宜家家居美食站

营业中

休息中

ikea 成日都出唔同口味既新地，佢marketing 每次都做得好好，令人好想試，但奈何一直都冇機會去食，所以今次經過，又見到係開心果，就即刻試試佢。睇佢本身張相好吸引，多開心果醬又鋪門開心果粒，加埋滿滿既雪糕。但最後我手上既新地就好似有d 貨不對辦。雪糕本身唔濃開心果味，偏水，唔係重奶。開心果醬唔算多，但佢係成個新地主要開心果味既來源。開心果碎，個職員好似好努力倒出黎，但好似倒極都倒唔出，當倒出之後，下，乜完架喇。忍唔住問可唔可以再要多少少，佢倒多兩下...結果要"多"開心果碎，都只係圖片咁樣...食到一半就開始覺得有d 甜，不過兩人share 住食，又買左支水飲，覺得還好啦。

薄荷黑朱古力新地筒得返最後幾日咋！ 好彩趕得切食😋$6 真係冇投訴，薄荷味同朱古力味都夠同平衡😚 個筒仲要係脆嘅 💯 4月30日前就無㗎喇！鍾意薄荷朱古力嘅快啲去食IKEA 宜家傢俬啦🍫

💥今期特別有薄荷黑朱古力雪糕，其實雪糕嘢呢一個價錢嚟講真係好平，$6，好食過麥當勞嗰啲好多，薄荷朱古力雪糕非常濃厚味道，主要都係充滿黑朱古力嘅味道，薄荷嘅味道就唔係太出，不過以呢一個價錢嚟講，真係冇得輸，個cone都非常之脆，CP值非常高，鍾意食薄荷朱古力雪糕嘅朋友不可以錯過！💥肉丸，佢嘅肉丸，不嬲都係佢哋嘅王牌食品，真係非常好食，再加埋佢嘅特別醬汁，同埋紅莓醬，味道更加有層次，而且價錢嚟講都唔算太貴，鍾意食肉丸嘅朋友都可以試吓

大家都知道IKEA除咗係傢俬店之外，佢嘅美食小食站都係非常之出名嘅。今次唔係去食熱狗，亦都唔係去食肉丸，而係去食新出嘅movenpick雪糕!movenpick雪糕一向都唔便宜，但依家去IKEA買，加埋咖啡，只需要20幾蚊，真係非常之抵食。雪糕一球係雲呢拿味，冇得揀其他味，分量比想像中多好多，用一個紙杯裝好連埋蓋，非常乾淨衛生，方便食用。而咖啡方面，係一杯好似Espresso咁嘅份量咖啡，而且咖啡味道偏苦。個人就喜歡將雪糕點少少咖啡一齊食，中和到雪糕嘅甜味之餘亦都可以中和咖啡嘅苦味。

一向都好鍾意行IKEA，尤其是係尖沙咀分店呢間，啲店員真係好Nice☺️今次行過終於食到呢杯花生醬味雪糕，之前行太古分店嗰陣直頭係太好賣已經賣晒試唔到🥹 老老實實，我覺得$6嚟講真係好抵食🥰應該雪糕有超濃郁嘅花生醬味，而且頂上仲有花生碎喺面，綿綿嘅雪糕加上有咬口嘅花生碎冇得輸🥜 而且雪糕筒亦都係脆卜卜而唔係軟腍腍好似放咗好耐咁！ 雖然同行朋友覺得呢杯雪糕好靚，但係我就覺得啱啱好😋

每次經過宜家傢俬，總係會想睇吓佢哋嘅美食站有咩新嘢食，最近得知佢哋嘅蒜蓉雞翼同緊$10.3隻優惠啊！當然忍唔住要去買來試吓啦😆除咗雞翼之外，仲買咗焦糖咖啡同埋牛油果雞胸back食，加埋唔使$50 ，都真係幾平🤫一嚟到就忍唔住食咗隻雞翼，但係真係有啲失望，除咗唔熱之外，層皮係淋嘅，雖然唔貴，但係質素真係可以好啲☹️反而咖啡同埋杯算唔錯，咖啡飲落去有淡淡的焦糖味，雖然唔算好濃郁，但係都值得呢個價錢，而呢個都有兩塊雞胸，包睇唔算好煙靭，但係都唔會好似普通麵包咁軟腍腍，算係值回票價雖然佢哋成日出新款，但係都希望佢哋啲嘢食可以保持一貫水準🤫相比起成日出新款，我會期望佢哋統一食物質素🙂改善食物質素參差嘅問題

🥜港式格仔餅配香濃花生新地及煉奶超濃花生味雪糕敏感牙齒但溶得快都食到格仔餅香脆薄身加埋奶似平時啲味一人食有啲太多💲19真係無可挑剔好多人食 要等一陣🥐瑞典肉丸牛角包窩夫即刻夾俾你 唔熱牛角包脆但無味要自己再加醬成件事唔夾 分開食咁💲23可一不可再

🧇港式格仔餅配香濃花生 $19格仔餅雖然凍咗但仍然脆口花生醬味的雪糕 食落都幾甜 完全唔需要落埋煉奶 不過落煉奶都幾好食 會令個餅無咁乾可惜嘅係缺少港式格仔餅的牛油香味🧈而且雪糕溶點低 食到一半就開始溶 好彩佢有張紙兜住 唔係一早漏到周圍都係雪糕份量都幾多 好難夾埋一啖過咬哂建議係旁邊攞個羹 𢳂一啖雪糕咬一啖餅🧇

✨乳酪雪糕（走配料） 我地純粹口痕，但又未至於餓到需要飽肚，所以先走配料🤣🤣Ikea乳酪雪糕好重益力多味，酸甜度適中👌🏻質地順滑而細膩，溶化速度好慢。好鍾意佢嘅厚實‼️空氣感幾乎係零😳覺得$15好抵食💵💸

試試新產品🔥見唔少人大讚呢個好食大部份人都特登嚟試呢個▶️ 港式格仔餅配香濃花生新地及煉奶 Hong Kong styled waffle with peanut sundae and condensed milk ($19)格仔餅薄身🧇冇一般格仔餅窩夫香但算唔錯，做到少少外脆內軟個雪糕先正😍花生味好出，似真花生醬味，只係冇咁dense另外係唔太甜，可能本身雪糕帶少少鹹味鍾意甜嘅可以自己加附送嘅煉奶，個人覺得唔落已經好好食一凍一暖嘅港式格仔餅的確第一次食，絕對有驚喜，一定要試！呢個價錢冇得輸，平靚正❗️💡想試就捉緊時間機會啦，31/3最後一日

🧇港式格仔餅配花生雪糕格仔餅口感好神奇😳集齊脆脆地又淋淋地，軟腍腍同時有又硬硬地😂係我第一次食到嘅格仔餅口感🤪食完超級飽肚🙈個雪糕超正，鍾意花生醬嘅朋友一定會上癮，花生嘅味濃郁到成個口都充斥住😍正！🧄蒜香雞槌3隻做緊特價$10蚊3隻諗都冇諗就買咗嚟試🤤抵食過某間連鎖快餐店嘅脆香雞翼🤣蒜味唔會好濃，唔怕食完口臭😂炸粉都唔會太厚，厚薄適中，如果屋企樓下有嘅話應該會日日買嚟食😂😂

本身諗住嚟食雪糕, 嚟到嘅時候排緊隊有啲人話新款個雪糕好難食, 所以我就即刻轉太就嗌咗呢個炸雞塊試吓, 點不知又凍又硬， 個沙律醬加埋柚子味好似怪怪地😅😅😅如果係即叫即炸會好啲嘅可能擺咗喺度好耐啦， 下次都係食返熱狗穩陣啲😅

買個熱狗氣水餐，個包細咗好多，而且乾硬化，重要系凍嘅，果然平野無好野，系我錯左，斟嘢飲啦，三分一系汽水，三分二系泡，重點啲泡唔會消，勁！好飽，因為啲泡泡，以為飲緊啤酒

ikea一向都有雪糕食經常有唔同口味新推出每年都會出唔同品種嘅榴槤雪糕而且啱曬榴槤控嘅就係可以加多幾球榴槤蓉雪糕本身係燕麥奶口味齋食都好好食🤤🤤加埋榴槤蓉一齊食更加正而且唔會太甜，甜味多數都係榴槤本身嘅甜味雖然間中聽到人話好臭不過鍾意食榴槤嘅人真係希望長期有得食🤣

買嘢順便食埋下午茶見到新出雪糕圖幾靚 就去試吓普通綠茶味，加啲星星脆脆支糖直插落杯雪糕度 搞到勁污糟支糖就算有層膠膜包住都唔想食另一杯綠茶紅豆仲好味紅豆唔會太甜，仲有魚型蛋糕仔