家後

营业中

休息中

之前睇介紹同係openrice search, 都一直想試, 不過未有機會, 今日敢啱有時間, 而且要過來深水埗, 等左一陣, 就有位, 餐牌唔係好多選擇, 以餃🥟為主, 可以要湯餃🥟或煎餃🥟, 揀左芫茜豬肉🥟餃配上海麵, 40多元有6只其實都算抵食😁👍, 另外都係為🧀芝士蛋糕以來, 有原味有開心果味😍有d選擇困難😆原味$30一件, 開心果味$35一件, 我估原味多機會食得到, 所以㨂左開心果味後上, 等左一陣碗麵送到, 奶白色湯底, 佢話係豬骨湯, 都幾清甜😉👍幾好飲亦唔會好咸, 麵都算好多, 浸左湯幾好食😉, 見只只餃大大只好飽滿🤩😅, 食一只咬開, 皮薄饀多, 都食到芫茜香味, 不過我可能自己食野偏淡, 就覺得咸左少少😅食晒好滿足, 唔會感覺要勁喝水👍之後店員食晒碗麵, 記得後上開心果🧀芝士蛋糕🍰🤩, 送上來細細件好精緻, 側邊比埋餐具夠窩心😘, 細細舊食一口😀真係心裡嘩一聲🤣好有驚喜, 以小店來說, 真係相當有意外的感覺, 好香開心果味, 亦有芝士🧀好香好濃好滑的味道😋😋食落唔會覺得好滞好膩🤩🤩貴唔貴就見人見智, 不過真係值得一試, 真係比餃子更出色💯

本身諗住去家後2.0，但撞正定休日，唯有行多幾步去本店。離遠見到已有十幾人等緊，我哋最後排咗大約35分鐘～因為人太多入去前店員叔叔已幫我哋落定單，我哋叫咗芫茜湯餃，菠菜芹菜煎餃，咖喱牛腩飯同兩件芝士蛋糕🍰 芫茜餃食第一啖已覺得係世界上最正嘅芫茜餃，煎餃我平時唔多食，今次竟然顛覆咗我印象，煎得好鬆軟易入口，又唔會𠝹損個咀，總之十分好味🤤咖喱飯老公話普通，沒太大驚喜⋯我哋又叫咗一件原味同一件開心果味芝士蛋糕，size比較細件，食完都唔會好滯⋯可惜我係路痴，無人帶住係唔會識自己去🤣

農曆年後第一次幫襯 ，叫咗一碟豬手， 水餃， 芝士玫瑰蛋糕， 同埋一杯鹹檸七 ....在忙碌的農曆年慶過後，總想再享受一頓美味的豬手。小店的環境一如既往地街坊 feel，讓人感到放鬆。服務熱情友好，立刻為我們提供菜單，並推薦了特別餃子，蛋糕 etc當豬手端上桌時，令人驚艷的色澤和香氣瞬間吸引了我的注意。豬手的外皮金黃酥香，肉質卻非常嫩滑，輕輕一撥就可以分開。每一口都充滿了濃郁的醬汁，味道醇厚，帶有一點微辣的香氣，讓人欲罷不能。調味 OK 講究，香料的完美結合，令豬肉的鮮香味道得以充分釋放，口感更加豐富，味道恰到好處，平衡了豬肉的油膩感。這次的用餐經歷非常愉快，豬手的味道讓我回味無窮。無論是與家人還是朋友聚餐，這裡的豬手絕對是一道不容錯過的美味。我已經迫不及待想要再次光臨，品嚐這道經典佳餚。若你也在尋找一個能讓你滿意的餐廳，這裡肯定是個不錯的選擇！

星期六3:30到，家後都要等位其實店內係有位只係佢無安排到大家人逼人咁坐流轉都算快，所以係外面唔算等好耐*原本我係叫左雲耳椰菜餃+菠菜餃 雙拼湯餃 $42等左20分鐘，呀姐係廚房走出黎同我講煮錯左椰菜做白菜，同我講唔好意思白菜我都食嘅，同埋等到好肚餓，我只係想快啲有得食我同呀姐講唔緊要，我照要白菜都得但可惜係廚房連菠菜都煮錯左做韭菜食到係韭菜味已經心知不妙可能都係綠色呀姐就搞亂左韭菜唔係我想食嘅味，但我唔想再等佢煮多20分鐘俾返4隻岩味嘅餃我我最終由雲耳椰菜菠菜餃變左白菜韭菜餃佢所有餃同價，所有餃我都會食同覺得好食只係今日嘅個味道組合唔係我最想食*個湯係粉葛赤小豆湯個湯依舊好飲不過呢間野唔可以肚餓黎食，真係要等好久

一入店內就好大陣韭菜餃味叫了兩個餐，煎和灼餃各一兩碗烏冬同前菜涼拌菠菜好快就上，灼餃等一陣就到，但煎餃差唔多食曬碗烏冬先到，如果可以一set咁同步上會更好啦辣椒油唔係好夠辣同香餃子好食，點醋食更加好味，特別係韮菜同麻辣味

星期五晚大概7點嚟到前面有3,4枱客等緊都係等咗15分鐘左右就有得入去喺呢個天氣嚟講唔算難頂佢煎得好好食算係幾大隻 份量係夠嘅另外菜甫都幾辣 唔食得辣要留意下反而湯餃我就覺得一般雖然佢有個葛湯但個湯餃 好清淡得嚟有尋腥腥味 可能下次再有機會可以試吓其他食完餃子就食甜品啦早有聽聞佢開心果芝士蛋糕好好味高期望下食第一啖都比佢驚艷到濃味得嚟恰到好處真係估佢唔到之後好味到追加埋原味原味都好好食 有焦糖味佢整體蛋糕仲高分過餃子而且都係35蚊一件

湯餃麵 $43包6隻餃同上海麵香菇栗米雞肉餃：好舒服嘅味，完全冇味精味，飲完都唔會頸渴。上海麵好彈牙。香菇栗米餡都多🌽，會食到栗米嘅甜味。煎餃 $44 雙拼+$2雲耳椰菜豬肉餃白菜豬肉餃雲耳＋椰菜依個配搭食起上嚟好有咬口，每一啖都好爽👍🏻。要試餃子水準，一定係要食最基本嘅白菜豬肉餃，菜同肉嘅比例幾好，菜比較多🥬，唔會食到好滯。整體嚟講，餃子皮唔厚，餡料都好足🥟。煎餃會煎到有脆底，但一啲都唔燶同油。如果想試真啲，建議湯餃會比較原汁原味多啲🍜。日式手作芝士蛋糕 $30食餃嘅店舖，大家都大推竟然係芝士蛋糕！蛋糕係偏硬身，好順滑嘅芝士🧀，帶少少焦香味🍰。

鍾情於巴斯克芝士蛋糕嘅我，當然要嚟家後試下味啦😆 聽講係由老闆娘整嘅～ 環境方面，可能因為太多人，感覺唔太夠位坐😂🥟韭菜豬肉湯餃 8隻 $40食開餃子嘅我，多數都係叫韭菜餃，食落去冇想像中厚實，普普通通咁，餃子唔算大隻，所以一個人食完8隻都有啲唔太夠喉 。湯底係粉葛赤小豆，比較淡味，果然係冇味精😂🥟洋蔥豬肉煎餃 8隻 $44試食朋友嘅煎餃，感覺好食啲，非常香脆可口，唔會太油膩，亦食到洋蔥嘅甜味 。麻辣雞翼 4隻 $29還可以，冇想像中辣，唔算太入味 。可以試下其他小食 。（食食下先記得影相）終於嚟到主角巴斯克蛋糕🍰！我地好貪心咁叫咗3款味道🤭 排名係分先後嘅😂第一位：開心果味💚我最怕食到好硬實嘅蛋糕，但呢款開心果味濃郁，入口軟滑，好濕潤，十分creamy🤤 真係要encore！ 大家都秒清😂第2位：原味💛芝士味幾濃，淡淡地反而幾好，食落好舒服 。第3位：焙茶味🤎焙茶味幾出，不過個人口味，我麻麻地 。整體嚟講，好滿足！下次嚟一定會再食其他味嘅蛋糕😆😆

佢係全香港餃子店應該排前10名，下午3點去到仍然要排隊， 食緊途中都不斷有人入黎買生餃洋蔥豬肉餃子，煎得香脆，食落個皮薄，餡仲有少少肉汁，滷水雞翼就正常。最估唔到係個開心巴斯克蛋糕，個質感超滑，而且開心果味道好濃，最大嘅缺點係芝士蛋糕size只有正常嘅2/3 唔夠食😂洋蔥豬肉煎餃 滷水雞翼開心果巴斯克蛋糕

✨雲耳椰菜豬肉餃拼香菇粟米雞肉餃🥟雲耳椰菜豬肉餃菜肉比例平均,食落口感好爽口,而香菇粟米雞肉餃有淡淡嘅菇味🍄‍🟫🍄‍🟫餃子好足料配自家老火湯底健康又無味精👍🏻👍🏻✨韭菜豬肉餃拼洋蔥豬肉餃🥟餃子香煎更惹味,洋蔥豬肉餃入邊嘅紫洋蔥香氣十足,食落爽口,好夾而韭菜豬肉餃味道無輸系列仲要煎餃子實在食唔停口😋✨麻辣雞腎雞腎亦都很爽口,又夠味🌶️🌶️仲有芝士蛋糕🧀,但已經賣晒🥺🥺

太好味喇，入到去狠狠叫咗一碗大腸筋 羹.... 當然唔夠叫一碗鴛鴦湯餃 盡飲湯中味， 再嚟 豬手同埋大腸 食完之後起碼重三四磅。 實在太 為食 忍唔住再叫咗 開心果蛋糕， 食完真係行唔郁好滿足好滿足。

#一定要吃 餃子好味，芝士蛋糕超超超超超超級好味💚路過見到門面以為是一般的小店，入到去已經坐滿晒！第一時間叫左兩款餃子同芝士蛋糕！因為一坐底就不停聽到店員報數芝士蛋糕淨返幾多件！我都唔洩底叫定2件🫣做飯後甜品🍰先講啲餃子先，呢度啲餃子即叫即煎，隻隻都煎得好靚，好平均。我叫左兩款口味，一款韮菜豬肉、另一款係店員推薦嘅洋蔥豬肉。🥟韮菜豬肉，完全係正常發揮，加上煎得勁香脆，咬落有肉汁，唔油膩！食多幾隻都得！🥟洋蔥豬肉，冇諗過原來都幾夾幾好食㗎喎！洋蔥同紫洋蔥混合，食落洋蔥味香濃。🍰飯後甜品芝士蛋糕，聽講係日本人每日新鮮製作㗎！食落口感非常軟滑！勁creamy！一口接一口停唔到！原味可以食到濃郁嘅芝士味。而培茶味道亦超突出，入口即化，完全不澀口。

今次係二訪家後2.0 ！因為心心念念佢個巴斯克蛋糕🍰 我地個日星期五晚8點到都依然大排長龍～full house 不過好彩等左一陣就可以入座！本人鐘情於湯餃，所以叫左份椰菜餃+芹菜豬肉餃🥟各10隻同巴斯克蛋糕～(˶‾᷄ ⁻̫ ‾᷅˵)今次仲試到培茶口味tim jeng 🤩• 是日燉湯 係五指毛桃湯 好有住家湯既味道 冇味精既感覺 忍唔住就飲晒成碗🤭• 手工餃子套餐 (灼): 雲耳椰菜豬肉餃• 手工餃子套餐 (灼): 芹菜豬肉餃另外仲叫左沙薑雞翼～一份都有4隻 份量都幾足而且沙薑味都濃最後緊係唔少得主角蛋糕🍰🤣我地簡左原味同是日限定嘅焙茶芝士味～培茶味🍵好出 不過本人都係比較鐘意原味多啲！蛋糕中間做到小流心既效果 正🤤🤤依然都保持到水準 值得再嚟encore ！！

來到這間排隊店食個下午茶, 記得要係門口先登記, 唔係排咗都無用, 好在都食到蛋糕 食物 : 雙拼煎餃 $46 ~ 叫咗韮菜豬肉餃&芫茜豬肉餃, 餃子味道唔錯, 煎得好香脆, 不過只煎一面, 差少少, 芫茜餃子好香, 喜歡芫茜味的一定要食, 韮菜餃味道正常 開心果芝士蛋糕 $35 ~ 芝士蛋糕是這店的重點, 賣完就無, 好在當天食到, 蛋糕香滑味濃, 唔錯 飲品 : 豆漿 $6/杯 ~ 味道正常, 唔太甜 環境 : 小店座位比較窄 服務 : 職員有禮貌 價錢 : HK$87 (無加一服務費)

星期五晚上7點去到已經好多人等位，等左差不多半個鐘有位街坊小店環境不算太舒適整潔，服務態度一般 感覺不太尊重，因為多人等位都無得坐耐，(應該係)老闆都催坐我地對面嘅客走韭菜豬肉餃 8隻 ($40)本身跟湯但係我鐘意無湯食，問侍應可唔可以走湯上，佢好膚淺咁答我「得湯餃」🙄 好唔尊重，最後都肯走湯上嘅餃子都幾大粒，皮夠薄，內餡嘅份量正常 但係肉無味好淡，調味一般，未去到令人眼前一亮韭菜比較多，食落好健康香菇粟米雞肉煎餃 8隻 ($44)煎餃做得比湯餃出色，煎得外皮金黃，香口脆邊，餡料味道正常，調味都係唔夠日式手作芝士蛋糕 ($30)人氣之一必試下，細細件蛋糕表面夠色而較挺，夠滑身 芝士味道好濃 —𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: no💳 𝗉𝗋𝗂𝖼𝖾 $50-100 𝗉𝗉 🌟 𝗈𝗏𝖾𝗋𝖺𝗅𝗅 6/10📍家後 深水埗基隆街211號地舖