孖寶去骨海南雞 (又新街)

营业中

休息中

大家都知道元朗係好多好嘢食嘅地方，食過好多唔同嘅菜式都唔錯，今日就想試吓元朗嘅海南雞飯有幾好食所以就去搵左呢一間叫孖寶去骨海南雞飯試吓。今次就叫咗一個孖寶套餐來試吓，呢個係一個二人餐嚟，只係買$158 ，就可以揀去骨海南雞同埋一款餸，咁個餸我今次就揀咗一品東坡肉，蠔油時菜，兩個湯，同埋兩個海南雞油飯。首先就講個海南雞飯啦，個海南雞飯係典型嘅海南雞黃油飯，好夠味道亦都好大碗好抵食，果醬有三款分別係蔥油，豉油汁，同埋辣汁，三個汁都好好食。個雞就係半隻，雞肉同埋雞皮油脂分布比例都好好，一啲都唔老，配埋個汁食真係好好食。跟住個餸就揀咗好出名嘅一品東坡肉，個餸好多好抵食，個汁好夠味，啲肉同脂肪都好夾，我都幾推薦食呢個東坡肉。仲有個油菜都好大碟，整體來說，呢一間海南雞飯都幾抵食。

去完農莊一天遊, 一家人出元朗又新街搵食, 見孖寶去骨海南雞餐廳有4人套餐，價錢化算。有一隻去骨海南雞、三款小菜、一客勁大碟蠔油時菜、4碗無味精靚湯和4碗油飯. 海南雞雞肉肥美，肉質嫩滑，冇雪味, 份量十足。三款小菜揀左一品東坡肉，狀元燻蹄 ，醬汁有點相似, 肉質鬆軟，汶得好林入味. 咖哩魚塊味道尚可, 但唔夠脆口, 送飯一流! 無味精靚湯值得推介，無諗過南瓜粟米雞腳湯好合襯, 可以咁好飲，老板好好人見我地有小朋友免費加湯油飯軟硬適中, 唔太油, 仲香噴噴。整體而言抵食夾大件, 性價比高

很期待的壁畫村義工日，今天專程去元朗做義工真的萬分期待也感興奮。 所以約埋朋友仔去食住在荃灣的人，大埔的人都到元朗食「無骨海南雞飯」……朋友係元朗通，一去到元朗市中心，在元朗公園仔，就一眼見到「孖寶」了！正是餌在午餐時段， 我地想搵個位都有點難度，好彩店員姨姨幫忙開位。店員很親切地給我們兩碗熱呼呼的老火靚湯「花生雞腳紅蘿蔔湯」， close up看一看，真的足料的靚湯，超好飲，又健康。無骨海南雞飯配上薑黃飯，薑黃飯炒到粒粒爽身，薑黃飯食完又係對身體很健康的。薑黃被人類使用已有4000多年歷史，屬於薑科植物，咖哩中黃色的來源就是它，在古印度及中國醫學都曾使用薑黃來治療發炎性疾病、保護肝臟、皮膚疾病及創傷，堪稱草本阿斯匹靈。無骨海南雞，啖啖肉，老人家小朋友也很適合食。無骨海南雞，皮爽肉滑。 坐在同枱的一對老人家夫婦遠道住在荃灣也到來食哩個無骨海南雞飯，想必一定好好食。糖醋排骨 ： 好入味及排骨好霖，入口即溶，配上海湯麵，真的很配搭。糖豬豬手 ：朋友之選……食左甘多肉類，一定要食個綠油油的時菜，平衡一下「少肉多菜」的心理。 唔係好有罪惡感，要跑步跑多幾次了。冰凍豆漿，大大支，下次記得要點支細

今日來到又新街試下去骨海南雞飯一坐底店員已經放低無味精靚湯，南瓜粟米紅蘿蔔雞腳湯，望到個顏色已經好吸引，好足料，好甜，而且真係無味精有3款醬料，當中我最鐘意薑蓉，好香我地2個人點左份二人餐，生菜份量都算多，好脆綠魚香煎肉餅煎到每邊都好脆，呢個餸飯一流但份量偏小去骨海南雞雞肉好嫩滑，唔會好肥，去骨食落真係好方便，淡淡肉呢度既飯好大碗，油飯仲好香，唔鐘意油飯都可以改做白飯我一個人真係食唔晒成碗，下次可以叫少飯而家like FB 可以免費送汽水/豆漿一杯企門口有兩位員工不停接電話，無停手甘包外賣，如果唔係疫情時期，相信應該會全場爆滿

一向都喜歡吃海南雞既我，會四處尋覓好東西，最近給我發現元朗又新街海南雞，仲要去骨㖭，感覺很好，當然要入去食店品嚐下啦！店裡雖然不是很大，但感覺親切及店員有禮，牆上掛著餐牌及食物圖片，令人胃口大開，不錯。餐牌上有孖寶2人餐及4人餐外，還有招牌菜去骨海南雞、口水雞、咖哩系列、肉燥飯、小食等，款式看來很吸引。去骨海南雞飯      $54這碟賣相吸引的去骨海南雞飯，雞同飯的份量頗多，外皮色澤金黃的雞塊，油份充足，咬一口已感到雞肉嫩滑，不會乾身，沾上三種醬料 : 蔥油、黑醬油、酸辣醬，味道各有特色，很惹味  ;  再配合黃金飯底，加入香料製成的米飯，香噴噴，吃起來真的回味無窮。去骨海南雞米線    $47我揀了米線，可能近來天氣熱，想吃些粉麵，不會令自己過飽。去骨海南雞賣相吸引，份量多而且是黃油雞，肉質非常鮮嫩，肥美有肉汁，不乾身，這個去了骨的海南雞，啖啖肉，配備3種醬料，沾上了好美味。湯米線條條爽滑，湯底清甜，雞肉和米線很配，讃！黃金炸蝦餅        $45每件都圓圓的，好吸引呀！炸得香香脆脆的蝦餠，蝦肉鮮味，爽滑彈牙，越吃越起勁，眨眼間已被我吃光啦，非常好味！這兩個去骨海南雞餐包有靚湯

今日放假同男朋友係屋企叫網上外賣平台 都好衛生既 有晒 唔同既醬準食真係無骨既食落爽口 ，好有肉感啲飯好多飯桐岩曬，又好岩口味，亦都好入味整體上都唔錯，好味唔知堂食會唔會仲好味呢

相信香港人真係好中意食海南雞🐥今晚食嘅係新加坡風味海南雞🇸🇬而今日食嘅呢間非常抵食🤑值得一去一黎到店員已拎兩碗湯品同餐牌比我地🥣湯品係南瓜雞腳湯🎃飲落幾清甜我地見到2人套餐$158😊都幾吸引有半隻無骨海南雞+1款小菜+1碟油菜+2碗油飯🤗加多幾蚊仲有埋飲品🥤海南雞已經去哂骨🦴無咩油脂雞皮爽滑😌食落啖啖肉😚滿足哂個口油飯如黃金般嘅顏色🔆大大碗食到有黃薑粉味道🍘Yummy😆

元朗又新街出名多好野食，今日就黎到孖寶去骨海南雞度食晚飯，地方整潔乾淨同簡約，而且仲有套餐，價錢相當實惠👍🏻除左孖寶2人餐同4人餐之外，仲可以單點去骨海南雞飯、咖喱系列、肉燥飯同其他小食等等。今次我地兩個人就點左孖寶2人餐，一坐低就已經有兩碗靚湯，南瓜粟米雞腳湯好清甜，唔油膩，揀左半隻去骨海南雞，海南雞好嫩滑多肉，糖醋排骨甜甜地都好大碟😊同蠔油生菜，飯可以揀白飯或者油飯，我就揀左油飯，加咗雞油同黃薑粉，真係好好味成碗飯比我食晒添😂

孖寶二人餐👫只係$158‼️ 元朗抵食之選 👏🏻💛海南雞去咗骨，超貼心服務，食落超方便，不過雞翼部位就冇去骨嘅😝 雞肉偏瘦唔肥，嫩滑可口🤤 💛正宗雞油飯大大碗，2碗應該夠3個人食！有時食海南雞最鍾意食埋個雞油飯，係肥啲，不過比白飯更美味可口，同海南雞好夾😋💛套餐有時菜，生菜配蠔油，有菜食好健康！💛更健康係有2碗無味精靚湯，超足料，飲到有南瓜、紅蘿蔔、雞腳等材料，鮮甜濃味😋💛抵食套餐仲跟一個餸，有10款可以揀，想食糖醋排骨，大大碟，口感好好，又香又甜，啱晒嗜甜嘅人😋💛跟餐加$有飲品或者🌟like & share餐廳社交平台送可樂/豆漿🌟P.S. 估唔到食海南雞都可以聽住音樂食🎶 好有feel~🥰

好久沒吃海南雞飯了，市區好多出色的海南雞飯，奈何太遠，看到孖寶的套餐好像很便宜，立馬來試一下食物海南雞飯套餐$64非常多的料，油飯 去骨海南雞（有腿，胸，翼），菜，湯吃完絕對會很飽！海南雞作為主角，骨去得很乾淨，煮至僅僅熟，略帶血紅，很好醬汁有齊三款，最出色的是濃醬油，甜得來很「掛湯」！薑蓉發揮正常，酸辣汁則稍甜了點油飯以薑黃跟雞湯熬煮過，味道不俗生菜的份量很多，吃完都也是十分爽口，吃完都飽了一半湯是意外的出色，木瓜雞腳湯喝得出毫無味精，甜而不膩，絕對是店家之最燻蹄很肥美，意想不到那麼巨大！加上獻汁甜甜的，很快就飽了餐廳的環境未必是最好，但性價比彌補了這一切

元朗出名多嘢食，開咗Yoho mall之後都黎多咗元朗,次次都係商場食嘢食到悶晒😬行落去元朗最多人去嘅又新街😉無論乾貨同餐廳嗰條街都特別多😄今日見到有啲好新鮮又靚嘅海南雞掛咗出嚟🤤仲有好多雞油喺面🤩俾啲海南雞吸引左我同朋友入去🤣入到去一坐低職員就送咗兩碗靚湯雞腳南瓜湯味道清甜好濃郁嘅南瓜味重點係啱啱煲起熱辣辣🤩叫咗個二人餐，$158，有半隻海南雞雞肉非常嫩滑，雞皮又夠爽口，跟咗一碗油飯😁香噴噴🤩仲可以跟一碟小菜，最終揀咗鹹魚煎肉餅，非常脆口，又夠香，仲送咗碟蠔油生菜，性價比非常高

今日呀妹到訪，老公又海南雞飯癮起，就喺去街市買餸前黎呢度食。三個人叫左$158「孖寶2人餐」，另加$28配蝦餅。例湯係木瓜南瓜雞腳湯，望住個橙色嘅湯特別開胃，好有營養嘅感覺，飲落冇乜味精感，清甜滋潤。海南雞半隻份量足，元朗大部分海南雞店都係泰式style，而呢度提供黑豉油、微辣醬同蔥油，感覺上比較似新加坡style。雞油飯夠哂入味，黑豉油同微辣醬配飯同雞都好惹味，常見嘅蔥油無奈被比下去，哈哈。兩碗飯夠哂份量，三個人share黎食最後都食剩少少。2人餐除左海南雞半隻仲可以九選一揀一款小菜，我地揀左咖哩魚柳，醬汁夠多同杰身，撈飯一流亦唔會過辣，薯仔夠淋超入味，魚柳明明係好新鮮熱辣，但外皮唔夠脆，較遜色。加$28嘅蝦餅有4塊，抵食又好味，蝦肉彈牙可口，不過要小心燙到咀呀。個餐仲有碟菜，都係一碟滿滿勁有份量，三個人食2人餐加蝦餅都差少少食唔哂，性價比極高，絕對有下次！

海南雞飯食得多，但好味道嘅就真係唔多。係元朗新馬路附近行開，見到依間海南雞飯嘅小店好似唔錯，就入左去試，結果有驚喜！係出面睇佢雖然平平無奇，但絕對係一間性價比很好的高質小店。由於我地兩個人都好肚餓，就散叫左半隻海南雞，豬手，同蝦餅。另外配左油飯，係可以係白飯同油飯之間選擇。原來每位食客都會送一碗湯，d料都幾足下，幾濃味。依碟海南雞好嫩滑，送飯一流。豬手濃味左少少，但我本身喜好比較清淡嘅嘢，其他人都覺得很不錯。蝦餅煎得好香，咬落好有口感，值得推介！

-進駐左新界西嘅我，今日晏就去左元朗好熱鬧嘅又新街搵食啦！去元朗食晚飯多選擇就係人都知，但係食午飯又有咩好選擇呢？我搵到依間又平又靚嘅孖寶去骨海南雞飯。😆-叫得「孖寶海南雞飯」，顧名思義就係主打去骨海南雞飯，配以濃郁黑醬油、薑蓉及辣醬，絕不馬虎。啲雞肉皮薄肉嫩，油飯爽口、油度適中，仲食得出油飯獨有的蒜香！除左食去骨海南雞飯，第二個餐叫左去骨口水雞飯，口水雞集麻辣鮮香爽嫩于一身，不過唔係好食到辣嘅我，就落少少醬料，但都同樣美味，非常開胃，送飯一流！🐔-午餐set($44)會包埋足料老火湯，無味精，當日嘅湯係南瓜扁豆雞腳湯，好好飲！餐廳裏面仲有好多選擇，例如魚香肉餅飯、咖哩雞飯及咖哩豬扒飯等，實有一款岩你！特別要講，依度嘅職員好nice好親切，好有街坊嘅感覺，令到你覺得好溫暖。😍-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌑 (4)-➡️ 孖寶去骨海南雞 (元朗)📍 元朗又新街27號地下1號舖

位於元朗食街o既海南雞飯專門店，播住孫耀威年代o既歌，鋪頭細細，但係食客絡繹不絕。驟眼所見，幾乎檯檯都一碟雞一碟黃油飯，咁做得招牌菜又個個都嗌o個味，梗係唔好執輸都試番下！因為叫得飯或者餐實跟一個湯，你一坐低侍應阿姐就會即刻俾定你先，efficiency 嘛！湯係南瓜雞腳湯，純正老火湯，因為加o左粟米，味道清甜。招牌海南雞飯套餐($62) o既主角當然係隻雞，凍食無骨，層皮泛起油光，肉質嫩滑，皮下脂肪部位呈現透明好似啫喱o既一層，係幾唔錯，配埋醬汁就更正，已附上蔥油、甜豉油同泰式辣醬一式三款，任君選擇。飯呢就白飯同油飯都可以，咁當然揀個特色架啦！加o左雞油同黃薑粉，就是特別有馬來西亞氣息，惹味得o黎，一d 都唔辣。呢個套餐另附蠔油時蔬一碟，不過略嫌灼菜d 水有少少鹹……除o左海南雞，餐廳仲有得食咖哩同肉燥飯，寫o左一客糖醋排骨肉燥飯($44)。排骨睇顏色都知熬足好一段時間，肉質扎實味甜。肉燥同台式o個d 有d 唔同，呢度會比較多汁d，同埋食起上o黎帶點中式底蘊。叫多一個餸諗住細細地share 食，點知原來例牌都已經幾大碟。狀元燻蹄($45/例牌) 滷得好入味，齒頰留香。如果有肚o既話，