安樂快餐店

营业中

休息中

我覺得香港仔大道安樂快餐店D食物好豐富又好味,而且老闆同老闆娘招呼好有禮貌,食物例如:雞扒通粉,西炒飯,芝士三文治,凍奶茶最好味,我覺得同朋友,家人值得一試,我放假就會試下呢度既下午茶餐

茶味香濃，想飲濃啲滑啲可提出要求！加埋炸雞髀或炸薯條簡直絕配，仲有蔥花旦治，可惜食哂先至醒起冇影相，下次補返先得，老闆口花花，好鍾意講笑，飲杯茶同佢傾下計都幾好。溫馨提示：炸雞髀即叫即炸，唔會炸定，需要等10至15分鐘，老闆話炸定再返炸會唔好食，會干身同埋冇汁，就算人多都要等，一次最多炸兩三隻要保持質數。每日下午1：30至下午3：15會休息，要去記得時間。薯條是非一般茶餐廳是所用著條，是用曲條的，又是即叫即炸，都係要等，所以要食的話，趕時間就要打電話去叫定先，建議堂食，外賣會淋哂。