家餸小廚

营业中

休息中

幫襯咗呢間嘢接近半年，全區兩餸飯基本上冇乜選擇，差唔多日日幫襯呢間或者去一田買飯。呢間嘢整體嚟講冇乜大問題，唯獨係有潛規則呢下有啲離譜，希望老細見到可以正視下。$45份一個兩餸淨餸，個膠盒一邊大一邊細冇問題。但你間嘢唔同餸有唔同份量限制嘅潛規則而員工/鋪面都冇提及就有問題。好似今日去揀咗鱔同西檸雞，你個員工隨便將鱔嗰餸放咗去大邊嗰邊然後淨係放咗一半。我問「仲有一半空咗喎」個員工然後仲理直氣壯話「公司規矩係咁，最多6舊」。喂，你係最多6舊點解唔一早講？人哋個個兩餸都係填滿，你個員工就一半空咗想俾盒嘢我。仲大條道理搬「公司規矩」出嚟。其實我真係唔明，點解個員工唔將鱔放返係細格然後咁大格俾返西檸雞我囉。點解要呃份量？呢個係咪都係「公司規矩」？

一直好鍾意去街市呢間兩餸飯到買淨雙餸，雖然味道一般，你唔好預有樣嘢好好食，但唔係差，椒鹽豬扒係正常質素，但唔會係伏，之前試過蒸魚佢係好多碎骨嘅魚，驚魚骨嘅就唔好揀，咕嚕肉味道係OK，兩餸飯你預咗多骨就OK，其他食物都真係不過不失，炒菜嗰啲係OK，唔會有啲特別奇怪調味。價格以兩餸飯嚟講係少貴，不過依然揀佢真係貪佢係載滿，所以加價都會照買，算係實惠為主。不過近幾次去買，佢真係唔會載滿，淨餸已經貴過買兩餸飯...以前一直覺得佢最大嘅優點立即無哂..

今日試左屋企樓下新開既一間賣兩餸住家飯飯盒既舖頭，叫做家餸小廚！驟眼睇佢舖面啲食物其實幾吸引！望落賣相都幾新鮮，有我最鐘意食既蜜椒薯仔雞球（其實如果係牛柳粒會更好）、蒸水蛋、咕嚕肉，我覺得住家餸黎講就不過不失啦，味道同佢地應有既味道一樣，符合預期。畢竟又唔係貴，但佢份量都算多，好飽，尤其是我係一個比較食好多野既女仔都係食唔哂。我覺得如果平時屋企冇煮飯，又唔想食太貴，而且想食住家餸既話，呢間係一個唔錯既選擇！

樓下商場有一間專食住家飯既舖頭，叫做家餸小廚。驟眼睇佢舖面啲食物其實幾吸引，整體環境都幾乾淨，店員都好好禮貌，而且啲姨姨好親和友善，比到我個FEEL真係好似我呀媽為我煮住家餸咁！唔係為講而講，我真係有呢種感覺！食物方面，望落賣相都幾新鮮，有我最鐘意食既蒸水蛋、咕嚕肉、肉碎炒四季豆，我覺得住家餸黎講就不過不失啦，味道同佢地應有既味道一樣，一般般吧，唔好有太大預期囉。畢竟又唔係貴，但佢份量都算多，好飽，我一個食咁多野既大男人都覺得啲飯同餸太多。

家餸小廚通常去食都係打工仔(地盤佬)及買餸師奶。通常兩餸飯拎走。我幫襯過兩，三次，最後果次大感失望。今次買兩餸，個四眼著便服男人好似装金甘。吾係下話，專程幫襯甘玩法。返到屋企，未食一肚氣。不過吾緊要，專業試下味先，今次食豬扒同咕囉肉。吾係下化，甘多味精，食完飲左2支水。街坊注重健康就自己諗下幫吾幫襯拉。。失望失望

最近我在「將軍澳」「坑口」「TKO Gateway」商場街市旁邊的美廣場裡面，發現到一間新開張的港式小菜餐廳，餐廳的名稱叫做「家餸小廚」，顧名思義，「家餸小廚」的菜式都是主打「家常菜」風格。「家餸小廚」另一個值得注意的地方，就是「家餸小廚」食店範圍裡面沒有提供任何堂食檯櫈位置，換言之食是無法逗留在食店裡面享用食，食客購買的小菜食品，都需要外賣自取，攜帶返回家裡面享用。其實說穿了「家餸小廚」本身，就是為了方便一些沒有辦法在街市購買餸菜，沒有辦法在廚房裡面自行烹煮晚飯餸菜的家庭或者其他人士，讓食客將來在裡面，不需要再為享用「家常菜」晚餐而煩惱。而且現在「香港」面對疫情嚴峻，纏繞香港人已經一年時間，茫茫不知道何時方能夠見到盡頭的「新冠肺炎」，不單止開始出現了抗疫疲勞，還在不知不覺間習慣享用外賣自取飯盒，忘記了一手舉起飯碗，一手拿着餐具的感覺。所以「家餸小廚」本身的出現，某程度是解決很多居民食客想食一般家常菜，但是卻不是太懂得自己去烹飪的煩惱，而且「家餸小廚」食品實際售價價錢其實一點也不昂貴。至於今晚晚餐裡面，「白飯」以外的食材，我一向都屬於平日正餐無飯不歡的人，所以自問很難接受到當晚晚餐的食