影片
以上资料只供参考，请与餐厅确认详情
去到舖头时满坐未有吉位，而女职员正在同老板「理论」，我站着等待他们「理论」完才开始落单。一开口，收银话未得，等她做埋上一张单先可以落单。落咗单，收银向后跟同事落order话「豆腐花、豆浆行街」，我跟她说：「我系堂食」她突然大大声话：「你哋又唔坐低，点知你堂食！」我冇出声她揿完计数机，再晦气地叫我：「你自己计吓」，但我计出嚟嘅数同佢唔对，所以问吓佢，佢话：「转豆腐花要加钱，餐牌写咗！」我同佢讲我唔知，你刚才冇说明，所以我计唔到，佢话：「我唔会讲㗎！」坐低食嘢时，我发现手撕鸡肠粉有两条短头发，谂住由得佢，掉了，再食，又发现多两条．．
继续阅读
唔需要等，直入👍🏻员工姨姨态度好好👍🏻客人散叫，建议叫餐，好体贴👍🏻不过食物质素真系麻麻地👎🏻👎🏻叫左一碗热豆腐花 + 一杯少糖冻豆浆豆腐花质地几滑，枱面放了冰糖、姜汁、黄糖，任客人随自己喜好添加，豆腐花份量都ok, 不过$16一碗觉得有啲贵，无加糖先食一啖，无。豆。味嘅 ?! 加埋糖再试下……都系一样，只得「滑」 无豆香味👎🏻👎🏻🫣冻豆浆更差，完全无豆味彷似生水🫣🫣🫣我只饮咗2啖便放弃了🫠🫠🫠
继续阅读
肚饿经过又未到食饭时间，就入去宝记食返个套餐A,B。肠粉，烧卖都好食，鱼蛋无腥味豆浆要少甜，味道正正常常。食完觉得唔够喉，再加多咗个粉果同咸豆花，咸豆花有虾皮、榨菜、紫菜、芫荽（走）豆花好滑呀，可以一试嫁。食咗两啖先记得影相见之前啲食评都好差，依家舖头有改善，有3个姐姐都好有礼貌，有抹枱无乌蝇！我哋入舖叫嘢食已经坐咗8成客人，街坊小店，经过花墟觉得饿可以去试吓呀，起码我觉得呢间啲烧卖唔系实的的咁嘅，肠粉系幼身𠮶款。
继续阅读
入面条友，态度又差，叫声佢姐姐落单都叫人唔好嘈，然后碗嘢嚟仲要我地自己接住，但系态度差到pk。到埋单𠮶阵，本来嗌b餐转豆花，见menu都冇写系豆浆转豆花，以为加碗豆花啦，结果出到嚟要我比多你16蚊一碗豆腐花最后谷到我要比多𠮶10蚊啲豆腐花冇味，啲烧卖鱼蛋又细又冇嚼口，然后啲肠粉劲少，豆浆完全冇味道似饮水环境都好差，四周围都有蚊飞嚟飞去，张台完全唔抹menu唔写清楚条款，玩文字游戏，最后仲指责返系我冇食开佢地舖头，𠮶个阿婶嘅态度都好赶客，大家唔想入去比人闹就唔好食啦
继续阅读
逛完花墟，脚有啲攰，想揾个地方歇一歇……衰为食，走咗入间小店，中晒伏！后悔都嚟唔切！本人「极度钦佩」并「充满诚意」想「请教」店员点样能够做出一碗完全无姜汁味兼既冻且硬嘅「热姜汁豆腐花」！？！落咗两大汤匙糖水同埋黄糖之后，都仲系淡茂茂，绝无仅有；钱又唔记得找，温馨提示完，人哋竟发晦气将𠮶四蚊鸡拎喺枱上面！今次经历实在令食客「大开眼界」！「高手嘅味道」真系吃唔出嘞，全港最难食嘅豆腐花，绝对系首选，我极力推荐！
继续阅读