孖寶發哥豬扒酸辣米線

营业中

休息中

講起酸辣米線, 我就會諗起發哥, 算係唔錯既米線其實主菜既味唔係十分出色, 但味道係好多層次, 每樣野夾埋, 會挺喜歡!佢既招牌係豬扒,個量真係多到好誇張, 有成3塊超大豬扒, 次次食到尾都話食唔晒啦, 唔食啦而且都好夠淋, 係味道咸左少少所以話主菜方面不是很出色, 但配料就好夠會加配好多好多配料, 呢個就係我好喜歡既原因有甜酸菜, 大大粒, 我十分喜歡, 而且叫多酸, 佢真係唔會手軟落勁多俾你個酸菜切粒SIZE 比較 大, 所以口感好好, 我次次都食晒酸菜!仲有花生粒, 新鮮既, 脆既, 咬口好夠仲有我會叫多蔥成個配料配合超好所以我話佢唔係靠單一味道, 係整體配料夾!唔食得辣既人, 都可以試到, 因為佢可以要酸(酸菜), 走辣, 係咪好開心!個排我胃唔好唔食得辣, 就可以叫走辣啦~但酸感口感都係咁好~如果經過呢度可以考慮下!

假日那裡都會人很多中午又不想煮只好等下午茶時間會平價點到下午茶時間那裡也會比平常閒日多人點此家也不例外店內不算大，也大約有3至4張桌都坐滿了，今天不堂食叫外賣也要等一會此店有外賣平台外送服務，單子也不少下午茶一碗米線包熱奶茶或咖啡米線可選（BB辣、小辣、中辣、大辣）除你喜歡2碗豬扒酸辣米線（大辣）配一熱奶茶一熱咖啡米線份量很多含酸菜、花生、生菜等的配菜豬扒做得剛剛好，不會另肉質變得太老外賣盒子要加一蚊

係一個星期日嘅下午，打算係新蒲崗附近食啲嘢，想食個間茶餐廳又無開，見到呢間依稀記得有人提過佢啲酸辣豬扒幾好味，所以膽粗粗試試佢！門面望落一般，有啲殘舊。一入到去個段時間唔太多人，得6-7個客，見啲人講到酸辣豬扒正，就一於試試！小辣豬扒酸辣鳥冬 +熱檸水 $37 豬扒數量同價錢成正比！同埋啲豬扒係即叫即炸，有誠意！可惜嘅係有啲啲難咬。個酸辣湯做得幾好，又酸又辣，又唔會太搶個味！好多酸菜，脆嘅花生！份量合理！幾滿意🤪🤪

今日念住係新蒲崗揾間雲南米線食下,但係見間間米線鋪都無咩人,好似伏伏地🤔行行下見到間ok多人嘅米線鋪就入去試下,之前都未食過今次我地試左呢間店嘅招牌豬排酸辣米線,豬排味道略為過鹹,不過口感超軟嫩,舊豬排炸過,鎖住左啖啖肉汁係裡面,豬排整體黎講係好食嘅,加上一碗$38嘅米線有成三塊大大舊豬排😋真係有d抵,不過米線就差少少,有d米線好似未煮好,真係外軟內硬...😅定係間店想整少少米線嘅口感出黎,不過我就唔識欣賞😂湯底幾清,唔會太鹹太濃,食落應該足料熬出黎😋同埋,我地都叫左碗手撕雞酸辣米線,雞都係好嫩口,不過就無咩肉味,味道一般,不過分量就少d,唔夠豬扒甘多分量,同埋d米線都係有d硬😂所以我估係呢間店特色整體黎講,都算味道唔錯又抵食嘅米線店,不過太遠嘅朋友就唔推薦特燈過黎食

想試好久，平時中午想食都好難攞位，得5張細圓枱，好少位，今日晚上食，人吾好，剛好可以去試下叫左豬扒酸辣米線小辣，本人平時都食開小辣，但呢間小辣出面食辣小辣，吾食得太辣可以試微辣湯底好香，豬扒份量都好多下，大約有三至四塊大肉塊，食完超飽，難怪禁多人食。豬扒剛上枱食落去脆口，浸左湯食都仲有少少脆，吸左湯汁入味更好食坐我對面位小姐食紫菜卷酸辣米線賣相吾差，仲聽到咬入口脆口聲音，下次都要試一下食紫菜卷酸辣米線

又到新蒲崗，新蒲崗有好多茶餐廳，但係咁代表亦都有好多伏。我精心挑選之下，今日試吓呢間孖寶發哥。叫咗個豬扒酸辣米線，要清湯。豬扒唔錯，面嘅份量正常，冇乜大問題，個湯就偏鹹。上菜都好快。大家經過都可以考慮吓。

Met boyfriend for lunch in San Po Kong as he wanted to take me to his favorite tomato soup noodle place. I love tomato soup noodles so he felt this place was the best.It was a small shop with a few seats. But it was also full of people!Menu is in Chinese only.  This is the afternoon tea menu. There is no 10% service charge. All items include a drink. Basically everything is a tomato soup vermicelli noodle with a protein item of choice. You can also choose to have your soup with the numbing spicy

麵食中我至鐘意食米線 今日同屋企人又黎到呢間成日幫襯既豬扒米線食晏坐低餐牌都唔駛睇 就叫左豬扒米線小辣走蔥😝呢間個豬扒好好食！豬扒佢係炸之前人手手搥 所以豬扒炸完之後仲好淋 豬排又好入味 就算浸左落湯到都好好食😛 一碗米線有3大塊豬扒 上面仲有好多酸菜同埋花生伴料 香口花生連米線一齊食無得頂🤤🤤 而且佢個米線同出面食既唔同 係會有少少彈性 唔會淋到無咩口感😎 佢一碗米線先賣$38 連我咁大食都會夠飽 呢d良心小店真係要多多支持💪🏻

之前食過一次孖寶發哥既蕃茄薯仔湯真係覺得好正，酸甜比例啱啱好，蕃茄味又夠濃，薯仔仲要煲到上晒色超入味。不過食第二次，個湯唔知點解清左好多，唔知係咪所有同事一齊叫蕃茄湯，chur 晒佢煲湯加水之過。今日單拖黎食，比第三次機會佢。叫左手撕雞蕃茄湯烏冬（$37), 手撕雞份量唔算多，不過幾入味無雪味就唔錯。幾鍾意佢配料夠多，大量花生，蔥同埋芫茜都幾香。不過今次個蕃茄湯唔知點解勁甜。。甜到好唔蕃茄，真心好失望，最初食果個味道搵唔番，點解！不過烏冬幾入味既，薯仔都好食，只係搵唔番我愛既感覺。

今日太太返工，自己就去做 gym 出下汗，今日就去左新蒲崗果邊做，好快做下做下就到食晏時間，於是一個人去搵野食醫下個肚先，突然醒起有朋友話有一間大大碗米線好抵食，於是就去試試味道，位置錦榮街好易搵到，因為條街有好多麻雀館，所以去到好快就搵到間米線舖可能今日係星期六同埋我一點幾先到，所以我去到都有位座唔駛等，😁😁，唔知平日係咪要等呢，不過唔理呢 d 先，我快快坐睇下 menu 有咩食先，因為夠鐘開餐，試試大碗米線

星期六中午一點左右到達不用等位，環境衛生清潔座位大約可以座20人，這裡叫豬扒酸辣米線當然要試一試，叫了中辣同一杯凍檸茶，豬扒應該是即叫即炸，等了五分鐘左右有得食了，湯底味道比較酸不辣我己經點中辣的有大量花生酸菜蔥花豬扒有三件份量算多，豬扒鬆軟香趣有肉汁夠入味米線可以改油麵，總結價錢味道是值得一試。

小店只有5張枱仔，每次去都揀late lunch或early dinner，聽聞午餐爆滿，觀察到佷多自取外賣。堂食大大碗，食材形成小山丘咁，第一感覺一定食唔曬，結果係食曬落肚。酸辣程度自選，豬扒食得出預先精製，肉質軟諗，味道豐富，再配合少少熱呼呼酸辣湯底，味道再加深一層，不是一般豬扒米線能夠比得上。配菜花生不得不激讚，一食就知預先炒香，咸味剛剛好，花生香味十足，雖沉在湯內，但粒粒爽脆口感，正！另外飲品大大柸，絶對超級抵食抵飲。

下午茶時間有d肚餓見到呢間就入去食叫左碗招牌酸辣豬扒米線 有小中大辣揀 但第一次試 唔想咁冒險所以就揀左小辣試下先唔洗等好耐就有得食 有兩塊豬扒 幾條生菜豬扒夠鬆軟 又入味 花生香脆 我鍾意食辣 覺得小辣算合適 酸酸地好開胃 唔錯唔錯👍

話說之前男同事講過這間米線店d 豬扒份量好足料，男士都食到捧住個肚今次自己一個食lunch，早上食得太少，個肚打鼓打得太響了，於是心血來潮來這裡見識一下正值午飯時段，內裏已人頭湧湧，不過我今次單人匹馬，好容易搭到枱揀左同事食過的 豬扒酸辣米線，要少辣等左一陣，好快姐姐便送上米線，隔離位的食客同佢朋友細細聲講，怪唔知個個都叫豬扒米線，咁大碗我心裏也暗暗的 "嘩"了一聲，份量真係冇得輸，試下個質量先豬扒難以數算有幾多塊，有大有細，有厚有薄，所以有些細塊及薄身的 會炸得稍為硬及乾身左少少，其餘多是入口鬆化的，不過鬆化也有原因，因為食得出落了梳打粉去醃味道稍為重味，但配米線就剛剛好米線質地偏硬身的，夾起不易斷酸辣湯底我要了少辣 (原來還有BB辣)酸味不俗，辣味的話少辣就唔算太明顯，下次可以上調一級，試下中辣先配有 鹹酸菜(爽口夠味)、芫茜、唐芹、葱花、花生，意外的，還配有唐生菜呢食完真係捧住個肚，不過味道真係比較重，所以大家要有心理準備

非常抵食的米線豬扒酸辣米線 $35豬扒約4-5塊，醃得入味，肉質一點也不乾柴！酸菜酸酸甜甜十分開胃！花生咸香可口！米線煮得剛好，份量略少。午餐時間很多人排隊，店內座位狹窄。