季季紅風味酒家

营业中

休息中

年二九我爸話訂咗有米豬返嚟，佢不停話佢食過，好好食之類⋯令我地好期待咩有米豬。個日就4點去到門市自取，見到張張檯都擺滿晒一袋袋有米豬，都唔少人訂。返到嚟一打開係全體乳豬但個皮唔同燒味鋪個種脆面，顏色都比較淺色。依個餐仲送把交剪同有教學點剪開。成隻豬嘅脂肪多過層皮同肉，成件事好油膩。個皮又唔脆又唔香，食幾舊已經好滯。入面啲炒飯又乾又硬又無味，佢仲要吸晒啲油每食一口你就好似飲緊一匙油入口咁！下年唔會再比我爸訂返嚟⋯

專登揸車過嚟訂乳豬！入到櫃檯個阿姐叫我企埋一邊等！！！再問係到掛住傾電話！之後我好大聲叫佢阿姐訂隻乳豬到底有冇人幫到我呀！先聽到！跟住對住空氣講有人訂乳豬之後繼續傾！跟住另外一個同事行埋黎問我做咩事！我話訂乳豬之後就叫我出去等！手勢仲要控你出去！！仲要下午時間冇咩客人都搞到七國咁亂！從未見過一間開咁耐嘅中菜咁嘅服務態度！！個個員工D態度仲要勁差！！見佢老字號先過！！同朋友講！原來朋友一早已經領教過！仲話一早已經冇再幫襯！就係因為啲員工態度好差！

🍽燒賣皇佢嘅燒賣好足料，大大嚿，真係好好食😋🍽家鄉炒米粉見佢個樣覺得佢白雪雪，但係食落去好夠味，好香口，炒得夠乾身！😋食物：️8/10🤵🏽‍♂️服務：8/10🍴環境：7/10💰人均消費：$80🤩性價比：8/10

藍地季季紅風味酒家係中國100大中餐廳❤️今日特登帶男朋友同一家人去朝聖飲茶🫖美食方面，點心絕對是「大件夾抵食」！一粒蝦餃內有三隻鮮蝦 😱🦐 牛肉球彈牙可好💗叉燒腸粉即叫即蒸 🥰 乾炒牛河足料有鑊氣👍🏻 咖喱牛腩河粉絕對係必叫美食🥘 五個人埋單$442，人均$100都唔使，個個食到捧住個肚走😋環境方面，季季紅風味酒家保留舊式酒家的設計。沒有華而不實裝修，只有踏實而健談的侍應、部長，給予客人親切的款待👍🏻酒家座落於村屋附近，周邊有小樓房、舊式茶餐廳、和久違了的雜貨店。整體感覺好似大澳、西貢的鄰舍生活，甚有老香港的味道。秋天同人行完山絕對推薦特登去季季紅風味酒家🍁

馳名有米乳豬質素下降，肥膏多於肉加埋皮夾埋，騷味十足，之於飯就相當黏口 ，唔啱口味，服務態度更是不可接受，接電話的服務員沒有耐性聆聽 下單，人客未講完，佢已搶先搶攻，無下次。

很久没到過藍地了，由於放假特意來到在疫情中幸存的最後一間季季紅。酒家屬老式風格讓人懷愐一番，近妙法寺可以順道兼遊，上層比地下冷氣更足，所以選擇了樓上的座位，而且地下的部長不斷遊說搭枱的，有點不近人情。叫了的是假日二人特惠餐，一套有一飯三點心(預設無得揀擇)，先來的咸魚雞粒炒飯炒工一流，飯不會太硬身，味道咸香之餘有很多的雞件，而且份量頗大，及後三個點心也是熱辣辣地來，只覺山竹牛肉較"削"欠彈牙的口感，鮮竹卷味道一般但餡料多寡算合格，而奶黃飽則是大size的三顆，餡料雖不是真正流槳但味道也OK。128元套餐再加一個芥菜豬骨湯連茶芥加一合共170元，畢竟老式酒家在香港已買少見少，在疫情中還望大家支持以得幸存。

季季紅得番總店，其他分店執晒是日郊遊完，2點15分去飲茶點心質素唔太掂。例如魚肉又粉又唔好食拖羅叉燒，我唔太欣賞，一半肥膏一半肉，肉無質感，肥膏唔係特別整得美味$10一碗湯，估唔到咁大碗幾款可選，我揀了白菜乾豬肺湯，因為豬肺多功夫，唔多起地方有得食，我阿媽都唔整啦。湯的質素一般

岩岩搬入屯門.. 晚晚收工見到佢好似都幾多人買2-3餸飯.終於的起心肝試一試佢啦之前煮旺角 我都經常買3餸飯食而且仲相當出色....我以為依度都會係咁現實總是比幻想殘酷😂價錢係平既 2個餸連飯 $36但真係食一半都食唔落去首先佢個勝瓜炒魚鬆.. 一打開已經見到個勝瓜係黃色 以為佢煮左好耐啦... 咬落去仲好生架陣草青味湧晒出黎！！魚鬆就不過不瓜囉 係魚餅黎跟住四季豆欖菜... 啲四季豆係咁咬到佢啲粗纖維完全無去絲架！真係食到忟唔會有下次

2021.3.21 (日)一向喜歡慕名而去搵美食，通常都會睇左食評先，這間藍地季季紅都係劣評不斷。但有著一班幾十年的死心粉絲，點都唔會執既。點衰都要試一次。今日食左：豬腳羗$38：2隻蛋＜1隻爛左＞豬腳＜很多豬皮／皮與肥肉沒有瘦肉沒有豬腳＞羗＜有5大片＞ 【好明顯，係無完整豬腳，只係豬的下欄豬皮及骨】。燒鵝燒肉飯$50：一般，無特別。燒味凍，飯係暖。糯米雞$28：用手摸荷葉，1個字【凍】，同白恤衫男講，佢好快講：翻蒸啦翻蒸啦。鮮竹卷$20：第一啖未咬落去，上唇凍下唇冷（10度都無），叫返白恤衫男黎，佢即刻話【取消啦】。茶錢每位9蚊，咁就成肚氣咁食左一餐。至於季季紅仲要唔要吸納新客人，貴公司有權選擇。

之前有幫襯過季季紅覺得正常味道，$36外賣一個餸 ，算幾抵食。食過生炒骨，味道ok ，份量又多又多餸。亦食過京都豬扒，但係好難食，好大陣油益味，豬扒好梅🤮🤮🤮🤮好耐冇食 ，今日經過唸住再試下，今次買咗粟米斑塊真係好好好難食，魚碎都冇，更加唔好講斑塊了，伏到喊，估唔到佢依家做到咁差🤮🤮🤮 另外食過兩次佢哋最出名嘅乳豬，好肥，食幾件已經好漏😥 千祈唔好食佢個有米豬，d飯吸晒d豬油，啖啖都係油，好難食😑

昨日家人喺藍地季季紅訂咗個盆菜， 正當大家諗住開心食盆菜提早做冬至， 一打開見到呢個盆菜， 唔知以為係餸頭餸尾擺埋一堆， 完全冇砌好， 仲要係冇湯冇汁跟， 當時見到個盤菜大家都嬲爆， 冇見過咁差既盤菜， 亦冇諗過一間咁出名嘅食肆出品會咁差， 然後即刻打去鋪頭問點解會有咁嘅情況， 當時只係諗住叫佢送返啲湯汁過呢就算 但點知接聽電話嗰個服務員態度更差 ， 完全冇諗住補救同埋提供售後服務 淨係不斷話鋪頭現時好忙， 你方便就自己過嚟拎！食物品質差， 服務態度更差， 為求賺錢 竟然喺大時大節給客人這樣劣的食物， 大家不要再幫襯

都知道地方偏遠，出發前打電話去問有冇燒肉。佢答應我半個鐘至一個鐘內會有，於是乎出發。到步，有條毛！師傅同我講，今日應該都唔會有燒肉。老兄，我鴨脷洲過嚟專登食石爐燒肉呀，玩咩！臘腸就有。俾人玩乜心情都冇啦。冇客，冷清清。一怒之下買個叉飯打包就算，以示抗議。吹漲，又幾好食。叉燒睇佢乾增增咬落好鬆軟，調味恰當而且有一股獨特的芳香。醬汁也十分之香。最值得一讚是白飯十分之香軟，而且是熱騰騰的。氣稍稍消了一點。

好少寫食評，但因為之前睇過食評投訴呢度嘅服務態度，食過之後好想幫服務員叔叔姐姐平反一下！記得差不多10年前住喺附近時幫襯過飲茶，印象只留有服務員都係比較年長的，沒有其他特別感覺。11月2號去完下白泥影日落後，壽星公喜歡廣東菜，咁就去食燒豬賀一賀佢來個小慶祝啦！門口比以前熱鬧咗好多。可能因為疫情，門口放咗幾架車仔 企住幾位店員，熱熱鬧鬧叫賣住外賣小炒、點心、2餸3餸。良心價格。入到去唔似新式服務，無人帶我哋位，見我哋望下望下，就好親切咁講「隨便坐啦」，原來係自己搵位⋯唔通服務真如評論寫嘅咁不濟？原來，服務就在你坐低一刻開始！一坐低，應有嘅服務都立即有，茶壺、洗茶壺、飯前花生，服務員全部隨時ready 服務你，點餐有禮貌，有耐性，仲有親切tim！睇得出係好積極嘅服務團隊，傳菜姐姐一出來，侍應立即上前上菜，感覺到員工們都在開心工作，笑容滿面、輕輕鬆鬆。他們的輕鬆自在源於熟練及合拍，他們會留意到我把湯飲完了，會問我要不要添、會提醒我小心夾餸時整污糟自己嘅闊衫袖等等。好似係好平常好應該有嘅餐廳服務，我亦講唔到有更特別嘅事令大家覺得「嘩！真係好好服務喎」。但全餐飯我係食得好溫暖、好親切，係出自真心

奶奶生日唔可以外出吃飯，所以訂季季紅嘅有米豬，賀一賀佢！❤️🎂訂購時已經安排 下午 5:30至 7:30 送到，5:30 打電話來確認，未到六點到咗！打開時熱到盪手，大概二個幾鐘後食，豬仍然熱、脆！炒飯好好食😋好甘香可能吸收左啲豬油😍值得翻單！😋

本人5月尾訂隻有米豬賀大姐登陸！之前在友人家吃過覺得唔錯，送到來還有微暖，於是照版煑碗！但一開始已被送貨的搞到甚不高興！網購時已付加送貨費$80，共收$740，呢個可理解！誰知 confirmed order後再來電說運輸要加收$20？？！！！雖然只廿蚊，超不爽開口加收。說真的，佢唔講加費，我接貨絕對會比飲茶錢！連食物熊貓都送貨啦，又不是什麼偏遠地方，只荃灣綠楊後面之馬！條氣唔順！送貨當日又被屈話我 cup佢線，跟本都冇接過電話，好無奈🥺，唯有🙊！！希望季季紅檢討一下個運輸公司啦🙄