媽咪雞蛋仔

营业中

休息中

見呢間媽咪雞蛋仔都好出名，今次就試試佢先。🍌香蕉雞蛋仔拎上手熱辣辣，好脆卜卜但係嫌香蕉味唔夠濃郁，可能去到中間嘅位比較濃郁，蛋香也不夠重。呢個價錢預計會再高質素啲💪🏻

原味格仔餅🧇： $23因為即叫即烤，要等5-10分鐘，今日lunch time 就多人少少 。格仔餅厚度很厚而紮實但不乾，飽肚感十足，口感煙韌濕潤，花生醬和砂糖份量適中，趁熱食的時候還有粒粒砂糖脆卜卜的口感。我見還有很多款口味，下次再試🍵🍫🥜

話說有一次喺1:40pm中環街市依間媽咪雞蛋仔買咗一份原味嘅格仔餅識落嗰刻唔脆，好似蛋糕咁因為我係拎住一路行一路食冇理由新鮮食都會似蛋糕咁我就社交平台inbox message佢哋嘅客服客服係即時回覆並且好詳細咁了解我個情況亦都有問到分店嘅職員之後同我講話佢哋嘅格仔餅係好脆既可以補返一件俾我希望我再試多一次俾多一次食評佢我覺得個客服態度好好首先，我冇批評格仔餅嘅成份我只係表達話會唔會同我對格仔餅本身嘅想法有出入因為我諗住食嗰個格仔餅會好脆或者可能你間舖頭係想個格仔餅個口感似蛋糕咁客服就話唔係，係應該好脆所以佢想我再試多次於是隔咗三日，我再去中環街市嘅舖頭店員就知道我個情況同我解釋可能當日客人比較多所以對住格仔餅吹風嘅時間唔夠就會有蛋糕咁嘅情況佢話希望今次補返嘅格仔餅係平時嘅出品的確再次食，真係好食好多而且亦都主動問你要唔要飲品可以送俾我但我最後冇要因為我真係好鍾意食格仔餅🧇有得食就滿足今次去食又脆，又多醬料真係好食好多希望媽咪雞蛋仔，保持到個出品🤩

雞蛋仔是一種香港傳統小食，用簡單的食材變成外型像小球形蛋糕。充滿童真的我，有時不想吃正餐，就用雞蛋仔當一餐。-HK$45雙重芝士雞蛋仔～表面有著金黃色的脆外皮，內𥚃鬆軟。每口也充滿鹹香的芝士，真香口-HK$28鹹檸七～近來我好熱氣，配杯濃郁的鹹檸七降火。-現在的雞蛋仔已經不再只有原味，還有鹹/甜口味的選擇。例如朱古力、抹茶紅豆、芝士口味、麻辣肉鬆等等。格仔餅也有8款口味那麼多。還有多款飲品任君選擇，怪不得當天買雞蛋仔也排長龍😆-喺中環街市買完mama雞蛋仔，可以坐喺中環碼頭，一邊欣賞香港維港一邊吃著美雞蛋仔，真是舒服

下午時段，途經中環街市，見有個food court 層有不少小食店舖，發現其中有一間賣雞蛋仔，心想都好耐沒有食過雞蛋仔就去排隊選購。🧐🧐去到櫃檯，發現有十幾種口味，心諗雞蛋仔整咁多不同口味真係有客食咁多味？於是就叫了個肉鬆雞蛋仔、紅豆冰和白牛。個店員在我買完後，才告訴我要等20分鐘，真是過份，你一係在購買前跟我說現時太多order，如果要落單，需要等候20分鐘，等客人自己選擇是否等候，而不是付費後才跟客人講要等20分鐘。😡😡呆等了20分鐘後，終於取得食物，可惜聞名不如見面，還是街邊普通雞蛋仔香脆可好，個雞蛋仔根本吃不出有何特別，除了貴和等候時間長外，還有個外賣手提袋比雞皮紙袋美觀很多。😤😤此外個紅豆冰是打溶晒，沒有食紅豆冰口感，個白牛就更加失望，雪糕唔好食之餘個7起底唔夠氣，簡直令我非常失望。完全破壞晒3款懷舊食物的原有味道。😣😣

市面有好多唔同嘅雞蛋仔店，但係媽咪雞蛋仔係我嘅最愛!除咗每次都即叫即整熱辣辣之外，仲要有好多種口味，食左好多次都仲未食完唔同嘅口味，今次叫左原味加肉鬆都只係$30,而且呎家分店嘅職員好有禮貌，只係等左5至6分鐘就有得食，真係又快又抵食，係做下午茶嘅首選!👍🏻

其實"中環街市"真心幾好行，間唔時門口有busking，又有好多特色小店，文青至啱！(即係我😎😎🤣)中環街巿上二樓有個"中環食街"，入面好多野食！最長龍店就係"媽咪雞蛋仔"！可能始終"中環街市"都係一個旅遊景點，而雞蛋仔絕對係香港特色小食，好多遊客幫襯。咁佢又老實說係幾好食既！雖然佢真係好鬼長龍！但都排下😋order完都要等，都等左15至18分鐘。買完可以向右行入少少，會有張長枱同椅俾你坐低食。🔸️伯爵茶朱古力雞蛋仔佢既伯爵茶雞蛋仔真心推介，好香好食！一拎起已經聞到陣陣伯爵茶香味，入口都食到好濃嘅伯爵茶香！加埋溶左既朱古力粒係入面，勁好味！記得趁熱食！係最脆最好味！🔸️凍檸檬蘆薈蜜見佢係限定既"世一盛夏特飲"，幾好飲既都。下次試其他飲品。

好耐無食過鷄蛋仔，禁岩經過中環街市心血來潮就去左買【媽咪雞蛋仔】。平時食開甜味多，今次就試下佢地既鹹味。不過周末人流比較多同即叫即整，所以都需要等大概15分鐘。 雙重芝士雞蛋仔：微甜既雞蛋仔粉漿搭配鹹香既芝士，鹹鹹甜甜好正。而且外層非常鬆脆但入面好軟綿。因爲特製手抽紙袋有D洞洞，可以防止雞蛋仔變軟變濕，就算放耐左都仲係好脆。 蜂蜜檸檬蘆薈：因爲天氣比較熱，所以叫左杯比較清爽既飲品。酸酸甜甜，蘆薈味清新，好解渴。

在繁忙的中環，找到一家獨特的小食店總是一個令人興奮的時刻。最近，我有幸發現了一家以雞蛋仔為特色的小食「媽咪雞蛋仔」，它以其獨特的口味吸引了我的注意。雞蛋仔小食店位於熱鬧的中環街市，店面小巧可愛。今天我惠顧了以下食品：鳳凰卷雞蛋仔 $45這是一款以特色鳳凰卷餡料製成的雞蛋仔，雞蛋仔烤得金黃酥脆，外層酥脆的口感和內裡鬆軟的肉鬆紫菜完美結合，不僅香氣撲鼻，而且還散發著淡淡的奶香味。小店還提供了多種口味的雞蛋仔，包括原味、朱古力、肉鬆等等。每一種口味都有其獨特的魅力，讓人愛不釋手。熱柚子蜂蜜 $22柚子蜂蜜味道清甜，帶濃郁柚子香味，清新滋潤。總的來說，這家雞蛋仔小食店的雞蛋仔美味可口，如果你想要品嚐一種經典又新鮮的小吃，我強烈推薦你來這家雞蛋仔小食店。不要猶豫，趕快來這家雞蛋仔小食店探索你的味蕾吧！

女女話好耐無食過✨媽咪雞蛋仔✨，帶她去中環街市食。去到好多人要排隊，之後要等大約15分鐘，好受歡迎。🌟黃金雞蛋仔鹹蛋黃好香，雞蛋仔即叫即製，夠曬熱辣辣脆卜卜，一定要趁熱食。🥤奶茶黑糖珠雞蛋仔配飲品，有減4蚊優惠👍奶茶茶味同奶味好平衡，唔會太甜，入面嘅珠珠同平時嘅珍珠唔同，係蒟蒻幾爽口。📍中環皇后大道中93號及德輔道中80號中環街市2樓242B舖 #媽咪雞蛋仔 #mammypancakehk #雞蛋仔 

試一試咁多分店既雞蛋仔，口味選擇多🤓 有鹹有甜任君選擇🙈 見到黑芝麻味同雙重芝士都係推薦，掙扎左陣，決定試下芝士味幾濃🤤🤤🤤.🔸雙重芝士雞蛋仔本身以為芝士味會好鹹，點知佢鹹得黎又帶少少甜味～ 完全唔會得個鹹字而覺得唔係食緊雞蛋仔😛 雞蛋仔口感軟糯，但外皮係脆既，做到外脆內軟感覺，咁多人食果然係有原因🤫.🔸抹茶牛乳紅豆熱辣辣緊係要叫返杯野飲😆 抹茶幾濃，紅豆唔會浸太多糖水而甜得滯～ 唔錯😉

Lunch time唔想食粥粉麵飯，於是去咗中環街市買嘢食，行過媽咪雞蛋仔，見好耐冇食過，買返底食吓先～ ▪️鳳凰卷雞蛋仔媽咪雞蛋仔有好多唔同味，有咸有甜，選擇困難症人士都揀咗一陣先揀到要咩味😂 最後揀咗鳳凰卷味，餡料有紫菜、肉鬆同芝麻，食落真係好似食緊鳳凰卷，還原度好高。唯一唔同就係雞蛋仔食落外脆內軟，口感更加豐富▪️抹茶牛乳紅豆🍵🥛🫘飲落唔太甜，抹茶味都出，而且入面都幾多紅豆媽咪雞蛋仔📍中環皇后大道中93號中環街市2樓242B號舖

雞蛋仔由細食到大，呢間媽咪雞蛋仔好出名，好多不同口味雞蛋仔有原味、抹茶、抹茶紅豆、清香檸檬、雙重芝士、香蕉朱古力、咖啡、伯爵茶、媽咪朱古力、芝麻肉鬆等等🫘抹茶紅豆💰$36平時食親都係朱古力，今次試下抹茶配紅豆，味道無咁甜，抹茶用上日本丸久小山園，味道更香，配紅豆當然好夾，好多紅豆🍵Matcha Latte💰$26食完抹茶紅豆，飲埋抹茶牛奶，呢個一樣唔太甜，幾啱我🚩媽咪雞蛋仔 (銅鑼灣) @mammypancake.hk 📍中環皇后大道中93號中環街市2樓242B號舖

平時lunch都中意去中環街市食下野、行下街，有時仲會買份媽咪雞蛋仔拎返公司同同事分享～款款口味我都吸引，但自己就偏好抹茶味～12.30pm已經好多人排隊買～等咗15分鐘左右～熱辣即製嘅雞蛋仔就送到手上啦！今次仲嗌多咗杯凍杯消消暑～雞蛋仔有成19款、格仔餅都有4款，而飲品都有成20款選擇！成日mix & match都得呀～《 抹茶紅豆 💲36 》外脆內軟，摵開每粒都有紅豆餡～香甜不膩～《 士多啤梨果茶 💲28 》呢杯唔會藥水味～淡淡哋唔會好甜幾岩大眾口味～ 下次再試其他味先！

返返下工口痕想食雞蛋仔，lunch落左中環街市買左媽咪雞蛋仔~ 又想食甜又想食鹹味，諗諗吓lunch 都係食鹹味啱feel d, 所以最終揀左鳳凰卷味😆食落真係有d似食緊澳門手信嘅鳳凰卷咁，唯一唔同就係雞蛋仔質地比較軟糯d，咬開中間，橫切面好清楚見到有紫菜、肉鬆同芝麻，睇見都好治癒😍分左幾粒俾同事當下午茶食，焗返熱佢一樣咁滋味🤤另外我仲叫左杯抹茶牛乳紅豆，見住佢落一杯匙紅豆蓉，夠晒足料😻口感幾香滑，抹茶味亦好出，重點係夏天飲杯凍野真係好爽🥰