安安燒 (鯉景大廈) (已結業)

其實得閒無事都會去食下 最喜歡他的店員友善 令你覺得可以同朋友傾下計 傾下又叫下野食 舒舒服服的 唔會好似出面既餐廳 食完晒 尐店員就會企係你旁邊 呢間服務真心好朋友同我來食 都跟我說相比旺角店 他比較喜歡筲箕灣的加上是芝士控 特愛這裡的芝士麵 芝士十分香濃 而芝士翠肉瓜 也是芝士控必試加上間中食物都有新款 不會食到悶 唯一就是如果多一些熱飲會更理想 很多女士都不太飲凍飲 而熱飲選擇少 平時只會叫飲品 請他們給我沒有放雪櫃的 如多加熱飲 或有熱水提供 就非常理想

尋日星期日到了筲箕灣 “安安燒” 食串燒，因為沒有訂坐都擔心沒有位，七點半左右到達，好彩都仲可以安排到室內唔錯嘅二人枱比我地。我地共點左8款食品同兩支啤酒，整體都覺得好好味，店員服務唔錯，每枱都有3款調味料比客人自己加重口味，包括有梅粉、香辣粉同孜然粉，沒有想過梅粉酸酸地同串燒又真係幾夾，整體呢間串燒值得推介，會再幫襯！Coedo Kyara手工啤酒:除左點了1支藍妹外，叫了1支Coedo Kyara手工啤酒試試，第一啖入口有點點甜味，之後便有一點點苦澀味，都可以一試，但如果想易入口D都係叫返藍妹穩陣D。玉子燒:係煎得較實個種，對個人來說偏甜一點，如果能做得軟滑一點同冇咁甜會較好。燒牛舌串:又厚又軟的燒牛舌，超好味，我很少吃牛舌的，怕有臊味，但這個燒牛舌一點臊味都冇，必試!蒜蓉扇貝:雖然扇貝比想像中細隻，但舊肉又唔係真係太細粒，仲有超多蒜蓉，唔算係好鮮味，但就十分惹味，推介!芝士蒜蓉生蠔:又係勁惹味之選，但芝士味一般，唔算很好吃的芝士，但蒜蓉就好好味，生蠔比想像中大隻，感覺都幾肥美，下次可能點一般蒜蓉生蠔都可以!美國牛小排:不算厚的牛排，比想像中細份，但都燒得剛剛好，配埋梅粉同香辣粉又

其實從這間店的開業到現在，我只吃過一次，味道不差但我想我不會再來我透過openrice訂座，訂了18:00，是店剛剛營業的時段，兩個人，我和我朋友一起去。天氣那麽冷，我當然選擇在室内用餐啦，不過坐的位置近門口，是没什麽區别的一坐下，可能是比較早的關係，店長馬上遞上了菜單餸菜有分很多類，丸類、招牌芝士撈丁、海鮮類、蔬菜類、特色食品、甜品類、飲品類等等。價錢偏貴，某些海鮮是以時價來計算，而且有些菜停止販賣了絕大多數食物的份量與價錢不成正比玉子燒，口感鬆軟嫩滑，值得一試但畢竟安安燒以串燒聞名，想吃玉子燒的話建議到專門店。傳説中的三重芝士撈丁，份量小，芝士味太濃，個人不太喜歡。没有令人激動尖叫的拉絲，平平無奇，不值45之價值然後是年糕燒、雙重芝心丸和一口甜薯。這些是最令我驚喜的小食年糕燒口感扎實、年糕煙煙韌韌、加上少少辣粉，惹味不太能吃辣的也不要緊，辣粉的辣味適中，值得一試！雙重芝心丸裏的芝士相比起芝士撈丁的比較淡，但反而更對我的胃口口感跟其他坊間賣的差不多，没有特别之處。一口甜薯口感同様煙韌，味道與認知中的没太大差别，但形狀真的好可愛，令人有種一口接着一口的衝動，「一口」甜薯並非浪得虚名桂花

突想食串燒，見附近有間安安燒評價唔差錯，試下先。天氣涼涼地，有室外座位，正。餐牌有好多選擇，真係頭都大埋，唯有隨筆點幾味啦。餐牌設計幾好，過了膠，有三行可三次追order.用完，抹左佢又用過，環保，慳錢。串燒就必然要啤一啤。食得好滿足，除了羊串稍為乾身左，其他都好味。個人推介 燒韮菜，沙爹金菇（唔駛成日食牛油蒜蓉金菇）同燒雞泡魚干。冷盤皮蛋，竟然跟沙糖上，薑就差左d(日式酸薑)。太多選擇，忘了食至愛之一：玉子燒相信天氣回暖前會去多次。仲要試下個招牌芝士撈丁。

平時去開旺角分店，去咗N次，最近先知原來港島東區都有分店，正！真係方便我哋呢啲港島區人。頭先去咗食啦！地點唔難搵，嘢食水準無變，感覺上冇旺角嗰間咁迫。我幾鐘意呢間！！！檯上面仲有提供調味粉。佢個芝士系列撈麵～唔使講～必食啦！仲有個燒雞翼一流呀！！！仲有其他小食，大家可以一試。推介！會再同朋友去！

對於嗰啲鍾意食串燒嘅朋友，安安燒係一個及好嘅選擇。位於筲箕灣嘅安安燒包埋各式各樣嘅川氏串燒，肉類，丸類，餃類，蔬菜瓜果類，海鮮類等等。今次食嘅沙茶醬燒雞脾菇，香燒豆皮，火辣惹味燒尖椒，秘製麻辣靚水魷，烤法式羊架和青岛啤酒。我自己係一個非常鍾意食辣嘅人，所以勁鍾意火辣惹味燒尖椒，唔單單鮮嫩多汁，整條辣椒包埋裡面嘅辣椒仔真係辣都癲，幾刺激！秘制麻辣靚水魷係特別獨特嘅，口感有啲似jelly但係嗰做法都好入味，香辣可口。最最推薦嘅就係佢啲嘅烤法式羊架，鮮嫩可口，美味多汁到極限，仲配有高質素黃油，非常非常好吃！

其實安安燒已經食過好多次， 突然好掛住佢惹味嘅串燒 所以決定Friday Nite黎放任狂食一番由於朋友唔鍾意坐室外而我哋亦唔食煙， 所以透過openrice訂位嘅時候已經著名我哋要室內位置。 而今日一早已經有職員打嚟確認訂位， 亦都可以安排到室內位置畀我哋😀 餐廳 面積細細， 餐枱唔多， 但勝在坐得舒服， 唔會覺得好迫。 我哋被安排坐喺餐廳角落一張二人枱， 店員好細心咁問我哋需唔需要畀一張圓櫈我哋放嘢好，點野食先！ 其中一樣令我鍾意呢安安燒嘅原因就係食物種類多今次都叫咗一啲之前冇叫過嘅嘢食燒海螺串 第一次食味道唔錯燒花之丸 我覺得呢個係必叫燒鴨舌同燒雞腎 鴨舌燒得燶咗啲 而雞腎亦令我有少少失望， 因為其中有一粒雞腎未熟😣燒冬菇 完全係難食， 只係食到苦嘅味道同燶嘅味道， 絕對唔推介呀！蒜蓉燒扇貝芝士蒜蓉燒生蠔 味道一般， 可以一試秘製麻辣牛骨髓 第一次食牛骨髓， 本人自己唔太喜歡， 辣味亦唔夠， 唔會再叫特色雙拼腸同燒燒賣 腸就冇咩特別燒賣唔錯. 燒雙重芝心丸 不過不失最後仲叫咗條燒黃立倉, 78蚊一條燒得剛剛好味道亦唔錯, 可惜個汁整得唔好味, 又唔酸又唔辣, 味道仲好古怪, 所以

黎到筲箕灣一個比較陌生ge地方，原來都幾多特色餐廳，而當晚就係朋友生日話想食燒物，就唔打唔撞黎左Le 間食燒物。。。環境方面都幾有風味，可以選擇坐室內或者室外，風味十足，可以同友人飲返幾杯啤酒談笑風生。。。兩個人都叫左幾多燒物：走唔甩ge一定係燒海鮮海鮮新鮮就點燒都好食，輕輕加返d蒜頭去刺激一下味蕾，聞都都已經覺得肚仔餓燒蠔好juicy ,蟶子又燒得岩岩好，帶子鮮甜美美。。。燒沙茶醬金菇鍾意食沙茶醬ge朋友就會鍾意食，始終金菇好吸味。。。燒茄子Le個又係必叫，燒茄子要燒到岩岩好，因為燒太耐就冇水份，乾曬，但Le 個茄子就真係不得了。。。燒菠蘿菠蘿好甜，所以只要輕微燒佢兩燒已經好好食。。。燒粟米，好甜ge粟米。。。燒娃娃菜好甜，好爽口。。。燒羊架睇相都已經睇得出佢有幾juicy ，而且唔重羊酥味。。。燒廚師腸同芝士丸燒Le d真係唔會難食得去邊，純粹回味燒烤味道。。。店長推介：黑松露墨魚滑好食，有口感，香口配上淡淡黑松露香味，令件事更加完味！。。。當晚朋友好開心，滿足到食燒物ge願望。。。分享完畢🙇🏻‍♀️

如果想同朋友飲酒傾計好多人都會選擇落bar，但其實熱熱鬧鬧咁食下串燒都係唔錯既選擇，今次就試左呢間串燒店~係店外既客人仲可以自己燒噢~蒜香燒扇貝，四隻大大隻既扇貝，非常新鮮~上邊鋪滿左大量嘅蒜蓉，少量香蔥同辣椒，蒸出黎味道一流~沙嗲豬頸肉，非常精緻，厚肉之餘仲好淋身，配上醬汁食用更佳~三重芝士撈麵，用料十足，烤到表面既芝士焦脆，撈一撈趁熱食勁滋味~烤芝士獅子狗，表面塗上薄薄既蜜糖，一咬入邊d芝士就爆曬出黎~極度推薦~

今日同男朋友難得黎到筲箕灣，就順便係度試下平日無食過既新餐廳啦！揀左呢間近地鐵站既安安燒呢間串燒店有分户外同室內，户外可以自己燒（除左海鮮），而室內就係師傅燒左再上，因為今日同男朋友都比較攰，就決定交比師傅燒算啦，有機會再享受一下自己燒既樂趣同男朋友食左好多，講下其中幾樣野食啦～串燒咁熱氣，個人習慣會飲下涼茶下火或者飲蜜糖水滋潤下。呢度杯菊花蜜唔會過甜，菊花同蜜糖既比例剛剛好，飲左兩大杯呢燒韮菜 $19呢個燒韮菜正呀燒得幾好，唔會韌到嚼唔開個種，灑上大量孜然粉加小小辣椒粉，好惹味呀～雞腎 $23/2 尖椒 $～20或者係我偏好重口味啦，雞腎感覺灑上更多調味粉會更好尖椒不過不失，還是較喜歡煎釀三寶那種！燒菠蘿十級推薦！！十分清甜多汁沙茶醬金菇既份量很多呢，金菇吸取醬汁後十分惹味辣汁煮蜆呢個反而有啲失望，其實蜆嘅份量都幾多，雖然細細隻但都有大約30隻，但辣度明顯不足，如果有得揀辣度會好啲

電話打去溝通左外賣自取，話20 分鐘後去拎俾credit card, 20 分鐘後去俾完錢先真正落單開始煮，咁我預早打去order 為乜呢？一開始我有問到係咪可以電話落單再取，浪費時間.... 一直幫襯開但今次第一次電話落單係服務上非常失望

雖然店鋪小小,但係充滿住好好既氣氛,好有日本居酒屋既感覺,我同朋友都叫左好多唔同既串燒試下。佢D燒蔬菜真係冇得輸,個醬汁好好味,我好鐘意食翠肉瓜,佢真係燒得岩岩好加埋Cheese口感又唔同左,好想不停咁encore。沙荼醬燒金茹,幾特別好似有小小沙嗲味但又甜甜地,間中食下都唔錯冇咁悶。三重芝士撈丁 真係充滿濃濃既香味,撈個下好治癒,唔會好dry,不過真係要襯熱食唔係會變硬~羊架同埋脆皮雞肉同真係十級推介大家食,佢係燒到岩岩好好JUICY 唔會老D肉好嫩,好好味,佢又唔會好咸味道岩岩好,唔錯唔錯~

筲箕灣大馬路個邊有間串燒價錢夠大眾化 食物質素唔錯法式羊架 $79有齊黃芥末醬同薄荷啫喱醬可以點 別出心裁而且羊架烤得非常好 肉汁澎湃肉味夠晒香濃 令人回味無窮鍾意羊嘅千祈唔好走寶！美國牛小排 $46咁嘅價錢可以享受大大塊牛扒 真心抵食牛肉五成熟 肉質鮮嫩多汁唔會燒得過乾 沙茶醬燒深海大墨魚咀串 $28/串墨魚咀爽口彈牙 配沙茶醬別有一番風味而且比較特別 出邊好少見蒜蓉撈丁 $36岀面好少食到呢住隻撈丁蒜味十足 惹味到不得了每一啖都食到蒜蓉嘅味道而且唔使單單食串燒咁單調 又飽肚

朋友成日話筲箕灣有好多好野食, 今日剛好在附近做完野便順道約到附近食飯, 之前同事食過幾次呢間串燒店, 佢地都話呢間水準一直保持得幾好, 所以我地就為我地既晚餐選擇了這間餐廳😊；我們到達餐廳時剛好7點, 都已經見店內既枱坐滿了2/3, 我地一坐底就order左每人一支手工啤, 食串燒當然要襯啤啦！ 佢地提供好多手工啤選擇,東南亞區既brand就不在話下, 佢有紐西蘭brand, 小妹少見其他地方有提供來自呢個國家既手工啤, 當然不可不試🍺🍺, 佢帶有少許薑味、麥味唔係好濃, 係適合女仔飲😉...

去開港島區做嘢，對一次黎已經係搭車入石澳，筲箕灣一早講咗有好多好嘢食，之前睇fb post有介紹嚟間，就約朋友飲番杯。對我呢個方向感平平嘅人，都搵到，地點唔難搵。我早咗到，係咁熱嘅天氣，一入到室內係超舒服。可能個人近排躁啲，入到嚟有一刻平靜咗。而且我真心要多謝職員超好，晏就開完會電話得番6%，職員借出自己叉電器，救左一命，可以聯絡到朋友。我幾欣賞佢呢間落單方法，又環保又清楚，只要用紙巾抹，又可以好快用，慳唔少紙。呢支係荔枝加蘋果，無我想像中果味重，啤酒味就夠，價錢都係37支。三重芝士丁呀，我最愛嘅芝士，佢上面燒過一層，好邪惡。撈起上嚟好味，佢底有用佢嘅湯包，成件事好完美，45元還可以。牛舌（$33）嚟講，呢個燒得幾好，唔會太硬，趁熱時要快食。呢個我有啲驚喜嘅，我以為會係成條粟米一半份量，點知係成條，燒得好靚仔，粟米本身都夠甜，正！是日海鮮有大扇貝，當然要會一會佢。用左蒜蓉整，鮮味都夠，如果可以再燒多陣可能更好。豚肉，好味，好豐富嘅口感，另外有我喜歡嘅羊肉串，唔羶，正！仲有其他餸，差唔多食咗一個人200元度，呢個價都ok，夠飽。