影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
有关餐厅
「叠记咖哩」原来是澳门的著名食店，已经营至第三代。不过笔者去了澳门多次都未有光顾，实在有眼不识泰山。今晚由朋友带路，来到他们在香港开的分店一试。「叠记咖哩」的太子分店位于花园街。店员非常热情好客，主动提供围裙，以防笔者和朋友太轮尽，衣服被咖哩酱汁弄污。如珠如宝指的是猪皮、猪红、猪手和猪颈肉。猪皮软滑，充满卤水香味。猪手外皮Q弹，肉质嫩滑，带著丰富骨胶原。配上橡筋幼面，面质爽口弹牙，口感很好。汤底加入了腩汁，味道更为咸香。「叠记」出名的是咖哩，酱汁煮得香辣，甚为惹味，和白饭十分匹配。三宝配𩠌分别有咖哩牛腩、猪扒和鸡扒。牛腩炆得软腍入味，咖哩香气浓郁！而猪扒、鸡扒都有煎香处理，两者肉质均软嫩。除了上述配𩠌，还附有薯仔块。整碗份量非常多，很饱肚！猪颈肉口感带少许爽脆嚼劲。以瑞士汁炆煮，肉质入味，味道咸中带甜。一人一杯饮品解渴，选择了儿童鸳鸯，好立克沟阿华田，好满足。
继续阅读
之前喺澳门已经食过叠记咖喱，知道佢嚟咗香港开分店，所以即刻去试下。我哋叫咗叠记咖喱三宝饭(牛腩、鸡扒、猪扒)， 咖喱味非常充足，香辣惹味，好有葡色咖喱嘅独特风味，牛腩鸡扒猪扒份量都好足料，好大碗，食完好满足。如珠如宝面(猪手、猪皮、猪红、猪颈肉)，叫咗橡筋面配卤水汁，好香蒜味，面非常索汁，咸甜兼备。猪皮爽口，猪红有质感，唔会一夹就散。瑞士汁猪颈肉 好淋又有咬口，同瑞士汁好夹。饮品方面 叫咗一公升柠檬茶，同埋柑桔柠檬梳打。 柠檬茶超大杯，就算食再辣嘅咖喱都足够解辣。酸度充足，味道平衡，估唔到餐厅喺饮品方面一啲都唔马虎。
继续阅读
同事仔介绍左呢间系佢屋企附近嘅名物比我，话入面超多人食咖哩，仲有佢最爱嘅猪颈肉！今日一于收工一齐来叹下佢😋/咖喱猪扒面$50/作为咖喱名店，第一时间梗系叫个咖喱猪扒面啦。面底仲任你拣，我就拣左至爱嘅米线。猪扒本人啖啖嫩肉，记得点埋佢地嘅秘制辣汁，系超夹咯！🐷/牛三代面$62/三代姐系牛肉、牛腩同牛筋。牛肉系嫩得来有口感，牛味浓郁！牛筋同牛腩都炆到好淋。原有嘅汤底好咸香，然后可以加佢地嘅秘制辣汁，真系超辣超惹味🌶️/瑞士汁猪颈肉$42/呢个真系超正！猪颈肉又香又有咬口，仲要索晒啲瑞士汁，每一啖都有爆汁嘅感觉❤️
继续阅读
行完花墟攰攰地，见到有间咖喱屋，入去试吓先。应该系出名食牛咖喱，可惜我唔食牛，叫左碗猪拼盘，睇落其实都吸引，有猪红猪肚猪脚同猪颈肉，加$6有杯热奶茶。食物卖相都好吸引，店内其实都骨子。猪肚猪红口感几好，但猪颈肉就有啲口感麻麻，可能唔够味，只感觉咬紧肥膏，猪手好淋，味道ok,奶茶都唔错。下次会试猪扒包，卖相都吸引。总结系大大碗，都对得住呢个价钱。不过店内人手不足，无人执野，客人走左枱面仲留晒啲碗碟系度。其实已经过晒食饭时间去都咁，真系要请多个人啦。#叠记咖喱 #咖哩 #花园街 #香港美食
继续阅读
🌸如珠如宝面🌟🌟🌟🌟🌟入晒味嘅猪红，爽口嘅猪皮，嫩滑嘅猪颈肉，还有软糯嘅猪手，爽口烟靭嘅橡筋面，橡筋面口感有点像生面一样，朔埋汤汁非常惹味。🌸叠记咖哩三宝饭 (牛腩、鸡扒、猪扒)🌟🌟🌟🌟🌟份量十足，咖喱够香而不辣，牛腩爽口弹牙带有少少辣，鸡扒煎得够香脆，还有大大块有咬口嘅猪扒。🌸韭菜猪红🌟🌟🌟🌟韭菜猪红非常好味，韭菜非常新鲜，猪红点埋沙嗲汁真不错。🌸 1公升柠檬茶 跟餐加$12🌟🌟🌟🌟🌟完美大大杯，可以饮到爽呀！柠檬茶底够香够浓。🌸柑橘柠檬梳打 跟餐加$15 🌟🌟🌟🌟🌟柑橘味道浓郁，饮落非常清新。
继续阅读