安南 (又一城) (已結業)

又一城An Nam真心好OK，一定會再黎！餐廳係朋友簡，聽佢講食越南High Tea我本來都無特別期望haha一入去餐廳啡木色既裝潢加古式吊扇，好古色古香，staff安排左旁邊係溜冰場景既玻璃卡位，未坐低已經感覺好chill。廢話唔講，野食真心好食！叫左個「Touch of Indochine Delicacies」($328/2位)有個豐富得體既三層塔， 炭燒大頭蝦配蘿蔔糕係係另外再上， 加個面食(我點左龍海蟹仔肉～)每個款式份量都岩岩好，唔會過量食到你滯／膩，完全滿足到樣樣都想食D既我！炭燒大頭蝦都算厚肉～個汁唔錯～龍海蟹仔肉湯檬係鮮茄湯底，酸酸甜甜勁開胃！而Ｄ蟹仔肉都好香，夾埋其他配料類似炸脆蒜我真係比好高分呢碗湯檬！三層塔頂有細細份既芒果紫糯米飯同焦糖焗蛋中層有各式咸點～蝦多士好正，熱騰騰十分香脆！下層仲有其他甜點～Ｄ款都唔悶～不得不讚個咖啡奶凍，好濃咖啡香～整體１００分我會比９字頭！好掂！３-６PM 仲要有8折～P.S. 個朋友好耐無見，多謝餐廳提供左個咁Chill既環境比我地，傾到唔想走～HAHA!

帶埋爸爸去high tea~一直都搵緊九龍區邊度有坐得舒服又飽肚嘅high tea，終於畀我搵到一間食越式tea嘅好地方。又一城安南嘅tea set變咗做全日都有得食，2位用$328加一，三層架上有鹹有甜加2碗粉麵，3-6pm幫襯仲有8折，真心好抵食🤩鹹點有我嘅最愛牛油雞翼同燒豬肉伴濱海，另外仲有每人半隻燒大頭蝦，好多膏，味道都唔錯👍甜品我覺到斑蘭西米糕最正，唔係好甜又煙煙韌韌💖。麵食揀咗一碗越式牛河，另一碗叫咗蕃茄蟹肉湯檬，兩款都好好食，大推夠晒濃郁嘅蕃茄湯檬🍅有碗麵都夠晒爸爸食，等佢唔洗再眼金金我只係帶媽媽去high tea而唔帶佢去食tea。

星期六放假嘅下雨天加上氣溫只有10度左右，最好嘅節目就係去high Tea，今日我哋去咗又一城打算食完野又可以行吓街，係餐廳門口見到個介紹牌，就入咗呢一間越南菜館試吓佢個下午茶，內容非常豐富有鹹點甜點兩碗粉面同飲品都只不過三百幾蚊，首先有兩碟半隻嘅炭燒龍蝦同蘿蔔糕，龍蝦非常鮮味，跟住鹹點有炭燒豬肉濱海、軟殼蟹紙米卷、炸雞翼等等！甜點就有芒果紫米、布甸、咖啡涑、我最鍾意嘅班蘭糕。越南牛河肉質嫩滑，蟹肉鮮蕃茄湯檬蕃茄湯底濃郁，我們三人行加了一個燒雞和一杯茘枝特飲。真係值得推介呢一個下午茶環境好又抵食。

An Nam is always my dining choice when I visit Festival Walk. They have managed to keep their food standard over the years. It’s a very busy restaurant hence do not expect great service, every server is always on a rush ! Reasonably priced dishes with good quality food 👍🏻

今日和老婆於又一城安南食越南菜, 我們點了什菜煲, 香茅朱扒、蟹肉炒粉絲和燒白鱔。什菜煲好足料有生菜, 西蘭花、蕃茄和豆腐, 湯底清甜, 生菜和西蘭花食落爽口新鮮,蕃茄食落鮮甜開胃, 豆腐豆香味濃, 吸收了湯汁, 口感豐富；香茅朱扒食落啖啖肉, 配上花生碎和魚露食落口感有層次, 配菜羅白絲和青瓜食落開胃；蟹肉炒粉絲份量十足, 材料有蟹肉, 雞蛋、札肉、蝦仁和粉絲, 蟹肉味道香濃, 雞蛋炒得金香、札肉和蝦仁食落彈牙, 粉絲炒得乾身爽口, 口感味美；最後燒白鱔是餐廳限定的菜式, 白鱔炸得金黃, 食落香脆, 魚肉肉質鮮甜, 配上甜酸醬食落口感豐醒胃。餐廳座位闊落舒適, 食物份量適中, 而且美味有水準, 我和太太食了一頓高質越南菜。

朋友預訂了3:00下午茶 ，因為我有腳傷剛剛睇完物理治療早了完成，所以我比原定時間早到半個小時; 看見餐廳內半邊埸地空著，我便問門口接待可否隨便給我一個位置坐着等朋友，因為我整親腳，不方便隨意走動或企。完全估不到她的回應是不可以但無解釋，我問點解之下她便說要清潔，但根本沒有任何人在清潔。我再重申我有腳傷，她繼續說 「是你自己早到」。雖然此事已發生在幾個月前，由於最近有朋友推介我這間餐廳，所以我有必要再重提此事再說食物質素也未如理想，蝦多士只油膩而不脆；紙米卷很硬及乾；班蘭糕沒有班蘭味蟹粉0k，但味道可以再濃一點蝦餅味道OK雖然裏面其他服務員態度殷勤，但由於有害群之馬，都彌補不到我對餐廳的印象，所以我不會再幫襯！

安南蜜汁燒雞🐔安南春卷越式炒金邊粉飲品：特飲青檸沙冰🍹蜜汁燒肉質鮮嫩, 蜜味甜甜地配搭非常好, 伴以香脆的糯米糕, 煙煙韌靭口感很不錯招牌春卷有蟹肉、蝦肉、豬肉加上越南粉絲, 熱辣辣皮薄炸得很香脆金邊粉蛋香味重配上特製醬汁, 酸酸甜甜好味道青檸特飲是期間限定, 定時跟據當造水果而作出調整濃濃的青檸味, 酸酸地很開胃很解渴環境寬敞舒適, 特式裝修設計, 服務態度不錯, 很適合一大班朋友聚會, 值得再encore 的餐廳

One of the few Vietnamese restaurants in festival walk. The price is reasonable. The service is also ok. Quality of the food is also normal. In total it neither disappoint you nor make you excited. If you take the window seats, you can see ice skaters and enjoy more.

An Nam is always our tiebreaker choice in the dreaded restaurant dilemma, because of its consistent satisfactory quality. We sat  down and ordered  Deep-Fried Spring Roll ($118.00).A traditional crispy fried spring roll with crabmeat, shrimp and pork, serve with fresh lettuce and herbs. Shredded chicken and vietnamese salami noodle soup.($98.00)They served with flat rice noodle in superior broth, nice and yummy Yellow curry beef brisket with french bread ($168.00)This is the southern vietnamese

朋友推介越式high tea, 唸住一般；試完先知，越式食品唔止河粉好食甜品都非常出色😍早一日訂枱，無講明坐近溜冰場，唸住入去先講，客人不多，餐廳不願安排😖算！原來tea time只有三層架$198法式焦糖焗蛋，唔太甜膩⋯⋯滑，椰青果凍有淡淡之椰肉，清甜細細份，剛好🥰左：蒜茸牛油雞翼、西貢蝦多士、越式蒸粉卷我先食鹹點，每款點心都各有特色，較喜歡蝦多士及雞翼甜品：越南咖啡奶凍、西米班蘭糕😋😋😋椰汁紫糯米較飽肚，留最後食鮮蝦米紙卷，講真我食唔到蝦😢炭燒越南大頭蝦，燒得香甜蝦味濃郁蕃茄蟹檬，另+$18/碗🉑3選1，最多只可點2碗

平時食下午茶多數都係西式多，朋友話上網見到呢間越南餐廳嘅下午茶好似唔錯，就一齊去試試。餐廳擺放食物有心思，上層係甜點，中層係咸嘅食物，最下層亦都係甜品。椰汁糕同布甸整得唔錯，唔會太甜，中間個層就最鐘意食米卷，米紙入面包住粉絲同新鮮蔬菜，食落好清新。炸嘢都整得幾好，全部表面金黃，食落唔會好油膩。除咗各種小食，佢下午茶仲有大頭蝦以及一碗粉，百零蚊有咁多嘢食，餐廳環境又舒適，而且冇限時，絕對係性價比高之選！

今日中午同兩個同事出去食飯，在九龍塘又一城揀咗間越南餐廳”安南”，入邊啲裝修梗係事事正正啦，對住又一城既溜冰場，景觀幾好。👍🏻首先上菜既係頭盤小食，個沙律都幾清新，有柚子、有清新既薄荷味，隔離仲配搭左脆口蝦餅，蝦餅上係烤雞肉粒，旁邊仲有個粉卷，有蘿蔔餡，配搭都幾新奇，粉卷個醬令佢增添左唔少色。然後炭燒豬肉撈檬啲料都好多，甜酸汁係另上，比大家自己食之前再落既，係好有特色。同事叫咗個生熟牛肉河，佢話好嫩滑好正。另外一個同事就叫左炭燒雞扒絲苗，感覺唔錯，飯另上，佢話好香，食落都好飽。飲品方面可以點冷或熱既清檸冰茶、熱清檸蜜，不過我們都覺得略甜了，不過呢杯野就在大熱天係唔錯選擇。三個人食咗四百幾蚊，依個價錢係又一城黎講OK啦。

平日假日見呢間餐廳都要排隊難得今日平日見唔使排隊於是入去食個LunchOrder左一個招牌火車頭首先試一試個湯底味道唔錯, 唔會太油膩, 飲得出係落過功夫配料份量多, 味道都算正常但唯一係件牛筋唔夠淋,口感差左小小

去到又一城太多餐廳選擇，因為比較夜啲嘅關係，所以就隨機選擇左一間越南餐廳。比想像中好，女兒可以一路看着溜冰，一邊食飯，非常開心。食物方面，都尚算好食，味道比較偏淡。環境非常乾淨，服務態度非常好。10分推介

想同朋友傾吓計，但是其他餐廳成日都話一個鐘一個半鐘就要交返張枱，所以我們決定在這裏食下午茶，點知原來食完下午茶根本唔使再食晚餐。三層架上的甜品很有特色，最鍾意椰汁味的糕點。第二層的炸物好正，滿足一下平時怕熱氣的我。除了三層架，竟然每人有一碗湯麵，一隻大頭蝦。