媽咪雞蛋仔

营业中

休息中

今日經過見到有隻新味，就係去澳門最鍾意買嘅鳳凰卷味！有紫菜、肉鬆、芝麻，食落去真係好似食緊鳳凰卷，好好味。最近亦都推出左香蕉朱古力味，但一次過試唔晒，留返下次。

頭先去左良辰吉時飲左杯愛情動作草莓牛奶 真係麻麻 行行下見到雞蛋仔 就叫左一個粒粒朱古力雞蛋囝 拎上手 仲熱 佢d粒粒朱古力好正 仲未用溶化不過甜左少少仲有一點服務態度有待改善

上一次試過了人氣No.1雙重芝士味，雖然味道一流但賣相麻麻地，今次又再度來到買了人氣No.2香蕉朱古力味，等了幾分鐘熱㓋㓋雞蛋仔就送到我手上，今次賣相十分之靚仔，香味就無上次的芝士味咁香噴噴，但都Okay，影了兩張相就急不及待試一口，味道十分之有驚喜，香濃的朱古力味中隱若吃到淡淡香蕉味道，很得意的感覺，令人忍不住又想吃多一粒，每一粒雞蛋仔都㚈脆內軟，好QQ。還有在等待的期間，見到有店長推介的新口味，便是粟子味了，問過他們這個粟子味道係點既，店員都十分耐心地形容係將部分粟子打成糊狀再加上磨得很細的粟子粒粒，可惜小妹胃部位子有限，不能買多一底，唯有等下一次再去買了。

一向都鍾情於雞蛋仔，成日出街都要食雞蛋仔做下午茶，搞到我另一半好無耐，哈哈。通常去「媽咪雞蛋仔」會食佢既粒粒朱古力。因為朱古力份量多，而且溶溶地好好味。加上佢外脆内軟，好快就可以KO一底！今次試新味道-抹茶朱古力。首先，荃灣這間無尖沙咀那間做得脆，唔知同個味道有無關。抹茶味比想像中苦，就算有朱古力味，但都蓋唔過個苦味。如果鍾意苦茶味既朋友可能會喜歡，但個人就不太喜歡。一底價錢仲要$28，比朱古力味貴$6。可以的話我會揀返朱古力⋯

昨天經過荃灣有啲肚餓但又未到晚飯時間，所以就去睇吓有什麼好吃的小食，行來行去都係想吃鷄蛋仔，所以就想起之前去過嘅More買咖哩肉鬆鷄蛋仔，但係可能我好耐無去過荃灣，間嘢唔見咗但又好想吃，於是俾我找到這間媽咪雞蛋仔，位置有點隱藏，其實不容易留意到，但未到間舖已經係轉角位有陣陣雞蛋仔香味撲鼻而來，於是我就要了雙重芝士味，其實$30好似有啲貴，但當時的我已經被想食鷄蛋仔的慾望蒙蔽了。雞蛋仔即叫即製，等待時間都幾快，到雞蛋仔到手後，講真賣相同貼在門口的Menu有啲出入，唔係一粒粒形狀，而係好似無咗氣的氣球似的，扁撻撻，但入口味道芝士味非常之濃郁，可以看出十分之足料，但沒有了外脆內軟的口感，這是我唯一扣佢少少分的理由。但總體來說都會再去試試其他味道，希望下次嗰賣相會好啲。

雞蛋仔口味非常多，例如朱古力、白芝麻、肉鬆、抹茶、咖啡、紫菜粟米、紫薯、香蕉、芝士等，見過有人分享，灣仔店仲有牛油果添。定價偏高，$17-$30；格仔餅都係好受歡迎之物，有五款，分別係原味、咖啡、抹茶等，定價18-28。荃灣店一般都唔洗點排隊，因為好近番歸嘅巴士站，好多時都忍唔住要買黎一路食一路等車。即時製作，唔洗十分鐘就做起，揀左香蕉朱古力口味。香蕉朱古力雞蛋仔 $28雞蛋仔依然都係攤開，我地行左上天橋先食，於是雞蛋仔比起平時即刻入口，再香脆一點，外脆內軟。雞蛋仔餡半滿，香蕉蓉同朱古力混合，不過加得並唔平均，間中會有啲只食到蕉味，又會有啲只食到朱古力味。雞蛋仔冇想像中咁甜，加熱嘅蕉味酸，加起朱古力當然冇違和感。成底熱辣辣，好快食哂。

以前讀書附近有媽咪雞蛋仔，真係會成日排幾個字去食一底，好似冇食就去探下佢，點知而家有好多隻味嘞！作為一個專業芝士控就梗係試下王牌芝士味啦😍店員話用咗兩款芝士去做，所以唉落去嘅芝士味零舍香濃，每一粒都好鬆軟，而配合邊邊嘅脆脆，好似食緊Y麵包店嘅芝士波波，一底有咁多粒沒波，實在太正嘞！我個人覺得一底兩個人食會冇咁膩，佢芝士香之餘都有蛋香，幾飽肚㗎！呢間雞蛋仔佢整好會吹到脆皮先俾客人，所以等候時間會耐少少，但係係值得㗎！下次要試下抹茶紅豆味！

成日聽人講媽咪雞蛋仔好食,但一底要成$17真係幾貴。尤其係呢頭好多街邊小食檔都係$10就有得食時就更加唔捨得俾$17買一底.直到有次係附近小食檔中左伏,食左個史上最難食的雞蛋仔後,我決定比多少少錢試下呢間係咪真係值得食.我傍晚時候去到叫左一底原味雞蛋仔.雖然無人等緊,但因為係即叫即做,所以職員都話要等5-10分鐘.係等的期間就愈來愈多人黎買,心中慶幸我早左啲到.過左5分鐘多啲,我的雞蛋仔就出爐了.攞上手熱辣辣香噴噴,味食就已經流晒口水.雞蛋仔的表面鬆脆,內裡飽滿,食落好蛋香味,好好食.最重要係佢放耐左都唔會冧晒,外面仲keep到一定的脆度.而且佢一底都比小食檔$10底的大份,有質素又大份啲,就算貴啲我都覺得值得食

媽咪雞蛋仔 金莎抹茶格仔餅$25成日糾結買唔買一個廿幾蚊嘅雞蛋仔/格仔餅😂因為只係麵粉加蛋加牛油加牛奶再加啲醬🌚無計 邊個話自己整唔到又想食咩🌝🌝好彩呢個好味又多餡炸💓💓格仔餅食到微微抹茶甘香 🌱🌱即整保證外脆內軟👍👍金莎醬俾得夠多😍😍😍係預咗甜啲嫁啦 不過好味就得😎

今日同朋友去睇戲之前，有d肚餓，所以打算搵d野食下先😂，填一填飽個肚先🙊，見到前面有一間媽咪雞蛋仔，正呀😍咁啱又唔使排隊，當然唔會錯過呢個機會，服務員都幾有禮貌，叫咗一個原味雞蛋仔，真係好脆，唔會太甜，好好味，另外再叫左一個朱古力雞蛋仔😏，食落去每一啖都有朱古力👍🏻，價錢又唔貴，味道真係好好，我記得以前細個嘅時候，雞蛋仔都係我必食嘅小食，過咗無耐，雞蛋仔嘅質素越來越差，好難搵到一間好食，但呢一間媽咪雞蛋仔，真心真係覺得唔係太差👍🏻👍🏻

放早又經過荃錦去馬會搏殺緊係要先醫飽個肚先橋底「媽咪雞蛋仔」我又黎喇我：一底港式格仔餅唔該店員：多謝你$18蚊，麻煩你等一等WoW，每次黎都咁好禮貌，果然係值得等一等等左大約4-5分鐘，熱辣辣嘅格仔餅到手喇，店員仲同我講「小心熱」、「打橫拎唔會滴晒醬益紙袋」當然係一整個覺得$18蚊嘅價錢，180蚊嘅服務，抵讚個餅唔燶、脆身、有咬口、仲有蛋香味食返細個嘅味道多謝「媽咪」P.S 幾次經過都唔駛排長龍，係冇咩人知開左定點呀？不過點都好，你地要加油呀，撐你地

雞蛋仔都算係幾代表到香港嘅小食，但好食嘅雞蛋仔真係唔多。媽咪雞蛋仔，邊個唔識？唔識要打patpat！以前紅磡店好多人幫襯，開到去尖沙咀一樣多人！週六去到荃灣轉小巴，荃灣店並冇人龍，即買~除左原味，仲供應接近15款口味嘅雞蛋仔，甜嘅鹹嘅都有，定價 $16-$35。比較特別嘅有白芝麻、鹽燒紫菜粟米、栗子等口味。粒粒朱古力雞蛋仔 $20雞蛋仔即叫即做，大概十分鐘到手，靚仔一睇就知係媽咪出品，因為冇乜食店會攤開件雞蛋仔。雞蛋仔熱辣辣，邊位脆卜卜，微微濃焦，粒粒外脆內軟。雞蛋仔屬於比較厚嘅類型，蛋漿並冇加滿，唔會空心， 但食落除左軟，仲覺得煙煙韌韌朱古力味濃郁，「粒粒」效果唔明顯，勝在唔係平價朱古力，整體係高質！成日排長龍，都唔只係名氣餐牌：

之前見尖沙咀排哂長龍一直都好想試，而家荃灣開左終於有機會試試，超多口味選擇，花多眼亂，隻隻都想試有綠茶紅豆、栗子、紫薯、黑芝麻、朱古力粒粒，叫人點㨂呀？！最後大少㨂左原味、細公主揀左綠茶朱古力，即叫即整，製作需時。果然無令我失望，雖然人地話雞蛋仔無雞蛋，但係點解都咁有蛋味呢？綠茶味都好正，不過大少話d朱古力粒粒有d苦，全部都好脆，好好味!!除左雞蛋仔，佢仲有金莎榛子醬格仔餅都超吸引，加$4仲有紙包飲品！

要數到香港地道的街頭小食「雞蛋仔」一定走吾甩，由傳統以至創新口味都大獲好評，甚至外國不少地方都看到雞蛋仔的踪影，上個月銅鑼灣更舉辦了雞蛋仔美食節，多款試都未試過的全新口味，共冶一爐! 我諗雞蛋仔迷一定有聽過這間媽咪雞蛋仔，簡單的雞蛋仔有什麽厲害之處 ? 「媽咪雞蛋仔」在2016及2017年連續獲選米芝蓮香港街頭小食推介，有推介就有質素保證 當然要去試試啦!「媽咪雞蛋仔」有多種不同的口味如鹽燒紫菜栗米，粒粒朱古力，芝士，抹茶紅豆等，仲有格仔餅賣添😋 由於是即叫即製，先比錢拎收據看號碼，再等顯示屏讀出號碼領取 ! 過程大概等8分鍾，香脆熱辣辣的雞蛋仔就完成喇♨拎上手仲係微熱，分量十足好大底，兩個人在街上搣下搣下，你一粒我一粒就最好不過👭!陣陣的蛋味飄過黎，真係好香呀😋 製作完成後見到店員即時放到風扇前放涼，吹至乾身才能做到外脆內軟的雞蛋仔👏雞蛋仔粒粒都很飽滿，而且見到粒粒黑芝麻我叫的是肉鬆芝麻雞蛋仔，初初都驚這個「創新」口味與雞蛋仔會不太夾，話哂都是一咸一甜，但食落真得有驚喜一底好食的雞蛋仔首要條件是做到外脆內軟，雞蛋仔的外殼脆卜卜，這種脆身的口感是我喜歡的😍，加上蛋香濃郁，食落像軟綿的

媽咪雞蛋仔新口味！😋抹茶榛子醬格仔餅 $25 🍵🍫🍵格仔餅的抹茶味濃厚，細喫下有抹茶的微澀味。格仔餅能一亦軟硬適中，外層脆口，裡內煙韌。（即使我們的白照拍到天荒地老🙈，仍能保護持一定的脆身外層，不得了！👍👍👍）配上榛子醬的濃郁甜美，完全是一種新享受。（重點是，榛子醬非廉價者，至少是Nutella的品質👍）無怪乎媽咪雞蛋仔在可以不斷批出特許經營權，仍然惠顧者眾。畢竟，雞蛋仔的競爭者愈來愈來，媽咪仍能屹立不倒，這美味的蛋醬和不斷創新的味道，絕對是應記一功。