媽咪雞蛋仔 (已搬遷) 新店位置

之前喺深水埗食過粒粒朱古力雞蛋仔 覺得好脆好好食😋 所以今日‘食過翻尋味’ 喺旺角買咖啡雞蛋仔 點知😭中左大伏😭雞蛋仔賣25蚊一底 價錢都幾進取 以為攞左米芝連就質素好好？諗多左啦雞蛋仔係脆嘅 不過零蛋香味+零咖啡味 味道令人失望 我真係唔知食緊乜嘢 咖啡雞蛋仔走咖啡走雞蛋 真係創意無限😉🤙🏻 早知交$25家用俾媽咪就算🤪媽咪雞蛋仔？不了😘

粒粒朱古力雞蛋仔 $25次次經過旺角媽咪雞蛋仔都會見好多人排隊買 所以平時都係直接走人🙈但係今次終於試到啦～一拎到手係熱辣辣嘅🔥食落外脆內軟 好香好好味😋仲要幾乎粒粒都會食到朱古力🍫雖然等待嘅時間係有啲長但都覺得值嘅👍🏻不過聽唔少食過嘅人話以前仲好食點解我以前冇食過😭

聽聞香蕉朱古力雞蛋仔有驚喜所以特別買來試吓，基本上個雞蛋仔面唔一樣只是加了香蕉蓉和朱古力粒，食落味道也是可以想像的。不過不失但沒有很大驚喜，香蕉味是有的，配上粒粒朱古力，味度點都唔會差得去邊

講到香港街頭小食，雞蛋仔可說是街知巷聞。呢家的雞蛋仔獲米之連推介的，所以每家分店都大排長龍，畢竟雞蛋仔一定要即叫即做才美味。今次跟友人試了鹹蛋黃味及綠茶紅豆味，一甜一鹹的。等了大概十多分鐘終於到手了，熱辣辣的，已經急不及待要撕開搶先食一粒。雞蛋仔外面燒得香脆，和裡面軟糯的餡成強烈對比，但又美味的融合了，很香蛋味！綠茶有黠回甘味，紅豆份量都算多，而且幾大粒。鹹蛋黃味都幾特別，因為是第一次食鹹味雞蛋仔，濃濃的鹹香味，想不到鹹味雞蛋仔也不錯。

Bought a cheap e-voucher online so I could finally try this popular egg waffle😆 It’s crunchy on the outside but not TOO crunchy that would hurt your mouth. 👍🏻 The chocolate chip‘s so great while hot 🤤 I came pretty early (around 1pm) so there’s no queue. But since it’s freshly made, so I waited for about 5 minutes. I think it’s worth its price, but I may not come again if there’s no promotion. Wanted to try other flavours though 🤤

好耐無經過廣華醫院呢邊，難得經過，心癢癢好想食呢邊有名既媽咪雞蛋仔。呢間舖是即叫即整，我叫了一份抹茶紅豆雞蛋仔，抹茶味濃郁，而且粒粒紅豆唔算好甜，這種配搭非常好！店家真材實料，每粒雞蛋仔裡面都有粒粒紅豆Tim 架！去開個邊真是要叫一份慢慢嘆！

今次毛仔去試一間玩fusion玩到拎咗米芝蓮，由紅磡發跡，開到依家有十幾間分店嘅媽咪雞蛋仔。呢間雞蛋仔除咗有傳統嘅原味之外，仲有栗子、朱古力、抹茶、白芝麻同香蕉等等嘅大路口味。毛仔一向都係個比較傳統的人，食雞蛋仔始終偏好原味。但今次一場嚟到，就揀咗個最大路嘅粒粒朱古力雞蛋仔試試味。粒朱古力雞蛋仔（$25）雞蛋仔即叫即整，等咗10-15分鐘就有。拎上手微熱，唔算辣手。外形方面尚算完整飽滿，正常金黃色偏啡，而唔係全粒深啡色。食落夠鬆脆，唔會太硬而𠝹口。空心位佔一半左右，比例算均勻，都做到外脆內軟，略嫌餅底唔夠熱。雞蛋仔甜度適中，朱古力味唔算太濃但可接受，始終用嘅係朱古力粒，而唔係用朱古力溝蛋漿，所以做唔到全粒都係朱古力，更莫講要流心效果。蛋香味唔算好濃，但又未至於得麵粉味。賣相：7/10口感：7/10味道：6/10價錢：6/10［完~~~~~~］

好耐之前未賣到咁貴個陣已經食過幾次嫁喇但每次黎食都好高水準因為每次都即叫即整 拎上手仲係熱辣辣 新鮮出爐即使佢拎上手仲有啲熱 但佢每粒食落去都係外面係脆口而入而係鬆軟 而且係每次都係咁好食依家好似愈食愈貴🤣🤣每次經過都會脆到唔少排隊 即使貴左佢都依舊咁多捧場客 原味雞蛋仔原味佢係比其他個啲舖頭貴少少嘅 但都係相差啲啲 原味正正常常 都係脆身 都蛋香味 但唔係好出嘅蛋香味粒粒朱古力雞蛋仔 每粒都有啲半溶嘅朱古力好正 又唔會好甜 仲有都好脆下

鹽燒紫菜粟米雞蛋仔無咩驚喜～大家都知媽咪雞蛋仔算係香港比較貴既雞蛋仔，成30幾蚊，我係呢間店既常客，最鍾意既應該係紫薯雞蛋仔，不過點講都好，先評價食完係咩感覺，錯既應該唔係媽咪雞蛋仔，係我自身既理解問題，如果論料比得足唔足的話，滿分5分我比5分，因為我食呢款雞蛋仔都係因為好多味都仲未試過，總要有第一次，我相信好多人都想知道其他味道，有機會我會再分享俾大家，繼續講先，呢個鹽燒紫菜粟米雞蛋仔，雞蛋仔既蛋味毫無疑問比其他嘢蓋過左（雖然其他非傳統款式都有呢個情況），其外就係感覺到粟米味，同埋少少鹹既紫菜味道所以總括而言⋯⋯媽咪雞蛋仔整既嘢都一般同名字描述好接近，如果你想試下呢隻味，首先問自己係唔係喜歡粟米同紫菜先啦，我都係比較鍾意紫薯味，甘甜柔軟度非常好！

連續4年得到認証推薦令到香港既本土美食衝出世界,2016年第一次拎到街頭小食推介既名譽其招牌雞蛋仔已經創新出多款特色口味另外格仔餅都係好出色既雞蛋仔有原味,粒粒朱古力,白芝麻,肉鬆,抹茶,咸蛋黃,香蕉朱古力,咖啡芝士 紫菜 肉鬆 格仔餅有原味,咖啡,抹茶口味雞蛋仔$20起最貴一款$35不定期推出限定口味,今期有紫著口味與墨汁口味雞蛋仔我就推介食原味,脆身香甜格仔餅就視乎個人喜好,金沙朱古力與原味都係大推薦之選追加雪糕一球$20另一種食法~有鮮檸檬水與檸茶選擇 $20一款,連埋一起買有優惠減$4遊客可以用KLOOK預先訂購,$35起所有訂單都係大約等侯10分鐘左右,因為全部即時製作保証最好拿上手仍然是熱的格仔餅外脆內軟,有花生,牛油,糖食起來三重滋味,但要小心醬汁弄髒衣服

由細細個開始一直都很喜歡吃雞蛋仔及格仔餅，以前的雞蛋仔還是手推車，到現在這些已經絕跡。媽咪雞蛋仔一直都做得不錯，以多種口味的雞蛋仔作為賣點，最喜歡的兩個口味是粒粒朱古力雞蛋仔及原味雞蛋仔，由以前紅磡的舊店只有三種口味，到現在有多過十種的口味，價錢也加了很多，但沒有變的，都要排隊等好耐，不經不覺，原來現在開了十幾間分店！這間分店的雞蛋仔質素有點參差，有時個蛋漿做得很好及焗得剛剛好，外脆內軟，雞蛋仔裏面一半空一半餡，餡的部份煙韌，甜度亦剛剛好，而且有蛋香！但可惜有時候嗰皮會覺得唔夠脆，個皮會腍。

媽咪雞蛋仔實在太出名太多人排 一直都好想試 終於等到有一日lunch time時間冇乜人排隊！！！！本身自己鐘意抹茶 又想食下甜野 就決定食抹茶朱古力雞蛋仔 即叫即整 所以都要等大約10分鐘雞蛋仔睇落都見倒好脆 粒粒都有餡啦當然 但係…………食落覺得抹茶味唔係好出 只有好淡既茶味 完全比朱古力蓋住左個味…………本身好期待抹茶味會好濃><下次都係試番剩抹茶味／其他特別口味先！

回家途中路過媽咪雞蛋仔，心絲絲又想食返一底。呢間舖個位都算死死地位，但係平時都見好多人排隊，睇來大家都好識搵食上次在同一間舖試左抺茶朱古力味🍫，真係回味無窮呀！又有濃郁的抺茶味、又有香滑的朱古力味不過今次試下第二款口味先。由於鐘情抺茶，於是叫左個「抺茶紅豆味」。星期一晚唔算太多人，等左十分鐘就有了。熱辣辣，即叫即整，好大一底，勁多紅豆，都唔錯嘅，外脆內軟，不過個人鐘意食甜d，覺得紅豆唔多夠甜。下次要再食返抺茶朱古力先得！

原本黎旺角食飯，但見又未夠鐘就去買d野食下。行行下見到媽咪雞蛋仔，好耐無食過了，之前食都係紅磡，估唔到依家連旺角都有。好多人排緊隊買同埋等拎。我買左朱古力味，一拎起已經覺得好香，食落又好飽滿，入面係唔會空心既。啖啖都有朱古力，真係愈食愈想食。記得最初係紅磡食既時候仲係十約蚊一底， 依家已經去到要$25。不過水準仲keep到，所以我都唔介意佢加左價。

放學見有啲肚餓 有見到媽咪雞蛋仔冇乜人排隊 見佢d雞蛋仔都幾有特色，而且又幾多選擇 於是我就決定一於去買一底來試下喇選擇好多元化 出嘅味道越來越多 但價錢上有啲偏貴 食一兩次就已經覺得OK囉 我每次去食都見到佢似加左少少 而且每一間分店嘅雞蛋仔嘅成品都有啲唔同今次我就食咗粒粒朱古力雞蛋仔 新鮮出爐 朱古力粒平均分布喺每一粒雞蛋仔度 咬落去脆口 入面軟綿綿 仲見到啲朱古力係半溶狀態 蛋香味夠 朱古力粒都頗多 食落又唔會過分地甜 整體唔錯