寶太郎 (已結業)

我在附近工作, 常到此用膳, 是VIP, 今天亦到此食LUNCH, 其員工服務態度十分差, 安排座位時態度惡劣, 我是客人, 應該有選擇座位的權利!叫員工俾水, 又不回應, 再叫, 得到一句: 等陣先! (語氣極差), 食到一肚氣!此店是日本過江龍, 光是關東地區就有 70 家分店, 其咖哩亦幾好味, 來港都幾年了還是沒有做起, 可能與服務態度有關!!

上星期某日去左樂富做野, 放工夜晚 就同FD去左樂富廣場入面既寶太郎食.依間野係日式咖哩連鎖店黎架~都有D名既, 所以就去試下~坐底左啦..咁我地叫野食~第一樣呢就叫左日式甜牛肉鍋, 個牛肉幾大塊, 湯底都幾香~唔錯~見到都開胃～第2樣野叫左牛柳陶板燒定食鐵板上既粒粒牛肉又多汁又香, 仲要係一D都唔乾, 入口溶幾好食~仲唔少..有10多粒..抵食啦~巨峰乳酸飲品好好飲~唔多冰~最後仲送雪糕添~@@

tea -- 牛肉拉麵豬骨湯底 唔錯喎, 好多肥牛, 唔韌; 拉麵實淨, 幾好食 芝士年糕 $25/ set只得兩件, 貴左d 好正既年糕, 外層炸得香脆, 中間年糕煙韌, 裏面載滿惹味芝士

星期日早上11:30到, 店員主動話可以order埋早餐 $35 咖哩黑椒牛扒飯 + 熱飲 (全日不用加一) 咖喱有甜或辣可選, 覺得辣的較普通, 反而甜的可以帶出寶太郎獨特既味道 牛扒乾及韌, 好失望, 大 x 樂早餐既牛扒還比佢好食

一家人在樂富中心行個大圈找食店，見到這裡算比較多人的選擇，8:30左右有3成客，最終來了牛魔王。我們最初是要炸蝦餅跟掏燒牛柳粒飯，樓面之後話炸蝦餅賣完，就改要三色拉麵。個拉麵有煙鴨胸，日式`义燒，及豬軟骨，湯底算清，不太咸而且沒加味精，配料就一般，义燒還有點硬，前菜沙律就不值一提，是罐頭什果。個掏燒牛柳粒飯就好細碗，不個牛柳就熱辣辣，很香，但就小了點牛肉味，還有芽菜，吾夠食好小$42。最後要補飛叫多個炸豬排飯，都是一般，很多洋蔥，沒什麼特別，夠大碗而已。但不算難食，又不是好食，普通啦﹗全場都是橙紅色為主，正面玻璃還有個牛魔王標誌，個小朋友還會害怕。不過值得一讚是樓面的殷勤服務及態度，還會照顧小朋友的餐具，也不時說吾好意思，只是偶然會看電視吧，不過算ok，起碼會做野同留意到客人需要。埋單$127，兩大一小算ok，味道就一般，要求不太高可以再來

九月份，新學期又開始了，這個學期海給了自已一個新挑戰，就是住宿，藉此訓練自已的獨立性，不然將來怎當一個獨當一面的男人？ 所以，相熟的朋友在FB也會得知，這陣子我也是自已料理午晚餐的，還學會了煲湯水，照顧一下身邊的同學。換言之，外出吃飯的次數便大減，食評也相對較少，敬請大家見諒了。這天約了幾位同系同學吃開學午餐，順便談談近況，地點由他們選，不過老實就，在領匯加租壓力下，小店難以經營，商場全是連鎖店，優質餐廳可謂選無可選。最後，來了寶太郎，吃吃日式咖哩。餐廳面積頗少，只能招呼20至30人，裝修以橙色為主導，看起來幾“醒目”的。午餐大約40元連凍飲，是旺角區的價錢，相信一半價錢進貢去了租金。點了最Basic的甜咖哩吉烈豬扒飯，豬扒煎得金黃鬆軟，熱辣脆口，收貨，只要你不要期望又厚切又西冷位又皮肉緊緻的話。甜咖哩真的很甜，下了不少蘋果在內，不是不好吃，口味不對罷了。敗筆是竟然有未完全溶掉的咖哩磚在內，看了便倒胃。飯底是珍珠米，但下水太多，有些飯黏成一團，是重大失誤。縱使食物不濟，但談了很多的近況，是一個優質的中午。P.s. 謝謝朋友的開學利是 ☺

在寶太郎有過一個極不愉快的經歷, 足以令我以後都會再食不過已經係幾年前發生的. 純粹分享..但我真係唔明點解佢仲生存到幾年前有一日下午我同男朋友黎呢到,每人叫左一碗拉麵仲記得我食的是雞扒拉麵等左好耐(大約廿分鐘)先黎食物.個WAITRESS比錯左碗叉燒拉麵我. 我同佢講話我要既係雞扒拉麵.佢竟然同我講:"不如你食叉燒拉麵啦!!叉燒都好好食架!!"我果下即刻無名火起. 同佢講我唔食叉燒.佢就黑起塊面拎入去換隔左5分鐘就有雞扒拉麵. 碗麵係我咁大個女食過最難食的!!!個麵已經淋晒有少少發漲, 個雞扒鞋到不得了.最後我食左幾啖就走了.我最歎為觀止係個WAITRESS的反應...是至今日我經過門口仲會想起當日情況而走夾唔抖

剛巧要到樂富辦事，所以晚飯就到附近隨便食食。起初以為係吉野家，入左去先知攪錯左...不過睇到晚市套餐$33，和吉野家差唔多，所以即管一試。店內客人大部分都是點咖哩食品，相信味道應該有保証的。但我最後都係點左個寶太郎叉燒拉麵，用鋪頭名來做食品名稱，相信味道應該是不會太差的。一邊看東張西望一邊等，不消一會，食品送到。先說說個餐的配套，就是寶太郎叉燒拉麵+熱飲...算,反正沒有太大期望...寶太郎叉燒拉麵:配菜:粟米、蔥、紫菜、黃色一條條,日本拉麵經常會有的菜、烚蛋半隻。配菜真係要讚下，佢係煮到口感同味道都配合得岩岩好，可以話係同d湯、拉麵形成一個緊密o既共同體。老實講，我從未食過咁好食o既拉麵配菜......湯:應該係豬骨湯，一般味道，不過唔太咸呢點就已經好過好多鋪頭...拉麵:彈牙，爽口，好食!!寶太郎叉燒: 3塊寶太郎叉燒...一塊o既分量拍得住一般鋪頭o既2.5塊...即係量方面有一般o既7.5塊。而且佢個寶太郎叉燒仲要好似係炭燒過的。wa! ! 一食落口，內心已經想講句:"正!!"p.s.$33，我比得好滿足。差d想比多$1貼士佢。但係有樣野想講一講，d店員o既service唔係

兩年前曾在這兒吃過本人生平嚐過最好吃的咖喱當時覺得驚為天人 一試難忘當天決定重遊舊地 看看能否拾回昔日滋味是次點了甜咖喱豬軟骨撈烏冬明知道這裡不是吃烏冬的理想地點...明知道咖喱配飯最能吃出咖喱的味道...但還是敵不過熱量的計算 最後還是點了烏冬一入口便知道自己點錯了...烏冬的質地十分軟 很明顯是超市可見的即食款式...但比配飯還要貴上5元...可惡!咖喱沒有了當年那種驚艷的感覺但和外頭的比較起來 仍然略勝一籌這裡的咖喱帶有一種特殊的味道...豬軟骨肉質很軟 但連著很多脂肪..而且一片軟骨也沒有...只能算合格冰奶茶不知是否心理作用總覺得這裡的奶茶並不是港式那種奶的味道...有少許像無印良品賣的罐袋奶茶

咖喱吉列蝦飯 + 熱飲, 送一粒迷你雪糕糯米磁 ($38, 外賣要加兩蚊 ) 只是普通外賣飯盒, 但就要加兩蚊 (大部份食店都只是加一蚊). 不過外賣的好處是咖喱汁比堂食多好多, 堂食要加汁的話要加錢呢 這兒的咖喱汁比神戶北之板優勝之處是, 神戶的齋汁無料, 即使有都是碎到幾乎睇唔到; 但這兒的就有洋蔥, 紅蘿蔔及薯仔 日式吉列炸大蝦四隻, 即叫即炸的, 外層麵包糠脆口, 粉漿厚薄適中

行完uny,又熱又攰,諗住搵餐廳醫肚休息下點知想食o既間間都爆行過見呢間到,有個女仔出黎sell都唔想再行,入去一試一打開門見到鋪頭細細但得一檯客..果下都諗係咪好難食冇人入但都冇辦法..都入左去囉好唔好都試下先啦..d waiter好快手拎左menu同水過黎仲企係度等落單,服務都唔錯點左2set tea- 咖哩香煎雞排飯(甘口) - 鐵板燒北海道扇貝拉麵先講 咖哩香煎雞排飯 賣相唔錯,至少係我預期之上。呢度咖哩標榜唔落椰汁,又ok wor,冇咁"留",依晒成碟都冇頂住個胃的感覺。=] 塊雞扒真係要讚,夠香口又唔油,keep到肉汁食落唔乾!。塊雞扒仲好大塊tim! 鐵板燒北海道扇貝拉麵我覺得普普通通...個拉麵好像食緊彈牙d既福字麵咁..( 之後見到隔離幾檯都叫左麵,但轉左烏冬..唔通烏冬好食d??)d扇貝真係烤過再落麵既~味道ok,冇雪味。但呢個麵同我預期中有d出入....所以..普普通通啦我見到好多人都鬧叫間野d服務態度..唔,可能我去係tea time,少客d d waiter反應幾快,唔使3催4請係俾佢地企係隔離望住有少少唔知點lor..又撞o岩佢地d staff食飯時間,

12月見到佢內部裝修冇開 ! 今日經過見到開番所以去試試啦 ! 點知叫左條鹽燒青魚真系有d後悔 ~ 條青魚出到時好奇點解會有一整條魚骨 ? ? ? 可能系佢地特色啦~但系特色到條青魚可以系好黑 , 黑到好似炭一樣 ! 唔識做可以去試下其他日本餐先做啦 ~

抵讚之處* 冇*不足之處* 員工要重新培訓*平均消費* $37~$54/位 (外賣午市)*詳細內容* 服務態度奇差, 包庇差員工而不肯改善, 食物方面, 一般差, 我叫了個咖喱牛肉飯, 事前巳講明要辣，結果咖喱一點不辣, 牛又老又硬, 賣相又不吸引...尋日我去買外賣, 見周圍餐廳都好爆, 就見這間餐廳無人等位, 諗住小人會好快可以提取飯盒, 一行近巳有位待應生走來, 我便叫了兩個午餐, 因為沒位坐, 又熱又在路邊, 我怕會暈過來, 我便入內等.入到都沒有太鬆動既位置可企, 見有空位, 我便靠門口位置坐下, 職員跟住把賬單交給我, 便說2外賣加 $4, 付過 $77 便繼續等.這時, 見隔離位既男人走後, 餘下他的太太及bb女結賬, 職員很快便找錢, 這時太太因要清理bb女而未能立時起身, x 待應見門外有客, 即叫和人入內, 便指著太太及bb, 大聲說 :〔佢地走架啦～！〕更放了三個位，這時另一待應即出來說:[ 入面有位] 更向那太太道歉....過了一會, 外邊客人陸陸續續入來, x 待應用"命令"既語氣叫我出去等 !!!!我 : x待應見狀, 即一聲不响入內, 並除名牌, 這時有另

鍾情於這兒的無落椰汁的日本甜咖喱 (微微辣), 即使要等超耐都願意不過這兒的漢堡扒就唔掂 咖喱漢堡扒飯 + 熱飲 ($30 再加一)--漢堡扒雖厚肉, 但細塊, 且底層仲煎燶左 --肉質又鬆又稔, 無彈性, 無肉香, 麥記d漢堡扒仲好過佢--此價錢的確唔值 咖喱牛肉飯 + 熱飲 ($28再加一)--原來係三舊牛腩, 有些會有少少筋連住, 炆得好稔, 肉質鬆化之餘仲好似有鮮牛肉的濃肉香, 還帶少少羶, 好味!不過同之前一樣, 雖然要等好耐, 不過d飯及咖喱汁都係唔夠熱, 只是微暖

星期日tea時段爆滿, 原來宝太郎係樂富幾受一家大細歡迎上次食咖喱豬扒時見隔離枱的迷你日式pizza唔算太細碟, 賣相又十分吸引, 所以點都要來試一次******** 日式迷你薄餅 + 沙律 + 熱飲 ********* (tea $28 再加一) 薄餅全靠舖面的大大塊木魚片才顯得特別, 個base只係麵粉 + 蛋 + 葱花 + 粟米 + (估計係)义燒粒. 幾普通, 而义燒粒偏淡 薄餅本身味淡, 全靠面上的沙律醬及鹹醬油去提味 沙律好細碗, 且只係罐頭雜果感覺上只係普通煎蛋餅, 或者可能有其他特色食材, 可惜食唔出仲以為像和民焗到脆一脆topping好豐富的和風pizza, 以為"日式"及"和風"係同一類食物, 原來做法差咁遠下次都係食返甜甜的咖喱飯P.S. 坐對面的食客埋單時店員送了一張晚市 $8 coupon俾佢, 但當我埋單時就無俾到我, 要出聲才送. 大家都食左約$30, 為何俾一個唔俾一個呢?