影片
更多
2013-11-17
1655 浏览
屋企人想喺深水埗搵地方食飯，都想大家食得開心啲，突然記起朋友之前介紹呢間店，話好出名，所以試下。我哋三個大人一個細路，經侍應小姐推薦點咗佢話“最出名”嘅咸魚煎肉餅、魚柳蒸豆腐、燒汁薯仔牛仔粒，另外叫咗3個白飯同埋佢介紹話絕對一流嘅招牌秘制豉油撈飯。食落真係唔知點解有人會話佢“出名”，嗰碟咸魚煎肉餅完全無咸魚味，只係一般嘅煎肉餅，無乜香味；魚柳蒸豆腐簡直唔似樣，除咗豆腐夠滑之外(用百福豆腐已經做得到)，塊魚柳薄到差啲搵唔到，用厚厚嘅豆粉包住蒸成一塊類似魚膠咁嘅嘢，共有8小件，收$98，諗都無諗過咁嘅價錢喺無裝修嘅舖頭竟然差成咁，街邊煎釀三寶好食過佢；燒汁薯仔牛仔粒，薯仔比較爽，牛仔粒5成熟，我有一個屋企人食唔慣生嘢就覺得唔好食，其他人就鍾意牛肉煮得啱啱好，燒汁都幾香，係比較有質素嘅一碟，不過真係估佢唔到，細細碟收費竟然$158，喺銅鑼灣酒樓食都唔駛呢個價；最後係秘制豉油撈飯，收成$20一碗，由於係侍應不停游說我哋叫嚟食嘅，所以都幾有期望，但係呢碗飯真係普通到唔普通，我喺屋企用普通牌子老抽撈嗰碗都香過佢，所謂“秘制豉油”完全無香味，唔明白佢點會攞嚟做招牌飯；白飯搯得好細碗，收$10一碗，賺
我哋三個大人一個細路，經侍應小姐推薦點咗佢話“最出名”嘅咸魚煎肉餅、魚柳蒸豆腐、燒汁薯仔牛仔粒，另外叫咗3個白飯同埋佢介紹話絕對一流嘅招牌秘制豉油撈飯。
食落真係唔知點解有人會話佢“出名”，嗰碟咸魚煎肉餅完全無咸魚味，只係一般嘅煎肉餅，無乜香味；魚柳蒸豆腐簡直唔似樣，除咗豆腐夠滑之外(用百福豆腐已經做得到)，塊魚柳薄到差啲搵唔到，用厚厚嘅豆粉包住蒸成一塊類似魚膠咁嘅嘢，共有8小件，收$98，諗都無諗過咁嘅價錢喺無裝修嘅舖頭竟然差成咁，街邊煎釀三寶好食過佢；燒汁薯仔牛仔粒，薯仔比較爽，牛仔粒5成熟，我有一個屋企人食唔慣生嘢就覺得唔好食，其他人就鍾意牛肉煮得啱啱好，燒汁都幾香，係比較有質素嘅一碟，不過真係估佢唔到，細細碟收費竟然$158，喺銅鑼灣酒樓食都唔駛呢個價；最後係秘制豉油撈飯，收成$20一碗，由於係侍應不停游說我哋叫嚟食嘅，所以都幾有期望，但係呢碗飯真係普通到唔普通，我喺屋企用普通牌子老抽撈嗰碗都香過佢，所謂“秘制豉油”完全無香味，唔明白佢點會攞嚟做招牌飯；白飯搯得好細碗，收$10一碗，賺死佢
因為啲飯好細碗，食得唔係好飽，見佢啲飯餸咁差又唔想再叫；總括嚟講，呢間嘢碟頭細、味道參差、價錢極貴(以地區、味道、同裝修計係超唔值)，最後埋單$386，平均每人$96，超唔抵食
张贴
