富記驛站

营业中

休息中

細細個返學好鍾意同同學仔去冬菇亭食嘢，以前零用錢唔多，食冬菇亭最抵食！最近有機會去到大埔富善邨嘅紅豆冰室，充滿人情味嘅冬菇亭餐廳，一去到二時嘅回憶返晒嚟！我點咗花生醬西多士，勁抵食，$20！花生醬西多士外皮炸至金黃酥脆，內層係綿軟面包，夾著濃郁花生醬，再自己淋上大量糖漿，超級邪惡，但我鍾意，幸福感瞬間提升！另外，仲叫咗生炸雞髀配薯條，呢樣同樣相當出色，生炸雞髀即點退現炸，要耐心等待10分鐘，熱騰騰上桌！雞髀醃得幾香，帶少少香辣味道，雞肉鮮味十足，每啖都嫩滑多汁！雞皮更加係超級脆口，勁好食！吃起來毫不膩口。仲有伴碟嘅粗薯條，每一啖都好滿足，幸福感爆棚！

大埔廣福邨的冬菇亭✨懷舊的冬菇亭，配上港式嘅碟頭飯。價錢實惠，又大份，吃到港式風味的飯餐。《福建炒飯》濕濕的「芡汁」，紅蘿蔔、冬菇等食材配搭，拌飯一流，炒飯更有蛋碎，香氣撲鼻，，是香港常見的炒飯之一，必定飽肚！《竹枝火腩飯》同樣是豐滿的芡汁，配上軟綿綿的竹枝，加上啖啖肉的火腩，即是燒肉，非常之豐富！冬菇亭位於林村河旁邊，一邊吃飯，一邊能欣賞到河景， 十分寫意！看見餐牌，下午茶和早餐也非常之抵吃，有港人喜歡吃的西多士！下次一定要食！

.#foodie #hk #hkfoodie #HTB美食推介【大埔舊式冬菇亭｜踩完單車嘆港式下午茶🚴‍♀️】冬菇亭嘅特色就係你可以選擇坐戶外嘅地方，感受吓大自然🌥️☀️不過小編呢啲咁怕曬嘅人當然都係揀返室內有冷氣嘅地方啦！冬菇亭特色就係好有人情味，好多食客都係街坊，一入黎就有傾有講～嗰日仲有對孖仔同小編say hi, 勁得意👋🏻.🐨花生醬西多士 $20推薦度：⭐️⭐️⭐️⭐️⭐一上枱所有兒時回憶返晒黎🤣因為佢係計埋一支糖漿上枱任你落，比起好多連鎖店嘅一包真係好太多！！！小編當然都係糖漿控啦～滿滿糖漿加埋厚厚嘅牛油佈滿方包面，一切開見到夾住花生醬，好邪惡但開心～味道就唔會有咩特別驚喜㗎啦...不過😍😍外面炸到薄脆，加埋方包嘅軟，正正就係西多應有嘅口感，簡單做出不凡！.🐨生炸雞髀配薯條 $41推薦度：⭐️⭐️⭐️⭐️生炸雞髀原隻拎去炸，即叫即炸，等左10分鐘熱辣辣上枱！雞髀預先醃過食到有少少辣椒香，但又唔會好搶味，反而降低咗生炸嘅油膩感，唔會食到好飽飽滯滯～雞肉都保持到鮮嫩有肉汁，配埋港式粗薯條脆卜卜，勁滿足～——☼——☼——☼——☼——☼——富記驛站📍地址：大埔寶湖道28號廣福商場地下廣福街市CFS1-4號

最近同朋友去踩單車踩到咁上下就嚟咗呢度食午餐，因為餐廳位置非常方便，而且門口仲有好多空位可以泊單車，對於單車友嚟講係一個非常唔錯嘅補給站。餐廳提供室內同室外座位，鍾意喺樹陰下望住河景享受大自然可以選擇室外。餐牌選擇非常多有粥餐、快餐、下午茶餐、全日餐等等，而且仲有每日精選。侍應姐姐好好人，每人送咗碗例湯俾我地。自己叫咗炸雞髀薯條，雞髀炸到金黃色，而且仲要大大隻，食落香口啖啖肉。朋友就叫咗福建炒飯，炒飯都足料而且都算大碟，所以朋友比咗碗我食，炒飯味道唔錯。

冬菇亭真係好耐既回憶小學就係朝朝黎食早餐食碗粥仲好記得啲粥好綿 就算白粥都好好味已經無乜地方有間中都仲會放假專登行過黎食-屋企人叫左炒牛河 好有鑊氣大份到食左一半就叫飽下午茶一份三文治食住先勁平又大件下次要烘底先得最緊要就係呢杯熱奶茶黃金比例入口絲滑其他手調茶飲真係無得比完全做唔到都係呢間茶餐廳先夠曬味道係真正絲襪奶茶🧋呢間夜晚黎食小菜加啤酒係一流唔會Hea唔會求其整碟碟都充滿鑊氣最緊要價錢性價比勁高

好耐無見冬菇亭！以前就係附近返小學終於再經過 寵物同單車人士好歡迎出面好多位置又大空地又可以同寵物一齊係出面坐就算無下午茶 價錢本身都叫平份量都好足夠大大份飽肚學生平時lunch都逼爆 深受街坊學校喜愛杯奶茶係茶味奶味一半一半 對我係剛好比例而三文治係我估佢唔到仲係咁大份足料以三文治🥪唔飽？呢一份加杯奶茶我飽左好耐個日 本身想要咸牛蛋治最終想食少啲叫左蕃茄煙肉而且裡面煙肉係想像中大塊因為有啲地方會再剪細片

我哋一班老死成日講笑，行山行邊度，踩車踩去邊，都唔喺重點，重點喺個下午茶晌邊度食。今次出車，兜勻成個大埔、沙田、大圍，最後由老死帶路嚟到呢個私房秘點，大埔廣福邨冬菇亭嘅「富記驛站」，睇埋環境，就知擺明喺俾單車友中途嘅補始站。 呢度賣點就梗喺啲戶外露天位啦，真正露天茶座，哈哈！正所謂大樹好遮陰嘛，雖然坐出去風涼水冷，不過，都有其他風險，一就喺「中頭獎」，周圍確喺有好多雀飛嚟飛去，二就喺可能遇到吸「二手煙」，呢個好多時都無得避。 如果怕「風險」，就乖乖哋坐裡面，裡面其實都好大好多位，環境企理，地方都好乾淨，「冬菇亭」嚟講，都幾唔錯，如果大熱天，就更要坐入面涼吓冷氣啦。 其實，以佢嘅地理位置，擺明做埋啲單車客，除咗食住單車徑啲線之外，鋪外好多空位擺車，方便睇住架車，無鎖都唔怕被人偷。故此，店家都將個名加個「驛站」二字，喺幾貼切嘅。 餐牌就一大本，不過，下午茶時段嚟，就集中呢個時段有咩可以叫，除下午茶餐，仲有啲全日餐、西式快餐、炒粉麵餐。而早於9月第一次嚟，啲嘢食麻麻，之後，11月再嚟，俾多次機會佢，都一樣喺麻麻，所以，嚟攤抖吓就無妨，就唔好諗會食到咩好嘢喇。三文治餐 $28第一次嚟就試試佢啲

Good meal but sometimes poorjust mind some saucesriverside view, feel free to enjoy not a tea housegood servicenot a fast food shop, be patient convenient for bicycle loverspark your "husband / wife" outsideand you can have your lunch in this ok relaxing restaurantAt weekends, you must be more patientsometimes they may not have enough staffduring weekdays, not a busy restaurant is thereespecially when there are public holidaysSometimes noisy when there are many drinkersCome and dine here in the

午餐生炒雞絲飯$43＋凍飲$4個飯炒得幾香， 稍為乾咗少少，不過啲雞肉好柴好硬， 明顯係第啲地方送嚟嘅雪藏嘢， 仲放咗好耐， 雖然冇變味，不過吹到乾曬。乾炒牛河$45＋凍飲$4都係炒得唔錯，唔會太油， 味道都ok。 缺點又係啲肉， 好多筋， 同一般茶餐廳一樣有梳打粉味， 不過好多肉。啲凍飲偏甜。兩樣都幾大分量。

闊別多年廣福冬菇亭，今日同死黨去海濱公園影相，晚飯時間步行來到廣福村，冬菇亭賣小見小都不像昔日熱鬧，人到中年總愛懷舊，我們就在富記驛站找了個樹底下坐下來。環境同氣氛都不如往日，食客人數少一大半。🍻抵飲象啤 $20大口大口喝半杯到肚夠哂解渴，可惜唔夠凍沒有爽的感覺。😅🥢豉椒炒蜆 $68蜆肉細有砂無鑊氣😅，不過勝在調味不錯，有洋蔥同青椒。🥢山炒排骨 $68酸甜汁做得不錯酸同甜度適中，排骨不太入味熱食時酥脆，放涼了會較硬。😅整體來講可以喇！始終都不如往昔人氣，鑊氣。

很久沒有在在大埔踩單車及晚飯，以前經常到此廣福邨冬菇停晚飯，貪佢地舖開揚可以停單車。已經由小炒大排檔及粉麵檔，變咗做此間茶餐廳了。戶外既河景真係無得輸，仲好過科學園D海景食肆。講返D食物先，抵食既。晚餐碟頭飯/炒粉麵都係四十幾蚊，加6蚊有凍飲，送例湯老黃瓜湯。苦瓜牛肉飯，苦瓜可能出過水，苦瓜無苦味唔掂檔。牛肉OK，份量唔少添。飯夠大碟，男人踩完車夠晒飽。晚餐$51，有靚景又食飽個肚。抵！

復活節幾天，都宅在家中，來到假期最後一日， 天朗氣清，風和日麗，四月天竟然略帶秋意，清爽舒暢， 忍不住外出散步! 駕車到大埔太和邨，然後和老婆沿著林村河畔漫步，沿途青翠的大樹成蔭，黃花盛放，時不時有小白鷺在水面低飛或停在船上休息，假日是遊人和單車熱點。至廣福邨附近，隔河遙望，發現一家河畔餐廳，老婆最愛室外茶座，隨即說想喝下午茶，我們再走了十多分鐘就到。餐廳取名富記驛站，相當别緻。驛站是古代供傳遞軍事情報的官員途中食宿、換馬的場所。早於周朝已有記載，唐代遍佈全國。入口寬敞，放了大木輪裝飾，可供客人泊下單車，是遊人和單車騎士中途歇息的好地方。木質地面像船身的甲板，兩旁擺設了木船裝飾，感覺如置身於泰國的餐廳。手撕雞腸粉 ($28)店員說這是招牌食品之一，雞絲相當多，雖不算軟嫩，但頗有雞味。腸粉滑溜，麻醬濃郁綿密，又灑滿白芝麻，端上時已香噴噴，非常滋味!豬扒包 ($28)厚切豬扒酥香但有肉汁，法包外脆內軟，夾著新鮮的生菜、番茄，和半溶了的芝士，好味道!乾炒牛河($38)厚身的肉塊牛味濃郁，河粉滑溜，醬油夠色，味道恰到好處，油潤但香而不膩，驚喜是有排檔獨特的鑊氣，入口便知!這餐廳在傳統的屋邨，紅

天氣好，相約朋友一同踩單車，經過河邊有一間好靚冬菇亭，記得原本是大排檔，印象中呢個位置轉過幾次手。見有位就稍微入去休息，已經差不多11點半，竟然仍有早餐。除了裏面，河邊還放了幾張枱(可吸煙地方)，景色好靚，係香港難得有個咁寧靜的地方，好舒服好治癒。食物方面普通但不算差，以茶餐廳價錢都唔會有期待。侍應大部份都係上年紀既姨姨，雖然入機比較慢，但有禮貌，聽到同街坊既談話，好有人情味，其實享受一頓飯，唔一定著重味道(當然也不能太差)，有時周圍既人及環境，都會令你心情放鬆。希望下次踩單車既時候，可以再幫襯呢間店啦。

在海濱公園玩完，已近兩點，很肚餓，沿著林村河走，本來打算到大埔中心午飯，偶然遠望河對面有一間冬菇亭和一棵倒塌的大樹，遂改變路線，想試下大埔的冬菇亭。冬菇亭名字有"驛站"兩字，真的是醫肚驛站，當日又確有很多騎單車的人幫襯。亭外露天的座位已坐滿，唯有坐在亭內，亭內外是無分隔的，依然可以一邊食飯，一邊看河的風景。只是眼前一棵倒塌的榕樹，始終不太自然。這個飯類設計很好，可以給顧客很多選擇，揀選自己喜歡的配搭，給人覺得是"顧客為先"。"火腩豆腐飯" 味道普普通通，不過不失。"生炒牛肉飯"所用的牛肉不是用絞成的碎牛肉，食落時有些牛肉較韌，但飯炒得乾身，粒粒飯分明，而且不油膩。最後值得一提是侍應的待客態度非常好，因為第一次來幫襯，要花時間翻看那本厚厚菜單，侍應笑容好親切，叫我們慢慢看才落單，值得一讚！

住大埔就好多嘢食就係人都知㗎啦，今次就去咗一間係河邊嘅，環境超級優美，踩單車嘅人士經過都可以停低喺度食下，做一個中途補給站都唔錯，附近廣福邨嘅居民都可以落嚟食個下午茶，位置十分方便。 去親茶記我都一定係我最鍾意嘅沙嗲牛肉麵，配上奶油豬，呢一嘅沙嗲牛肉麵都唔錯，不過沙嗲份量就少左啲，食到最後好似冇咩味。而奶油豬都有兩舊，兩舊都好大件，奶醬既份量都好足夠，包保食過返尋味，最重要係價錢十分便宜， 30幾蚊就可以好飽肚。