富盈火鍋雞煲專門店 (已結業)

這家酒樓我們一家人已經有很多次飲茶的經驗，亦試過一次雞煲火鍋，因此已經成為酒樓的熟客。端午節一家人齊齊整整，預先訂座飲早茶，我在這裡綜合一下飲茶的經驗。酒樓的空間不算太大，不過難得在星期日的特價時段比起其他酒樓長，所以深受街坊的歡迎。這邊的食物選擇很多，而且三款強勁的孖寶組合幾乎是所有茶客必點的，當中有燒賣皇、灌湯餃等等，不會只將較廉價的點心放進清單內。點心整體的味道很不錯，不過這邊的生滾粥的水準較參差，我建議酒樓可暫停生滾粥，改為售賣較常見的種類，如皮蛋瘦肉粥、菜乾豬骨粥等。侍應的服務態度及速度乃中上水平，無論新客或熟客都一視同仁，當中一位女部長的服務素質更是酒樓業界的優秀榜樣，所以我推薦這家位於元朗的酒樓界新勢力。

bb辣雞煲$118 今次黎到元朗食任食雞煲，8點前埋單只係要$118💁🏻 隻雞幾滑，bb辣食落幾舒服，味道幾香，食落幾惹味，幾個人好快就ko 食完雞就加湯做打邊爐Order紙食物仲有，美國肥牛，黃油雞件，牛骨髓，娃娃菜、魚滑，上海年糕、新鮮鵝腸、象拔蚌片等等 美國肥牛都唔錯，唔會一pat肥膏咁 象拔蚌片幾新鮮，食落夠鮮甜 任飲有豆漿飲添 另外仲可以加錢追加其他配料！例如養顏花膠仔只係要$9.8，都幾抵架，其他食材如安格斯肥牛$68 ，特級牛仔粒 $9.8，脆炸響鈴 $9.8

在網上買了團購已按指示提前1天電話訂枱，用餐時間限定9pm開始。當晚2人在8：50pm已到達，門口已有5枱人在等，有些人是等9點后入座，有些人是團購等入座。到了9點負責接待的職員一直安排不是團購的人入座，大枱小枱都有，唯獨買了團購的要等一直不安排入座，直到最後其他食客已入座還有細枱才安排給團購客。在等枱期間去查問接待女職員，佢只回覆＂等一陣就有＂，極之敷衍。雖然團購客以較平價錢消費，但都應該與其他食客有相同待遇，否則即叫人唔好買你地店嘅團購。

雞煲心癮又起了，這晚相約友人到元朗富盈火鍋雞煲專門店，元朗對我來說是挺遠的，但為了與半年沒見的朋友聚一聚，元朗都照去吧！進入餐廳後，發覺餐廳的裝潢都非常光猛寬敞，我們一行四人，店員便安排我們坐卡位梳化凳。收費分幾個時段，歡樂時段每人$118，兩小時任飲任食，食物飲品選擇挺多，價錢便宜，好抵食。店員讓我們先行混醬!!升級招牌鮑魚雞煲 +$68我地將雞煲升級為鮑魚雞煲，加$68便可。鮑魚有六隻，店員幫我地放落雞煲，等一會兒便可吃了！由於我們怕會太辣，所以雞煲要BB辣。濃郁的醬汁又香又辣，夠哂過癮！雞件份量適中，雞肉鮮味嫩滑，不會太熟太乾，啖啖肉，充滿肉汁確是正！配上辣汁非常惹味！而且雞煲是無限次添加，如果唔夠喉，記住叫多煲😋即炸嚮鈴即炸響鈴是必吃的，餐廳剛剛新鮮炸好，色澤金黃香脆，響鈴炸得非常鬆脆，在雞煲辣汁滾兩滾，響鈴已吸引了醬汁的味道，又辣又惹味，好正呀！安格斯肥牛 $68吃雞煲火鍋又怎能沒有肥牛呢？這裡的肥牛份量不少，而且脂肪比例平均，雪花紋像大理石紋般誘人，而且牛味香濃，只需輕輕𤆥五至六秒便可食用，肉質鮮嫩細滑，亦是必點的！特級牛仔粒 $9.8哈哈！你冇睇錯，只需要交$9.8，就有

平日見到成日排長龍，咁啱早兩晚行過見到門口無人等，所以諗住走上去食。點知上到去問門口收銀個阿姐兩位有冇枱，問左兩次都唔應我 。跟住有個阿姐衝過嚟話攞位一定要落樓下，話佢只係去左廁所，下面先冇人，係咁呼喝我要跟佢行返落地下唔可以企喺佢地門口。其實眼見佢有好多張空枱 （差不多半空），而周圍係得一班人等緊一張大枱，但佢堅持要客人行樓梯落返地下嗰層，等佢返埋佢個支客位，之後再行返樓梯上返一樓。要客人無原因地上上落落已經唔係待客之道 ，個所謂帶位阿姐仲要呼呼喝喝手指指咁，雖然係低價任食，但客人唔係嚟乞食，態度唔使咁啩。最後行返落去地下直接走左，俾人咁喝法已經乜胃口都冇。

特意來到元朗吃一個early dinner打邊爐，才想起旺角也有分店！不過店員說這家比較闊落，而我們其實是第一枱食客，所以4人就霸了一張沙發座，非常舒適！每人只需118加一，就可以任食2小時，連雞煲的雞都可以任加，就是看中這點才來的！因為也有其他人未必喜歡吃雞煲，所有也有免費提供其他湯底選擇。我們選了鮑魚雞煲（+$68），連6隻新鮮鮑魚仔，如果另外叫的話要$18/隻，所以升級鮑魚雞煲最抵食。未放鮑魚之前是普通原味雞煲，我們選了BB辣度，比一般BB辣辣一點。（下次要叫小辣）也可以選擇麻度。雞塊原本只有6成熟，加入少許湯後炒熟就可以吃了。老實說，有驚喜。雞件啖啖肉，幾乎沒有碎骨，而且雞件也大塊，肉質不錯。可以接連免費加雞！鮑魚雞煲送的6隻鮑魚，現在打文好肚餓⋯⋯未煮熟的鮑魚好大隻煮熟後的鮑魚變小了⋯⋯但是肉質還是好好！還吸飽了雞煲的香料飲品方面要讚一下，種類真的超級多。後來發現還有2個雪櫃，除了罐裝飲品，還有樽裝飲品和杯裝豆漿，啤酒的話有獅威，都是任飲。這是加錢配的安格斯肥牛，擺盤好美！和免費任叫的肥牛相比，這個真的十分出色。看到油花分佈好平均，牛味十足，一點也不會韌。也是必須要加配的～海

週日晚上7點，4個無聊的人在元朗。太多選擇，成條教育路幾十間食店！點菜單上種類也不少！侍應姐姐問我有冇人生日，我話冇！佢話如果冇就送碟蝦俾我食！雞煲味道0k，唯獨有人不能吃太辣。

放假約班朋友出去食飯gathering，每次多數唔係旺角就尖沙咀、銅鑼灣。有時候真係去到厭厭地所以今日就決定潛入元朗覓食，等大家轉下環境，無咁悶嘛行行下，有人話恨食雞煲喎，咪去搵下有冇，咁就發現左呢間 — 富盈火鍋雞煲專門店門口寫住任飲任食雞煲，8點前走就$118加一（另加$8醬油，六日公眾假期每位加$10）啱哂我地呢一班食肉獸一入到店內已經人頭湧湧，估唔到6:00已經有咁多人嚟食雞煲呢！一嚟到就先加醬油！我例牌加左大量生蒜、小許辣椒同蔥！而雞煲要左bb辣！另外仲叫左D野食諗住一陣食完雞煲之後打邊爐食分別叫左美國肥牛、上海年糕、娃娃菜、象拔蚌片同新鮮鵝腸！除左任食order 紙之外，仲見到有張追加優惠，全部都勁吸引，特別係個價錢！結果我地決定全部叫哂，豪一豪！襯雞煲未到，先去飲品櫃拎罐飲品先！我揀左道地烏龍茶，比較解渴等左一陣，雞煲嚟到啦！一開始雞件只有六成熟，侍應會幫忙加湯再煲滾，保持雞件嫩滑件件雞都啖啖肉！（之前食過有D雞煲店d雞好多碎骨）味道微辣，有少許麻，非常惹味！加左大概3 round雞煲之後，就到打邊爐時間。先來任食order紙嘅食物！象拔蚌片同新鮮鵝腸最有驚喜，出面嘅任食

雞煲還可以不過不失火鍋配菜完全唔掂，選擇又小最基本雲吞水餃都無最乞人憎係叫10樣黎得6樣肥牛無論寫幾多都係黎得幾片，仲要雪到實曬滾完出黎好硬好古怪出面放題咁多選擇完全唔會再黎

第一次光顧 3月7日  : 會再黎食第二次 三人同行  原先諗住去東菇亭打邊爐 我地最主要想有個地方坐得舒服暢談 最後揀左黎富盈 等左一陣就有位安排 係有兩個飲品櫃裡面位置坐 拎野飲好方便* 雞任加 味道好食  --- ( 有再加一次雞 味道不錯 唔會太重口味 )* 打邊爐款式不錯   --- ( 落過2-3次單 雖有甩單 但唔介意 我地會清哂食物 唔浪費 )* 飲品多選擇* 仲有雪糕                  --- ( 冇拎過雪糕食 食物同飲品已經好夠食 )* 服務態度有禮善   --- ( 黑色西裝服務我地枱 唔知係部長定經理 )* 會提埋Last Order第二次光顧 4月12日 : 唔會再黎食二人同行 計上次黎食過原故 等左10分鐘就有位 19:55pm 有同門口站位靚女講  朋友末到係附近想等埋先上去 佢話okay 如等太耐 有人黎就留唔到俾你地 甘我就上去先啦甘 坐門口兩人枱 朋友20:05到 * 雞一樣好食 有加多一次* 打邊爐紙只寫過一次 甩單依舊 但我地冇所謂 * 爐有d問題 煮左15分鐘都滾唔起   有禮貌問樓面著淺藍色姐姐教  蓋住就會滾架啦 等多5分鐘

繼上次二人入座失敗，今次四人行 係6點幾鐘入座，結果唔洗等。無可否認，雞煲做得的確有水準，無限加雞之餘火鍋配料齊全。個人認為多人食唔係全部人都食辣嘅話，其實嗌小小辣嘅都適合。加左湯後沖淡左已經唔會點辣。連飲品方面選擇都多，有枝裝飲品提供，同埋豆漿值得一試 不過飲完會更飽令我改觀比返個好評嘅原因除左係食物各方面味道唔錯，亦因爲員工嘅服務態度其實唔差如果有機會儲夠人以上去食，應該唔會太失望是次早入座計，平均每人約150蚊。任食無限雞供應嚟計唔算太貴。

店內通風系統欠佳，食完之後必定弄得全身雞煲氣味⋯⋯食品選擇的種類尚才，但食物質數實為一般，肥牛有根及沒有牛味，羊肉難以咬開，提供下等的芝士丸，另外上湯底時漏單及極慢，但等候湯底的時間仍計算在限時之內，就算店內仍有很多吉位，只要限時一到店員便豪不留情地立即趕你走，最最最重要是店員服務十分差，說話態度囂張，趕客心態工作，此店為受氣之選number one，原本是開開心心的一餐飯，只因店員的態度把氣氛全破壞，從來沒有遇過這麼差的食店，所以絕對絕對不會再光顧

2個人排隊還是不要吃了，安排位子上只安排多人，因為派位的說2人賺的錢太少2個人等了一個多小時，有4人台即刻給4個人入座，這樣的安排我看你能開的時間有多久！冇下次

食過旺角店果間 係真係幾好食，見元朗開分店 近咁多就黎左元朗呢間諗住試下！！！當晚，我同朋友兩個人約8點15分去拎飛等枱（1x號飛），同埸原本都多人等緊，本身見一批又一批4人以上嘅人入去，諗住好快到我地，點知一直無叫過兩個人嘅入，等到約9點，過程不斷見住一批又一批遲過我地黎等左十分鐘都無嘅4人組合入去，真係嬲嬲地！於是去問下睇下仲有幾耐到，知客姐姐就數，我地要由2號飛（即係表中第一張二人枱飛）開始等。。。 約9張後到啦。。由始至終根本無比過2人入座，等到9點15分，我地決定去第二間食！其實唔想做少人 細單嘅生意，不如寫明啦！同場有好人人都西曬面 怨聲滿載！再咁拆自己招牌，做臭曬個朵 為乜？

本身係前一天友人路過想先訂座, 但因為未夠6人不可以留位。所以今天我們一行三人係七點廿五分去到該店門口拎飛, 當時係叫緊20號, 我手中的飛係23號。 一心諗住幾張好快到, 所以就未打算有去其他店。可是每次都係叫大台...只怪我一行只3個, 唯有等下去等左半個鐘, 有一行4人拎左張飛為28號。未久, 果位知客就叫24號4位, 再而叫28號4位。我們當場向知客「查詢」, 佢就公式地話下張我地。因為當時4人台入晒了, 佢終於開始叫3人...有無8號飛?下...WT ? 如果我係8號飛俾你係咁入晒遲黎先上趕既4人台而仲係度應該都係傻架囉!!!之後繼續叫13號...我心諗你係咪攪緊笑? 點知有人應...又再過左廿分鐘, 有兩大兩小去拎飛, 知客再次叫28號4位怒火中燒既我立即大喊:上咩左去啦, 4位, 28號!!!!之後佢二話不說就放行了佢眼前果2大2小, 我想問究竟係咩道理?我知道2大2小埋單貴過3個大人幾廿蚊。朋友即場向佢「理論」, 佢竟然答: 佢地人多過你丫嘛?而家食飯攞飛作用係咩? 人多蝦人少?如果你係揀客做生意, 煩請你唔好當初同我講下張到我, 原來仲有8號13號下張都得原來仲要睇你