寶峰餐廳 (已結業)

今天與同事齊齊食午餐，選擇到附近一間茶餐廳享用，由於夏天胃口沒那麼好，一如以往，我就會選擇較為開胃，酸甜食物，於是便叫了香茅豬排撈檬粉。等待了約5分鐘後，滿滿一碗的檬粉展見眼前，檬粉份量頗多、有兩大塊香茅豬排，檬粉配料有蔥花、花生碎、肉鬆、炸蒜粒、底部有椰菜，調味汁方面有蒜粒、辣椒、米醋，加入調味汁混合後，整碗檬粉充滿酸滋滋感覺，又開胃，又醒神（喜歡酸的朋友，可自行添加）。唯一不足的是豬排的味道偏咸了一點及有點硬，應是廚師煮得太耐而引致吧。最後喝上一杯熱的好立克，令整個午餐添上飽足。

今天家裡沒有早餐吃，唯有出外覓食。比較了幾間餐廳的餐牌，最後決定食粥。食粥的話，我多數會選擇荔灣艇仔粥。但又不其然有兩個問題在腦中彈出來：1)艇仔粥之前為何總是帶上荔灣?2)荔灣又在哪裡?原來艇仔粥是發源於廣州荔灣的，當時的水上人家在艇仔上賣粥，價廉物美，十分受歡迎，因此而得名。在餐廳坐下了之後，我便點了一個$32的扺食套餐－－艇仔粥加一碟生菜。套餐有蠻多選擇的，你可以在十二款粥品中揀選其中一款，再配搭飲品，炸兩，牛肉腸或者豉油皇炒麵等等。大約十分鐘，侍應便為我送上一大碗艇仔粥。艇仔粥冒起陣陣白煙。粥裡有很多配料－－雞肉絲、花生、鲩鱼片、蔥花，豬皮、魷魚等等。吃上一口，已吃到酥脆的花生，鹹香的雞肉絲，彈牙的豬皮。另外，鲩鱼片新甜，魷魚有嚼口。我本想一口接一口地吃，但由於粥品熱氣騰騰的，最後我都只能放慢速度，細細品嚐這一早餐。不久，一碟鮮綠的生菜便送上枱了。生菜新鮮爽口，不沾蠔油也味美。其實未吃之前，已覺只吃這大碗粥我便會飽了。再加上生菜，這天的早餐真是滿足而健康！ 

是日晚飯，小弟食鴛鴦扒餐+中湯+飲品，$47。價錢晚飯來說可以接受，豬扒和雞扒大大件，抵食，配咖哩薯仔汁，味道都唔錯。女朋友叫了個札肉凍檬，札肉夠多，配菜花生肉鬆足料，係等耐左小小...（我食完個扒餐先黎），可能人手不夠加上要另外煮。整體合格，會再來幫襯

早餐不就是要這樣嘛？中式早餐先係一早既精髓，不少人會愛吃英式，西式早餐。其實小妹我也是有'祟洋'心態。不過今早總是想吃碗粥，所以就來吃個中式早餐。炸兩+粥係神之配搭，炸兩皮滑油炸鬼係脆卜卜加埋甜甜地既豉油真係早餐既首選啊。炸兩+生滚肉片粥生滚肉片粥多料唔再講，仲要係滚到燙手的。肉片好鮮甜，冇肉鬆粉醃，有肉味，最愛新鮮料的粥品，生滾粥的特別係夠曬熱，又食到好綿既粥，又唔會太淡，一早食個真係有個醒神既早晨。炸兩的腸粉皮很滑很有米漿味，又滑又順口。油炸鬼很脆，唔會潮咗。一啖食到又滑既腸粉又有脆囗油炸鬼，炸兩既精髓！評分：7.5/10

尋日經過天水圍北，見剛好食飯時間。反止天水圍北食市我未食過，決定係度食。但係俊宏軒食市唔合我心水，於是走去對面天澤商場找野食。見呢間午餐價錢合理，便走入去食午餐。午餐係焗芝士火腿雞皇意。不過食落問題出現。意粉好乾，好似焗燶左咁，而且少汁，自己覺得有點失望。不過羅宋湯，凍檸茶仲可以。整體來說，加埋伙記服務先可以接受。但食物仍然要改進。

每個星期日如果冇咩活動又唔出街既話 爸爸必定提出去一樓食野:>咁就會鋸下扒咁 其他午餐都38左右 咁鋸扒先58咁多數食佢個雜扒餐既:＞又抵又多啊嘛 咁就可以解決星期日既午餐:＞ 但係哩排唔食得牛 所以淨係食豬扒 黑椒汁同茄汁都食過 雜扒配薯菜$58 (仲有羅宋湯加檸水)街坊價 58$ 薯條幾脆 唔會淋曬 最愛食 粗條薯條😀😀牛扒睇落好薄 豬扒都係 不過黑椒汁好食 腸仔係雞肉仔 雞中翼冇食 不過睇落都一般 羅宋湯冇用既 得好多好多蔬菜><><><><不過我真係幾鐘意飲羅宋湯 爸爸落黑椒汁 嗞嗞聲響 茄汁豬扒飯$38午餐都差唔多價啦茄汁送飯幾好食既

街坊求其食。三年來已经去過十零次次咁大把。好多次都係參差得紧要。開張時有水準的豬手麵,已經做唔番。係豬手由冰鲜变成廉價急凍。西多士都唔香唔脆。最近較好的咖喱牛腩,都淪為超级缩水勁咸蚊型牛腩。乾炒牛河偶然瀉油。最后凍奶茶都已変薄。偶然都覺得,食得過,今次決定Surrender,出走元朗。當佢地有水準時,比得上老籣翠华。還是正覺得天水園飲食業應該要自強。

由於懶洋洋 所以男友落樓外賣自取西多士給我 好抵食 30元正包飲品 可選種類有：豬扒拼薯條西多士 或 雞脾西多士 西多士好厚 入面有花生醬 是正宗的西多士薯條炸得剛好 不會過硬或過淋 帶點口感整體不錯 幾抵食 不過飲品有點過甜 需要改善一下 

提起天水圍通常會被標籤為"悲情城市", 家庭悲劇、綜援、新移民、交通費貴、缺乏就業機會等等, 根本就講到好似人間地獄, 電影裏就最喜歡用那條「天水圍河」作背景, 表現出悲劇人物的唏噓今天, 特別乘巴士出遠行, 想去探索一下天水圍城......事先完全不作甚麽準備, 只跳上巴士一直坐到去總站下車, 由葵涌到天恆邨總站都不用一小時車程。落車後先醫肚, 初到貴境乜都唔識, 唯有向前行走到那一大座領滙商場Tin Chak Shopping Centre我們由低層開始逛, 先發現街市裏都有不少特色食店, 在一間賣中式包點的小鋪, 買了隻「客家蘿蔔包」, 味道如何? 就等待OpenRice幫我加入新餐廳, 遲些再向各位介紹走到一樓轉角處, 見到有閃閃招牌, 再走前看看牆上的電視機, 所介紹的午餐是三十多元已包餐湯及餐茶, 幾抵吓~餐廳範圍頗大, 卡座就依牆身排列, 中間就擺放了多張圓枱, 枱號可以排到三十幾, 可想而知餐廳的確大是日午餐共有四款, 價錢由$34-$36節瓜鱆魚湯...飲到甜甜的鱆魚味, 節瓜味道濃而且瓜肉結實, 湯水少鹹味鮮羅宋湯味道重不過質地水水, 食到有丁丁牛腩午餐B 豉椒雞球

我當日一早去了天水圍.是因為要坐巴士到大角咀..怎料架巴士原來好長途?入正題天水圍在我最初做食評時都有講過,不單止難找優秀的食物.什至找可接受食物都不易,但隨時間過去是有進步.有食家提過天水圍無連鎖店.但現在也有美心,稻香大集團進駐.假以時日.一定會有.呢間店亦是新餐廳.環境相當大.容納200人也可以.全店以紫色作設計.望下去像一片紫海.因環境大.同新.坐得舒服.早餐選擇有粥,三文治,潮式粉麵,茶記西式的A.B.C餐.任君選擇.我當日要控制食蛋的限額.只點了熱狗.凍華田.26元...凍華田:都不錯.華田味重.奶味薄弱.不會過甜.合格...熱狗:飽應該是嘉頓,完全無加工.是否應該加熱.冷冰冰.似食隔夜飽,內餡腸仔.亦是凍.雖則肯定不是貴價貸.但該腸仔.入口不會過鹹已不俗.仲有一片青瓜.蕃茄.沙律醬,帶點微微的酸味,既清新又醒胃.不過熱狗難食極都有限...味道似我住家整.總括只屬不過不失,末必有下次.