宜家家居美食站

营业中

休息中

Ikea最出名的瑞典肉丸係每次的必試選擇!這裏的美食站食物豐富出名又平好好味 食過覺得好味道 重可以買番屋在屋企自己隨時隨地都有可以回味一番瑞典肉丸 紅莓醬 薯蓉最次參觀Ikea 都必定會點這個小食當做下午茶份量真係剛剛好如果唔夠飽 可以點10粒和15粒份量用焗爐烤過的肉丸 外脆內軟充滿肉汁 入口一點都唔乾 配啡色的燒汁一同食 入口juicy之後再配上甜甜的紅莓醬又係另一番滋味 薯蓉普通貨色 作飽肚之用不過兩者一齊食係絕配👍🏻

夏天已經迫近，相信不少「絲打」已經開始keep fit，以便換上夏季新裝靚靚示人。唔知大家有無試過忍唔到口呢？甜品控既我有時真係好難忍口。上星期五同朋友食完lunch返屋企途中，正當我左諗右諗究竟食唔食多個甜品好既時候，諗起最近IKEA美食站有款「期間限定」既「乳酪雪糕伴焦糖爆谷」，二話不說就去咗IKEA。買到手先知份量比我預期中少，但對我呢個完全無節制既人反而令我可以唔好食太多。份量唔多，但乳酪雪糕加埋焦糖糖漿，味道酸酸甜甜，好清新。雖然我好甜，但甜度要適中先會好食。呢個乳酪雪糕既甜度就啱啱好，再加埋剛爆好的爆谷係上面個層，脆卜卜之中有軟滑、有酸甜既味道，好有層次感。以$8的價錢黎講，算係驚喜。食完之後都覺得好滿足。有時食嘢又唔一定要食得好貴或份量好多先滿足既。係供應期結束前都想encore！

星期日去Ikea睇下家俬家品，趁lunch time前去，無咁多人，睇都睇得輕鬆自在。睇完路過小食亭，見到本月精選有朱古力新地配心型窩夫伴棉花糖，醒起miss了上星期半價推廣。不過又真係想食，咁就原價都買杯試吓。$8一杯有齊雪糕窩夫同埋棉花糖，比起其他食市真係便宜好多，不過質素如何呢？先講塊窩夫，因為唔係即叫即整，不熱的，而又為了保持口感，製作過程加入相對多油，令窩夫比平常食到嘅更加油膩。新地亦係唔值得推薦嘅，完全無朱古力味，亦無奶味，只是一堆幼細雪粒，食之無味，棄之可惜。棉花糖本身無咩味，伴在這兩款慘不忍睹嘅食物上面，只有陪死的份兒。下次都係買返熱狗，至少飽肚。

有一個星期天我同女朋友仔去沙田宜家睇傢俬,可能個場太大la,女朋友行到甘上下就話要食d野補充體力.我地就到tuck shop 食野.大爆谷10元,抵呀又好食. 出面甘個份量已經好貴, meat ball 係宜家代表,每次去一定叫. 朱古力綿花糖夾餅(8 元) 係新產品一定要食,不駛講la.味道好濃朱古力一定不係將貨就價,仲有好多配料令杯ice-cream 好美味. 小朋友一天好鍾意.

試過覺得非常難食。三條椰絲魚肉條，幾乎是沒有味道的。每條中心都有芝士，多少不一，都是欠缺芝士味道，像軟膠。表皮椰絲過量，食到口乾。以為金黃色外皮係油炸物，原來唔係，唔脆唔香口。魚肉鬆散，咬落沒有口感，欠缺纖維。魚肉沒有魚肉味是必然的，不用想像。最衰夾定晒，完全唔熱，黎到就拎俾你，感覺係擺左好耐。究竟擺幾耐都唔清理？唔知。三條十三蚊，仲貴過隻熱狗。落醬又唔知落嘜，冇相冇指引。什麼每月精選還是限定，真係咪再賣。食物質素差，價格太高。完Openrice真係好認真，負評看得非常嚴謹，但是自己又免責。

今時今日的生活指數，要食得有質素又要價錢便宜，真的沒有太多地方能夠做到，宜家家居美食站卻能做到，選擇又多十元八塊便可以。難怪很多時都爆滿人啦😆沙田新城市中央廣場 - 宜家家居美食站新地配心型窩夫 - 新地軟雪糕充滿著牛奶的香味十分濃陏，加上略帶酸甜味道的士多啤梨醬一同進食，味道香濃得來又不會太甜，配合得十分好再加上熱的心型窩夫一同進食一冷一熱，令到口感十分豐富，雖然只是一杯雪糕，卻做得十分出色味道與外形也一絶，真的要一食再食

本人曾於8月28日下午到達該店惠顧下午茶 當時只是點了兩隻雞翼和四粒肉丸 問題一可能我只是點這麼少的食物的關係 也不像其他人一叫就一隻燒雞 意粉 飲料 閒閒地埋單幾佰元那樣豪爽的關係 所以那些水吧員工和收銀員工都帶有色眼鏡來招待顧客 叫多D食品就招呼好一點 叫少D食物就俾面色個客人睇

去Ikea大多是為了吃，甚少去看傢具。餐廳通常很難找座位，所以轉到美食站，價錢更實惠。除了必吃瑞典肉丸外，還新推出了乳酪雪糕！狀甚吸引。瑞典肉丸 $9/5粒 新鮮熱辣的肉丸配忌廉汁已很好吃，味道濃郁，不用再配果醬。吃過雞肉丸和素菜丸，始終還是覺得瑞典肉丸最好。乳酪雪糕配雜莓醬 $8想不到Ikea竟然有乳酪軟雪糕！乳酪微酸，雪糕幼滑，配紅藍莓混醬味道更清新；滿滿一杯，份量十足，必試推介！

係ikea買完野，突然想食d甜野，所以叫左個乳酪雪糕試試。呢杯乳酪雪糕只係$8，真係好抵食！而且都幾重乳酪味，上面再加左d草莓醬，唔會太甜，甜度剛剛好雪糕比軟雪糕硬身，最鍾意呢種質感8蚊既乳酪雪糕好抵食好有驚喜

近排好似太過大魚大肉，所以同朋友相約睇傢私之餘，隨意係依度買小食當係晚餐，平食有平食既快樂叫左份熱狗+汽水($10)，熱狗拎取後自行加茄汁同黃芥末，汽水自行想斟邊款又得，雖然唔係平時食既咁大份，但都足夠我一人份量，味道OK又唔差另加左個經典瑞士肉丸($9/5粒)，我一直都好愛食依度既肉丸，價錢便宜之餘，牛肉丸質感有汁同味道濃郁，真係超抵食

去行宜家，總避不了熱狗的誘惑，每次都要食番隻先安落先講講熱狗先腸仲長過個包，皮脆唔太鹹加上鬆軟的包包，有不同口感層次另外，茄汁，芥末醬可以自由加美中不足的芥末醬唔夠辛口，若可以再辛口多點就更好由於今日勁餓，所以都買多個玉桂卷試下熱騰騰咬落去鬆軟，甜甜的帶著玉桂味估唔到會咁好食另外出餐同落單速度超快，人龍排幾圈，基本你呢頭落單行到出餐處食物已經放係你面前，效率超高呢

次次行完ikea, 通常都有點餓，所以過左cashier比完錢，要食番個熱狗衣下肚熱狗包好鬆軟，都幾大隻中間腸仔外皮脆口，肉味濃而不咸，最重點是加左自選醬料，至愛熱狗醬加茄醬加芥末醬，完全帶出成個熱狗的味道

ikea 盡頭就係ikea 自家supermarket. 本想買包肉丸但唔知好唔好食。 望過對面，原來就有小食部。 可以買少少試下先雞肉肉丸有5粒。 肉丸都煮到好淋，無雪藏味。 原來要配埋磨菇汁食。 磨菇汁夠杰身，有少少似薯蓉汁。 5粒實在唔好夠喉。食完之後乖乖地去對面supermarket 買像太同磨菇汁粉

叫左2個熱狗，一個蔬菜丸，一個瑞士肉丸，一杯汽水，加埋先至係30幾蚊，都幾抵，熱狗麵包都幾軟熟，香腸都好食，茄汁同芥茉醬係自己架既，肉丸同蔬菜丸離比較呢我比較喜歡食肉丸，比較香口，汽水都係免費添飲架！

肉丸食得多，未試過素菜丸咪試下囉，點知中伏，好難食，真係好難食 粒野又林又油，食到紅椒同粟米碎喺入面，其餘咪係一舊粉頭，除左油益味咩都食唔出，落左大量麻醬都唔好食，下次都係食番肉丸