安南越式牛肉粉

营业中

休息中

近期多咗過鰂魚涌工作, 發現附近原來有不少餐廳都會做下午茶。哩間安南平時都有食開, 今日做嘢晏咗嚟, 坐低先發現原來佢哋都有下午茶.佢2:00到6:30係優惠時段, 仲有成18款揀, 選擇都好多~ 而且全部都唔過$50, 仲包杯熱飲! 凍飲同其他特飲品都係加幾蚊, 感覺真係好抵! 平時lunch淨係碗粉都$50-60, 我仲諗緊係咪下午茶份量會差好遠先咁平, 但其實又真係同lunch差不多!食飽飽埋單都只係$42, 比平日喺附近食lunch都的確係平一節, 以後要晏啲食飯先得~

今日午餐去左食安南越式牛肉粉。🙂我叫左個生牛肉牛丸湯粉。佢真係生牛肉，上檯個時仲係好紅🤩，但係涮一涮就變左做淡啡色，食落去好嫩滑🤤，唔錯👍🏻。佢既牛丸幾彈牙，不過對比之下冇生牛肉咁出色🙈。可惜佢既牛肉同牛丸數目真係少得好可憐，變相食完好似冇食過咁🤨。佢既湯粉係金邊粉，比較黏埋一齊，夾起個時有少少一 pat pat 既感覺😖。湯底比較清，食落唔會好咸，但又未去到冇味😅。至於友人叫個個香茅豬肉撈檬，佢既豬肉數目唔算好多🤔，但係至少多過我碗既牛肉加牛丸既數目😂。佢既撈檬味道幾清新，仲有好多青菜、青瓜同埋蘿蔔絲🥰，豐富得黎又好食，唔錯😍！

散叫叫左一碗牛肉丸湯河$57同一個咖哩牛腩配法包$57，黎到得湯冇河，算數當我講錯，碗湯併埋得3粒牛丸開邊，+D芽菜咁就賣57蚊，咖哩牛腩仲誇張，成碗牛腩得2舊，好野...咁既鋪頭都可以做到有分店，靠乜大家自己諗下.

今天父親節，全家到鰂魚涌公園遊玩。其實是＜只得細路＞開心地在遊樂場玩，家長們都是陪坐。　而公園旁的太古城是高消費地區，所以荷包乾硬化，嚴重發錢寒的晩餐付款人～吾也，選擇在鰂魚涌附近晚餐。　在網上找到這家越南菜，餐牌有香口小食，有湯粉麵飯，又有不同冷熱飲品。完全滿足男性對於啖啖肉，大件夾抵食的願望。超平價格，又可以全家食飽飽，抵！太陽下山後，在六點半左右來到，大量座位。於卡位就座後，要點菜了！　　　生牛肉湯河粉　　　　自己喜歡牛肉，而熱湯浸出來的生牛肉，肉質是最嫩滑的，這就是越南生牛肉湯河的精髓所在。配上洋蔥，九層塔，青檸汁等天然調味料，非常有越南特色風味。　　　先把生牛肉浸在熱辣辣湯底內，牛肉剛由粉紅色轉為淺啡色之時，就是牛肉肉質最嫩滑的黃金時間。先把滑滑牛肉消滅，然後才到滑溜的金邊粉。　鮮茄牛腩湯河粉　　　偷嚐一匙湯底，是鹹鮮中帶甜的蕃茄湯底，絶非罐頭蕃茄醬／勁酸茄膏的貨色。下次要試一試這款鮮咖牛腩河。　　　沙嗲牛肉飯　因為要迫小米食辣，就由甜中帶辣的沙嗲開始。　而小米看到牛肉，馬上接受這款。果然是真牛肉，跟生牛肉湯河那几片牛肉，是相同貨色。下方墊底的芽菜勁索汁。小米大口大口地，把沙

係鰂魚涌返左幾年工，基於之前好差用餐經驗，都好少黎呢間食，但今日要食快飯，唯有再次幫襯，順便睇下有冇改善啦...講真佢收$50 一個餐，唔算貴，但要平啲，附近有多更便宜選擇，佢唯一勝在唔使點排隊，就算要都10分鐘內必坐低（講緊平日1點放飯時間）。叫左鮮蕃牛腩金邊粉，首先牛腩得兩舊，其他全部係牛筋，仲要係有毛既筋見到都唔開胃！金邊粉就結到一pat 野咁，唔講以為係米糊。係個湯叫幾好味。另外茶餐廳都唔期望有咩好服務態度，只係冇諗過咁差啫，剛食完放低筷子就收走你碗野，催你埋單咁，咀都唔俾時間你抹！

一個人吃飯，問門口啊姐一個人有無位，啊姐個人對住你，手拿著派飛紙，但可以將頭擰埋一邊當見你唔到，如果人多的話我明白，但當時沒有其他人在旁。過10秒後，我再問一次你是沒有飛定沒有位，啊姐才不耐煩大大聲說要搭六人抬。基本上吃飯全程你可以聽到她們不斷大大聲"點"d客，"你去呢度你去果度"，十分煩擾之如有種貼錢買難受的感覺。搭枱我okay, 但可不可以有番做人(不是服務者) 的基本禮貌及態度？ 我花錢吃飯，都唔該前唔該後，你受薪服務，可以好似趕羊咁對客呼呼喝喝？食物ok，但服務態度十分趕客·

前嗰排去完越南，就已經好掛住越南湯河，返到香港一直都想食，依家見到個Pho就會好想衝埋去睇個餐牌，咁啱公司附近有一間，所以就揀左Ah Nam Pho午餐時間門口好多人，但等左5分鐘就入得。我覺得食越南野一定要食生牛肉，於是就order左生牛肉湯河，河粉可以轉做金邊粉或者濛粉，午餐set配埋嘢飲，特飲都係加$6生牛肉湯濛黎到會配埋青檸同辣椒，啱晒我心水，（成日覺得冇落青檸就好似漏咗d野咁哈哈）成碗野起碼有六，七塊牛肉，而且牛肉唔un，有少許牛肉味，檬粉多到食唔晒，$56來講真係好抵食，不過不失，會再黎

喺鰂魚涌午飯時間周圍都咁多人等位食飯安南算係人流快，等位都唔算耐但如果早過1點入去食就有機會比人趕走，唔可以食完同同事吹下水餐廳入面坐滿晒人其實都好逼下我同朋友入去坐都要搭檯同朋友一人叫左一個午餐香茅豬肉撈檬+凍檸茶$61（凍飲加$3）一上台嚇左一嚇勁大碗，成座山咁香茅豬肉入味凍檬配料好多加埋酸魚露，酸酸辣辣好惹味最後都食唔晒女仔份量黎講非常足夠凍檸茶茶底濃左啲札肉雞絲湯金邊粉 + 熱華田 $60湯底清清地，有啲甜味有4片札肉，一堆雞絲金邊粉份量都幾多朋友都食唔晒因為我地1:15先入座，所以可以坐到2:15因為啲人已經返晒工

係鰂魚涌返工幾年 已經覺得周圍食晏食到無野好食哈哈今日食左安南 嘅熟牛肉河粉牛肉無乜牛味 不過50蚊黎講 我都可以接受但不得不提 佢啲服務態度係算差嘅而且 唔算乾淨！試過碗粉入面有發泡膠 杯入面 又有茶漬所以如果你有潔癖同唔想受氣 就唔好黎食喇！

「安南」(筲箕灣福怡大廈) 分店處處做得很出色，但為何這間「安南」(鰂魚涌龍景大廈) 分店做得這樣差呢？小弟“以為”兩家分店應該是一樣，可以放心用膳。吃飽後大約一小時腹瀉二十多次，最後要見醫生！可能我身體抵抗能力差。不過我一定會向食環署投訴，傳真我的《醫生紙》給有關部門跟進。首先講服務，全體阿姐態度一致地“差”，有合作精神。不知禮貌謂何物，如狼似虎！空坐位多的是，但客人冇權選擇坐位，要聽從她們一切不知所謂的指揮。我絕對相信CSD的伙記們比起「安南」阿姐更有禮，得體和合理。再講食物，我吃了“熟”牛肉河粉，金邊湯粉及炸春卷，份量少，是我食量大，不是「安南」的錯！牛骨湯底加了水和大量味精，口喝到極點！如果你不怕被破口大駡的話，可以請求阿姐多加一杯凍飲，當然要加錢啦！曾經向服務員阿姐表示食物不夠熱，在下巳不敢要求“加熱”，生怕廚房大阿哥生氣幫我“加料”！此地不怡久留，為了顧及自己生命安全著想，快點結帳，奉上金錢及盡快離開案發現場。將來就算「安南」皇上免費任飲任食，小人都不敢再來！這次算我多多得罪，阿姐不記小人過！有圖有真相！

從來末見過一間咁差嘅餐廳！我一家五人嚟食飯，叫杯水都比女侍應閙！樣樣事都借機會搵人出氣，態度惡死，服務差到冇人有，從未見過！空枱就放個“已訂坐”牌，乜嘢意思呀？妳咁鍾意同另一個女待應傾八婆嘢，又唔做正經事，公司請妳返嚟做乜？無人管理嫁咩？經理去咗邊？老板去咗邊？食物好差！五樣嘢都食唔落口！湯唔熱！食咗一半發覺食物有問題，立即走人！“東張西望”應該去拍攝吓，比全香港人知！成間嘢都有問題，千萬唔好幫襯！

友人早到又不熟悉路況，隨便選了這餐廳先坐下來等我，慘劇的開始。我點了B9 咖哩牛腩湯河粉，改檬粉，配熱奶茶。友人點了B13 。B9 捧上來一碗滿滿咖哩湯汁，中心放了一片九層塔，很好看！由於咖哩湯又黃又濃，看不到湯裡任何東西，筷子🥢一夾下去，夾不起來，改用湯匙，一撈起來全是短短碎碎的檬粉，唉😩。無奈，一入口，果然如外表一樣，浸泡到又大又軟毫無彈性可言。全程用湯匙🥄，不用筷子，可想而知多脆弱又碎！重點：不是咖哩，咖哩很差，不香不甜不惹味，這還不是最震撼的，最後震撼的是「牛腩」！我一直撈一直找，千辛萬苦才撈到三小塊牛筋，三塊小得可憐，加起來可以一起放在一個湯匙🥄內😱😱😱。之後再沒有了😭一舊牛腩都無，係零牛腩，係零！！話說回牛筋，好硬無炆淋，失敗。連奶茶也是一敗塗地。我無話可說，看看店內服務員的嘴臉，知道無用。我悄悄的來，便悄悄的走，只怪自己。

第一次去食午餐，就已經一肚火，真係以後唔會再去！有負分，我係會俾負分😡😡😡😡😡😡😡5位一齊去到攞位，門口阿姐問齊人未，我哋話已齊，咁就入去坐底啦，有3個就要去門口先食煙，行返出去。兩個先睇食乜，隔咗一分鐘左右，點知有個阿姐話我哋只有兩個人，要我哋出去再攞位，我哋話頭先入咗嚟啦，行咗出去食煙咋。點知每隔1-2分鐘，D阿姐就輪流過嚟大聲夾惡話唔齊人，再講只係喺出面食煙，D阿姐連續嚟咗三次，怕咗D阿姐，出去叫三個返入嚟，但人哋口煙都食到未有一半入唔到嚟，咁就先叫5個餐，喺入面嗰個朋友話，我出咗去揾人，D阿姐又連續環嚟話幾次，叫完餐仲有阿姐過嚟嘈，話得2個人，我哋話餐都叫埋啦，仲想點呀！前前後後D阿姐起碼大聲夾惡話唔夠人，超過6次以上！食餐飯都要鬧交咁，不停係咪挑戰底線。

Friday night加完班 9pm入去想吃個快晚餐，間舖明明好多位，可以随便坐。所以選左個近大門囗四人位（其實有好多空枱）,個阿姐超寸，一定要我去入边兩人位，都冇客人。即刻走人，唔會再入去。

食物本身都無乜嘢，但聽電話既姐姐態度😏😏差到一個點，叫外賣有時間要求係常識，我都係講大約啫，姐姐回覆整完就送架嗱😏咩態度🙄❓送外賣姐姐都一樣咁正，送到上嚟倒瀉咗其中一杯飲品，唔出聲佢重想當無事😡，叫佢再拎嚟佢重好唔願意咁，找錢重好笑找落地下😡咩態度⚠️