富臨皇宮

营业中

休息中

秋風起， 又我到最期待的食大閘蟹季節啦 ， 當然要嘆金黃多膏大閘蟹 ！今年 富臨皇宮，推出大閘蟹放題，以抵食價錢試到鮮甜及豐富蟹膏大閘蟹 , 同多款小菜, 把握時機感受時令大閘蟹的鮮味， 錯失了又要等一年喇 !120分鐘大閘蟹放題 $498/ 每位 （ 星期一至五 ） 就可以歎到定食： 🔸️ 金湯小米燴燕窩 🔸️ 蟹粉扒豆苗 🔸️ 蠔皇原隻鮑魚 🔸️ 回味欖角骨 金黃䁔胃的金湯小米燴燕窩，火候十足， 入口好鮮甜，飲後成個人暖笠笠 , 養顏又補身。蟹粉扒豆苗， 翠綠淋甜， 加上蟹粉提鮮 ，份外美味。鮑魚厚實圓潤，輕輕用刀切開，質地滑溜，入口帶嚼勁， 慢慢沁出純樸鮮香，加上蠔皇汁提鮮， 啖啖窩心。回味欖角骨 ， 排骨 外脆內軟，吸收了欖角的鹹香 ，使人回味。無限追加系列有： 🔹️ 清蒸大閘蟹 🔹️ 油鹽焗大閘蟹🔹️ 花雕蒸大閘蟹 🔹️金陵片皮鴨打開熱騰騰蟹蓋，鮮香十足， 看到豐富 金黃蟹膏， 令人垂涎，啖啖柔潤香滑，像鹹蛋黃的甘香。清蒸大閘蟹 ， 高溫能鎖住蟹味， 所以保持原汁， 鮮香美味。 油鹽焗大閘蟹 ，蟹肉細嫰柔順， 蟹味更濃郁。 花雕蒸大閘蟹， 淡淡花雕酒香， 讓人陶醉其中。烤鴨皮油光亮麗，

今日打風瞓醒即刻周圍搵嘢食美孚好多餐廳仲未開唯有試下酒樓一定風雨不改好多孖寶選擇3x蚊有2款點心平時食開貴價嘅牛栢葉 咖啡魷魚都係孖寶好優惠仲有好多酒樓都未必有嘅選擇蘿蔔絲炸両腸粉好足料蘿蔔好甜仲有黃金糕好香椰香味又煙韌好少酒樓有得食不過啲杯碗真係好油啷咗3轉都油淋淋最後要拎 消毒紙巾抹乾淨再沖水職員好少但係同枱枱老顧客都好熟屋邨酒樓氣氛好好

又到左食大閘蟹嘅季節喇梗係要去食大閘蟹放題盡情食番夠本啦呢間放題嘅大閘蟹有清蒸 油鹽焗同花雕蒸我就最鍾意清蒸 可以食到蟹嘅鮮味同甘香蟹膏唔好睇佢得三両細細隻 但都幾好膏㗎我朋友就一個人食左十二隻 回本冇難度大閘蟹即叫即蒸嘅 所以落單都要預番時間另外值得一讚 通常放題大閘蟹都係俾蟹公多 但呢間有公有乸 好加分！唔止大閘蟹任食咁簡單 仲有好多款野食睇餐牌以為珍味四饌四選一 原來係每樣各一份小米燴燕窩 蠔皇鮑魚 蟹粉豆苗 欖角骨鮑魚同花菇好厚肉 用料有誠意連片皮鴨都有得食 即場片 皮脆又juicy仲有多款涼拌小食 主食同甜品任食 飲品任飲整體CP值幾高 選擇又夠多各位大胃王去挑戰下食到幾多隻大閘蟹啦！

🦀 大閘蟹放題 2小時無限量供應中秋節黎緊啦 仲唔係大閘蟹當造既好日子！今次就黎試試大閘蟹放題˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷🦀有三款口味任點任叫🧡清蒸💛油鹽焗💚花雕蒸整體黎講三隻口味都好食但個人特別推介油鹽焗 因為食落 蟹肉零舍鮮甜蟹既size就4両左右 蟹膏夠鮮又滑 完全唔腥*入單後需時20分鐘蒸起 記得留意落單時間啦😌˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷大胃王們淨係食大閘蟹邊夠飽所以另外都有菜式任點任食 連片皮鴨都有得任食🤣🤣🤣🩵小食類沙薑豬手｜涼拌木耳｜脆卜卜醃蘿蔔手拍青瓜｜泡椒鳳爪💙主食類蝦球湯伊麵｜菜肉包臘味糯米飯｜流心奶香脆卷💜甜品紅棗糕｜杞子桂花糕薑茶｜香芒布甸˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷每位仲奉送4款特色美點🥢金湯小米燉燕窩🥢蟹粉扒豆苗🥢蠔皇原隻鮑魚🥢欖角骨˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷📞 如果提前1日訂位 仲送一人一隻蟹粉小籠包😍😍˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷˙˙𐃷💰Mon - Fri $498Sat/ Su

又到咗食大閘蟹嘅季節啦！嚟個大閘蟹放題就至flex 啦！呢度嘅大閘蟹放題餐，兩小時任飲任食大閘蟹、一次過食到油鹽焗大閘蟹、花雕蒸大閘蟹、清蒸大閘蟹，三種味道，三種風味！都係第一次食到咁多變化嘅大閘蟹，其中最推介就係花雕蒸，除咗可以驅寒作用之外，大閘蟹食起嚟仲有陣陣花雕香味。大閘蟹製作時間大約30分鐘，首round不妨多叫佢點！放題除咗提供大閘蟹之外，仲有多款美食，包括有片皮鴨放題，加送蠔皇原隻鮑魚、金湯小米燴燕窩、花雕熟醉蟹等珍味菜式，用上金陵片皮鴨，皮香肉嫩，吃到陣陣香酥鴨香，鴨皮烤得夠乾身，配搭薄薄一層油花，吃到香氣之餘，不會感覺到油膩，好吃到停唔到口！以人頭計份量偏多，所以最好食完再嗌，以防浪費啊！另外總會提供多款精品小吃，例如卜卜脆蘿蔔、涼拌高山耳、手拍青瓜、泡椒鳳爪、湛江沙薑猪手等等。主食還有上海菜肉包、臘味糯米飯、流心奶香脆卷，汽水啤酒也是任飲的。個人認為糯米飯超級正，蔥花和蝦米的配搭夠晒香，糯米煮得夠腍軟腍，口感勁正！飯後還有甜品，養顏紅棗糕、杞子桂花糕、香芒布甸任君選擇，記得叫埋驅寒薑茶，咁就可以放心，食大閘蟹啦！

富臨酒家每年趁著大閘蟹季節，都會推出大閘蟹放題套餐嚟滿足一班蟹迷🦀而今次除咗可以任食大閘蟹外，仲可以任食港人最愛嘅片皮鴨，仲有一系列小食、主菜同甜品，一定可以食到滿載而歸🥢🦀大閘蟹片皮鴨放題（星期一至四$498；星期五至日$568）💗大閘蟹大閘蟹分別有清蒸、油鹽同花雕蒸，個人比較鐘意清蒸，更加突顯蟹嘅鮮味。放題雖然只提供蟹公，不過都唔算細隻。拆開明顯有金黃色嘅蟹膏，食起來軟滑甘香🦀💗珍味四饌每位會贈送1份金湯小米燴燕窩、蠔皇原隻鮑魚、蟹粉扒豆苗同回味欖角骨🍲💗金陵片皮鴨見到侍應攞隻隻新鮮嘅燒鴨出嚟，然後即刻片皮，所以食落鴨皮依然好脆。用薄餅皮將鴨片、京蔥、青瓜同甜醬包住一齊食，味道不錯🦆💗小食有卜卜脆蘿蔔、泡椒鳳爪、手拍青瓜、涼拌高山耳同湛江沙薑豬手，涼拌菜食起嚟較清爽或酸辣，有助解一解🥙💗主食唔夠食飽嘅話仲有澱粉質美食，包括蝦球伊麵、上海菜肉、臘味糯米飯同流心奶香脆卷🍚💗甜品最後點少得食番個甜品為整餐飯畫上完美嘅句號呢？分別有養顏紅棗糕、香芒布甸、杞子桂花糕同驅寒薑茶俾食客選擇🍮

富臨皇宮 (美孚店) 晚飯套餐媽媽生日去左 富臨皇宮 食晚飯慶祝C餐上湯澳洲龍蝦伊麵🦞(約2斤4)龍蝦一致認為太多粉包著，如多芡汁撈伊麵更好。鴻運乳豬拼盆🐷拼盆出色， 燒鴨叉燒有水準， 燒腩仔，海蜇和乳豬也好味👍紅燒竹笙西施燕窩湯有竹笙爽口感，燕窩味較少，口感可以，味到剛剛好，也不會太鹹金磚百花球酥炸蝦球👍，併鮮奶春捲2樣也好味，香脆 不油膩。翡翠炒龍躉球西蘭花，三色椒 和 龍躉， 清新小炒， 龍躉新鮮清蒸龍躉頭腩龍躉份量也很多， 併黑木耳好食健康😋， 芡汁也可以蠔皇花膠伴金錢(8隻)好大隻冬菇，好多蠔汁，花膠薄身，口感比較爽當紅脆皮燒雞(1隻)燒雞比較鹹， 肉質嫩口， 有三色大蝦片伴碟臘味糯米飯中規中矩，但太飽了， 大部分飯打包走精美糕點。 杞子桂花糕。魚膠粉比較少，但味道好味每席內包茶芥8位及加一服務費 敬送:百威啤酒2支,汽水4罐$2,9888上菜好快，酒樓比較熱鬧，地點方便。📍c地下, 美孚新邨四期百老匯街85-87號 Broadway, Mei Foo Sun Chuen

秋風起，又係食大閘蟹嘅時候啦～朋友問我食唔食2小時任大閘蟹放題喎！梗係食啦！每位客人仲享有珍味四饌，包括金湯小米燴燕窩、蠔皇原隻鮑魚、蟹粉扒豆苗及回味欖角骨添！酒樓環境都幾舒適，適合一家大細嘅家庭聚會。由入座起計2小時任食，清蒸、油鹽焗及花雕蒸的大閘蟹各具特色，記得食幾多先好叫幾多啦，唔好浪費，蟹肥多膏，肉質鮮美，金陵片皮鴨熱辣辣皮脆肉嫩，搭配特製醬汁，餅皮都幾新鮮。另外可以自己拎嘢飲，仲有好多款小食甜品主食，例如：卜卜脆蘿蔔及手拍青瓜，口感清新爽口。臘味糯米飯、湛江沙蓄豬手都幾高質，值得推薦。

昨晚雙老趁有晚市特惠價食蝴蝶斑，便去食晚飯，他們很滿意條魚。另外叫了兩個餸，一碟例牌燒腩仔，價錢唔算平，水準都算不過不失，無乜特別。另一個餸是海蔘雜菌豆腐煲，見價錢比其他菜貴，都應有少少海蔘啩，點知就中伏，只得幾粒刴碎少過半吋的海蔘粒，雜菌亦只有七八粒砌成片的草菇，整個煲（例牌菜的大小）變成主要是食兩塊及獻汗。其實，兩老已因之前小菜質素及性價，而得久無去這間

服務十分差，縱使有經驗的部長也缺乏解決問題能力，另外需要沖茶冲水無人處理，要自己去茶水間處理，在茶水間有服務員見到客人自己沖水，亦不會主動幫客人。食物價格不便宜，但食物質素只是一般。本人不會再選擇去此酒樓，過程不好受，只會受氣。

揾食肥華自問，每個食評，無論好，劣，都係向該間食店俾足銀両，但OPenRiCe嘅審批，接二連三質疑，肥華，對食店啲好評，是否收咗該店利益而寫，真令肥華氣結！有見及此，肥華决定由今篇，食評開始，衹寫被肥華認為係差劣嘅食店及食品！1月28日，揾食肥華同靚媽，捨近圖遠，到美孚呢間酒楼飲早茶，因靚媽，每月都和好友，在比店，有晚飯敍會，而每次此店食品，都令靚媽各人滿意，所以靚媽一直都想，到此店飲早茶，睇下啲早茶食品得唔得。點知唔食由自可，一食，肥華同靚媽就把幾火，此店嘅早茶食品，大都係劣食，煎堆淋榭榭，綿花雞嘅魚肚硬夾爽，梅菜肉餅飯，啲餸冇味飯粒好削，柴魚豬骨粥希均均，加埋其他，好食有限嘅點心，此店呢餐早茶，可被肥華評為，災難級劣食🙅‍♂️🙅‍♂️🙅‍♂️🙅‍♂️🙅‍♂️

為長輩慶祝生日，點了半圍餐，包括以下龍蝦伊麵：味道唔錯，咸左少少，龍蝦都大隻糯米飯： 不過不失竹笙海皇燕窩： 唔覺得係燕窩，係素翅脆奶炸蝦球： 呢個幾好味，炸到好脆👍西蘭花雙蚌片： 唔錯👍玉環瑤柱甫：好大粒，幾低食，唔錯👍清蒸龍躉：好味，好滑👍清菜：冇乜特別桂花糕：因為冇桂花糕，換了陳皮紅豆糕，唔好食的加點了：壽包： 點了一打，來了11隻，同侍應講，之後補返一隻雞：$28/隻 , 好低食雖然有餐牌係食乜餸，不過去到最好問一問職員，餸菜上到，覺得唔對路時問，職員先講今日冇xxx,轉了xxx就係咁啦

古法羊腩煲(大份)好大份，夠2-3人食！入面好多料：枝竹、馬蹄、冬菇等配料主角羊腩炆得好入味，口感軟腍，冇羊臊味好易入口👍🏻另外配腐乳醬，點埋一齊食味道超夾😋會比埋gas 爐暖住，由頭食到尾都暖笠笠👍🏻明爐乳豬(例牌)乳豬皮超脆‼️肥瘦比例合理，唔會剩係得肥膏，入口油香瀰漫〰️😋野山參青欖燉水鴨 （一盅）原盅燉湯，份量好足，3-4人飲絕對冇問題〰️除咗水鴨之外，仲放咗豬肉 、半隻雞、雞腳落去煲，所以湯水係好鮮甜，仲有陣陣野山參嘅香味，好滋補！轉天氣最啱飲，可以增強抵抗力👍🏻富臨皇宮 (美孚)美孚百老匯街85號美孚新邨地下C號舖

連鎖中菜廳🤩CP極高的羊腩煲🐑店鋪: 富臨皇宮 (美孚店)地址: 美孚百老匯街85號美孚新邨地下C號舖近排天氣好凍，就想食野暖下胃，特別想食羊腩煲，最近得知富臨皇宮推出特惠羊腩煲🐑，今晚就同屋企人去試!!▫ 古法羊腩煲🐑 $268 (晚飯限定優惠價$48)羊腩真係啖啖肉又連皮的，好腍身軟嫩，非常入味；馬蹄超爽口😋羊腩煲份量大，配料有有羊腩、腐皮、馬蹄、粉葛、冬菇，更架有好多腐竹托底；腐竹同冬菇都吸晒湯嘅精華。而且有Gas爐暖住，非常貼心。▫ 野山參青橄欖燉水鴨🦆 $118另外叫左個非常濃郁的「靚湯」。整盅燉湯有半隻水鴨及有不少瘦肉，聽富臨阿姐講係益氣滋陰，補而不燥，最合適冬天滋補養生。隻水鴨煲完湯後仍然嫩滑，點豉油食重係好好味。▫ 化皮乳豬🐖 $168(例牌) 乳豬脂肪不多，皮脆肉嫩。以上2餸1湯+人頭白飯呢個份量，已經夠我地3個人食，而家有優惠所以都只係$3xx落樓，好抵食🙌🏻• 整體•食物: 𝟺/𝟻環境: 3.5/𝟻

冬至將至，天氣轉涼❄️❄️☃️係時候食番個羊腩煲滋補暖身！順手同屋企人做冬，今日就黎到屋企樓下座無虛席的富臨皇宮大快朵頤。羊腩煲：用上石油氣爐邊滾邊食，特別有風味。羊肉完全無騷味，份量十足，而且有大量薑片同香茅去辟騷味，上枱時用慢火焗多五分鐘，超多芹菜芫荽蔥、香氣撲鼻，令人垂涎欲滴，鐘意食羊腩帶骨啖啖肉當雞髀食又得，咬落一絲絲，帶韌勁蘸上咸香腐乳，停吾到口。仲有至愛爽脆馬啼、香菇腐竹同粉葛等，豐富滿足的配料。野山參燉水鴨湯：店員服務態度好好，主動幫我地𢳂湯，湯渣有一整隻已經煮焾左的水鴨，一夾起即骨肉分離，充滿蛋白質又無肥肉，湯渣可以蘸上豉油食，仲有紅棗、瘦肉，野山參等湯料，真材實料！水鴨補中益氣、平胃消食、利水消腫之功。湯的氣味十分清潤甘香可口，有益氣養陰，具補虛損、益肺補腎之功，為冬日必飲滋補靚湯。乳豬（例牌）：外皮香脆，油脂偏重帶肥膏香，肉質鮮嫩多汁，色澤金黃誘人，香氣四溢，每日即燒即製，新鮮熱辣。總結：做冬必食大份驅寒羊腩煲性價比高