富來紫砂飯店 (已結業)

星期二(13/3)同2個英國口黎ga同事(Fasion Designer)去深水埗搵料,午飯時布行老板推薦去對面間飯店食飯。深水埗區, 有間乾好坐, 冇粗口, 唔大大聲ga地方,己經唔錯。唔好失禮”鬼佬”。一入去己為食京菜, 2個外國人不知幾開心，好似去咗北京；古式古鄉，連音樂都好老。叫嘢食先知廣東小炒。老火湯，”正”。老外唔識，淨係話好味。”西蘭花炒帶子”，”煆仁炒飯”，”蒜蓉雜菜”。全部食哂, 水準之作, 連啤酒, 糖水小費, 200蚊唔使。光頭經理話下次可以試吓”炒糙米飯”。第二日仲要去果邊做嘢, 再去一次。”北菇西蘭花”, “豉召炒牛肉”, “炒糙米飯”, 又係老火湯, 啤酒糖水。”糙米飯”果然超好食；有口趙頭，己為有肉碎但係冇ga, 原來有乾坤–糙米配紅米, 完全令我對糙米又鞋又硬ga印像改觀，好好食。外國人話北菇D味佢唔習慣，我就OK Wor。要小心你果D古老酸枝，又重又大，好易撞”菸”。服務，OK啦, 叫果樣, 有果樣，係笑容少D, 鄉音多D lor。

之前係呢度睇食評好似好差咁,但係試過後完全不同!相信餐牌已經改左，煲仔飯都係三十幾蚊煲,多人可以叫大煲,都係五十幾蚊,可照顧不同需要! 叫了個推介海參滑雞煲仔飯(加潤腸)及臘味糯米飯,等左20分鐘左右,同出面食煲仔飯既時間差不多,飯一到,見到用個紫砂煲仔上,好靚又特別,同平時食開既煲仔飯不同,D海參細細條,但好有口感,雞夠入味,而且D飯粒粒分明,仲有少少飯焦,唔似平時出面見到燶曬底既飯焦,仲有至愛既潤腸配合埋D飯一切食,真係好掂呀!!跟住試個臘味糯米飯,超正呀..可能本人喜歡食糯米飯,雖然係好普通既野,但係要整得好食真係唔係個個得,連糯米飯都可以睇到一粒粒,D糯米飯唔會黏埋一舊,臘味亦足料,不會剩係見到飯唔見到料!水準之作,莫非真係同個紫砂煲煮出黎有關???同朋友2個叫左每人一碗老火湯,雖然貴左少少($18/碗),但係份量都幾多,而且夠曬火喉又足料,飲完都唔覺喉乾,好似阿媽既住家靚湯咁....食完仲有糖水送,個日既糖水係南瓜西米露,雖然係送,但係交足功課!另外有其他小菜選擇...一定會再去,試多幾款!不過略嫌D櫈太大,唔係太好坐!值得大家一試!2個人埋單都係百零蚊,抵食!!!

1.服務態度唔好我地叫o左煲飯，佢將成個飯「hot」飛入個煲度呆左2.D野OK ge 唔可以話好食，但可以入口3.枱櫈又大又重又唔好坐4.份量少得好可憐我地已經叫大煲，但每人只可分到一小碗重有好多飯痴晒o係個煲底度d 飯好濕d 菜差唔多食晒先上飯=_=可以用ge 調味料得果支鮑魚醬油5.環境ok ge...但好唔user-friendly lo~呃遊客就得6.價錢---咁ge 味道...唔值咁ge 價lo...7.員工手腳慢

上次屋企人生日所以去食，雖然外表好似幾古色古香，但裡面既野食同阿媽平日煮既無分別，又係排骨、北姑雞等等。最大問題，係店內部電影不停播住佢個「煲」既生產過程，repeat完又repeat，又唔比電視台既節目你睇，感覺好似被迫睇廣告咁，為之第一谷氣﹗之後因為有人生日要切cake，佢一個箭步走過黎話唔可以，我明白食客係唔可以帶食物去人地舖，但好多地方生日都有得通容啦，令我再谷氣多一次。而且d服務態度好一般，d人做野好似慢幾拍咁，雖然埋單唔係好貴，但睇住佢d宣傳廣告令我無哂心情。一定，一定唔會再去﹗

朋友話要去食煲仔飯，都冇諗住佢o黎呢間，因為睇d食評都知唔係咁好，但係見佢咁興致勃勃就試o下啦。果然係名不虛傳呀，d飯真係虛有其表，個煲就大大，飯就少少賣$63(肉餅飯+潤腸)，真係好貴囉，其他野食我又唔覺特別出色，仲要每位收$10茶錢，真係冇下次呀！

今日2點幾同個frd諗住去試吓哩間o野, 點知..........叫o左個什麼"豆豉排骨煲仔飯", 離遠見個煲就好大, 等個侍應揭起個煲蓋我根本望唔到入面d飯, 要企起身先見到, 因為份量真係好少, 2條友食1煲一定唔飽~ 如果肚餓, 1條友食2煲就差唔多~~味道亦不見得突出, 又無飯焦............ 另外, 我覺得佢o地d食物種類太少, 一d都唔特別. 侍應亦有待改善.

看裝修真係好古典, 很有特色,點之(上當)了.我同我老公叫了一個魚頭煲$78.00 ,一個田雞煲仔飯$68.00 仲加多碗$18.00的例湯.田雞煲仔飯先上,嘩! 份量少得很可憐, 我覺得只夠一個人的份量.(我只的是女仔才夠)隨後魚頭煲也來了, 味道不錯, 算是有點安慰.....至於個例湯就不過不失.但最激氣還是要收每人$10.00茶錢,D茶一D都唔好飲.仲有加一費用.試過今次, 下次米攪我~~~~~~

夜晚醫肚, 諗住試吓間新嘢, 見佢裝修都幾靚, 幾有中國特色,全部食具都係紫沙.點知茶又唔夠香, 每位$10茶錢, 個煲仔飯話夠2個女仔食嘅份量, 個煲就好大, 一打開, 得5份1嘅份量, 只夠1人食,價錢$48,$58,$68,百幾都有!!... 連d 煲仔菜都係, 叫左個鱔煲, 入邊得幾件, 價錢都唔平,咁嘅份量, 間直超...貴!! 仲開係荔枝角區,附近係d街坊黎喎, 去銅鑼灣開就差唔多.兩個女仔都食唔飽.. 要去搵宵夜食.咁嘅價錢,我去幫襯鴻星lu.

煲仔飯價錢$5x-$6x.個煲好大,D飯好少,D少,分量1/4一煲,但味道幾好,好食!!煲仔菜價錢$5x-$6x.想話叫過白鱔煲吃,但買晒!言後叫了過魚雲煲,味道真是不錯,分量較少.總有你飲唔飲茶,都要收你$10茶介,還要加一服務費.我認為這店,應該搬去旺區發展吧!