寶字號刀削麵

营业中

休息中

猪颈肉刀削面（$48）刀削面份量唔算多，面质普通，无咩咬口，欠缺𡁻头；猪颈肉有4片，味道正常；汤底普通，无咩特色。另外面食会送煎蛋一只。小食跟梅菜花生，梅菜偏咸，花生爽口。宝字号蕃茄鸡蛋刀削面（$46）虽然用新鲜蕃茄，有茄蓉，但蕃茄汤底唔算太浓厚，偏清淡；炒蛋一份，再加送的一只煎蛋。小食跟红油腐竹，腐竹软实有口感，但无咩豆味，唔够辣自己再加辣椒油。超值三宝（$53）肉夹馍，馍饼即烤，厚实，外层微脆；肉丝味带咸，肉质偏嫩，整体味道可以。酱骨架，一件大大旧，味道同肉夹馍嘅肉一样，味带咸，肉质嫩，味道可以。桂花雪梨，咁多样嘢，个人觉得最好食系呢样，冷食清甜爽口，咁热嘅天气好适合。老实讲，刀削面唔够「山西」好食，酱骨架唔够「入面」好味，好难会再去帮衬。但如果系荃湾街坊，下午茶餐嚟讲都算抵食的。