安南 (又一城) (已結業)

平时食下午茶多数都系西式多，朋友话上网见到呢间越南餐厅嘅下午茶好似唔错，就一齐去试试。餐厅摆放食物有心思，上层系甜点，中层系咸嘅食物，最下层亦都系甜品。椰汁糕同布甸整得唔错，唔会太甜，中间个层就最钟意食米卷，米纸入面包住粉丝同新鲜蔬菜，食落好清新。炸嘢都整得几好，全部表面金黄，食落唔会好油腻。除咗各种小食，佢下午茶仲有大头虾以及一碗粉，百零蚊有咁多嘢食，餐厅环境又舒适，而且冇限时，绝对系性价比高之选！