富記驛站

营业中

休息中

最近同朋友去踩单车踩到咁上下就嚟咗呢度食午餐，因为餐厅位置非常方便，而且门口仲有好多空位可以泊单车，对于单车友嚟讲系一个非常唔错嘅补给站。餐厅提供室内同室外座位，钟意喺树阴下望住河景享受大自然可以选择室外。餐牌选择非常多有粥餐、快餐、下午茶餐、全日餐等等，而且仲有每日精选。侍应姐姐好好人，每人送咗碗例汤俾我地。自己叫咗炸鸡髀薯条，鸡髀炸到金黄色，而且仲要大大只，食落香口啖啖肉。朋友就叫咗福建炒饭，炒饭都足料而且都算大碟，所以朋友比咗碗我食，炒饭味道唔错。