家家樂

营业中

休息中

這家位於 長洲-興隆後巷 的「家家樂」頗有隱世 feel .... 大部分食客都是長洲街坊，遊客甚少，口碑也很仔， 食物有特色又好味，絕對值得一試！豉汁蒸大鱔：沒有想到，街坊快餐店竟然會有蒸大鱔，初頭是本著一試無妨的心態而已，但竟然勁有驚喜！大鱔是即叫即蒸，落足本錢，而且鱔肉是很新鮮，既彈牙肥美又鮮味，還有很入味的粉絲 .... 勁抽好味，盡顯小島的漁港風情 ~荷葉八寶飯：看似平平無奇，有點像糯米雞 .... 但其實完全不一樣， 餡料非常之充足，而且十分豐富，有瑤柱、蝦乾、蝦粒、腩肉、鹹蛋黃、栗子 等等，蒸出來的飯勁有荷葉香，鮮味滿滿，絕對是功夫菜，市面罕有 ~本篇完 ~

今次入到黎長洲食飯，一反平日食開出名既餐廳，今日走到橫街小巷搵隱世又好食既茶餐廳！呢間記住係叫家家樂，唔係叫大家樂！🤣🤣🤣叫左個鐵板黑椒牛柳絲炒麵，出乎意料地超好食！佢既鐵板超熱，加上炒麵既麵底係炸出黎既麵餅，成件事昇華哂！！而且牛柳絲都好淋，食得出老闆有簡單醃過啲牛肉。成個餐叫埋野飲先60蚊，真係隱世美食啦今次！🤤🤤🤤🍴鐵板黑椒牛柳絲炒麵：$50📌家家樂🍽️長洲興隆後街39號地舖

這天買了個飯盒回辦公室食，準備與文件長期奮戰。家家樂我曾經與友人吃過午餐，印象是不錯的，以長洲水準，食物是小島上的中上水準。但今次外賣卻很失望。先不論食物，連匙羹也不像樣，是軟得快要斷開的，幸好我有多餘膠羹，否則要用手食飯了。食物是兩餸，但實在普通得很，而價錢就是長洲一貫方式：貴！有時也不能怪長洲人經常光顧老麥，因為麥當勞縱然不健康，它貨真價實，但長洲的茶記像這間，給你粉絲卻收你魚翅價，令人食完憤憤不平。

所謂一日之計在於晨，是日本局長辦公前先行醫肚，但發現長洲餐廳大多人頭湧湧，穿入一街道時突被一疑似連鎖快餐店「大X樂」招牌吸引，細看下方發現乃是「家家樂」，雖logo樣式相近，但有一字之別。本局長入內，發現早餐價錢公道，遂點下牛扒、雙蛋、火腿通、凍奶茶。食物質素規中矩，火腿通足料，雙蛋煎得靚，值得一提的是牛扒質素不錯，肉質鮮嫩，香氣撲鼻。總括而言，此餐廳早餐價錢公道，食物質素正常，牛扒頗為好吃，本局長飽餐一頓後就上路迎接一整天的工作了。

平時食晚飯堂食已經係貼錢買難受，但食物水準未算差份量算大份。今晚第一次買外賣，真係想講粗口。已經樣樣比正價無套餐計明明叫咸魚蒸肉餅係套餐，但個收錢話唔係餐。另加了咸蛋共收了 55加杯凍檸茶又收10蚊 （連飲品杯都收多1蚊）叫多個咖哩牛腩飯，收40蚊 （平時都不會套餐） 但外賣竟然裝在一個快餐盒（有大細格果種）。我問個員工，裝在這盒啲牛腩咪少了一半。(平時堂食都係貪佢夠多)! 個店員話係咁架喇，有問題唔好同我講，去揾老闆講。之後又發現其實個肉餅可以計套餐，收多錢，叫佢補個湯便算。個收銀面黑黑仲要個比面色我睇。所以總結，點都係受氣但堂食比較底！

每逢六日假期，我都會在長洲開booth（長洲市集）家家樂確實是個不錯的選擇！有中湯，白湯可選！份量很足，堂食的話，茶水幾乎任你喝！那一碗湯我建議你慢慢搭配主餐來喝，不然先喝完的話，我相信你主餐也就吃不了多少了這次選擇了常餐的B套餐-黑椒牛扒腸仔飯！對於剛剛從歐洲回來的我，真的是想念至極！黑椒汁的辣度剛剛好，不會過嗆喉嚨；滑嫩易咬開的牛扒表面裹著厚厚的黑椒汁再搭配著熱騰騰的白飯，一口咬下去所有的親切感都回來了！

家家樂唔記得食左第幾次, 次次都食下午茶, 最鐘意佢嘅薯條, 凍檸茶, 炸雞脾, 好old school 嘅下午茶, 講真, 唔係長洲人介紹, 我唔會去試, 因為門面都係舊式唔起眼, 又唔會無啦啦搵到呢到不過水準方面就有d參差, 有時好好食, 有時又一般, 今次嘅檸茶已經叫少甜少冰, 但覺得仲係好甜, 後來要換返, 茶味算係香濃, 唔澀口。 沙律有羅白, 西芹, 薯仔果d, 醬汁唔會好多, 岩岩好包住d蔬菜, 唔知點解 ,我覺得幾好食, 有時呢d普通沙律仲正過餐廳嘅凱撒沙律, 又夠飽肚又有咬口。炸雞脾呢家野真係.....撞手神, 今次都可以, 皮脆, 肉就少少略嫌佢乾左dd, 但整幾入味, 起碼唔係死咸為左支持一下街坊小店，要比個笑臉, 希望佢可以keep 住水準啦, 唔好令我們失望

老實說, 來到長洲,青蛙甚少會光顧茶餐廳~皆因小食店多的是, 掃街都掃飽。不過今次, 青蛙與豬大人就反傳統,來一次在長洲光顧茶餐廳的初體驗~無他......只因天氣太熱, 實在要找個有冷氣的地方過一過冷河。是次, 我倆找了平時在長洲經常會路過的''家家樂'',貪其就腳、食客又不多。當然, 純為了歇腳、剩涼, 不光顧是不可能的,我倆見適逄下午茶時段, 一於叫兩份餐齊齊SHARE吃 ^^至於店內的格局, 沒有一般茶餐廳所設有的卡位,反而是快餐店形式的佈置, 而且又是自助點食....唯一與快餐店不同的, 就是有店員會奉上食物給食客。話說回頭, 在點餐後不久,兩杯凍檸檬茶先上~~~茶味挺香, 亦不會太甜, 是一個好的開始!!青蛙的炸雞翼配西多士雞翼是青蛙的最愛, 所以對其有一定的期望。可惜這裡的出品實在太乾身了, 實在有翻炸的感覺 >.<不過呢~ 西多士則十分好吃!!!即炸入口亦不覺得油之餘, 它的邊皮卻十分酥脆可口,加上牛油及甜甜的蜜糖, 絕配絕配!!! ^^豬大人的炸雞脾配薯條炸雞脾同樣有翻炸的感覺, 皮硬肉韌.......幸好, 還有即炸熱辣辣的薯條可以挽回分數,厚切；外

原本唔識呢間店, 係觀音灣小食店既老板介紹架!!3大2細入去叫小菜, 長洲海鮮正, 呢間只有魚食, 估計應該唔差得去邊, 即管試下!!叫了薑沖蒸黃立倉, 超新鮮, 成條魚o的肉唔老, 唔"鞋", 有魚味, 連"每事彈"既阿媽都係o甘盛讚條魚, 100分滿分!!!炸肉排, 好大碟, 至少有5塊豬排, 即時煎炸, 熱喇喇, 係新鮮豬肉無雪藏味, 可以一試!!第3個小菜係涼瓜炒魚鬆, 涼瓜有少少老, 即係有渣, 魚鬆係一般魚肉加粉, 無咩特別.最抵係3樣小菜套餐都係$150有找, 係晚飯快餐來講絕對超值!! 一定要比LIKE!!

多數都不用等位,小時候的我以後這是大家樂不過看看餐牌便知原來不是餐牌上有很多不同花款的食物中式西式也有,我最喜歡吉列豬扖加薯條豬扖和薯條是熱烘烘的加上一杯可樂是吃下午茶的好地方,只是20多元不過其他的炒飯炒麵就...差了一點點但價錢都算便宜,大約28元就有一大碟很少地方可以吃到一些那麼便宜的晚間30多元的也有..視乎個人喜好可以閒聊一下,坐的時間長一些也沒有人會"脾"視

有時會黎呢度食晚餐，好多款選擇，有扒餐，格局形式近似大家樂個D快餐店試過食白汁炆魚意粉，幾好味，鍾意佢Ｄ白汁，而且份量都幾足夠凍奶茶都好飲，有茶餐廳既水準羅宋湯味道夠濃，帶有少少辣味，每次都會叫羅宋湯 ^^可惜肉醬意粉就唔好味，好怪，同出面食既肉醬意粉完全唔同總括黎講食晚餐幾好，不過略嫌整得耐左少少，有時要等好耐先到佢亦都有早餐午餐同下午茶時段，有時諗唔到食咩可以一試 ^_^

有晚去食dinner見到佢既menu好似好抵...廿幾蚊有野飲就去試點知失望...叫了兩送飯食....d菜凍晒....幸好個豬扒d肉夠嫩...另外叫了雙拼焗飯同意勁多洋蔥....乜料都冇....咦....唔係平都唔會泥呀下次!!!

估唔到呢間仲未有人寫喎,係唔係真係冇人去食過呢?我諗好多人第一次見到間舖,會問'點解咁似大家樂既'我指既係個logo.裏面都整到個d快餐店咁啦.不過唔同既係家家樂既選擇比較街坊,都係以小菜做主打.話雖如此,佢有一樣野令我覺得佢好似大家樂既,就係個焗豬扒飯喇.講個價錢先,只係21蚊.但係個份量絕對唔少,一個男仕食都幾夠架喇.而佢一定係即叫即焗,所以要等約10分鐘既時間啦.但食得呢個既一定會係熱囉.個飯都係用炒飯底,而豬扒好鬆化同大塊.21蚊你會覺得真係平得過份,加埋個質素黎講,真係好抵架.我諗都係做長洲街坊既生意多啦,所以總括黎講個價錢係平架.如果3-4個人share幾樣野食既話,都唔係好貴就一餐囉.仲有,佢既服務態度都幾好架.如果你冇叫飲品既話,佢一定會俾杯水你既.我諗如果晌香港既快餐店,都唔會做到咁好啦.做街坊生意真係有心好多既.