係好感動！而家多左好多位堂食。搬左舖後除左車仔麵，重多左飯可以揀！送既選擇都唔少。湯底香濃，送係用心製作！嗌有手指公既都唔會失望。$48三送車仔麵重送甜品，真係超抵。紅磡區除左蒙麵又多個選擇！

區內價錢合理，好味又企理既車仔麵真係唔多，自上年年尾威風百麵結業後，真係食少左車仔麵。喺街坊群組，見到威風百麵重開，實在太好喇！襯今日假期又第一日開業，即刻落去幫襯！第一日開已經好多人，新舖同舊舖差一個路口，環境好左，舖面又闊落左，坐得舒服好多。無論份量、味道、價錢都同以前相近。坊間車仔麵多數都只有米粉油麵之類，白麵上海麵唔係間間有，最喜歡呢度既拉麵，軟硬度啱啱好，保持到煙靭口感。食完仲有甜品送💛