家後

营业中

休息中

家後呢間餃子店嘅人氣唔講得笑，遲少少到都會大排長龍，建議喺6點半前好去到啦🤣📌今次嗌咗一個湯餃雙拼（$40），一個煎餃雙拼（$44），咁就可以試晒四款，以下排名有分先後😂1️⃣洋蔥豬肉餃（煎）洋蔥因為有水份所以食落好juicy 👍🏻即使係煎都唔會好乾～而洋蔥同豬肉都係好夾的🙆🏽‍♀️第一位當之無愧🥰2️⃣雲耳椰菜豬肉餃（湯）都係傳統嘅味道，做得出色，所有配料份量配搭得宜👍🏻3️⃣香菇粟米雞肉餃（煎）同洋蔥豬肉比較，呢種比較乾身無肉汁，香菇味都軟淡～4️⃣韭菜猪肉餃（湯）唔算特別出色，係正常發揮😬📌餃子都真係唔算大隻😅8隻嚟講唔夠飽😗📌湯底方面都係好有家嘅味道，無咩味精味，亦唔會太濃。📌喜歡佢嘅菜甫，夠辣又惹味🥰5️⃣焙茶芝士蛋糕（$33）芝士蛋糕係家後嘅名物🤣今次食唔到開心果味，但焙茶味都出名，芝士蛋糕夠滑～唔會死甜又唔會太膩🙌🏻📍總結：📌老實講無好驚豔嘅感覺，亦有其他餃子店出色過家後😬但都可以一試～排長龍就唔值啦🤪📌個人唔大食嚟講真係唔夠飽🤣男仔可能要食16隻/加麵😗

我地係鍾意食餃子嘅人，今次黎到深水埗一間小店叫家後，出名餃子同埋自家制日式巴斯克芝士蛋糕。家後嘅攞位方式好特別，門口張臺放左留位紙，大家黎到記得自己寫番人數同埋電話號碼，自己睇到前面仲有幾多張臺要等，建議大家開門前幾個字黎排隊或者七點半過後，咁樣人會少啲，食到嘅機會都大啲。今次我地叫左湯餃（8隻$38）同埋煎餃（8隻$42），湯餃嘅湯底係淡味嘅老火湯，係粉葛湯，好健康，餃子我地食雲耳椰菜豬肉餃，味道正常，無特別驚喜。我最鍾意食煎餃，洋蔥豬肉餃非常出色，香甜嘅洋蔥配上豬肉，一口咬落去，好多汁爆出，建議大家一定要試，另外韭菜豬肉餃都唔錯👍芝士蛋糕我地試左兩隻味，分別係開心果（$33）同原味（$28），兩個味道都唔錯，芝士味突出，蛋糕幼滑，唔會過甜，我一路食緊嘅時候，都見到好多人外賣芝士蛋糕走👍消費價錢：兩人150左右結論：可以經常光顧餐廳名稱：家後 (深水埗)餐廳地址：深水埗基隆街211號地舖

深水埗講到餃子🥟, 一定會諗起佢💭🤭🔥長期人氣大熱的餃子店🥟・家後🏠近排更喺同區開咗家後2.0雖然主打賣餃子🥟, 但最具人氣🔝的item卻是🌟店中名物---巴斯克蛋糕🍰蛋糕口味非固定, order前最好先詢問店家👌🏻🔸雲耳椰菜豬肉湯餃🥟(8隻) $38 6.5/10🥣湯底係粉葛湯, 味道清淡, 飲完唔會口渴😌🔍粉葛：利尿、消脹除腫、滋津止渴🥟餃子的大小適中👌🏻雲耳夾梛菜🥬😋食落爽口🔸韮菜豬肉煎餃🥟(8隻) $42 6.5/10煎餃偏油外皮煎得香脆😙😚好香韭菜味, 菜佔的比例較豬肉多🔸開心果巴斯克芝士蛋糕🍰 $24 7.5/10🙈當晚去到未落單, 即刻問老闆仲有冇Basque cheesecake😣🥺🤩好好彩,仲有最後2件開心果味🥳唔使諗即刻留定一件😎餃子店賣埋蛋糕🍰, 真係好特別🤣😳水準仲要唔差, 最重要係有少見的開心果味💚蛋糕口感綿密滑順, 開心果味濃郁💚🫶🏻呢個價錢食到中上質素, 真係好抵食🥰(*¯︶¯*)食完好滿足好開心~

呢間店其實知道左好耐,  但每次經過都係見到一大條人龍. 現時咁既天氣真係怕怕. 咁排隊法真係驚中暑。星期日經過終於見到人流唔算好多. 所以即管排下. 不過我地一行五人, 都係要等一陣. 因為店內唔算大. 最後我地還是要分枱而坐, 不過職員好好, 盡量為我地安排最好的位置. 感謝! 我地點了:一份煎韭菜豬肉餃子, 一份洋蒽豬肉餃子 (店員推介), 一份湯韭菜豬肉餃子 ,  另加一個日本飯糰給孩子。哈哈, 因為我地太喜歡食韭菜.不得不欣賞店是用上新鮮老火湯作湯底。新鮮煲冇味精，飲完唔口渴架！餃子足料薄皮。韮菜好香。煎餃的皮很薄，所以好脆口，而且能鎖住肉汁。另外又想唔到個飯團同樣出色。好足料，好日式口味！店內自家製的辣菜莆一定要試。佢會令到餃子味道更好食。最後我哋點咗佢哋招牌嘅甜品，一個原味芝士口味，一個開心果口味嘅芝士蛋糕。開心果口味超級香濃，兩款都入口軟滑可口，有特濃芝士香味。阿仔食到唔停口！

脆薄餃皮餡夠多，足料家的味道🥰・・・・・・・・・・・・・・・・・・・・🥟 雙拼煎餃8隻  HK$42 (雙拼+$2) ＞ 洋蔥豬肉餃、香菇粟米雞肉餃・味道：洋蔥豬肉重紫洋蔥香😋，香菇粟米好甜，每一個配料味道都好出！餡料肉類同菜類係1比1👍，肉類冇乜點醃，以肉原本鮮味為主，但真係有肉鮮味唔係冇味的，yum yum欸🫡・口感：洋蔥好脆口但唔生。個煎餃好脆，薯片級脆度🫡皮薄餡多🤘🥟 雙拼湯餃8隻  HK$38 (雙拼+$2) ＞ 韭菜豬肉餃、白菜豬肉餃・味道：韭菜好香好重味，白菜正常發揮～湯底係屋企煲湯嘅款，雖然唔知咩湯XD・口感：好surprise湯冇浸到餃皮脹晒，仍然夠薄冇粉感👍🍜 豬骨湯上海麵 HK$16 (套餐加配價)・味道：正常款啦，好幼身嘅上海麵，肚波男友塞飽自己用des哈哈・口感：可能太幼身，冇咩口感～🍰 日式手作芝士蛋糕 HK$28・味道：啫係巴斯克蛋糕～芝士味好濃👍，唔算甜，好食的。係食到一半我就滯到食唔落😥但可能係本波太廢XD・口感：中間軟身但未去到好cream一pat pat咁，本波覺得係理想狀態🫡，唔鍾意啲太流心好易好膩ฅ●ω●ฅ・・・・・・・・・・・・・・・・・・・

家後嘅餃子一向大受好評，12點幾黎到已經要等位。餐牌簡單直接，一係湯餃，一係煎餃，有八種口味，加$2可以雙拼。湯餃賣點係湯底係貨真價實嘅老火湯，粉葛湯飲落舒服唔油膩，唔會口渴。餃子要咗香菇粟米雞肉餃，雞肉比較少，口味比較清淡，聽聽有啲甜味。餃子要咗香菇粟米雞肉餃，雞肉比較少，口味比較清淡，輕微甜味來自粟米。叫我煎餃要咗雲耳椰菜豬肉餃，餃子煎得啱啱好，唔會太硬，食落又唔會太油膩，皮餡比例啱啱好，唔會太大粒。每枱食完餃子都會叫埋芝士蛋糕，size細細件，中間做到輕微半溶，甜左啲，但整體係好味嘅巴斯克蛋糕，口感綿滑。當日仲有開心果味。

家後一直以黎都係我嘅愛店，洋蔥豬肉🥟食極唔厭🥹🥹太好食了 recommend!!!🐖🥟煎洋蔥豬肉餃 - $42正到喊(´༎ຶོρ༎ຶོ`)—>literally me after eating every bite依個combination唔係度度都食到，加左洋蔥完全upgrade咗平平無奇嘅豬肉🆙📈熱辣辣脆卜卜嘅餃皮accompanied with 入邊啲汁 is heaven🥹去嗰度永遠必嗌❤️‍🔥評分: 100/10 ⠀⠀⠀⠀😝🎂開心果巴斯克芝士蛋糕 - $33soft n creamy 正常發揮抵食！Worth a try評分:8/10 ⠀⠀⠀⠀🥟💚芫荽豬肉餃韭菜豬肉餃 - $40芫荽fans here you go😝好足料嘅芫荽豬肉餃子韭菜is also jeng af兩隻好足料好新鮮🥹驚熱氣不妨試試水煮嘅湯餃子粉葛湯好清甜💏評分: 8/10 ⠀⠀⠀⠀🍙日式飯糰 - $16好正🥹啲調過味嘅飯撈埋啲菇s 同豬肉粒=飯糰天花板🥂評分: 8/10 ⠀⠀p.s. 煎洋蔥豬肉餃is a must😚😚如果口渴可以嗌杯豆漿🥛—> my 必點s everytime♾️⠀⠀📍 家後 (深水

竟然喺餃子店食到巴斯克芝士蛋糕😂本身佢個煎餃都唔錯 洋蔥豬肉煎餃洋蔥好甜 豬肉味都幾香 份量多少少就更加好巴斯克芝士蛋糕賣相出眾 食落唔會好甜 朋友唔鍾意食甜嘢都食到👍🏻

去迪士尼之前去左深水埗揾食，老公話想試呢間openrice好多好評嘅家後。嘩，食個餃子都要排隊，即刻對間店有d期望，細細間嘅店坐滿人，我地叫左牛腩面同埋煎洋蔥豬肉餃並韭菜豬肉餃，仲加配左豬骨湯上海麵同埋豆漿。牛腩麵其實唔係好特別，不過牛腩都林，正常。煎餃就非常之好味，皮軟底脆，而且個皮厚薄適中，脆卜卜非常好食。不過餃子嘅肉就唔算特別，上海麵就簡單好味。今次唔記得左食巴斯克蛋糕，聽講依度好出名，下次一定要試下。

😌唔洗排隊🥟係ok~坐得迫、人手唔夠、調味樽有啲Chi 粒粒、但冷氣夠🥣湯餃係赤小豆底幾好我地叫左4款🥟3款濃味～韭菜、芫荽、芹菜都好足料夠重口味1款淡味～雲耳椰菜食唔到兼睇唔到有雲耳🤔但唔難食但傳說中的爆汁沒有？🙄🧀原味巴斯克芝士蛋糕有驚喜🥰🫒開心果味就有啲膩😳

呢度嘅手工水餃好味！！叫咗個白菜豬肉湯餃,唔算好貴（$38八隻）,等咗5分鐘左右就吃得（下午茶時段）,每隻餃好大隻,入面料好足,肉70%菜30%,超滿足！！員工服務都幾好,都幾有耐心.

💪🏻 洋蔥豬肉餃（湯$38，煎$42 /8隻）洋蔥餃主要係用紫洋蔥做餡料，紫洋蔥都煮得夠熟透(本人好怕生洋蔥嘅草青味😰)，洋蔥味濃烈，但冇太大草青味，亦都好爽口，豬肉調味亦都適中😝 個人推薦食煎嘅洋蔥餃會更加好食，更加香口，因為煎香左嘅餃子令洋蔥味更突出，而且煎餃嘅外皮煎到金黃色，食落好香脆！💪🏻 雲耳椰菜豬肉餃椰菜餃嘅味道係偏淡，所以配湯餃會比較夾。湯底係粉葛眉豆湯，非常有煮家湯嘅味道🤤，有種家的感覺。湯底調味適中，豆香味明顯，飲落好舒服，唔似飲味精湯😋 另外，自家製菜脯味道香甜又香辣，配餃子食提升左味道嘅層次。餃子皮都夠晒薄，不過湯餃嘅外皮略為有啲鬆散。味道：7.5/10性價比：8/10 食住瘦指數：💪🏻💪🏻💪🏻/5 💪🏻 日式巴斯克芝士蛋糕(原味$28，提子冧酒味$33)呢個芝士蛋糕係餐廳嘅主打菜，好多客人都慕名而來🤣 而呢個芝士蛋糕確實係非常出色！原味芝士蛋糕芝士味濃郁，食出淡淡嘅芝士酸味，亦有好香嘅cream cheese甜味🤤 而且芝士蛋糕亦都非常軟滑，非常creamy！蛋糕外面亦食到好香嘅焦香味，令味道更多層次。另外，提子冧酒味嘅酒味突出，亦都食到好香嘅冧酒甜味🤤 蛋糕當

呢間餃子店係我愛店之一✨佢地的洋蔥豬肉煎餃真的好好吃，係我吃過的最好吃的餃子之一。餃子皮煎得非常脆，肉餡都非常香濃，加上洋蔥的甜味，配合得好好。唔夠飽仲可以加麵/飯團🍙，住家飯團有住好香濃的菇菌味👍🏼另外嚟呢到一定要試的就係佢地的巴斯克芝士蛋糕！🍰當日我食左開心果巴斯克芝士蛋糕，蛋糕口感非常綿密，味道非常濃郁，超正！😍整體來說，呢間餃子店的野食味道好好，價格都唔錯，仲可以係餃子店食到有水準的芝士蛋糕😳

朋友話依間巴斯克芝士蛋糕好味，所以專程黎深水埗試一試依款名物啦。蛋糕外型都似樣，食落夠濕潤，有焦糖味，值得一試。依期香港實在太熱啦，下午茶嚟呢度唞一唞，食件蛋糕都唔錯。

中午時分喺深水埗，記得朋友推介嘅人氣餃子🥟店，一於去會一會佢，去到果然門外有班人等緊位，為免等到中暑，改為外賣🥡湯餃麵 (6隻) $42餃子🥟有唔同口味，我叫咗菠菜豬肉餃，同狗唔會太細隻，味道幾好，而麵就揀咗菠菜麵（不用額外加錢），湯底係豬骨湯，飲完都唔口渴