影片
更多
2013-05-31
644 浏览
容记烧猪腩肉咁出名，又系米芝莲推介过，想试左好耐，寻日终于有机会食到啦！！！舖头唔算难揾，好近地铁站，行紧去时仲系度好担心会好似网上见到情况一样系门口排长龙，但好彩去到仲算早门口未有人等位，一去到就有位坐，但要同其他客人搭一张十二人既大枱。首先第一碟上枱既就系我地最想试既烧猪腩肉，仲附有2种酱汁，一只绿色酱汁系完全唔辣既日式wasabi汁，另一种啡色唔知咩酱汁就甜甜地，2种酱汁同烧腩肉都算夹，但个人同朋友都喜欢点绿色个只酱汁多ｄ。虽然闻唔到有咩香味，但你见到佢有小小烟向上升，腩肉偏廋中间会有一层好薄既油脂，好岩我地女仔食，食落唔会太肥腻，相比平时食开个d冻食烧腩肉，佢lee只暖食反而令佢香味特别出，咬落好松化，好易咬开，暖食先会食得出佢个层油脂香味。继而精华所在，就系佢个层烧得好厚既猪皮，咬落好脆好香但唔会觉得肥腻，外脆内软，食完个口仲会有一阵阵回香味。南乳杂菜煲，真系大感失望，自问唔系食开重口味既人，都觉得佢既南乳冇南乳味，南乳落得太又或者比ｄ水沟稀左，但菜本身就煮得岩岩好仲算爽脆既。即叫即蒸咸蛋肉饼蒸豆腐，等左接近15-20分钟，饭都唔敢食晒就系等肉饼黎送饭，佢用左蒸鱼酱油去淋系肉
容记烧猪腩肉咁出名，又系米芝莲推介过，想试左好耐，寻日终于有机会食到啦！！！
舖头唔算难揾，好近地铁站，行紧去时仲系度好担心会好似网上见到情况一样系门口排长龙，但好彩去到仲算早门口未有人等位，一去到就有位坐，但要同其他客人搭一张十二人既大枱。
首先第一碟上枱既就系我地最想试既烧猪腩肉，仲附有2种酱汁，一只绿色酱汁系完全唔辣既日式wasabi汁，另一种啡色唔知咩酱汁就甜甜地，2种酱汁同烧腩肉都算夹，但个人同朋友都喜欢点绿色个只酱汁多ｄ。虽然闻唔到有咩香味，但你见到佢有小小烟向上升，腩肉偏廋中间会有一层好薄既油脂，好岩我地女仔食，食落唔会太肥腻，相比平时食开个d冻食烧腩肉，佢lee只暖食反而令佢香味特别出，咬落好松化，好易咬开，暖食先会食得出佢个层油脂香味。继而精华所在，就系佢个层烧得好厚既猪皮，咬落好脆好香但唔会觉得肥腻，外脆内软，食完个口仲会有一阵阵回香味。
南乳杂菜煲，真系大感失望，自问唔系食开重口味既人，都觉得佢既南乳冇南乳味，南乳落得太又或者比ｄ水沟稀左，但菜本身就煮得岩岩好仲算爽脆既。
即叫即蒸咸蛋肉饼蒸豆腐，等左接近15-20分钟，饭都唔敢食晒就系等肉饼黎送饭，佢用左蒸鱼酱油去淋系肉饼上面，食落甜甜地，唔会死咸。不过失望既系佢d豆腐系用百福豆腐，好滑但冇豆味，仲有肉饼比较厚既地方蒸得唔较熟。
题外话/补充资料：
下次可以揾多ｄ人去可以试埋其他菜
(以上食记乃用户个人意见 , 并不代表OpenRice之观点。)
张贴
