寶蓮禪寺齋堂

营业中

休息中

第１次到寶蓮禪寺，是小學三年級暑假，之後每年暑假(農曆六月)，都跟着外婆到寶蓮禪寺，小住４日３夜，直至大學畢業。那些年，短期禪修期間，早、午、晚３餐都在齋堂解決，當時主理齋堂廚房的都是尼姑，齋飯都是淳撲、自然的味道。後來，自由行開放，寶蓮禪寺成了香港遊必到景點，齋堂也變成外判經營。現在，偶然會舊地重遊，滿滿的童年回憶，每次來寶蓮禪寺，都會到齋堂點２份“貴賓齋”，４餸１湯，包括以下的：#八寶素翅羹：味道偏淡，質感偏稠，一般。#花菇扒時蔬：時蔬永恆是唐生菜，份量足，一般只會吃完花菇，生菜有剩。#西檸鮮竹片：４個餸最喜歡西檸鮮竹片，每次都會清盤。#脆皮炸春卷：不是現炸，但味道挺好，排第２。#碧綠如意炒：蘆筍、西芹、蜜豆，是我喜歡的組合，但蜜豆沒有煮熟，太硬和有草靑味。以上定價150元/位。外判後的齋堂，食物和服務只是一般，繼續來吃，只有一種情懷。

好耐之前去過寶蓮寺食齋，都相隔十年未黎了，今次黎到更細味到齋菜的清甜。佢係一人買一張餐券，有分普通餐同豪華餐，一枱只能揀一款，即係全部人要同一款先得，因為佢坐的位置不同，豪華餐係坐冷氣有枱布大廳。今日我地叫左豪華餐，有個木耳荀絲羮、清炒荷蘭豆、炸春卷、花菇扒時蔬、西檸煎腐皮卷。佢好快就上菜，所有菜式都好新鮮，蔬菜好翠綠，望落好吸引。湯羮就有啲太稠，落得太多生粉芡，而料就太少，叫做有啲湯潤潤喉；炒荷蘭豆及扒時蔬都好清甜，食落好舒服；炸春卷普普通通，吃不完外帶了回家；最好味係西檸煎腐皮卷，佢就係模仿西檸雞的做法，個汁調得好好味，酸酸甜甜的，好開胃，煎腐皮好香黃豆味，唔會熱氣亦不會好油，好好餸飯。久不久上來吃一趟齋菜，清清腸胃又好，洗滌心靈又好，都係不錯的活動。

昂坪360 8月31號前 65歲以上只需要$30來回，見到咁平昨日星期六帶爹哋媽咪去，跟住去寶蓮寺拜佛同食齋。齋菜有珍味素$110 同貴賓齋$150 兩款，一場去到當然選擇貴賓齋，坐嘅環境都會舒服少少。齋菜好食冇味精，炒蘆筍銀耳唔錯，另外有個冬菇扒生菜，呢兩個父母最鍾意食。而我就比較喜歡食鮮檸腐竹片，春卷都唔錯，不過父母唔係太喜歡食太多炸嘢。白飯同湯羹可以免費添，我哋由於早出發11:30食飯，避免左人潮。食完飯12:30左右出面排隊好長。之後再去心經簡林同大澳，過咗一個開心大嶼山一天遊。

今日同屋企人去咗昂坪360寶蓮寺食齋菜！我地去親大嶼山，午餐一定係食齋嘅今次的食物出奇地好味😋，賣相仲超級吸引！不過物價上漲，素菜價錢日漸增加我最鐘意食炸素菜春卷，春卷非常香口，脆卜卜，好惹味。春卷入邊釀有蘿蔔同香菇，口感一流。

今年七月紅館大型意外發生，香港落雹，當有些事已經超出人控制的範圍內，不如信靠神彿。祈福前先食個齋，兩個價錢，珍味齋110貴賓齋150， 先買票後入餐廳，買票姐姐好nice , 俾晒圖我地揀，解釋得好詳細，我地要咗貴賓齋但將西檸竹片轉欖菜豆腐，另加2件姐姐推薦嘅芋泥，10蚊件。今日初二，人唔多，我地一入座就極速上餐, 裝修比較夠舊，無乜保養，冷氣都足夠。-欖菜豆腐有豆味-花菇時菜花菇好有咬口-碧綠如意炒唔多油，筍好嫩👍-芋泥外脆內軟

🥢拜佛素食日呢到有兩款套餐：珍味齋$110/位 貴賓齋$150/位，我地一行四人就要左貴賓齋。🥣八寶素翅羹：有菇、腐皮、紅蘿蔔…質地好濃稠，調味正常💁🏼‍♀️加胡椒粉會更加好味🥦碧綠如意炒：有蜜糖豆、腰果、菇…菇同腰果好味😋味道足夠，但係略嫌少少油膩🍄花菇扒時菜：花菇大大粒，勁厚肉🥰生菜爽脆🍋西檸腐皮：個人覺得個醬汁味道太重，而且質地太稠，但係其他菜式都比較淡，呢個送飯就岩岩好🥢春捲：外皮酥脆，入面雖然係蔬菜餡，但調味夠，食落都好香口❤️呢到要先買齋票再入座，入座後如果要拎調味料都係自助形式💁🏼‍♀️原來食齋菜都好滿足，捧住個肚走🥢

十幾年前嚟過，今次再嚟多次。因為之前疫情關係，天壇大佛都關左一段時間，而上個星期又落大雨，所以根本冇機會同朋友嚟。今日咁岩昊天就一個人決定嚟一次天壇大佛淨化下心靈。一如以往都係咁好食，佢有兩款素菜一個係$110一位另外一個係$150一位，但其實兩款素材都差不多所以我揀咗一個比較平啲嘅。呢度係白飯同湯都任裝，保證你食得飽，侍應仲好好人咁會主動問你添唔添湯同飯。依度環境好舒服，連依度嘅動物都會聽住佛教歌同燒香嘅味好自由自在咁生活。有圖為證㗎哈哈雖然價錢偏貴，不過算啦好日都唔嚟大嶼山，呢啲錢係應該俾佢賺嘅。

趁新年家人提議去昂坪行下, 午膳時間我哋去咗寶蓮寺食齋, 呢度齋券分兩款:珍味素$110/位, 貴賓齋$150/位, 但因限聚令, 只可安排二人一桌, 而當日只有貴賓齋券出售。呢個餐有四款餸, 入座後, 先嚟一大碗八寶素翅羹(掛住食忘記影相😂), 素翅羹菇香濃郁, 仲可任添任飲碧綠如意炒: 有西芹、露筍、腰果、青椒、紅椒、蜜糖豆、幼菇等, 清新可口, 炒得夠鑊氣脆皮春卷: 炸得金黃香脆, 入面放滿蔬菜, 清而不膩花菇扒時菜: 花菇爽滑有菇香, 唐生菜爽甜西檸鮮竹片: 鮮腐皮炸得香脆, 檸檬酸味適中, 連食幾片, 撈飯食正

今天放了一天假，去清幽的地方，朋友早上約了我在東涌巴士站，然後搭巴士上昴坪行，搭巴士另一番風景，今次昴坪主要影下聖誕景，第一次行了天檀大佛，好壯觀,午飯在昴坪寶蓮襌寺齋堂貴賓齋3人套餐八寶素翅羹大窩，真正素翅，清得來鮮甜香脆皮春卷炸得脆口，香素料碧綠如意炒菜真得好碧綠，炒得香素菜味同乾爽花菇扒時菜花菇大個又霖，香素汁，時菜嫩滑西寧鮮竹片好香寧香味，竹片爽滑，好入味絲苗白飯好香飯味，絲滑軟軟芋頭角炸得脆，特別大個，好香素芋容味，清清淡淡入味

成日去寶蓮禪寺，都未試過喺果度食齋，今次終於有機會啦🤗呢度有齋菜，分4人餐、同埋6人餐等，菜式大致相同。我哋揀咗4人餐：🍄冬菇扒菜心：冬菇肥厚多汁，食完勁有滿足感😋🥕素鴨：外皮好鬆化，又唔會太油，配合埋入面嘅蘿蔔絲、木耳絲等，鮮甜、淸新、爽口、又有脆卜卜嘅口感，正！其他菜式有㰖菜蒸豆腐、羅漢齋、炒時蔬，簡簡單單嘅菜式，仍然能夠感受到廚師嘅用心👍🏻套餐包湯同白飯任裝。原本以為跟餐嘅湯冇嘢特別，喝左一啖之後發現有驚喜！湯嘅顏色類似粉葛湯既赤紅色，可見到嘅料有栗米、紅白萝卜、佛手瓜。個湯好鮮甜，味道豐富，厚層次。雖然個湯係素湯，但係感覺唔輸蝕得過嗰啲用肉煲嘅湯，相信除咗可以見到嘅材料之外，應該有其他配料。由於太好飲，LadyB一口氣飲咗4大碗！食完素菜，感覺好舒服😊食飽起行，探索心經簡林去⛰

塔得昂坪纜車🚡上黎就當然食埋個齋，拜一拜大佛先叫禮成✅珍味素齋每位HKD 110、貴賓齋每位HKD 150 ，豐儉由人，功德圓滿。二人套餐貴賓齋（每位HKD 150):八寶素翅羮： 有腐皮、雲耳、蘿蔔絲，整體十分濃稠，味道偏淡，但可以加胡椒粉調味，仲可以無限添飲🥰脆皮春卷：夠曬脆，入面係雜菜餡料，蘸上香醋食落吾油膩。碧綠如意炒：腰果焾身、爽脆西芹、青紅椒、脆卜卜蜜糖豆，整體已調好味，似香菇粉味，帶點咸不是想像中啖口。花菇扒時蔬：香菇夠曬香，帶點咬口，爽脆生菜🥬墊底，不錯👍🏽西檸腐皮片：呢個係最好味，真係做到西檸雞個汁既酸甜味，原來係腐皮黎，外表煎至香脆，外脆內軟。配絲苗白飯，略嫌干。總結：功德無量 🙏🏽 難得上黎試一試

這個齋堂是人頭計算，我們兩個人一共花了三百元，150 元一位 有四道菜 湯和白飯 可以任加，味道清淡為主好適合我口味，附近有一個小食亭有糕點，豆腐花，米粉，咸点小食和飲料樽裝水等等，我們食完正餐，可以買豆腐花和糕点入齋堂食用。 工作人員 好有禮貌，地方好清潔。

星期六一行二十多人到達食堂，門口寫有套餐价钱，$110一位。心想疫情當下，大部分食店都有優惠，这個价位应有不錯質素。套餐来了，食完的整体質量一句講哂，等同大學canteen d 品质。但食材的成本肯定不超过$10.。計算如下，幾條青菜，$1； 半磚豆腐$2.；西芹加幾粒香菇仔$4；另外湯加白飯$3.。换言之毛利有$100每一個人。最后忠告，既然食素不如食少餐都不要再光顧此食店！

今天閒日特登請假帶爸媽一行三人去東涌行下去昂坪寶蓮寺吸收下靈氣放鬆下食下齋菜🙏餐廳裝修中式清雅，十分寬敞，環境清幽好滿足的一餐這間素食餐廳有兩款珍味素$110一位貴賓齋$150一位餐廳門口有售票處，要買飛再入餐廳店員安排坐低今次點了貴賓齋二人餐$300檸檬鮮竹片、碧綠如意炒、花菇扒時菜檸檬汁好醒胃，感覺好似平時食的西寧雞👍🏻小炒都好夠鑊氣，花菇扒大大件👍🏻脆皮春卷拼鮮竹外皮香脆八寶素翅羹有點似碗仔翅不過冇碗仔翅咁重口味清清地不錯散叫，芋頭球$10一粒外皮鬆軟外脆內軟芋頭好好味

對上一次去天壇大佛都已經十年前😆依家無得帶爸爸媽媽去旅行🥲唯有帶佢地黎大嶼山行個大運行完山就順便食齋😋餐廳外面分兩條隊💁🏻‍♀️一條係排隊買齋票一條就係排隊等入餐廳由於weekend比較多人🥵所以我就負責買票 爸媽就係另一邊排隊咁就唔駛一齊排兩次隊😛而齋票就係分兩款珍味素($110)貴賓齋($150)我地一行4人今次就試珍味齋：-古法老火湯: 一大煲上枱 味道亦不錯-脆皮炸春卷: 超~級~油!!我只能撩入面既配菜食-碧綠腐皮球: 如果唔怕草青味既朋友都可以食到(但我好怕😂)-冬菇扒時蔬: 呢碟係我唯一一碟清哂既餸😋-欖菜蒸豆腐:都係草青味濃既一碟😂-絲苗白飯: 正常水平結論就係如果唔怕草青味同油既話可以去試下😂