寶字號刀削麵

营业中

休息中

同朋友來荃灣揾野食，行下行下到咗食店林立嘅兆和街，看見這間門面新淨，看看門口餐單，好似幾啱食就入咗嚟試下。點咗羊肉串、牛肉串、雞翼串、牛腩刀削麵、辣椒炒肉飯及兩杯飲品。所有食物都在水準之上，味道非常正宗，我朋友不吃辣的，可選不辣，我食大辣，太好味了。價錢又適宜值得推薦俾大家。

#1（肉夾饃$50/2鹹咗啲，不過連包食加埋辣椒醬就勁香勁好食落埋醋就更加係另一番風味。3🌟#2）黑椒牛柳炒刀削麵套餐（小蘇肉+凍檸水）$79佢係用黑椒洋蔥大荳芽菜，唔辣嘅辣椒炒刀削麵，勁香易入口 。啲牛柳炒得岩岩好、好腍身 ，配埋黑椒好香。3.5🌟#小蘇肉本身醃好咗好香，炸起好好食。又香口又彈牙。別有一番風味，感覺好地道，好似真係食緊當地既菜式咁。哩間大眾點評有攞獎，難怪咁香咁好食😋！！！4.5🌟

建議不要使用點餐系統，三個人去食，出左四個餐，系統不會確認訂單，職員亦沒有提醒，叫你食唔晒打包，食物真心一般，價錢偏貴，小食味道尚可，麵質不彈牙，嬲到要第一次寫食評，祝生意興隆

🍲超值單人麵套餐 - $76我品嚐了豬肉刀削麵。這碗刀削麵有著彈牙的麵條和香嫩的豬肉粒。湯頭鮮美，帶著淡淡的醬油味道。套餐還有蔥油小木耳。這道菜色澤鮮亮，散發出濃郁的蔥油香氣。小木耳口感爽脆，是一道很好的開胃菜。🍗烤雞中翼 - $38雞翼烤得恰到好處，外皮酥脆，肉質嫩滑多汁，每一口都帶來滿滿的孜然香氣。🍅番茄湯鹵牛肉麻辣口水雞刀削麵 - $61這碗刀削麵帶有微微的蕃茄酸味，加上口水雞的辣度，而且鹵牛肉片鮮嫩多汁，這碗刀削麵充滿了豐富的口味。🥬油菜 - $18

星期日放假肯定帶媽咪嚐嚐她喜歡的麵條。荃灣近半年開了這間刀削麵店，於是我們來嚐嚐。我們一進去看到牆上的食品就先點了一個炒麵，就是腰花爆蝦刀削面、另外再加上一份卤牛肉、烤羊肉串1 串、熱檸茶、熱奶茶。熱飲跟餐只需加$3。抵！刀削麵，大概是6mm寬，口感非常Q彈有嚼勁，搭配大量青椒、大豆芽菜和重口味的醬料，口感和味道達到極致，配菜裏的大蝦有點脆，看來是經過大火過油，使他的鮮味鎖在蝦肉裏面沒有流失，吃起來更好味。烤羊肉串是二十元，肉厚肥少，即叫即燒，新鮮熱辣，小辣味香口。滷牛肉一份味道清爽，墊着的青瓜絲新鮮好爽口下次再來可以再試鱔糊湯刀削麵。

荃灣新開了一間刀削麵店舖，離地鐵站好近，夠方便，超抵食超值優惠套餐，選了這份 [ 超值單人麵套餐 $76 ] 主食3選1，小菜4選1，飲品 (冷熱) 4選1。主食選擇了 豬頸肉刀削麵 - 刀削麵份量超多，豬頸肉入口鬆軟，食落肉質嫩滑。小菜 蔥油木耳 - 份量好多，爽脆可口。飲品選擇了 凍檸茶下午2點可以點選超值下午茶套餐的 [ 超值三寶 $53 ] 三寶包括有肉夾饃 - 外層又香又脆，肉質又濃又多汁，好好味。醬骨架 - 大大舊肉，肉質超嫩滑。小食桂花雪梨 - 爽口清甜，一口接一口，食到停不了口飲品 [ 沙棘汁 $28 ] 營養豐富，味道甜甜好飲必選小食之一 [ 酸辣魚皮 $48 ] 可選大中小辣，份量滿滿，夾埋青瓜絲，口感爽脆彈牙，吃不停口

最近天氣成日落雨當然要約埋老婆一起食嘢我哋揀咗呢一間老字號餐廳位於荃灣兆和街#寶字號刀削麵之前在這間餐廳點咗幾次外賣不錯這次同老婆一起去堂食店內嘅裝修都相當有特色我哋就揀咗幾款美食我就選擇咗豬頸肉刀削麵配返杯凍檸茶湯底我揀咗麻辣湯味道特別正👍都幾好咬口跟住我就嗌多咗一份肉夾膜入邊啲肉真係好多😋我老婆就揀咗一份辣椒肉片炒刀削麵份量特別多😄我偷偷地咬咗一啖好味道炒出嚟香辣又好彈牙價錢都唔貴人均消費$50左右面食愛好著一定不能錯過📍 寶字號刀削麵 荃灣兆和街32號地舖

去荃灣玩完室內樂園喺附近食午飯，見到呢間餐廳差唔多兩點都仲係咁多人於是試吓。超值雙人套餐 $148寶字號豬肉刀削麵 +牛腩 $15麵條Q彈有咬口。本身配有兩條菜心同唔少豬肉碎。牛腩近筋膜嘅部份特別香。辣椒炒肉麵麵條同炒醬完美融合，好濃好惹味。除咗青辣椒、肉絲，仲有唔少爽脆嘅木耳。雞米花小酥肉炸至金黃酥脆，內裡肉質鮮嫩多汁。兩款嚟講雞米花更香脆。冷熱飲兩杯肉夾饃$28 肉餡又濃又多肉汁，仲有濃厚嘅蔥花香氣。

下午茶見呢到茶餐幾吸引，揀左呢間食個靚tea😋😋白灼時蔬 $18平時出街盡量都會叫個菜食，今日時菜係菜芯，用左菜芯苗，好嫩又夠新鮮😄肉夾饃 $28即叫即整，夠曬新鮮熱辣！ 個餡啲肉夠多之餘唔會好鹹，調味啱啱好👍餅皮香口，每啖都好滋味🤗下午茶套餐$53和牛鍋貼 配蔥油木耳和牛鍋貼有5件，牛味都幾出而且食落好多汁！入面仲包左粟米😌😌蔥油木耳份量好大，正😄下午茶餐仲配野飲，叫左熱奶茶，正常水準😌

荃灣新開咗間刀削麵，每次經過都見到好多人食，今日lunch time帶埋同事一齊試試！餐廳環境光猛潔淨，坐位都好闊落，提供套餐或單點，價錢好抵食！🔹肉夾饃外皮相當軟熟，夾住既肉份量十足，食得出配料好新鮮，咬落去有嚼勁。一啖咬落，既有麵包軟糯，又有肉同蔬菜既鮮香。🔹烤羊肉串/牛肉串兩款肉質十分鮮嫩，烤既熟度啱啱好，面頭灑上滿滿既辣椒粉同孜然，十分惹味！🔹寶字號油潑刀削面呢款刀削面用乾撈既形式加上肥腸作配料，肥腸洗得好乾淨，完全唔會有異味～配上香口既油潑，呢碗刀削面真係一流。🔹老壇酸菜湯刀削面呢款刀削面以酸菜湯加上鹵牛肉為伴碟，酸菜味好香濃，但又唔會過咸過辣。鹵牛肉切得好薄好有口感，啖啖肉好正～🔹飲品兩款刀削面都配左一杯飲品，我地揀左凍檸茶同熱檸水～寶字號刀削麵地址: 荃灣兆和街32號地舖

荃灣去玄圓學院小巴站對面(寶字號刀削麵)正宗山西刀削麵，店舖以卡位為主，QR code 落單好方便。食物配搭也多元化。而且人均消費$50左右好"抵"，嗌咗超值雙人套餐，分量超出雙人食量非常足夠❣️辣椒炒肉刀削麵青椒帶椒香，肉質鮮香嫩滑，配上煙煙韌韌刀削麵，加上了不得廚師的廚藝，勁有鑊氣👍👍❣️寶字號豬肉刀削麵刀削麵煙韌，非常有咬口同彈性，配上濃郁湯底yummy😋❣️炸雞粒肉質嫩滑，鹹香味足，香脆可口❣️葱油小木耳清脆爽口，淡雅清香，配上秘制葱油更加惹味❣️口水雞滑嫩可口，肉質爽脆，鮮香濃郁，調味恰到好處。醬汁濃郁，香味四溢。

某天下午經過抱著試試的心態進去，叫了炒刀削麵（忘了是什麼好像有蝦），送來好大一盤料非常多很有鍋氣，麵比一般的刀削麵細但不影響口感還是很有嚼勁，桌上的醋居然是陳醋（驚喜）加在炒麵裡別有一番風味，但辣椒醬我不推薦，有種內地零食會用的人工香料味 ，如果吃辣建議請廚房炒辣一點。走的時候外賣了肉夾膜，這個也相當驚喜，餅皮有層次肉也相當多不肥膩，可以當下午茶或是早餐吃。之後有事沒事都特地坐車去荃灣吃，每次都吃炒刀削麵，下次要試蕃茄蛋刀削麵，另外有涼拌菠菜也好吃，蒜頭很多很多味但約會前不要吃

______________________________/ 寶字號蕃茄雞蛋刀削麵 / ʜᴋᴅ48新鮮蕃茄整成嘅湯底 唔算好濃郁 酸酸甜甜比較清淡風 如果再濃郁啲多湯啲更好食到最後變左撈刀削麵咁 🥹/ 黑椒牛肉炒刀削麵 / ʜᴋᴅ78呢度除咗有湯麵之外 仲有炒刀削麵！牛肉軟稔 炒得幾香但偏油膩 / 雞米花/ ʜᴋᴅ39反而小食整得幾高質 炸得香脆唔會油亦都唔會炸得好乾 肉質幾嫩!/ 肉夾饃 / ʜᴋᴅ28中間夾住滿滿嘅肉 好軟腍而且幾juicy肥瘦度適中 唔會太肥膩 仲有青椒粒平衡下外皮就係紮實較乾嘅餅皮 唔係酥香個一種

經外賣app叫左一個蕃茄蛋刀削麵跟一杯熱鴛鴦，加兩個肉夾饃。外賣準時到達，但杯熱鴛鴦完全係凍既，應該擺咗一段長時間，然後比客🙄個蕃茄湯底連蛋同肉夾饃勁咸🤮咸到要飲勁多水。最後飲水飽，野食部分只系食左兩啖😵‍💫比錢買難受，冇下次

這間寶字號刀削麵在裝修時已有留意，因為刀削麵是我其中一個非常喜歡的食物之一。尤其是炒的刀削麵，很多以前有賣的刀削麵的食店都不再炒，就算餐牌明明是有炒刀削麵，但到你落單就同你說沒有。所以見到這裡有炒刀削麵時，不多不少都有少許期待。有一晚收工見到終於開店當然一秒都考慮就進門試試。可能是新開店的關係，客人很少，我看了一看餐牌價錢，以同類的食店來說價錢是比較進取。第一次吃就先試食店的招牌菜：寶字號豬肉刀削麵。先來紅油腐竹，這個就算以小食來說份量都有點少，而且味道很淡。之後到主菜寶字號豬肉刀削麵，店員一放下，我看一眼，心想是不是來錯了？之後再看看餐牌，真的相片與現實差太遠，所謂的豬肉刀削麵其實是免治豬肉。如果你不與湯一起吃，是吃不到這些免治豬肉。幸好與湯一起喝味道未算太差。而刀削麵與我們平常吃到的有分別，這裡的刀削麵是扁身的，可以叫做刀削幼麵。這個幼麵掛湯能力比粗麵好，但失去了刀削麵獨有的煙韌彈牙，至於好不好吃就要閣下試試。我就不太喜歡這種幼身的刀削麵。走之前見到有小絲愛吃的羊肉串和炒刀削麵，所以就再約小絲來試試。第二次來我們點了蝦爆鱔背炒刀削麵+羊肉串+肉夾饃。如果不知道肉夾饃是甚麼，你當是酥