宜家家居美食站

营业中

休息中

IKEA，又可以前做學生時代，我已經成日去食，佢最鼎鼎大名嘅就係熱狗餐，我記得嗰陣時係超級抵食熱狗加汽水都係$11真係唔知邊度搵，嗰陣時為咗慳錢，每日返學放lunch都係會過去食而家大咗，平時返工放lunch或者經過肚餓，我都會過去兜一個圈，因為每一次每一日佢都可能會有啲唔同嘅嘢食出現，而且價錢又唔貴，有自助形式，咁當然佢嘅IKEA有餐廳，不過尖沙咀嗰間就得企位，同埋只有快餐小食，就唔係坐低有得鋸扒嗰隻今次我嗌咗三樣嘢，成為$60 ，依家食嘢，除咗睇價錢之外仲會睇肥唔肥性價比夠唔夠高，佢個三文魚卷係我成日都嗌嘅， 20幾蚊一舊，已經過咗同區嘅好多 卷物～因為都幾大條，而且醬汁多，不過佢係凍食嘅，所以我就嗌咗個熱食，今日見到佢有雞髀，所以就忍唔住嗌，同埋我成日都想食嘅腸仔，佢今日終於都有啦雖則知道自己食唔晒，不過都嗌咗三樣嘢🤣❤️‍🔥佢價錢平，不過味道真係一啲都唔差，最方便嘅就係佢真係好近地鐵站，返工之前，或者收工嗰陣經過去食埋，放我呢個打工仔真係啱晒

之前既榴槤雪糕系列都已經好出色，今次出左芒果系列。而且非常特別之處係用香港其中一個甜品轉變左雪糕味，就係我最愛既楊枝甘露新地，仲要價錢只係$19。個雪糕味一啲都唔假，唔似藥水味，係好香既芒果味，另外仲有新鮮既柚子果肉加芒果肉，配搭埋西米根本就係一個甜水，真係好出色。IKEA既雪糕永遠都唔會令人失望。

.去尖沙咀 又肚仔餓想食啲簡單 又好抵嘅嘢食.K11 Art MALL 姨媽傢俬美食站絕對係快靚正嘅首選.今年夏天嘅 即點即制班戟有甜又有鹹.所以 我點咗個 牛油果雞肉班戟配沙律醬.大概等咗10- 15分鐘.班戟有大過我手掌根本一手不能掌握.最期待嘅梗係佢嘅牛油果🥑但我咬到第三口先食到牛油果生菜同雞肉都 加好加滿沙律醬都平均加識落感覺好fresh、好健康最後 食到所有材料都唧晒出嚟.真係要好好研究點樣可以完整又不失禮貌，食個班戟

本身都冇留意榴槤系列已經完左，阿妹send左張ikea嘅新宣傳相黎，新產品就梗係要試下⭐️西瓜雪葩杯配西米涼粉好似食緊西瓜冰咁，好正，好好食🤤同夏天好match，好正，有機會要再去食

IKEA 芒果班戟真係好凍味!個班戟皮好軟滑,咬落去有種即溶唔粘牙嘅感覺。餡料部分,芒果唔係話好多又甜分量好足夠,一件就飽肚。不過可能有少少太甜,如果有提供低糖選擇就更好啦。最主要係佢creme有啲漏 多過芒果份量好多整體嚟講,IKEA 呢個芒果班戟係一款清新爽口又味道濃厚嘅甜品,值得一試。

今日去了試食榴連雪糕，排隊的人超多，因為真係又抵食又好食，足足四大球榴蓮肉才HKD$59，又香又滑超滿足😌作為榴蓮控是不能錯過的！還有買了榴蓮糯米糍 HKD$19 🤣，不過有比較有傷害，都係雪糕感覺滿足感大好多！食完好飽肚，已經食唔落正餐一口氣食咁多，真係不要太過分！

每次宜家傢俬推出榴槤雪糕都一定會幫襯唔止一次，但食嚟食去都覺得尖沙咀分店嘅職員係整得賣相最靚嘅，榴槤雪糕味道當然非常之好味，加埋佢砌得咁靚嘅外表，五球榴槤蓉好似花花咁圍住啲軟雪糕，食落都覺得開心啲，所以之後都再幫襯咗幾次

食完早飯，因為晚餐食物一般唔太飽，就去左Ikea。一行到Ikea，就被濃濃榴槤味吸引。Ikea 宜家有好多榴槤食物，例如雪糕新地，糯米糍，西米布甸等等。我就點了：榴槤植物素新地配4份D175红蝦榴槤肉其實Ikea有最低入場既榴槤植物素新地配單1份D175红蝦榴槤肉，但由於志不在植物素新地，只配1份榴槤肉對我不太吸引，於是直接跳級點了配4份榴槤肉。第一啖先吃榴槤植物素新地，竟然比我想像中好，有好濃烈榴槤味，值得一讚。 之後開始食榴槤肉，就開始完全蓋過新地既榴槤味，可想而知榴槤肉幾咁香濃。第一次食D175红蝦榴槤肉，都覺得正由於條隊都幾長龍，職員不停為顧客裝榴槤肉係新地上。少少提示，職員好落力起勢裝榴槤肉，尤其是買多份榴槤肉會比較滿所以易鬆脫，拎起前最好先用匙羹壓一壓榴槤肉，我自己差啲就跌左一份榴槤肉

本人係中意食榴連，炎炎夏日，梗係要食榴連雪糕啦。近排ikea 出咗榴連熊，一於收工就去試吓先😉仲有榴連肉tim 加重榴連嘅味道😀如果你好想再多啲榴連肉嘅話，都可以加錢加配🤩喜歡榴連嘅你一定要嚟食

榴槤嘅季節又嚟到啦！！每次IKEA同麥當勞都分別會推出唔同嘅榴槤雪糕 🤤🤤 今日經過IKEA，即刻衝入去🤣🤣 未去到食飯時間，人流唔算太多，排隊俾錢大概10分鐘到就買到啦 👏🏻👏🏻👏🏻 今次買咗兩球D168榴槤肉嘅雪糕，瑞典肉丸同埋煙燻蜜糖腸。 D168榴槤雪糕 （$42）本身IKEA個雪糕巳經非常香滑，而且入口即溶，對比起其他幾間雪糕店嚟講已經算係唔錯架啦😎 今次自選果蓉嗰度加咗兩球榴槤肉，入口非常香濃，絕對生色不少！！ 目測絕大部份人手入邊都會揸住一杯榴槤雪糕 🤣🤣🤣🤣 瑞典肉丸 （$13）肉丸係ikea 經典嘅食物🤣 每次嚟到都必定會買佢黎食，配埋肉汁一齊食，味道剛剛好煙燻蜜糖腸 （$15）不過不失嘅腸仔

係尖沙咀行行下街有啲餓，又咁啱聞到浸榴連味，沿住浸味就入咗ikea美食站。原來！D24番咗黎，作為榴連fans緊係唔放過啦我嗌咗個D24榴連植物奶素新地，同以往一樣，個榴連大大舊兼啖啖肉，而且好香榴連味🤤🤤🤤個雪糕就相對淡啲，但又同個榴連幾夾，下次要加多幾舊榴連先！

有到榴槤季節，總忍不住要去宜家專門店，開心去選購。與朋友剛午餐完畢，飽足異常，一起選擇一顆兩顆三顆四顆，我們不想太飽，就選了兩顆。榴槤味道超濃，榴槤蓉有質感，值得一試。

今次試咗佢嘅花生醬雪糕格仔餅 其實都幾足料 格仔餅脆卜卜 啱啱加熱完 另外雪糕花生醬味道唔算太突出 但係夾埋落去都幾好食 再加上有煉奶喺面 味道都算唔錯個人最推介佢嘅雞髀 入口好嫩滑，而且好入味

今年呢個 #榴槤季節 真係不得了🤤 冇諗過就算連 IKEA 宜家家居 都有真正嘅 #榴槤雪糕 供應… 由 #尖沙咀港鐵站 行過嚟 K11 Art Mall，遠遠已經聞到一陣 #榴槤 香💨💨 當然呢種香氣唔係人人識欣賞，縱使佢哋嘅 #美食站 大排長龍，「榴槤小區」就只有識得欣賞嘅小粉絲捧場🤤 #小秘書 一向都覺得 #IKEA 嘅 #雪糕 混得太過多冰，口感麻麻，而且又唔夠奶味😗 所以如果唔係因為有 #榴槤肉 做膽，我都未必會幫襯😅 所以呢我建議大家想去試嘅話，要比多少少錢，起碼加到兩至三份果肉再撈埋啲雪糕一齊擺入口，咁樣先會感受到真正嘅「榴槤雪糕」嘅香氣😉 如果大家有到場，記住望吓 #榴槤粉 滿足嘅表情，大大啖榴槤肉放入口… 真係好治癒㗎🤤🤤🤤📍 宜家家居美食站 (尖沙咀)河內道18號K11購物藝術館B2樓B204-210號舖

以前去IKEA餐廳食‘招牌肉丸’及海鮮意粉正餐就去得多；反而美食站主打輕食呢邊因經常太多人就比較少去😅今次初嘗佢哋嘅‘Bagel🥯’同‘牛角包🥐’套餐🥂有時真的沒多時間這𥚃也是一個不錯的用餐之選👍美食站食物飲品太都以健康為主（個人感覺良好🤭）🥯牛油果慢煮雞胸比高包+海鹽焦糖燕麥奶咖啡 🌕🌕🌕🌗🌑🥐松露雜菌雞肉牛角包+抹茶燕麥奶 🌕🌕🌕🌗🌑🍨乳酪配迷你布甸粒及焦糖醬 🌕🌕🌕🌕🌗