富盈火鍋雞煲專門店 (已結業)

尋晚18:55去到哩間富盈門口攞飛等枱(兩位枱)食雞煲,問門口幾耐有位...佢答應該19:30有枱，到咗19:30一直叫大枱.但完全冇叫過細枱(仲話訂位可以上去等.但細枱冇得訂位)...，等到20:10都未叫過任何一張細枱，問樓上經理幾點會有枱俾樓下入.連經理都話答你唔到⋯最後20:35至入座。食物方面：招牌雞煲可以無限添食(但偏咸), 打邊爐食物還可以(但種類少)。相比下,旺角嗰間好好多，元朗分店冇下次。

每一次落單所選的食物一定不會全到，牛肉質感太差，唔好食。普普通通的響鈴都要另外加錢，雞煲沒有少辣好煩，因為bb辣唔夠辣，但中辣又太辣。食物方面，選擇不多，連蝦都冇，點叫打邊爐吖？！野飲方面，選擇係多，不過好快就會冇曬，員工既服務又唔好，叫佢拿隻新碟俾我，都好似唔滿意，冷氣又唔夠，熱到死，若果唔係有雞煲食，我諗我唔會嚟食，以後都唔會再嚟呢間食，我地三人行嚟食都要$526我覺得唔係幾抵，如果大家主要係食雞煲既可以嚟試下，不過如果好似我咁，主要係打邊爐，我就唔係幾建議去食。

收工入元朗見到原本小肥牛變左新雞煲，Click 入open rice 又冇食評，見平平地一於入去試下！8:45pm 見到已經有八成滿，由於9:00pm 前入坐每位$138，9:00pm 後入坐每位$128只差$10，所以冇乜所謂就直接坐低,仼食時間為2小時叫咗招牌雞煲BB辣，唔食辣嘅朋友仔都ok !而且雞唔夠可以免費添加，而任添嘅係已經炒好嘅入味雞件，避免咗唔夠味嘅問題飲品方面都係任飲，另外仲有獅威啤酒同雪糕三種味任君選擇任食點餸紙選擇唔算好多，基本牛肉、丸類、魚同素食都有，$138嚟講係合理嘅。而每碟會因應座上人數而定，甘樣可可樣樣試少少，就算唔啱食都唔會太浪費有啲嘢食任食唔包㗎！例如：好味響玲$10 /4 個係可以接受，因為味道唔錯又新鮮嗱！擺盤係麻麻嘅不過可以接受啦。因為本人唔鐘意自助任夾式嘅仼食，始終食物長期唔雪住會易生細菌，用Order 方式係比較安心食物質素方面: 雞件入味，牛肉新鮮，豬皮爽口，蘿蔔薯仔清甜，丸類正常，岀前一丁開心仔魚皮餃皮厚，魚滑冇味，芋條唔夠粉，豬下青超細件服務方面：姐姐有禮，只係偶有漏單，好似我叫腐竹就一直冇見到影，但都合格嘅下次一班朋友收工會再幫襯，