富山咖啡麵包 (已結業)

獨自路過附近，本想找間cafe坐下，碰巧經過"富山麵包店"，見門口凍櫃粟子撻頗新鮮，(因為如果放得耐粟子蓉表面會變乾)，於是貪吃買了一個，誰知味道比集團連鎖的要好，粟子蓉不會太忌廉，口感帶粗有真實感，撻皮夠脆，還只售$4.5，最後買左半打回家

在openrice見到富山有午餐供應，於是“攀山”上來，只見麵包店。探頭去看，怎麼也不似有座位可以堂吃 好在走上來的時候隱約看到轉上去另一條街有招牌寫了“fresco...."，我走上去才發現富山餐廳所在。店門應該在卑利街，由結志街轉上去。門口有兩張圓桌，其餘方桌都排得挺密。午餐時段頗熱鬧，人流多。牆壁上還有一幅由充滿中東色彩的瓷磚砌成的裝飾。午餐選項的價錢大約$45-48不等，有餐湯及餐飲，頗划得來。老火餐湯是金銀菜湯。湯料足，不過火喉再多些就更好了。另外，可以見到很多油在湯面暢泳。肉排，其實是豬扒，肉質有點硬但不韌，幾入味。但食用色素較多，那橙紅色很鮮色。酸酸甜甜的，挺開胃。飯都軟熟。

We ate shrimp and egg, green beans and pork, fish and eggplant. It was simple, tasty and quick. Would recommend for anyone who wants a cheap meal

係中環租金各樣貴既地方，搵間價錢大眾化的食店及店舖都好難，呢間富山便是例外，英文字Fresco Cafe初時以為係一間cafe,唔行入去都唔知係一間麵包舖，價錢相當大眾化，平均每款包6蚊左右，係中環區確實難得南瓜芝士包，$6款式較少有的，當然要試，麵包好鬆軟，饀唔算多，入面係空心既，南瓜及芝士味亦不算突出

最近，我們好幾位友好的食友，為了慶祝食友恩子升上殿堂食家，我們到中環食晚飯為她慶祝一番！入座後！大家也即時互相交換小禮物！我送上媽咪推介的 Fancl 蔬菜飲品給她們！恰巧！食友 Supersupergirl 則送上購自中環富山咖啡麵包店 Fresco 的藍莓撻！ 新鮮送到我們手中！誠意十足！ 多謝哂！藍莓撻只好留待翌日的早餐吧！ 原來媽咪一早已準備麵包給我，那不打緊！一於食完麵包，加多一件藍莓撻作早餐後甜品啦！藍莓撻以透明的膠盒盛載，盒內有兩個藍莓撻；當我帶到返屋企，其中一個藍莓撻的撻身已經散了一點， 可見撻身相當鬆化！咬開才發現藍莓醬下層是一層薄薄的蛋漿，甜度剛好！雙重口味！

雖然富山以Cafe掛帥，不過，橫睇掂睇都似十足中環區街坊麵包鋪，其實，佢又真喺有自家沖製嘅奶茶、咖啡賣。（註：門面相喺事後路經時補影作記錄。）好友送我一盒兩件嘅藍莓撻，最好就喺作為下午茶啦，滴漏番杯咖啡，喺偷懶嘅何等樂事，更喺發吓白日夢嘅時間。件藍莓撻應該喺凍食嘅，因為，晌鋪面見到時都喺放晌凍櫃內。不過，牛油皮，放蛋漿，加藍莓醬，咁嘅組合做成凍食，效果未有想像中好，因個皮變得無咁香，而中間嘅蛋漿變得挺實唔滑，還好嘅喺藍莓醬唔太甜，蛋漿嘅蛋味亦唔太差。再者，$10有兩大件，頂得飽肚，仲想?凍食嘅感覺一般般，唔知焗番佢嚟熱食效果又如何？

今天在Fresco Cafe買了Tiramisu撻、栗子撻、鮮果撻，每個只售4元。 這裡的Tiramisu撻是最好吃的。撻的cheese味濃厚而不甜不漏，質感都算不錯，不會覺太膩，而且賣相都算好看，口感都算幼滑。 栗子撻好重栗子味，撻入面是用栗子攪成的栗子茸，再加鬆脆的餅底。鮮果撻是忌廉餡加生果。

香港寸金尺土，係事實。所以，想聽說中環是物價高企地方，今次，行行下有緣見到呢間Fresco cafe, 這裡有各式各樣麵包西餅，款式超多，而且價錢太大眾化，所以打尖介紹左呢到比大家先^^平時好鍾意食麵包蛋糕，比我遇到呢個小店，即刻心心眼呢！$10 / 3個，大大個老婆餅，大大個合桃酥，抵食到呢！先講，老婆餅味道屬健康型，不太甜，皮雖則稱不上薄，但勝在餡料不少，呢個價位收貨架！合桃酥，買完第二日先食，口感保持鬆化，甜度方面同老婆餅一樣，少甜的。我最鍾意係價值 $7 蛋白蛋糕，蛋糕厚厚的，蛋糕軟綿得黎中間部分特別鬆軟之外，食起黎仲唔會乾乾的，味道清香不錯呢。仲有，紅莓鬆餅 $10 /2個 （抵食！比爸爸同細佬一人一個食左，所以味道方面 .. 留待大家試試，話番我知啦 )最後，我見新鮮出爐曲奇皮蛋鐽都係$3 ，拿破崙大大件$7 咋，下次可以去開中環買黎試下。偶爾，發現小小餅店，更令我珍惜，味道更獨特、更難能可貴，大家一齊支持這些小店吧，隨時發現意外驚喜呢^_^

中環區難得有一間價錢大眾化、款式多、價錢平嘅麵包店。初次走入店舖，單看店名及陳設，還以為走中高檔路線，睇完價錢先知原來係走大眾化路線。菠蘿包只賣$3.5,皮脆、包又唔會空心。多穀合桃包及竹炭包單賣$5.5一個，$10兩個。多榖合桃包用料足，有豐富口感。竹炭包，其實無乜味道，但勝在健康。杯裝柚子蜜(凍飲)只賣$7,柚子足料又唔太甜，自己沖一杯都要咁嘅價錢啦。

最近，我在上環碰到已結業的 <富山美食> 女店員！她還告訴我，<富山咖啡麵包> 搬往結志街。中環結志街是一條街市街，地面濕濕滑滑！ 而 <富山咖啡麵包 Fresco Cafe> 則是白底紅字的招牌，相當搶眼！依然街坊價售賣麵包，$5.5/ 個或 $10/ 2 個！ 好抵食！新店地方更寬闊，讓顧客可舒適地選購麵包。無花果杏仁麥包 $10/ 2 個這是一個健康包， 表面有些大麥，包身混合小麥及無花果籽，食起來較有質感！栗子包 $10/ 2 個又圓又大個！包質鬆軟！ 栗子餡淡味中帶微酸！ 質素有待改善！蛋撻 $3尚帶微暖！牛油蛋撻皮超鬆化！入口即碎！ 蛋漿滑溜又甜度適中！$13 就攪掂我的早餐！實在抵食過連鎖麵包店！