客家好棧 (快樂大廈)

营业中

休息中

Dinner @ 客家好棧 ~算是一間街坊酒樓！？但食客也不盡是街坊，「街坊」有樣你睇的嗎！？我不是街坊，也來吃哦！ 咬我食咩！？沙薑雞煲 : 鐵鑊上，熱辣辣香噴噴，半隻雞都幾多肉，肉質未算滑，但也不算鞋口 .... 雞唔滑㜜就唔好味！？這是什麼道理！？ 雞肉是否滑嫩，講的是肉質，並不是味道！做人開通點，其實食雞唔係下下話要滑嫩才是好，最重要係入味，夠味，啱我吃 ~紹酒煮蟶子 : 蟶子肥大又飽滿，吸收了紹酒，特別鮮味香口，我一個人都可以食一兜 ~清蒸老虎斑仔 : 魚夠厚肉，蒸得熟透，也算鮮㜜，魚有魚味 ~本篇完 ~

對呢間茶樓十分失望，味道奇差。服務亦十分一般。香茜牛肉腸絕對不是即叫即蒸，腸粉已經黏晒一舊，食落去仲有浸牛肉腥味。叉燒包完全沒有叉燒味，味道只可以奇怪黎形容。脆皮大腸亦係完全係凍。金錢肚同馬拉糕一般。唯一比較好味係鳳爪，味道較為正宗。總括而言，唔會食第二次。

媽媽生日選擇到呢度食見到有羊腩煲 今日就試試佢啦羊腩煲加菜 味道挺入味的我哋total四個人食都好夠而且羊的味道不是很So再叫咗條䱽魚食都幾好食最後叫咗個三餸餐168 非常抵食又唔覺得好似其他講都話唔好食

想拎辣椒油都無人理要自己拎 0服務有個啊姐好躁底係咁喺call機同人嘈交 好嘈燒賣隻蝦跌咗落嚟 賣相好差蝦餃皮無包實 啲蝦仲有陣膠膠地嘅味薄撐啲餡勁少 啲蝦米都唔香 好似食緊麵粉咁之前喺佐敦分店食都無咁大獲 真係唔好嚟深水埗店

-如果同屋企人飲茶，想搵個舒舒服服嘅地方，先至會嚟呢度。茶方面用嘅茶葉都還可以，起碼見到原粒茶葉，今次叫咗幾個點心。水準都還可以，比較好食嘅燒賣 蝦餃 蘿蔔糕千祈唔好食嘅櫻花蝦煎薄撐完全唔夠脆同薄--

碟頭細，味道差，差評，個湯唔係湯， 椒絲腐乳通菜鮮魷完全無腐乳味無味咁濟，點咗個蝦仁炒蛋，有酸味，懷疑有蛋變壞，幾乎無樣餸菜好味，試完呢次後唔會再嚟，完全大失所望

復活節假期，趁有時間又得閒和家人吃午餐。。分別普洱茶，香片茶。‘’瑤柱蛋白炒飯‘’ ，瑤柱（份量較多），蛋白，翠玉瓜。‘’魚茸炸茄子‘’，即叫即炸熱辣辣，一碟三件。

客家好盞做1蚊蝦,所以就來試吃，我們一行3人，來到深水埗此店吃飯，吃了大班兩味加$20有多半隻雞，又叫了蟶子仔勝瓜。那份1蚊蝦份量真很夠，都新鮮，蒸班球腩及脆肉瓜班塊都好好味，唯獨那蟶子仔勝瓜就味道很淡無乜味。服務就因人手少所以差了點。

香麻叉燒酥 $25見食評話好食，就點黎食下！味道還好，表皮塗滿蜜糖！食一件試味便夠，食多就會好滯😇唔似「甜品」嘅甜品芋茸煎堆仔 $25炸物~小食怡情 內在~略有芋味玫瑰棗茸糕 $25比叉燒酥好食嘅小糕點 清甜感🔝生滾香茜魚片粥 $28魚肉超有口感！食前記得叫店員➕胡椒粉(滿足感👍)➕香茜(再多d都唔怕)＝完美絕配😋醬皇金錢肚 $28「媽媽」輩喜愛嘅點心，但我食落就一般！功夫小籠包 $28味道還好，只可惜外皮好易爛，無左原本飲湯汁嘅滿足感(小扭計😭)龍蝦湯鮮竹卷 $28味道一般，腐皮有d厚👀*茶味：$11/位*另加一

父親節出街食，老豆揀咗呢間見到地下爆哂塴，樓上無乜人，唔知點解唔理啦，無人咪仲好去到見到佢有個爐坐住啲壺，但係個杯豆腐潤咁大隻，飲兩啖就無咗，下下要斟好麻煩諗咗一陣食咩好，選擇唔係太多最終揀咗一個魚嘅孖寶，一碟咕嚕肉同炸大腸等咗四、五個字先上第一碟餸 - 魚孖寶嘅其中一款嘩，碟就大啦，但係魚先得幾舊（都由佢啦，可能其他拎哂去整另一味餸呢）荷蘭豆係得圖入面咁多，唔過廿條，乜而家啲荷蘭豆咁貴咩反而個咕嚕肉份量多，又好食，去到最後都食唔哂，呢個真係物超所值見佢上咗一半，就叫三個白飯食住等等咗兩、三分鐘就見到另一個員工走出黎嗌有無人要白飯經過呢大半個鐘嘅等待，我緊係同佢講多次要三個白飯啦唔係都唔知幾時先有員工再行過前後差唔多五分鐘先至送到過黎食咗一陣另一個魚孖寶都黎啦個味道同份量叫做正常啦等得最耐係個炸大腸大家睇圖見佢咁嘅色水都估到咩料啦勁un，好似食緊橡筋咁，仲要$100，真係唔得掂俾我揀一定唔會再黎

真係價錢貴、份量少、上菜慢用餐全程時間2小時，等待時間1小時45分鐘，食用時間15分鐘100蚊一碟菜，上到黎份量等同50蚊一碟小食你話如果d菜好好食都算，但佢又唔係wo，就一般般，然之後你就俾錢入去坐2個鐘，等。我覺得唔值得，其他大把同價錢位好食又好服務既酒樓餐廳啦我對呢d住宅區酒樓其實要求唔高味道ok一般，都可以接受你價錢係度份量少，你份量少，上菜都咁慢又唔係咩高級餐廳，學人一樣一樣等你食完上？上面一層火鍋，小菜得下面一層總之如果你有要求，唔隨便既人，就唔建議黎了但係如果你冇咩所謂既，都得

之前食開屯門嗰間但係好似執咗，好可惜因為好抵食，今日第一次嚟到呢間分店食，食物竟然出乎意料好食！（本身期望值不太）嗌咗一蚊半隻雞食，好食到俾原價都抵！食完仲想食，好嫩又不油不膩，可以話係有史以嚟最好食嘅客家咸雞…唯一不足之處就係等好耐先上一碟菜咕嚕肉20+分鐘先到，但係等咁耐都值！因為佢係熱辣辣上菜！應該係即叫即整，好食到從來食咕嚕肉都唔會食菠蘿嘅我都食曬啲菠蘿😂😂今日廚師心情真係好到爆哈哈哈，煮得咁惹味等多15+分鐘，食物終於到齊！再次新鮮滾熱辣上菜，我唔知點形容啊總之十分好…詞窮兼，好味道好激動！真係好食到，我利用緊上菜嘅時間把呢個好評😂我係第一次係openrice到打食評…今次真係私心分享這間鋪一定會常來吃！不過今日嘅湯好失準😂雞湯黎，好咸，要加滾水先冲淡到…吾誇張順帶一提有個戴眼鏡嘅姐姐服務超好，好親切🥰

客家好棧近年好似越來越少分店，有少少可惜，因為佢出名抵食咖嘛。同屋企人食飯照舊點左最鍾意嘅魚香茄子煲、蜜桃咕嚕肉、仲有個炆鴨唔記得咗咩名。茄子煲今日失咗少少水準，唔夠鹹；咕嚕肉正常好食，另外兩樣都中中挺挺。

同家中長老一行6人到客家好棧飲茶，一枱二人，一枱用隔板一分為二再坐4人，楚河漢界 。點心要傳遞都有啲煩，疫情冇計，始終老人家喜歡飲茶。用app 下單，枱邊有一坐水機，可不停加水冲茶，帶位開茶後，基本上不用叫侍應招呼，店舖省下不少人手，眼見全場得2-3個侍應。唔知點解，感覺好深圳feel 6個人食咗14碟點心，埋單$460左右，自己冇食飽，因不太好吃，不想浪費quota，唔算平。點心質素好一般，大概不是現場做，工場交貨的吧，唔難食嘅，唔好食囉。芋頭酥，燒賣同牛肚好少少。炸鯪魚球，小籠包，魚片粥差啲。冇一樣嘢稱得上「正」，冇一樣嘢想再食。總結：唔係平，唔係好食，裝修唔靚，唔算乾淨，性價比低，自己招呼自己。陪老人家可能會再來，自己一定不再來。

同屋企人去飲茶，下午兩點入去，詢間樓面有無下午茶點心紙，服務態度差，無解釋清潔可以點叫點心，對方無出聲直接比正價紙，無直接解答對方是沒有下午茶叫的，一定叫正價點心同炒粉面，叫左沙薑豬手粒，得三舊，又咸又硬，老人家同自己都食唔到，豬手仲有毛🙈🙈，$38，客家豆角肉碎腸大點，超普通，菌皇炆伊面好咸$68，碗仔翅一d 都唔熱，得暖，點心唔熱怕好多菌😞川汁抄手d 肉好實又咸，茶錢每位$10，仲加埋一，超級唔值，食物質素非常差，以後都唔會再黎，食個茶餐都敢嬲😤😤😤😤，