宜家家居美食站

营业中

休息中

第一次見覺得好搞笑，因為好似有啲九唔搭八，但當朋友話咪即係同雪糕三文治差不多，我又覺得幾啱～所以決定試試佢！🤩🍦宇治金時冰狗（$16）🌭以為係用熱狗既包，點知有驚喜！見到個包帶點綠色，食落有微微抹茶味，雖然唔係好鬆軟，但好有誠意喎！👏🏻👏🏻👏🏻雪糕既抹茶味比包包濃，唔會太甜又唔苦，應該啱好多人口味～紅豆都幾大粒，甜甜地又夠腍。👍🏻不過相真係靚過實物好多～🤣如果可以整得靚啲吸引啲就更好！

夏天一到度度都有榴槤食估唔到連IKEA都出榴槤系列😍.🍨特濃D24榴槤新地 $19新地比同系列嘅新地筒多咗堆榴槤肉官方照騙見到係好靚仔金黃色嘅榴槤肉但實物如圖 榴槤肉變咗一pat醬仲要係不知名嘅顏色好聽啲就似麥皮 難聽啲就似嘔吐物🤦🏻‍♀️不過食落其實好濃榴槤味 都食到有啲果肉嘅雪糕用咗佢哋signature嘅燕麥奶整 素食者都啱食雪糕本身都好香榴槤味 加埋榴槤醬真係不得了雖然賣相唔得 但味道💯.榴槤系列仲有榴槤流心芝士撻$13同D24榴槤新地筒$9(啊 價錢真係好佛心🥳)❗️要注意供應期只係到7月21日❗️鍾意食榴槤嘅人唔好錯過🤤

好耐冇行IKEA 行完睇家居用品就忍唔住去食少少野 薯蓉肉丸係IKEA 皇牌食品價錢唔貴，味道ok而且IKEA係自助形式你可以自己揀喜歡的茄汁再加上去抵食推介下次再試其他野食🥰🥰

話說5月有依個新口味就試試。老實講$5食咗一杯雪糕真係抵。但單單討論個蜜瓜味來講其實幾好食。但係整體泥講就一般般。個人覺得呢個雪糕小左滑依個口感，因為我感覺佢其實應該冇乜奶，食落去都比較粗鞋，因為佢主要嘅組成睇落去似係一d 比較大既小冰粒。但係諗深一層，佢都只係話自己係蜜瓜味雪糕，冇話係蜜瓜奶味雪糕，所以佢係無錯既。

最近要搬屋 同屋企人一齊行下沙田睇家俬行到一半餓餓地 又未夠鐘食飯就見到宜家呢個小食站 選擇雖然唔多但價錢絕對值得試 比起餐廳個邊更加唔使排長龍😂-今次買左份迷你炸魚薯條同埋粟米新地筒炸魚有兩塊正常size 魚同薯條都係之前炸定再補溫所以唔會好脆口 但都保持到乾身魚肉好結實 唔鬆散 食落有魚味唔腥薯條就普通 有啲熱氣 我食左兩條就冇食🤣-至於新地筒 呢期係香港好少見既粟米味食落淡淡粟米甜味 不過冰感比較重份量都比較多 食到㡳都係滿滿嘅雪糕 可以一試🤤好味評分😋：3 /5🌟🌟抵食指數🤑：5 🌟/5 🌟🌟餐廳環境 🤪：3 /5🌟🌟價錢💰：迷你炸魚薯條 $16 粟米新地筒 $5地址📍：宜家家居美食站 沙田鄉事會路138號新城市中央廣場5樓

逛完IKEA，多數會去美食站買點小食。原來除了IKEA Restaurant & Café推出賀年菜式佛跳牆之外，美食站亦有售新春限定的紅棗新地筒！取其鴻運當頭之意～～～紅棗新地筒，到手後就覺得雪糕的顏色沒想像中那麼紅，但略略聞到紅棗的香氣。第一次試紅棗味雪糕，嚐第一口，覺得奶味好重，完全不像紅棗味。認真細嚐，才能嚐到淡淡的紅棗味，味道清香，不會過份甜膩。新地筒部份夠脆，味道略略甜了一些！雖然雪糕味道不錯，但始終奶味偏重，味蕾不夠敏感的話，未必能嚐得出那份淡淡的紅棗味丫～～～不過幾欣賞這份新意，暫時未試過在其他地方吃過這種口味的新地筒啊！

與友人一同由大埔踩車車到沙田想在沙田找一間下午茶但新城市那邊都比較貴所以到了ikea享用一入門口勁多人排隊我地一人要左一罐cider飲($13)分別係梨味同蘋果味500ml一罐既size黎講對我有啲多加上有氣 運動完之後飲有啲辛苦不過味道唔錯 比無限添飲的汽水好飲果0.1%酒精係畫龍點晴因為得0.1% 小朋友都可以飲食物方面友人選了一個肉桂卷($7)而我選擇了一份肉丸($10/5粒)肉桂卷一直有熱著 係細心位令到個卷咬落仍然鬆軟肉桂的份量都足夠 令到食既時候都會食左果陣肉桂味肉丸是ikea的招牌菜醬汁跟肉丸又夾不過完全感覺到肉丸係整定一大盤放左好耐 叫既時候再淋啲熱汁上面果種感覺有啲差下次未必會再食值得一提的是人十分多美食站是用立食的方法但我去的時候係人多到連搵個位企都好難

今晚去IKEA買廚具，順便在此食晚飯，一家四口叫了 5 款食物，價格合共$236。環境乾淨企理，如果有小朋友，IKEA 餐廳是一個好好的選擇。1）小食拼盤有薯角、炸雞翼、腸仔、粟米，炸雞翼偏鹹；炸薯角不香口，有啲失望。2）雞胸沙律，沙律菜雖然味道清甜，可是只有一款沙律菜，比較單調；雞胸肉好嫩，芝士粉及沙律醬味道配搭好夾；3）小龍蝦卡邦尼闊條麵，闊條麵比較厚身，有口感，卡邦尼汁味到適中。4）肉丸薯蓉配紅莓醬，估唔到味道好清新。5）香草燒雞味道跟炸雞翼一樣，出乎意外的是雞胸肉質非常嫩，一啲都唔韌。

唔少人都會去IKEA嘅餐廳食飯，而我今次選擇咗喺美食站食嘢，美食站最出名嘅就係佢嘅熱狗再加汽水，只係需要$10真係抵到爛。而我最愛嘅就係佢嘅肉丸啦，肉丸味肉味夠重而且配埋佢獨有嘅醬汁真係十分match !

今日專登行沙田宜家，想買番個枕頭用下，行完俾完錢就見到美食站，本想飲番杯汔水，但係見到呢個10蚊雞的熱狗加汔水任添的套餐就唔扺得買咗嚟食個熱狗啲醬係自己加的，我鐘意食茄醬所以加了很多! 個面包好軟綿綿，條腸亦唔錯，重要加埋杯任添的汔水真係超值，咁嘅價錢去邊都食唔番!話時話，呢個價錢好似幾年都冇加過價，如果出面啲餐廳食巿都係咁就好啦！完

去宜家, 美食站是必到的地方, 這裡地方不大, 但就賣著各式小食及飲品, 大人小朋友也喜愛, 我視作為宜家之行的一個完結點.因為美食站賣的全都是小食, 份量小, 吃得特別開懷. 我一向鐘情這裡的熱狗, 但吃了玉桂卷後, 才發現自己的至愛, 再回不了頭！！有時焗的時間過長, 玉桂卷外圈及底部就會變硬, 嚴重影響口感, 底部黏在紙上, 更是吃不到. 拿到上手, 還熱乎乎的, 咖啡色而帶點糖焦, 軟熟而不乾, 表面糖粒處於溶與未溶之間, 便是最好吃的了！一環一環的, 由外層至內層, 包圍着滿滿的玉桂粉, 人間美食呢！但好吃也要看彩數！其實有些經典的食物可以從旁邊的食品部買回家自己弄的, 如果有焗爐的話. 如肉丸, 肉丸汁, 玉桂卷, 熱狗, 素菜薯餅, 咖啡等. 但人就是懶嗎！在這裡吃, 又是一番感受呢！

今日清明紅日放假，朝早走左去行山，行到攰攰地就想食d野，咁岩係沙田附近，就諗到去ikea食少少野，順便行埋IKEA, 可能疫情關係，人流不太多，記得以前要打幾個蛇餅先可以買倒野食，今日都係等兩三個人就可以去揀想食既野食。因為只係想食少少野既關係，我只係買左ikea 佢最出名既肉丸啦，10蚊有5粒。同埋佢個豆腐花味雪糕。肉丸一樣保持水準，性價比高。豆腐花雪糕真係有啖啖既豆腐花清香味，佢上面有豆腐花用既黃糖，感覺真係好似食緊豆腐花。最緊要係性價比👍👍👍👍

難得放假出去買傢俬，揀好後又覺得餓，然就去咗ikea餐廳搵食啦！ 宜家一向抵食就人人知，但食物質素同味道都保持到真係好難得！ 每一次去宜家傢俬人都超級多，今次等左5分鐘就有位啦！ 一如既往佢都係自己攞盤自己點嘢食，今次拎咗個煙三文魚沙律，肉丸，豬脾同埋藍莓芝士餅。肉丸質素冇變都係咁好食，豬髀真係抵到爆， 大大份70$都唔駛，肉夠軟但又唔會爛，兩個人都夠晒食，就算自己買隻咸豬手整都要幾十蚊隻，下次再去都要翻點喱道菜

平日夜晚七點嚟食質素比以前差左好多1.肉丸比以前細粒、冇咁juicy，醬汁冇以前咁濃2.試咗樣新出小食，蕃茄海鮮飯球，個皮好厚好乾3. 新地筒，不過不失4. 蜜糖腸就幾好食，皮薄，肉多一如以往係平嘅，所以唔要求得咁多😂

今日過嚟整車，順便過嚟呢一度食嘢，我們近排都資助左唔少錢比其他朋友，於是就揀咗呢一間去食一個餐$13，有個熱狗🌭️，在可以用飲汽水，真係好平，而且我食早餐先做得唔錯，特別係啲好野！