媽咪雞蛋仔 (已結業)

店舖色彩繽紛,貼滿了多款口味的雞蛋仔,對於我這個有選擇困難症的人來說,十分苦惱。 最後只選了人氣No.3。 還多了一系列的飲品,有機會再試下。 十分鐘後,從店員接過雞蛋仔,新鮮熱呼呼, 吃一粒, 大感失望。 只有數粒雞蛋仔可以有香蕉和朱古力的均勻比例,餘下的只有朱古力或香蕉,而且店員可能因為趕著交雞蛋仔給我們, 沒有放凍, 令部分雞蛋仔不夠脆。一底雞蛋仔要30元,真係十分昂貴,既不能滿足味蕾上的感覺,也不能滿足消費者的心理。 

行過見到媽咪雞蛋仔先知原來觀塘都有！！🤩🤩🤩即刻去買番底食下，不過一睇，又係一個困難，就係太多口味揀！仲要每款都好吸引！！最後，揀左佢既人氣no1 兩重芝士雞蛋仔😝不過唔係講笑，第一下拎到覺得超正之後，第二下既感覺係 超油。手指掂完係勁油，不過芝士味好香，係正既。但呢款味會令到底雞蛋仔唔脆，冇乜個種外脆內軟既質感。同埋好似甜食會好味啲，之前試過朱古力味，係好多朱古力粒，外脆內軟，好好食！推薦🤤

觀塘終於都開咗我最鍾意食嘅雞蛋仔，即刻嚟試吓。唔係太多人買只係排咗一陣就買到，次次都係食香蕉朱古力味，今次就買咗我都未試過嘅鹽燒紫菜粟米味雞蛋仔，等左十幾分鐘先有得拎，即叫即整。熱辣辣到手，紫菜同雞蛋仔外皮都脆卜卜，每粒入邊都有幾粒粟米，都非常飽肚下，細食嘅女仔食呢個都可以當晚餐。不過我就覺得鹽燒味唔算好重，有啲偏淡，如果可以在濃味啲就好啦。一個雞蛋仔要30蚊都有少少貴架，不過觀塘呢一間又唔使排隊，又近屋企，口痕時真係好難忍。

一開始係我哥哥介紹，話係全世界最好味嘅雞蛋仔～～～～～講到咁誇～～～～～就諗住試下啦～～～第一次食係佢原味雞蛋仔加杯凍手工咖啡（好似有優惠咖加凍飲），雞蛋仔比平時食開嗰種硬身啲，但杯凍咖啡就有啲淡，無乜咖啡味～～～～～～～～到今次再試佢地但格仔餅～都係原味（佢地太多果揀最平凡試咗先）～但格餅我覺得好食過雞蛋仔 ， 可能有花生醬同糖～～～～～不過唔上openrice睇都唔知佢有咁多分店，整體都好味嘅！！

  行去怡安街搵朋友，飄來一陣香味，係蛋香呀！點解呢？因為有雞蛋仔同格仔餅！宜家d款式真係千變萬化，由於唔算好多人，我又見未夠鐘，就買左一底抹茶格仔餅試下。媽咪雞蛋仔係米芝蓮推介既餐廳，$22一底格仔餅都唔算貴，等候大約10分鐘以內，拎上手仲熱辣辣架！即刻試下先！咬落先試到既係練奶味，練奶份量好多好足夠，夠晒甜。最特別係格仔餅內一打開睇係啡色既，但唔似花生醬，味道有d似榛子醬，加埋練奶好好味！而且格仔餅既蛋漿分布得好好，蛋味平均，餅底亦夠厚，唔似X津咁，薄到死，無feel！  

同媽媽食完LUNCH, 經開有雞蛋仔食, 店舖又咗D 得獎報告, 咁就吸引我地去食喇, 門口已經有一些人在等, 無論雞蛋仔或格仔餅都好唔少選擇, 因為好耐冇食格仔餅, 所以點了肉鬆格仔餅,  不是脆身的, 因為不乾身可以接受, 如果多一些肉鬆會更好,不竟加了5蚊肉鬆味, 下次會試雞蛋仔了.

上次食過雞蛋仔，今次經過又無乜人排隊咁就梗係試埋格仔餅啦。諗左好耐究竟食咩味好，太多選擇，有幾樣都好吸引…最後都係決定食原味先。我自己食開格仔餅走砂糖，覺得好食啲。再加杯冰咖啡。等左五至十分鐘，聞到好香雞蛋味，無耐就送上小食同飲品。格仔餅明顯比出面賣既厚少少，熱呼呼好香，花生醬塗得好厚。食落口外脆內軟，厚厚既花生醬味煉奶味，好好食好滿足。我覺得呢間格仔餅好食過雞蛋仔呢~杯咖啡唔太甜，啡味香濃，十幾蚊杯，好鬼抵飲吖!!

聽聞呢間雞蛋仔好好食，難得遇上，雖然食飽午飯，都好想試下。識叫梗係食個原味雞蛋仔啦，咁先試到其功架。果然好味，蛋味濃郁，唔偷懶。熱食香脆。最得意係買雞蛋仔可以以優惠價配飲品，豆花奶茶，結論係滑上滑滑好飽但都食曬飲晒…哈哈~內裡其實好多選擇，不同款式既雞蛋仔，有個限定雞蛋仔我打算下次試，沙冰都好似幾吸引，好多味道可揀…仲好想試下格仔餅，可以加雪糕添…真係好吸引，可惜無枱坐下食。非繁忙時間食就最舒服，不用排隊等好耐…哈~想食就注意囉

放工路過又口痕，緊係買D食完又唔飽嘅小食，可以留肚返屋企食飯。------------------------------行過見到有間新開雞蛋仔，緊係入去睇吓啦，原來都好多款口味，諗咗陣都係試吓紫菜粟米味，食落口好脆加咸咸哋，入面有粟米粒好有口感，再加埋佢杯新鮮檸檬茶成個觀感fit晒。------------------------------