富膳飯店

营业中

休息中

去三次，兩次都態度不耐煩（但都係繁忙時間），第三次直頭惡劣！就係因為我同佢講兩餸，佢以為我只係叫餸唔要飯，後來我澄清店員就吟吟沉沉羅羅嗦嗦，我跟住話我畀兩個外賣盒錢ok 店員仍然不忿氣羅羅嗦嗦！再講另外有一次我其中一個餸係（椰菜斑腩）實則得兩件斑腩全部係菜！

我到位於油麻地富膳飯店晚餐，點了焗魚豬扒特價飯。除了我喜歡吃焗魚豬扒飯外，堂食特價30元也是原因之一，平了6元。但原來平是真的有原因，飯是凍和硬的，餸也是凍的，對食物沒要求的我，也頗難吃下去，很難食，下次不要貪平了。

富膳飯店地址：油麻地彌敦道521號地舖港鐵油麻地站B1出口，步行約1分鐘二餸飯薯仔雞翼＋南瓜粟米魚、飯＄36.00薯仔蚊得好林、雞翼蚊得好入味，南瓜配粟米魚好夾、南瓜不會煮到爛曬，好有口感，好滿足的一餐，太好食，食到好飽，有好多在這店食，等位好快就有位坐，好搶手，客人坐到滿晒為左食一餐溫飽，餸菜款式有好多選擇供客人揀，令我食過返尋味，最抵食就係加幾元有湯飲，我下次會帶多啲朋友去食，希望推介比朋友試

買了兩餸飯，連相都唔想拍。有三個員工係出餸區，一直低頭望住啲餸或者用舀子一直係度扮炒餸，實際上係想避開啲客，唔想抬頭望客裝餸。我出口叫話想買兩餸飯外賣，咁有一個員工死死氣不情願情況下抬頭轉身係飯盒的盒同飯鍋區度拎咗一個飯盒，但她沒有裝飯，跟著佢不情願服務客人，我指出咗第一個餸，跟著佢將個空盒無飯的盒俾咗另一位服務姨姨,佢自己企係後面休息。我再講出另一個餸，跟著第二位服務員發現飯盒無飯，問我係買兩餸定兩餸飯，我話要飯架，但剛剛的人沒有裝飯，買一個飯好勞氣，受氣，服務其差，可能要書記黎食飯，佢地先會服務，隻眼生係頭頂。講番啲餸，隻雞亦曲歪的，我唔敢食，啲娃娃菜有少少黑，唔知係棵菜本身有少少黑定點，揀咗幾條黑出黎，都食哂。總結，差，服務員裝漏飯差。

員工態度差，簡直不可理喻，唔會再幫襯！一開頭無問堂食定外賣就直接拎外賣盒我已經講左堂食，好似撞聾聽唔到咁，之後再裝餸，我話我堂食喎，又無理我繼續裝落去後尾我再話堂食，佢就黑我面態度好差發哂脾氣，我後面算啦，廢事叫佢又轉返碟，我話咁我直接外賣盒食，又勁大力放係枱度😒又無問我飲唔飲野，反而問其他客人堂食定外賣同埋飲唔飲野👎員工自己做錯野仲要態度咁差，真係唔會再幫襯😡希望改善下員工態度問題寧願去前面權發食好過，起碼唔洗受氣，又多野食，抵人地長期多人排隊！如果想食真心建議大家寧願去權發食🙏🏻

呢間舖嘅人確實有啲不可理喻，做事怪異，係度食野簡直係受罪⋯⋯怪不得相鄰間舖咁多人排長隊。下次寧願係個度排長龍都唔會來尼度食⋯⋯真係離嗮譜，實在無理由再來幫襯⋯⋯

琴日全日淨係食咗佢嘅兩餸飯係雞脾配西蘭花炒蝦份量的確好大好多但係食完4個鐘後就嘔個不停諗返個飯，其實啲餸都只係微暖，只有個飯係熱啲餸唔知擺左幾耐呢可能食啲流動性高啲嘅餸會無事嘅不過我就唔會再用自己身體做賭注永遠唔會再食

13/6/2023 在網上看到油麻地開了一間名為富膳的食肆，看見相片內的食物種類繁多😍，下午隨即連同我一位友好同事齊齊試新嘢，到達該店後，看見很多海鮮，如炒蜆、炒蟹及賴尿蝦等不同種類的食物，賣相吸睛👀，即時感到非常興奮，心想如果食物美味，必定再次光顧，該店雙拼淨餸售價 $46, 同事買了西蘭花及蝦，而我則買了南瓜斑塊，我們大家都感到食物味道一般，但最難接受的是我們每人都買了一份價值$138非常吸引的賴尿蝦，但回家開餐時發現是不能食用的，肉質十分「梅」即十分不新鮮，結果我們每人惠顧了 $180多元，得到的結論有八個字，虛有其表浪費金錢💰😭之前一向都是惠顧鄰近不遠，只是相隔幾個舖位的權發購買外賣餸，味道不錯，較有保證✅

這條街有一間權發賣兩餸飯賣到街知巷聞，現在同一街上隔了幾個鋪位新開了這間富膳，食物都是由店內廚房現炒出來。這間店賣的食物比較多元化，除兩餸飯外又有焗飯焗意粉又有燒雞。採用先買飯後付款的模式，流程還算暢順。兩餸飯36元，今次買了兩個，飯的口感正常，餸有以下評價。咕嚕肉配肉碎四季豆，咕嚕肉味道酸甜適中，肉質帶點軟身，四季豆外觀油光滿滿皺皮，吃時偏軟，不夠爽口。蜜汁薯角豬扒配時蔬上素，薯角帶甜味，入口軟熟。豬扒切成小件也易咀嚼。上素有豆卜，雲耳、冬菇、翠玉瓜、娃娃菜，醬汁調配適中，不會過鹹。總的來說，這四款餸的質量沒有什麼特別，只算是合格的兩餸飯。

諗住唔洗排隊，所以買咗富膳兩次了，第一次買比得3舊斑塊同三隻雞翼，果次就當黑仔算啦，心諗阿姐都係求其夾㗎姐。今次再去買得3舊斑塊同2隻雞翼，見住佢比前面個客4隻雞翼，同阿姐投訴佢答我：「係咗㗎啦」，跟住我繼續講，佢唔應我，態度惡劣，真係谷鬼氣，平係平阿，但係好唔公平囉，人地就食肉，我就食著仔南瓜，不如你改名做「齋膳」啦，根本你地比嘅份量冇標準，同你投訴仲要當人傻咁款，絕對唔建議大家去呢間，排隊買權發好過！