寶太郎 (已結業)

呢間野開始時都有幫襯,味道幾好,同飯幾多,但之後因為有D侍應態度差,係度講人事非同講粗口,所以無幫襯好耐先幾日行過諗住再試下啦,D侍應已經換晒,諗住叫甜既咖哩牛肉飯同咖哩吉烈豬飯,但係黎到D飯細過以前好多, 個D咖哩係酸...勁難食,仲叫左一個餃子,都過得去,最後甜品雪糕黎到,但係當我食到最後一口,居然有粒玻璃碎片係入面,真係好離譜, 我地大人就話會慢慢食先發現,但比小朋友食就可能會出事呢間野真係問題多多,唔怪之得同一個商場當其他鋪好多人既時候,佢地都只係得小貓3,4隻, 連KFC 都好食過佢

屋村商場被領匯高級化,使消費較高的食肆進駐商場。一個人在樂富兜了幾個圈,找尋午餐食肆。見這裡未試過,就入去了。點半,人頗多,仍能找到張空檯坐下。未點食物,已經送上沙律。沙律只有生菜,加點沙律醬便成,味道還可以的。沙律食畢,點了日式咖喱什菌飯+奶茶。咖喱要辛口,少許辣,惜唔夠香,味唔夠濃。什菌份量多,飯份量對自己而言是足夠的,咖喱汁也頗多。至於奶茶,又是奶味較重。下次來的話,會試試拉麵。

食過兩次，d野食中下啦，但兩個人都係百二蚊左右，對食物質素要求早已不高。但服務真係有待改善，d服務員成日都只係掛住"lui"埋一堆傾計，明明我地叫左佢先0既，佢都可以走去隔離台serve人地台客，幫人地落單先，有種被冷落0既感覺囉。個拉麵同咖哩飯上台都只係暖暖地，已經唔期望會好味，牛肉又煮過火了，好"un"，果杯蜜桃咩鬼野(野飲，唔記得名)，好似藥水咁，勁難飲囉，個餐明明寫明話有甜品，但都冇畀到我地，又算...以後請我都唔會再黎囉！食food court M記好過啦！

叫左咖哩吉列蝦飯,咖哩漢堡扒飯同寶太郎咖哩拉麵樂富依間好少人星期日夜晚八點只有三檯人食飯侍應只顧住同同事講笑,爆粗對住客人成個人好似被催眠咁..變左機械人..自己講野俾自己聽點菜後...等左十五分鐘咖哩飯到~飯...只係微溫,打兩啖都凍晒咖哩汁已經係凍...餸就係熱之後係拉麵...menu 寫係叉燒但係黎o既變左係三塊扣肉另外舖頭十點關門侍應9:30 開始食野有人客入黎坐低左...佢地自己有自己食..要人叫先行過去..仲要話last call最後人客氣憤咁走左..人客入面個婆婆仲妖左佢一下欣賞o既只有個甜品但係下次都唔會再去樂富店幫襯仲有....搵唔到門路向香港總部投訴

咖喱似乎是招牌貨，但不如想像中好味，甜咖喱不甜。叫套餐的牛柳飯和咖喱雜菌飯，前菜即呀菜，沙律是幾條菜絲，好唔掂。兩個主菜份量一般，味道只是ok。餐茶好大杯，係比較滿意的。甜品亦不錯，係好rich朱古力味的雪糕。不過意外驚喜係因為來這裡，走時搭巴士見到個好朋友，我地都真開心，仲好興奮咁o係巴士度傾得好大聲，哈。