媽咪雞蛋仔 (已搬遷) 新店位置

今日係銅鑼灣行街 行行下見肚餓見到有媽咪雞蛋仔就即刻買左件醫肚佢有好多款唔同口味我就揀左香蕉朱古力味雞蛋仔即叫即整 個包裝仲好特別每粒雞蛋仔都有香蕉蓉同朱古力醬真係又香又好味🤤

甜嘅雞蛋仔就食得多 鹹味都可能會食過～但係麻辣味嘅就真係未試過！上次就嗌咗個麻辣肉鬆雞蛋仔嚟試吓😎估唔到鬆軟又夠蛋香嘅雞蛋仔 同鹹香味嘅肉鬆 又幾夾～有少少似肉鬆包嘅感覺 再加埋少少麻辣味 食落都幾惹味

呢一間雞蛋仔口味超級多 真係食極都唔會厭！上次試咗個新口味—法式檸檬芝士雞蛋仔😍食落真係好有芝士蛋糕嘅感覺 味道好清新 酸酸地 再加埋外脆內軟甜甜地 又夠蛋香嘅雞蛋仔 又幾好食😋

叫左檸檬芝士雞蛋仔，勁酸。食到牙軟，每食幾啖要飲茶沖走酸味，落檸檬太重手，蓋過芝士味。牙被酸到好軟，很勉強也食不到整個。之前食伯爵茶味還可，也試過其他味，不過真係好普通。檸芝慎選！希望改善下技巧！

I always get the chocolate chips egglettes since it is just so good! Every bite is guaranteed with a mouthful of gooey chocolate chips 😋. But this time, I ordered the original flavour which was the best in the district! Since all orders were made upon order to ensure freshness and the best quality, so expect to wait for at least 10 minutes for your yummy treat. It was piping hot when I mine, and it was perfectly crispy on the outside and soft inside with the right amount of sweetness and the tas

大家千祈唔好笑我，我係第一次食媽咪雞蛋仔。呢度當然主打雞蛋仔，有甜有鹹，味道都好多選擇。另外仲有8款格仔餅同野飲。今次揀左原味雞蛋仔$20同原味格仔餅$23試吓先。落單後要等10分鐘，即刻整俾你。原味雞蛋仔 $20原味雞蛋仔果然係外脆內軟，不過入面唔係想像中咁多料，不過當然都唔少。Given個價錢，個人覺得質素只係算合格。原味格仔餅 $23原味格仔餅內饀有花生醬，甜奶，白砂糖同植物牛油。原來格仔餅係軟綿綿嗰啲而完全唔脆，主要味道係花生醬，份量超多，流哂出黎，都食到白砂糖。個人鍾意香脆格仔餅多啲。唔知其他口味會唔會好食啲呢？

經過媽咪雞蛋仔忍唔住買咗份格仔餅食我知佢馳名雞蛋仔但大家都係同一蛋漿何必分得那麼細加上以前試過大澳阿伯雞蛋仔就好似D人成日講既once you go black返唔到轉頭食其他雞蛋仔由於當晚冇乜人買等咗一陣就有新鮮出爐既格仔餅一拎上手，嘩，你阿媽個仔丫好重手份量十足呀！叔叔食開既格仔餅係薄身的原來媽咪雞蛋仔既格仔餅已經又大雄進化到變咗技安由於佢太過厚既關係我叫多醬都變咗好似冇醬咁有點兒失望望口感食落去好似食緊特厚窩夫而非格仔餅食咗一半已經唔想食可能叔叔年紀大比較stubborn以然徘徊係舊時既口味不思進取冇跟住時代既尖啄去進化所以唔係好啱食冇特別我都係下次返去太安樓食返傳統格仔餅媽咪雞蛋仔既窩夫我諗我都係唔會再搓ps. 格仔餅一定要一定要一定要多醬

📍媽咪雞蛋仔Mammy’s pancake is the place to go if you crave for good egg puffs 雞蛋仔 and egg waffles 格仔餅! For egg puffs, I always opt for either original or banana & chocolate. As for egg waffles, nothing beats the original peanut butter & condensed milk! Crunchy and fluffy waffle all in one. They are very generous with their sauces too so better have it to share! Price: HK$20-30 Revisit: 10/10

去銅鑼灣行街必到之處!! 媽咪雞蛋仔!! 🐣🐣見親佢都忍唔住手買黎食🙈😋平日諗都唔駛諗就會叫"例牌"😂我嘅最愛例牌....粒粒朱古力!!🍫但今次... 大家睇下個牌👀👀有一個限定口味好吸引😍係月餅!! 中秋節special!! 🎑🥮🥮🥮🥮🥮🥮🥮🥮月餅味雞蛋仔😍白蓮蓉+蛋黃😍雖然就貴左啲啲🙈$40🙈但控抵抗唔到月餅嘅誘惑🥮🤤買買買!! 試試試!! 本身都擔心會無乜餡無乜味不過都真係白擔心🙈平時食粒粒朱古力都多到不得了🍫今次都絕對無失望❗😍每粒雞蛋仔都有蓮蓉蛋黃碎夾心☺️🥮鍾意食月餅嘅你地 快啲去試下呢個中秋限定啦!!味道: 💯💯💯👫🏼食到飽飽😋 繼續行街街😋銅鑼灣太多美食啦!! 😆

食完蕃茄仔行過隔離就係媽咪雞蛋仔，口味有甜有鹹，款式超過10多款，最新就有法式檸檬芝士、牛油果朱古力，餐廳推薦粒粒朱古力、香蕉朱古力、雙重芝士，價錢$20起，即叫即整，需時等候粒粒朱古力 $25雞蛋仔用手抽袋住，好特別設計🤣底部位置設有氣洞，熱辣辣雞蛋仔可以疏氣，唔會焗住，保持香脆，手抽設計亦唔怕攞時會壓扁左佢，幾貼心，不過食用時就有點不便，比較難推上去🙈完整一底雞蛋仔，冇散開一粒粒，外皮烘烤得好靚🥰脹卜卜之餘邊位都係好脆，粒粒朱古力好足料，有別於加入朱古力粉製作蛋漿的做法，朱古力味好濃，口感有點似麻糬，中心軟熟帶點煙韌，仲見到少少流心朱古力，整體不會甜膩

香港有好多街頭小食，好多人都鍾意食燒賣魚蛋，但我偏偏鍾意食雞蛋仔。以前細個去左英國讀書，最掛住既香港小食都係雞蛋仔。以前好多街邊路仔，幾蚊至十蚊都有一底，宜家買小見小。但好多地方既雞蛋仔1）唔脆；2）無蛋味。所以試左咁多間小店，我私心地最鍾意既都始終係「媽咪」。雖然每次都等得耐加上價錢都唔係話好平，但確實每次食都係脆加上濃濃既蛋香。而媽咪入面，我個人除左原味，亦都偏好綠茶味～～少數地真係食到綠茶香既雞蛋仔店！

好耐冇食過格仔餅喇🤩今日去試咗新推出既紫菜格仔餅格仔餅即叫即整而且拎上手熱辣辣🔥外脆內軟綿綿咁但中間夾住塊大紫菜😍就算攤咗陣先食仲係好脆，帶點淡淡既咸香其實單單比塊冇餡既格仔餅我食，我應該都會照買😂望住店員好似唔洗錢咁擠花生醬🥜牛油🧈糖同煉奶比我，又邪惡又興奮仲加配咗一杯鮮榨檸檬茶🍋雖然冇得改糖份，但飲落都非常OK😆檸檬有甘香唔苦澀🤤茶底完全融合埋個檸檬汁，絕對值得一試‼️原來依加既格仔餅同雞蛋仔都已經唔再係以前咁得兩三隻味，佢地個menu睇到我眼都花埋格仔餅個餡仲可以改其仔口味添架！

伯爵茶朱古力雞蛋仔（9/10）伯爵茶味和朱古力味完美結合，既有伯爵茶的淡淡茶味，又有朱古力濃香的味道，強烈推介嘗試👍🏻抹茶味雞蛋仔（8/10）濃郁的抹茶味，食完一板都不會膩，也是不錯之選👌🏻推薦度：8.5/10回頭度：9/10食物味道：8.5/10

今日經開附近，見網上好多人讚媽咪雞蛋仔好食，雖然我平時好少食呢類小食，但見沒有太多人等就試下la..去到門口見圖上有成十幾款雞蛋仔選擇，第一位係香蕉味，但我較喜愛朱古力，就試下粒粒朱古力order 完等6分鐘左右就有，快！包裝好靚，拿上手剛整好，熱熱的，每粒都好鬆脆，入面每一粒都有多朱古力正，仲蓋左雞蛋仔味，今次選左top2, 下次會試下top 1 或原味！

🧇原味經典雞蛋仔 𝙾𝚛𝚒𝚐𝚒𝚗𝚊𝚕 𝙲𝚕𝚊𝚜𝚜𝚒𝚌 𝙴𝚐𝚐 𝙿𝚞𝚏𝚏 ($𝟸𝟶) 餐牌到有好多唔同味揀 試左個原味 即叫即整 熱辣辣 每粒都好脆 有蛋香味 但差咁啲甜味 𝙾𝚟𝚎𝚛𝚊𝚕𝚕食評最高𝟻粒🌟) 📌好味程度：🌟🌟🌟🌟 📌回頭度：🌟🌟🌟 📌環境：🌟🌟🌟🌟 📌服務：🌟🌟🌟🌟