安南越式牛肉粉

营业中

休息中

又到星期六，係時候出街搵嘢食啦！太古坊裡有太多選擇，今天就試下 安南咁啱，得返門口彎位。一睇，又幾好喎，自成一角之餘仲可看街外人來人往（但絕對唔似平時坐窗口位真人show咁）本來想叫多碗粉，可惜食唔到咁多嘢。牛油雞翼好香蒜蓉味，d肉也算juicy。值得一讚係碌蔗蝦，好味。

近符沒有軟殼蟹的軟殼蟹卷！太過份，食過咁多次軟殼蟹卷，這間店可以用搵笨+離鐠來形容！一碟4件的所謂軟殼蟹米紙卷每件米紙卷裏只得一條2cm極薄的幼腳仔，加埋d炸粉係原全感覺唔到有軟殼蟹食到。同侍應阿姐講，2位阿姨加1位哥仔答話係咁架，軟殼蟹好貴加嗎！如果佢話句唔好意思，唔夠軟殼蟹就唔好賣！仲話係呀，相D蟹腳包出嚟，而家冇包出嚟.....究竟1cm嘅腳碎可以掂包到凸哂出來呀？！

最近(都講左幾十年),想減肥，係太古打完拳就會去鰂魚涌搵野食，一向有選擇困難既我，左揀右揀決定入黎安南食越南野!由於我想減肥，唔想食咁肥咁油膩咁咸😎最後我決定!!!食撈檬!!!但係唔爭氣又為食既自己，口裡說不落order時卻很誠實~叫左個三拼.....撈檬...朋友反曬白眼，我笑住講:通常啲三拼份量都好少，點知一送到上黎😧係咪咁多餸啊啲肉唔洗錢咩!勁多，真係勁多，我一個努力減肥既女仔係無可能食到咁多肉同啲撈檬，入正題:撈檬好味，黎三次食三次，口感雖然乾身但唔會好硬，加上花生碎好香，菜絲蘿白絲加埋個汁，好清新。我最唔中意啲汁酸既，安南個汁我覺得好岩胃口，而且好濃味，唔似出面啲大型連鎖店溝稀曬。三拼有1. 香茅豬扒(係薄豬，豬個質感有小小韌，可接受既，但好入果，真係好入味，同埋份量好多，我唸起碼3份2塊)2. 炸雞鎚x2 (皮薄，雞唔算jussy但都滑)，3.扎肉x 2(個扎肉係食完會 Er.........都係放棄啦...係濃味，但味道好奇怪，香料好多，我食唔慣，或者你會中意ge..第二係朋友叫既珈喱牛腩飯佢話個汁幾濃味，岩撈飯(上次食茄汁咸到要加水落湯)，今次係有小小驚喜既~牛腩都算入

4個人lunch去食，有1個要遲d先行得，咁一行3人去拎飛先。餐廳講到明齊人先入得，我地都已經 miss 左幾張枱。之後有個呀姐出黎話有張枱叫我地坐。坐底1分鐘度，收銀個呀嬸走埋嚟大大聲話你地未齊人喎，趕返我地出去，俾下一堆客。我地話係佢同事俾枱我地，收銀大大聲話規矩係咁個喎，屈我地係私自入黎坐底。我地話我地可以叫4份餐先，個收銀極差態度話 d 野食到，你個人都係未黎架！我想揾俾枱我地個呀姐出黎做証，但個呀姐笠左水入廚房lu...唔想同個收銀繼續嘈，唯有走去另一間食坐底左俾人趕返走真係第一次！收銀呀嬸態度極差劣！！！

I visit this restaurant frequently during the week as they have affordable lunch, dinner and tea set menus. The pho is filling and delicious.

我第一次光顧此分店灣仔大有商場，正值下午三點點了一個教你遊覽飯及一杯咖啡，是應立即回覆咖啡要加＄18，因為是滴溜咖啡！我覺得合理所以接受繼續點菜。十多分鐘後咖喱牛腩飯上枱，立即嘗試一口，真是全地球最難吃的！咖喱沒有香味又稀，牛腩又硬！而所謂的滴漏咖啡，只有非常的苦澀味，絕無任何咖啡香味，於是叫侍應將幾乎原封不動的咖喱牛腩飯攞走，出乎意料，侍應的反應是非常平靜，亦沒有查看原因便張飯取走。而咖啡我亦是原封的放在枱面，補充一下當咖啡送上時，侍應亦放了一支牙膏式錬奶予你，兩者混合之賣相，我只能形容為恐怖。總括來說，食物質素已經不甚好，侍應招呼才是最敗筆的－環，相信回頭客不會有！

第一次食，已經覺得要再嚟喇！食咗個蝦頭海鮮河，酸辣湯底，酸辣度適中，唔會蓋過鮮味。海鮮配料有兩隻蝦、兩粒迷你帶子 (五毫子大小)同兩隻細細的青口。細係細，但都好食，蝦鮮+彈牙，帶子青口味道都好。可能係新開，所以地方都好乾淨。一碗粉由$4X-$5X不等，咁嘅價錢喺呢區算係咁啦。

八月份才新開的食店，在公司附近都有數家以越南食品為主題的餐廳。在到處都是人山人海的人龍中，就嘗試一下這間新開張的越南河粉專門店。 餐廳內的環境當然不算寬敞，在商業大廈林立的鰂魚涌區下午都是人山人海 。幸好四人座位還是坐四人，卡位和散座都未有一般茶餐廳的迫夾。環境而言，是可以接受的程度。 午市套餐的餐牌，包一杯熱飲。其實同樣的食品若散叫的話大約每款平5元。若人多一點可以散點一些小食也不會太貴。同樣午晚市也有多人套餐，可供大夥兒朋友分享。主要是多了小食，油菜等。蕃茄牛腩湯河 $48。湯底雖然不算是濃厚，但蕃茄容看得出是有經泡製，不是那種溝茄汁了事的湯底。湯底酸酸甜甜。感覺是適合夏日的，牛腩反而沒什麼特別感覺。 熟牛肉湯金邊粉 $48這款湯底應該是以牛骨，豬骨等煲成。湯底不錯，有清甜不腻的口感。金邊粉幼滑，與清新的湯底有個不錯的配搭。唯獨是牛肉有點過熟 ，有可能是因為人流太多，控制不了其火候的原固。安南咖哩牛腩飯 $53有點意想不到的是飯的份量頗大，而且個人喜歡那種粒粒分明，充滿嚼勁的味道。咖哩的味道不辣,應該有加了椰汁來調味。帶有一份甜味的味道，即是不嚐辣者相信也可以一試。這個