媽咪雞蛋仔

营业中

休息中

雞蛋仔就係即興想食嘅野！隨心諗起或者經過見到未飽到食唔落都會想買。最緊要就係有幾個朋友都鐘意食下，咁就可以食多款啦！本人由細到大其實都係鐘意食夾餅而家姐就食雞蛋仔，所以一定次次一人叫一樣。今次都係咁樣回，令我回味一下童年。我地叫左一底朱古力味雞蛋仔、一底原味夾餅。唔知點解個包裝會變左有啲似買西餅咁，可能係方便拎住食？但個人覺得用番以前啡色個隻紙袋都夠好似環保啲（其實我唔識野🤣）仲有用番個隻袋好似懷舊啲。講番口感味道。果然名不虛傳！雞蛋仔外皮夠脆不太厚說咬落個心，軟軟的！夾餅也是我心中所想的！夠曬醬、個餅又唔會粉。好好味呀！但食完我都唔洗食晚飯了😂

年尾要清下啲網上積分，咁啱見到媽咪雞蛋仔嘅優惠券，可以用$20換$25嘅優惠券，比平時買平咗$5！☃️一去到就咁show QR code就得，好方便！所有雞蛋仔都係即叫即整，等咗5-10分鐘左右就攞得😋呢款粒粒朱古力味啱啱好$25 ，味道好濃郁，新鮮出爐熱辣辣，融化咗朱古力超級惹味🤤可惜天氣凍雞蛋仔凍得好快😕趁熱食更暖心！

食完午餐唔夠飽, 好想食啲小食, 本身想食伯爵茶朱古力粒雞蛋仔, 但係又怕太甜太漏, 所以最後叫咗伯爵茶雞蛋仔...好犀利嘅係每一粒都外脆內軟, 不過外皮就比較厚身硬淨, 裏面軟身嘅部份相對比較少, 伯爵茶味好濃, 唔會好假, 相信加朱古力粒會更好食佢嘅紙盒包裝都幾靚好實淨, 仲有好多窿窿透氣, 令雞蛋仔唔會變淋奶茶沙冰有啲驚喜, 雖然係有啲甜, 但係茶味都算濃, 即係佢個茶底都幾好...奶茶沙冰已經叫咗少甜, 但都係偏甜, 但非常大杯, 都幾抵飲

第三次幫襯呢間，之前買過雞蛋仔、夾餅同凍飲，都好味嘅，所以先再買，見佢收錢同整嘢食分開，企理衛生，話哂宜家疫情嘛。今次食原味格仔餅，前面有幾個人買咗，等咗兩三個字，終於到手，即刻拎返屋企食。奇怪，花生醬多到成個紙袋都係，上兩次都唔係咁。小事啦，問題係咬落去，慢慢咀嚼，居然傳黎淡淡苦味。燶到咁！唔怪得咁多醬啦，可能想遮住唔覺掛。其實等係冇問題，即叫即做。同我講燶咗，要再整過份，要我再等都冇問題。但咁嘅成品都俾人食，就太冇良心！

行過黃埔經過媽咪雞蛋仔 呢間一向都係信心嘅保證放工時間咁岩好肚餓 沿路聞到雞蛋仔勁香 想食啲野就選了呢間個餐牌種類繁 實在太多口味 好唔容易先揀到兩款口味揀咗芝士雞蛋仔同馬介休雞蛋仔去加兩杯飲品芝士雞蛋仔-雞蛋仔勁香勁熱辣辣 即叫即整 芝士味勁香勁濃 個浸芝士香味香到一個點 份量都唔小 基本上每一啖都食到好香好濃嘅芝士味 而且個雞蛋仔變到好香脆 馬介休雞蛋仔-呢個係新出既口味 唔使講一定要試試佢 果然無令人失望 馬介休味香到不得了 勁特別 雞蛋仔入面唔係空心的 食完都飽啦飽地唔使食晚餐 好足料 益力多沙冰-大熱天時飲呢個好fresh 非常透口涼 又唔會好甜 夏天必飲呀宇治抺茶紅豆牛乳沙冰-呢個沙冰超香超滑 好濃抺茶味 抹茶味超濃

呢間媽咪雞蛋仔勁trendy我地平時都系食原味 今次試粒粒朱古力🍫雞蛋仔 10分呀完全系 每一粒都有滿滿朱古力🍫 新包裝仲要好方便 好似手袋👜可以穿住 我就直接比朱豬🐷拎住夠曬方便唔會咁容易跌 🛍🛍嚟多杯醒神鮮榨檸檬茶🧊🍋☕️都系好貼心地有埋掛杯嗰條帶🥤🥤咁就可以穿喺bb車 唔洗拎住 😛😛

呢間雞蛋仔想試好耐，想知道佢由舊鋪搬咗新鋪都未到！今日記得冇乜人排隊，終於的起心肝試吓。估唔到又真係幾好食喎，今次我就叫咗伯爵茶朱古力雞蛋仔，佢哋即叫即整嘅大概等咗7至8分鐘就有啦。啱啱出爐雞蛋仔， 同整定嘅真係差好遠，外皮香脆，中間有濕潤，好耐都冇食過咁好食嘅雞蛋仔啦。至於佢哋嘅味道方面，我就覺得伯爵茶同雞蛋仔非常之夾，配搭埋佢哋嘅招牌粒粒朱古力，但係朱古力嘅味道之餘又唔會蓋過左伯爵茶本身嘅獨特香氣！我大力推薦呢間雞蛋仔，原來上網一search就發現好多度地方都有，都唔使刻意話去到呢邊食，而且佢其他分店嘅位置都幾就腳，下次再經過唔同分店可以再試下其他味道！

行行下街最岩就搵d小食食下媽咪雞蛋仔都好多年架啦，以前係紅磡讀書都會趁有小休黎買返底雞蛋仔。最近又搬左新舖，當然要黎買返底雞蛋仔食下，回味下。家下愈出愈多款雞蛋仔，款款口味又唔同，花多眼亂。每隻味都好得意，想食傳統既味又有，甜既味又有，連咸既味都有，總有一款滿足到你。今日買左底香蕉朱古力雞蛋仔，見到加$20仲有埋兩個雪糕球，所以就加埋雪糕了。雪糕有雲尼拿味或朱古力味。雞蛋仔即叫即製，其實唔洗好耐，我已經有得拎啦。嘩好靚呀，雞蛋仔配埋兩個雪糕球，呢個甜品好正好豐盛好滿足呀。雲拿尼雪糕好好味，好creamy又香濃，牛奶味仲好重架。而雞蛋仔熱辣辣。即叫即整，點會唔好食呢。好滋味呀。雞蛋仔外皮脆脆，中間咬開會見到有朱古力粒同香蕉粒，好正。由於係成底雞蛋仔夾住雪糕球，當食下食下雪糕會融到雞蛋仔度，之後食食下雞蛋仔都會同埋蛋糕一齊食。雖然係食得狼狽少少，但味道一流。好彩呢間點對出仲有好多椅子，我可以慢慢食完先行。除了叫左雞蛋仔，我仲點左杯鮮榨檸檬水，酸酸地好開胃呀，好正呢，大滿足。

由學生時代去開紅館聽concert之前一定會食返底媽咪雞蛋仔，睇住佢搬去民泰街之後再搬去船澳街，我依然離不開媽咪雞蛋仔的魅力~~到左而家，佢出左超多味嘅雞蛋仔同格仔餅，進化到可以加兩球大雪糕，真係不得了！！今日試左伯爵茶朱古力雞蛋仔加雲尼拿雪糕，仲叫左杯鮮榨檸檬汁~個雪糕雞蛋仔一出泥係勁吸睛，好多人都望住，因為都真係幾吸引食完再飲杯檸檬汁係超fresh同埋解膩！夏天叫呢個配搭真係唔錯😍下次試下咸味雞蛋仔先

仔仔又要我去買《媽咪雞蛋仔》比佢食！問佢究竟有咩咁吸引佢，佢咁答：「個雞蛋仔好脆卜卜架，裡面係軟淋淋，好好味架！有佢最鐘意嘅芝士味同朱古力味」所以叫左香蕉🍌朱古力🍫味&檸檬芝士味！估唔到檸檬芝士好鬼fresh夾埋芝士原來又幾合襯喎,值得推介！香蕉朱古力絕對係小朋友最愛！仲有叫左朱古力沙冰都係仔至愛🥤因為實在每啖都有粒粒朱古力碎，教人點會不愛😝我就試抺茶牛乳紅豆，滑滑嘅抺茶牛乳加有得咬下嘅紅豆，實在好夾！

黃埔間媽咪雞蛋仔搬左去隔幾條街既新鋪之後都未幫襯過，呢日放工後好肚餓就去買小食醫下肚😚離遠見到佢鮮藍色既裝修，比起以前搶眼好多，就連食物既包裝紙袋都轉埋加左個手挽位，飲品亦都多左個手挽紙杯套，攞起上黎方便左▪️伯爵茶朱古力雞蛋仔 + 雪糕 💲30 + 20之前食過伯爵茶味已經覺得一試難忘，陣佛手柑味好令我滿意，今次食呢個配埋朱古力既😎咬開會見到真係有一半係伯爵茶，另一半係平時粒粒朱古力既熱融朱古力粒，媽咪雞蛋仔口感一向外脆內軟無得輸，味道唔會得伯爵茶咁單調，又成功平衡到平時朱古力既甜，兩者相輔相承估唔到幾夾😍另外仲加左雪糕球，有得揀雲呢拿或者朱古力味🥜兩個朱古力雪糕球既味道好香，仲有朱古力粒係入面，面頭再灑滿花生粒同埋熱熔朱古力醬，而且食到最尾雪糕同埋醬都出色地無整淋到啲雞蛋仔🍨食完呢個基本上係飽到唔駛食晚飯，其實兩三個人分都真係仲得，唯獨係疫情下係街食既時候帶點狼狽，希望疫情可以快啲過去唔駛再戴口罩😷▪特濃朱古力沙冰（7.5/10）💲33；跟雞蛋仔或格仔餅 -4仲記得舊鋪既時候飲品選擇唔多，係港式奶茶同埋檸檬茶為主，發現依家款式多到不行😱呢杯絕對有驚喜，朱古力味真係超級濃郁，入面有朱古

一到周末特別想食下午茶，就去屋企附近「媽咪雞蛋仔」 買雞蛋仔及飲品，佢哋嘅雞蛋仔，有好多唔同味道，亦都比較特別， 亦真都食得好滋味，唔怪得知咁多人買，好受歡迎。牛油果朱古力雞蛋仔內有滿滿嘅牛油果，有爆漿咁感，再加上朱古力，唔會太甜， 多重口感，比較特別。檸檬芝士雞蛋仔檸檬微微酸甜，再配上鹹鹹嘅芝士，感覺好清新開胃， 小朋友特別鍾意食。凍鮮榨檸檬水美味消暑， 而特色紅豆冰係沙冰，特別冰涼，甜味適中。第一次品嚐「媽咪雞蛋仔」，真係好有驚喜， 下次要再試其他特色嘅雞蛋仔。

住紅磡既表姐，早前推介左獲得香港米芝蓮街頭小食推薦既媽咪雞蛋仔Mammy Pancake 俾兩位小公主👸🏻。小公主上次食完，成日都話再想食多次。今次同家姐經過舖頭，先發現原來有甘多種特別口味。我地係分別係鹹同甜都揀左一款。抹茶紅豆同雙重芝士。呢二款都係比較熱門。落左order大約等10分鐘就有，即叫即造，到手熱辣辣。雞蛋仔大大塊，剛出爐飄來陣陣蛋香，即刻食外層脆脆。不過而家避免喺街外食嘢，所以買完即刻返屋企 ，雖然返到屋企雞蛋仔已經有點兒冷卻，但入口依然好美味，不過口感後變成像麻糬的QQ。抹茶紅豆食落比較厚實，入面真係有紅豆粒粒。我比較欣賞味道唔算太甜，可能係因為有抹茶中和一下。雙重芝士真係好好食，香脆得來帶點鹹香。超足料，所以保證芝士味濃郁。天氣熱辣辣，我地都叫左兩杯飲品，凍港式奶茶同鹹檸七沙冰。熱辣辣飲返杯凍飲真係超爽。奶茶香滑，鹹檸七沙冰冰涼解渴。

因為成日都會經過紅磡嘅關係，所以過往都會耐唔耐幫襯呢一檔雞蛋仔，今次經過就見唔到開門，原來只係搬了舖頭。所以今次就同媽媽經過一齊試吓新鋪味道啦。全新媽咪雞蛋仔就以藍黃色做店鋪顏色，真係遠距離都見到。餐牌方面主要都是不同口味的雞蛋仔及格仔餅，而且仲有好多唔同飲品選擇。今次最後就買咗檸檬芝士雞蛋仔以及伯爵茶朱古力雞蛋仔。還有一杯凍檸水及凍檸茶。個人覺得檸檬芝士雞蛋仔味道相當出色，檸檬味相當清新，配上濃郁嘅芝士味食起上嚟唔會好漏。伯爵茶朱古力雞蛋仔，每一啖都食到朱古力流心嘅感覺，隨即伯爵茶味淡淡出來，相當有層次。之後佢嘅凍檸水及凍檸茶亦相當出色，飲得出真係天然鮮榨相當足料，啱晒呢個夏天飲，真係相當消暑解渴。

自從疫情開始後，已經好耐無系街邊掃街啦，真系好掛住無拘無束系街邊食野嘅日子，原來已經半年有多啦今日經過紅磡原來媽咪雞蛋仔搬左去內街，裝修比以前modern, 感覺更衛生一來太耐無食嘅關係，二來多左啲新口味，所以咩味道都想試，落order時改了又改，真系吾好意思，好彩哥哥仔好好人終於選擇左新出嘅檸檬芝士雞蛋仔＆香蕉朱古力雞蛋仔檸檬芝士雞蛋仔，酸酸地又出奇地夾喎，感覺好fresh香蕉朱古力雞蛋仔，初頭都驚會好甜，食落都吾覺，好香嘅香蕉味再加2杯沙冰，鹹檸七沙冰＆益力多沙冰，perfect下次要試埋金茶王