孖寶去骨海南雞 (又新街)

营业中

休息中

服務態度好差，原本收工想食個放鬆晚餐，大概夜晚7點幾坐低，出餐到食野，未有一個鐘，餐廳也有其他空位，我一邊用正常速度食野一邊用電話同朋友傾計，突然有個鄉音員工阿嬸陰陽怪氣話我一個人玩手機霸住張檯，音量驚死我聽唔到，剩低兩啖麵即刻無胃口食，心情好差咁走咗，咁嘅趕客方式，比你哋做多兩檯又如何，唔會有幾多回頭客，多謝餐廳有咁好員工😅。。。。。。。。。。。。。。。。。。。。。。。。。。。。。。

經過見咁多人買,於是入去買個海南雞飯外賣試下,唔多應我嘅店員居然開口話要等15至20分鐘,好~等就等~一等就35分鐘......一時話冇飯,一時話廚房未出,但又見佢包緊其他外賣,買個飯啫唔使呃呃騙騙掛,最後要黑面入去先有得即刻攞,真係痴線！大熱天時呀大佬好,咁都唔緊要,等咗咁耐以為個飯好好食,我只可以畀兩個字佢“垃圾”!D雞滑就滑,但一啲味都冇,我一路食垃圾...個心度一路講粗口.......香港飲食業靠你喇

今次食咗一間突然間又好想食嘅舖頭，呢間舖都開咗好多年，如果味道係令人懷念嘅。就係孖寶去骨海南雞我用咗唔同嘅角度去分析一下今次嘅餐飲體驗。糖醋排骨+白飯＋是日油菜（1份）＋老火靚湯份量：相當十足，絕對夠飽肚。味道：糖醋排骨嘅糖醋味真係整得好好絕對冇得輸，食咗咁多年都係呢一隻味，水準係保持到嘅。老火靚湯面，入邊有粟米蘿蔔等等配料飲落唔會覺得好鹹好有味精味，每次我都會飲晒。是日油菜方面，亦相當大碟，令整個餐有足夠的纖維。新鮮度：食材啊肉啊沒有雪味，我覺得相當新鮮。鹹度：適中油度：不油膩付款方法：信用卡人均消費：$70下次希望試吓無骨海南雞飯。

叫左個招牌海南雞米線（中）（+$3轉米線）（$48）雞就一半胸一半髀位，佢係全熟，唔會仲有啲血水咁樣，同時肉質唔算好鞋，雞胸肉都食得落口，髀位就幾滑，啱我個人口味，但如果鍾意食嫩滑口感就會失望。食海南雞個汁都好重要，佢有薑油、辣醬同醬油，三隻都夠濃味！另外中size 雞同粉既份量都偏細，正常食量應該唔會飽。欣賞佢淥粉會加幾條生菜，都幾新鮮，仲送左碗好足料既蘋果雞腳湯，碗湯好好飲，仲滿滿湯渣，所以雖然個海南雞粉份量好細，有菜有湯成件事豐富左，加上整體味道正正常常，待應姐姐都好有禮貌，性價比還好。

見佢有外賣，就第一次試下叫，多人都預左，45分鐘先出到車，ok...我等，元朗送元朗，都唔會耐得去邊，再等等等...一個中未到，打去問又話出左車好耐喇喎，打電話落單，到送到黎，足足等左個半中，出車出左45分鐘，我唔知佢去左邊，九龍都到啦，亦都想像得到，黎到D外賣已經凍哂，真係好嬲，點解可以個半中都送唔到個外賣，我唔係住九龍吖，元朗咋，冇下次

呢間餐廳嘅海南雞好滑，同埋南瓜雞湯係超正嘅。每次去親都會叫佢哋一個海南雞飯套餐，個生菜好爽口，價廉物美。可惜，唔知係咪換咗老闆，而家企門口個女老闆服務態度超唔掂，都唔知做生意定趕客。佢哋係好似加價，不過雞又少咗，飯又細碟咗，連啲蔥花都變咗淨薑蓉。唔聲唔聲其實就加咗你價，服裝態度勁鄙視客人，大大聲唔講。為我同屋企人成日去，又話我地唔鍾意搭枱，麻煩。既然你咁講到出聲，咁我咪唔食你囉。全個元朗唔係得你一間好食既海南雞飯！！態度咁差真係以後都唔幫襯你。疫情之後都勁多客唔鍾意搭枱啦，做乜要逼我哋搭枱？自從佢哋啲態度差咗咁多之後我都去少咗好多啦。by the way, 地下超級滑，好容易跣親！

今日入來元朗，記得呢間飯店。晚上九點幾元朗都很多野食，行入又新街，見到呢間孖寶，次次都好多人排隊等位，難得今日門口冇人，一於入去叫個海南雞油飯，店員即來一例湯，佢碗湯真係好好味，之後主菜嚟到，雞肉都很嫩滑，另外油飯比較乾身，吃完沒有平時油膩的感覺👍🏻

🐓🍚 去骨海南雞飯 (中) $45 跟湯 🥣 轉咗油飯，香得嚟唔會過油過鹹；雞髀肉滑，雞胸肉又唔嚡，但最令人驚艷嘅係碗湯😳 超·級·甜！有啲似西餐嗰種忌廉南瓜湯 🎃 好飲到不得了，如果再返轉頭幫襯，肯定係因為掛住碗湯🥺

今日係元朗開檔，食左呢間孖寶南雞，一坐低已經有碗老火湯送。有大雞飯和少雞飯，呢個係少雞都有咁多雞，啲雞都好有肉，白白滑滑，雞皮都好好食！油飯有一碗份量，有三種醬汁。

食到元朗✨孖寶去骨海南雞✨裝修簡單，咁就食得輕鬆。兩個人一人叫左一個飯，附送個湯好足料，一睇就已經睇得出好夠火喉，湯好甜，飲完唔會好渴，好好飲，如果可以添就好啦！🌈海南雞飯海南雞賣相好靚但食落口感就未夠皮脆，肉就尚算嫩，可惜雞唔係咁夠雞味，油飯色水睇落好足，可惜就唔夠香唔夠油，多番油就會好食好多。🌈狀元燻碲飯賣相好靚仔，好閃令令，但火喉好似爭左少少，豬皮夠淋但肉唔夠淋，有少少鞋口，仲要讚讚個汁送飯唔錯

呢間嘢由開業已經開始食，以前油菜一向都有生菜同菜心揀，咁隔咗幾年再幫襯佢個海南雞飯，阿姐問要唔要菜，我就好自然咁問佢有冇菜心，點知個阿姐竟然答我「冇呀！要食菜心就自己去種啦！」咁其實如果得生菜冇菜心，我覺得佢只要有禮貌地答一句，我都會覺得冇問題，可以接受到，而唔係叫個客自己去種菜，實在接受唔到幫襯之餘仲要受個阿姐氣，接受唔到佢竟然可以講得出呢啲說話。就算佢啲雞整得幾好食都好，都冇下次，唔會再幫襯，亦都唔會推介任何人幫襯。

今日又試另一間海南雞飯平時行過望到啲雞好似唔錯招牌海南雞套餐 $65雞好嫰滑，冇雞腥味，幾鮮甜，唔會煮到好“鞋”。油飯好香，但又唔會油冧冧，好爽口。送例湯好似係南瓜湯，好好味，好甜。去骨海南雞半隻 $88同雞飯嘅雞一樣，太好味，兩人食所以加碼叫多半隻。炸蝦餅 套餐加$28好香脆，蝦味幾濃幾彈牙，唔錯。油菜 $30叫咗生菜。無乜特別，就係菜囉😅唔錯，可以一試嘅海南雞飯。

看似平凡的雞飯店🐔，看表平凡，份量十足 ，味道挺好的雞飯店🐔。最有趣是他可以選擇新鮮雞🦃或是雪藏雞🐔，如果有要求的可以選擇新鮮雞，但是雪藏雞的味道已經很好，比起普通燒臘店或是餐廳吃到的雞飯，他的雞的真做高上一班，但是價錢是平常的價錢，而且是這個份量，絕對物超所值。其實除左一大份雞及菜飯外，還有附上一大堆芽菜，配上他的特製豉油味道很好，而且很是健康，可惜的是他飲品質素麻麻，未能達到餐廳正常質素。

食左好多年 今次番來再食 味道水準一流！佢既湯勁濃 南瓜味濃 落左勁多雞骨煲 ！好正叫左無骨海南雞飯大 同口水雞撈麵套餐無骨海南雞都算幾多肉同滑～三隻醬都唔錯、 最鍾意點黑豉油夠濃阿甜！ 口水雞撈麵就有少少辣！ 配雞就幾好味 配油麵就一般啦 ！叫套餐可以有油菜， 係唐生菜！ 加28蚊可以有蝦餅， 蝦餅好味但感覺比以前細份， 不過都係即炸夠脆口 食到粒粒蝦！加6蚊就有杯凍檸茶 檸檬都算多 配辣野必需！位置唔多 坐得唔太舒服 要急急食完就走

之前香港好食海南雞飯網上投票，孖寶榜上有名，已經好想搵日去試吓，終於經過就即刻入去食個午餐，果然無令人失望。#海南雞飯 去骨海南雞，皮薄肉滑，有芽菜墊底，點埋3款醬汁仲開胃：黑醬油、薑蓉及辣醬。油飯份量都算多，乾身唔太油，幾香，應該因為好味，成個飯食晒。#狀元燻蹄飯豬手炆得好入味好林，一入口就散開，最鍾意個豬手皮，口感煙韌富膠質又入味夠林，送飯一流。例湯係南瓜扁豆雞腳湯，落足湯料煲，應該用好多雞殼嚟熬湯，老火湯無味精。#孖寶去骨海南雞地址：元朗又新街27號地下1號舖