富記海鮮酒家

营业中

休息中

山長水又遠，黎到南丫島，唔係唔食富記呀？去親離島，唔知點解，就自然會想食海鮮，其實海鮮真係周街都有啦，但點解要去離島食呢？答案就係，有另一番風味囉。首先去離島嘅心情好輕鬆，而且仲要同一班朋友去，我哋今次重要著韓服，真係好想食好好味嘅嘢呀！富記真係唔會令你失望，帶子蒸得剛好，配上蒜蓉豉油同粉絲，真係絕配！炸大頭蝦都好好食呀，揸到好酥脆，殼都可以食埋呀！條魚就更加唔使講，清蒸得剛剛好熟，肉好滑，豉油加上蔥花薑絲，亦好好食！會再黎

見OpenRice 無乜負評就入去試下，叫左個$498二人餐，有6度菜，包括灼蝦，鼓椒炒蜆，蒜蓉貴妃蚌，蒸海上鮮，灼菜同招牌炒飯，算係經濟，仲可以改菜式，我地改左貴妃蚌做炒蟶子，唔要蒸魚要蒸元貝。海鮮新鮮，味道唔錯，雖然份量唔係話好大，但兩個人食都夠飽。員工十分親切，招呼周到，上菜有序，幫忙分菜，又唔會令人感到煩擾。眼見疫情下生意冷清都有啲心酸，唔及毗鄰包埋船送客出中環嗰間咁多人，小本生意，值得支持，下次再去南丫島一定再光顧

昨日入了南丫島索罟灣行，本身找最旺最大的那間海鮮店，但由於侍應態度不好，我們決定轉另一間，誤打誤撞選了富記，侍應很好招呼，食物質素亦好好味，我們叫了6人餐，椒鹽鮮魷，避風塘茄子，豉油皇蝦都好味，價錢合理，我一定會再Encore

去離島都想在當地食番餐風味海鮮但好多時都會中伏。一時間都好難取捨幫襯邊間，伙記熱誠介紹下同比較其他幾間都係覺得呢間好啲所以進去幸好還早，可以坐到海景位加分，我們點了套餐再加個椒鹽鮮魷。店員服務一流快手快腳所有細節滴水不留，感覺好似主人家招呼你咁，其他洒家好少做到呢個水準👍🏻。最驚喜的當然椒鹽鮮魷外脆內鮮嫩送酒一流。店員推介本地龍蝦真係好食過波士頓龍蝦，蝦頭啲膏好正。粉絲蒸扇貝以為平平無奇但食落你估唔到咁好味。仲有條蒸魚好嫩滑店員又幫你起埋條骨攞走，食起上嚟唔洗番來番去真係加分😋。其他餸都好好味不過呢幾樣深刻啲。水果用凍波蘿好消暑又幫咗消化真係唔錯下次會再來的。

趁學校假期，當然要帶小朋友出外走走。商場、主題公園，去得太多，今日就去離島，感受吓大自然！上網見「南丫島漁民文化村」幾好玩，好啱小朋友，於是決定出發！一場嚟到南丫島，梗係要食海鮮啦！索罟灣這邊有好幾檔海鮮，朋友介紹富記，一於就來試吓啦！我哋5大4小，店員建議點一個六人餐，我哋再加點一個湯。小朋友飲湯食炒飯，大人食海鮮，好豐富、好飽！炒蜆椒鹽魷魚海蝦蒜蓉粉絲蒸元貝辣酒煮花螺蒜蓉炒白菜炒飯蒸魚最後仲有生果盤，切得好靚！題外話：入到去坐低，隔離枱食緊煙，我哋帶住小朋友，附近有人吸煙真係唔太好。想調枱，但係其實都應該冇乜位可以走，啲煙味周圍飄嘛！職員主動叫隔離枱唔好食煙，我哋覺得唔好意思，但職員話唔緊要，佢哋係街坊，好易話為，就係咁，佢哋就無再食煙了！Good！職員真抵讚！

週末雖然一號風球，但無阻我與行山朋友的約會，南區當然天氣好，一路都放晴。到達索古灣本身打算找間茶餐廳食些炒粉麵，但朋友建議食個快海鮮。要快食，因為要趕船，很欣賞店員並不hard sell，我們講明想簡簡單單的點幾道海鮮，想食墨魚、蝦、蜆，再加個飯和一個炒菜，他也樂意為我們介紹。蝦，白灼，食出鮮味，隻隻新鮮彈牙。白灼墨魚很有驚喜：新鮮，爽、脆口，就算不點豉油都好好味。豉椒炒蜆加了些紅、綠燈籠椒。連炒飯都好味，朋友説放了蟹子有畫龍點睛的效果。也因為墨魚太好味，我們後加了椒鹽鮮魷，香口食物一定無得輸。但因為魷魚新鮮，與市區一般酒樓食到的有很大的分別。飯後果是切得靚靚的菠蘿。最重要是：一行五人的我們，埋單每人只是$170，雖然並無高價食品，但坐得舒服，吹吹海風，絕對是一個抵食的海鮮餐！

平時好少食海鮮 (日本刺身、日本料理 例外) 因為怕腥味，所以通常有朋友話食海鮮我都耍手擰頭，今次有啲唔同，因為大家去到南丫島玩，就冇唔食海鮮嘅理由。叫咗好多好特別嘅海鮮，有一啲平時食唔到，好似有抓咁樣嘅螺，味道好鮮甜; 油泡魷魚 , 炸得好香口，魷魚好有鮮味; 西芹炒斑片，魚肉好滑嫩一啲腥味都冇，真係好好味; 白灼鮮蝦，真係鮮甜又爽口，蝦頭啲蝦膏真係好好味; 揚州炒飯，炒得好有鑊氣，啲材料好新鮮炒得好有味道又唔會好鹹，真係好食過茶餐廳嗰啲好多倍。真係好有漁村風味，原來海鮮真係可以咁好味，以前真係冇諗過。

我哋幾個同學去到南丫島郊遊， 呢次係我第一次坐船去南丫島，四周圍環島行完之後，我哋就去到呢間富記海鮮酒家食飯。我哋叫咗炒蜆、脆炸鱔、南乳吊燒雞、蒸蜆、蒸鮑魚、同炒菜。海鮮，海鮮， 靠水食水，原來真正新鮮嘅海鮮係特別好味嘅。啲蜆真係好鮮甜好好味、蒸鮑魚更加係頂呱呱，完全唔會話正得過火，仲係好鮮嫩、炒蜆炒得好有鑊氣，啲蜆都好鮮甜、 炒菜我覺得味道就普通咗一啲、南乳吊燒雞真係好入味，皮好脆肉又滑嫩，真係好香，好食過出面啲酒樓食嘅。海鮮又好味，又有地道風味，very good！

今曰專程坐船入南丫島慶祝生日，朋友帶了我來富記食海鮮。我沒有專點什麼，一切就交由朋友代辦。店舖乾淨整潔，待應很有禮貌。先來一碟避風堂炒茄子，看上來已急不及待要拿起筷子夾一塊一試。好味，辣，蒜，味道混合適當，抄得夠乾，沒有一點油膩。外脆內茄子軟，配搭得當👍🏻。第二碟便是肉蟹蒸蛋，肉蟹新鮮很甜，蒸蛋很滑，加了少許酒吊起蟹的鮮味，整個滑蛋不用加豉油盡享鮮甜滑的原有味道。第三道菜便是蒜蓉蒸貴妃蚌，鮮甜新鮮，不要遺忘蒜蓉粉絲，這也是重點，粉絲沒有太乾，生熟蒜混合，可見廚師的細心。第四道便是豉油皇虾，新鮮虾，味道很香。加了葱粒及少許辣椒粒炒香鮮虾，味道好。第五道菜還有煎石蚌魚，魚的鮮甜，煎得很香，但沒有一點油膩的感覺。

三五之己約埋去南丫島食海鮮,之前曾去過老牌子天虹海鮮食過,但感覺已大不如前。所以今次想試新野,試下呢間富記海鮮。先食頭盤象拔蚌刺身,十分新鮮,無腥味,更有個朋友仔第一次食,好食到叫左出左之後再食秘制鮑魚,個醬汁好濃好味,同隻鮑魚味道好夾再來個個蒜容粉絲蒸扇貝,手掌錦大隻,啖啖肉好鮮味特別一提,這裡的鮮魷,不像街外的外層全是炸粉,全是真材實料另外,仲食左招牌炒飯,清蒸時蔬等等,味道都是中上級。最後食埋甜品Haagen-Dazs 雪條,為呢餐晚餐劃上完美的句號。食到飽晒,就捧著個大肚腩搭船回家。最後老閣有個溫馨提示我地,下次早小小入來食,因為可以一路食美味海鮮一邊欣賞美麗的日落。放心!老闆,我地下次一定再來!! 

星期六入南丫島朋友屋企決戰四方城好開心呀打完6圈就出左去食個晚飯六點左右食，食完可以再打多4圈先走都唔會好晏🤪唔記得左影menu，都幾多野揀好似正常大排擋咁，基本上你叫得出而佢有材料都做得到我地叫左椒鹽魷魚、蒜炒西蘭花、上湯浸白菜、蒜蓉粉絲蒸大扇貝、西檸雞同乾燒伊麵。好食🤤 魷魚唔韌，外衣唔太厚、夠乾身味道唔會太鹹，啱啱好兩個菜無影到，不過不失乾燒伊麵都係，幾有鑊氣，味道正正常常蒜蓉粉絲蒸大扇貝😍😍😍勁好味，粉絲蒸得啱啱好，唔係淋晒食落好彈粒帶子勁大，好滿足🤤西檸雞呢個餸一定要叫碗飯一齊食，唔係就浪費左個汁好好食，雞嘅外衣炸得夠乾身，但雞肉夠厚所以雞肉唔會嚡汁酸甜啱啱好，餸晒一碗飯食飯仲送海景 正

帶公公婆婆來南丫島玩，走了一圈最後選了這家，海鮮多唔錯，好新鮮，好好味，服務多好好，值得推薦～尤其推薦冰鎮鮑魚，好好食，好有彈性，攋尿蝦180元一份，6-7隻，有一咻咻貴，同埋松鼠斑、羔蟹，左共1600，唔算便宜

老板好有心機，糕蟹蒸糯米飯是需要好多功夫，將糯米洗淨，用開水泡浸，然後瀝乾水份，蒸再弄散再蒸。糕蟹滿滿肥蟹，真材實料！推介大家去食😋冰鎮鮑魚 紫薯芝士扇貝（用日本紫薯）XO醬粉絲蒸貴妃蚌 糯米蒸糕蟹

難得放假，有乜好過拋低所有煩憂入離島慢活，享受一下世外桃源嘅一刻寧靜丫！今個週末就選擇同屋企人嚟過上山下海之旅，襯佢哋身體仲龍睛虎猛，多啲帶佢哋出郊外做下運動，呼吸新鮮空氣。喺行去榕樹灣之前，就梗係喺索罟灣食海鮮啦，一出碼頭沿路都已經有好多選擇，係朋友介紹下我就揀咗富記，見佢乾淨企理，而且中午時段已經錯門晒人，頓時信心大增喺夥計嘅介紹下好快已經揀好我哋想食啲乜，明碼實價，講好晒幾多錢先至落order，咁就食得更加放心啦朋友話必食椒鹽鮮魷，果然一上枱熱辣辣，因為魷魚好新鮮，所以絕對唔會靭到咬唔開，相反經椒鹽香炸後，依然保留到應有嘅水份，咬落啖啖肉之餘，吸曬d椒鹽味，忍唔住食完一舊又一舊再來一碟蒜蓉粉絲蒸紫貝，隻貝係撈上來之前已經好大隻，開頭仲擔心好貴，因為如果斷斤計，佢個殼應該都已經好重，但原來佢只係$48一隻，食完之後更加覺得物有所值！係蒜蓉同粉絲嘅襯托下，佢嘅鮮味岀曬黎，同樣地好驚喜地佢肉質好爽，唔會靭，值得encore喺夥計推薦下我哋都嗌咗條斑嚟食，$380一條但連平時少食魚嘅我，都忍唔住一啖接一啖，補充骨膠原佢嘅魚肉食得出係即釣即蒸，因為好新鮮所以啲魚肉好爽滑，加埋啲蒸魚豉油食，

與朋友從榕樹灣行到索罟灣，5個家庭，有大有小，預訂海鮮晚餐，椒鹽鮮魷、蒜蓉蒸元貝、清蒸石斑，服務一流，下次會再試其他菜式亦有合小朋友菜式，金菠蘿咕嚕肉、菠蘿水果船、炒飯