壽司仔

营业中

休息中

一向覺得壽司仔D壽司及刺身好新鮮！而且價錢抵食！今日在筲箕灣做完野！又係食飯時間了！選擇款式也很多！天婦羅蝦反卷賣相吸引之外！天婦羅蝦真係爽脆又新鮮！加上配料更美味！

今天下午，因為工作原因來到了筲箕灣，路經看見（壽司仔），被他的名字吸引了，於是決定進去午餐，雖然沒有位置坐下，但看到雪櫃裏面的壽司也很有光澤和新鮮，令我更想留下嘗試。於是叫了10件壽司，帆立貝，左口魚，海膽極級新鮮！我的確很愛吃壽司，我覺得他們的質素能媲美一些價錢較貴的壽司店。老闆看我很快吃完還問我夠飽沒有，我再點了10件！他也很友善，還教了一此酒類和壽司的知識。整體而言，壽司質素很好，性價比很高！

疫情期間相信唔小人會安在家中或者約埋三五知己親戚朋友係屋企聚會(記得注意消毒雙手最好量埋體溫啦)😊唔露兩手難免會叫外賣·離不開Pizza～壽司～炒粉麵等等·今次為大家介紹E間壽司外賣店·去朋友聚會時試過·性價比高亦唔算好貴·大家下次想食壽司不妨一試～Go💨——————————————————☻非專業食評·純個人口味☻款式選擇好多～我地叫左2️⃣款盛·分別由壽司同刺身分開為主～花多眼亂🤩每樣食落都覺得夠凍～口感新鮮·唔係一般普通放題料·種類繁多刺身亦會片得大塊厚身·咩魚好食唔好食我就唔扮專家·聽朋友講佢幫襯左好多次·有信心👍～有機會小編都想試埋其他分店·係香港九龍新界都各有分店·分別～筲箕灣·土瓜灣·大埔～想食既你快d去試下啦😃

週末到朋友家新居入伙，等到晚餐時間。友人點了炸雞，另推介附近壽司仔，本來還掙扎要不要到店自取，畢竟疫情下要出門再回家沖洗一輪有時會令人卻步，亂滑手機驚喜發現外賣送遞有，即點～最近幸運食神上身，吃了幾次壽司外賣不論是自取或外賣都非常滿意，又抵食！壽司仔平均都只是$10~$14起基本款式，蟹腳棒都好有誠意呢，勁推介！！蟹子壽司新鮮爽口，是夜追加的壽司全部滿意！！屋主大推芥辣八爪魚，掂，堅芥辣呀！！可借家中附近沒有分店，有機會一定會再支持！！

📍#壽司仔🇭🇰香港筲箕灣南安街1-7號嘉裕大廈A4號舖🇭🇰 壽司仔 (Shau Kei Wan)Shop A4, Ka Yu Building, 1-7 Nam On Street, Shau Kei Wan, HK🌐筲箕灣 🌐土瓜灣 🌐大埔#MFJ筲箕灣 #MFJ日本菜 #MFJ_ShauKeiWan #MFJ_JapneseFood 味道: 👅👅👅👅賣相: 👀👀👀👀價格: 💰💰💰💰💰服務: 👨🏻👨🏻👨🏻👨🏻性價比: ⭐️⭐️⭐️⭐️⭐️回頭率: 🔆🔆🔆🔆疫情關係，外賣多左好多日本菜癮一起就會諗起壽司仔，因為真係好抵！外賣自取仲有8折！兩個壽司拼盤各$328一份，8折後$262.4一份，加埋成百件，勁抵食！⭐️「吉」壽司盛 🍣 $328🔴 花之戀 12件🟠 海膽 2件🟡 三文魚 8件🟢 吞拿魚 4件🔵 八瓜魚 3件🟣 劍魚腩 3件⚫️ 蟹腳棒 4件⚪️ 北寄貝 3件🟤 玻璃蝦 3件🔴 鰻魚 3件🟠 鯛魚 3件⭐️「菊」壽司盛 🍣 $328🔴 三文魚刺身 15片🟠 海膽 2件🟡 蟹籽 2件🟢 小卷 12件🔵 鯛魚 2件🟣 劍魚腩 2件⚫️ 鰻魚 2件⚪️ 熟蝦 2件🟤 三文魚 4件🔴 吞拿魚 2件🟠 鮮帶子

剛搬到莦萁灣三個月，行過就試下，附近冇寿司店食，食過不下十次，每次去都係店員態度西口西面，有問題唔想答你，今次係屋食完肚痛，痾餐死，打死都唔會再幫襯！ 絕對零分！！！！

想食日本野，但係附近又無平啲嘅日本野。結果比我發現到呢間，又平又正嘅餐廳💥佢可以用app叫，如果係外賣自取嘅話仲有8拆優惠🤤去到嘅話，有好多個準備好嘅壽司🍣或者前菜小食但當然都有好多其他選擇，有張落單紙，可以自己揀要幾多件壽司仲有唔同嘅丼飯比你選擇，我同男朋友覺得雜錦魚生飯係最抵食！因為唔單止切左粒粒，仲要每樣魚生都有少少！個人覺得火炙三文魚腩超級好食，次次都必叫！仲有個珍寶帶子壽司都超級正！

一條友突然戚起筋想食壽司條，就喺附近睇下有乜嘢又平又靚嘅選擇，喺openrice search到呢間「壽司仔」，價錢相宜，而且又唔一定要每款兩件起，啱晒一個人又想試多種口味。去到見到雪櫃得返好少款，以為冇得揀，點知原來可以自選即整，每件由$3起。我自選左10件，包括兩件海膽軍艦，埋單都係$75，價錢來講真係好平。壽司質素當然比唔上日本餐廳，但食落口都覺得鮮味，而且剌身同飯嘅比例都啱啱好，比起其他平價壽司算係好質素👍🏼👍🏼👍🏼

呢排唔係咁建議外出用膳，諗起區內有一間方便又抵食嘅，就係壽司仔喇～！什錦壽司拼盤C ($65) - 海膽唔腥，帶微絲甜，比我想像中好！淨係呢兩件單點價要$20，仲有我至愛嘅黃金魷魚，吸引咗我揀佢，唯一唔好只係啲紫菜淋咗什錦壽司拼盤D ($58) - 媽咪鍾意花之戀，仲有帶子，一啖食晒粒花之戀，三文魚算新鮮，配埋沙律醬蟹籽，非常滿足如果雪櫃內嘅壽司拼盤唔啱心水，其實可以件裝散買，超過70款口味，唔同食材唔同價錢，任君選擇，當然拼盤會抵食DD啦！買完之後先醒起有呢度係有手卷！即點即整嘅話，性價比算高，下次吧…

細佬淨係食三文魚, 一個人食8件始終係平價壽司,脂肪分佈冇咁平均好似左上同下圖嘅, 好明顯係雜牌軍(下圖嘅三文魚, 你走光呀！)揶揄佢一輪, 幾蚊件醋飯壽司仔, 放過佢啦我同阿媽就唔好魚生。細個嗰陣甚至只食飯, 食慣壽司嘅姨媽一家覺得我咁幫佢哋食走嚿飯好慘, 就明知蝕都嗌玉子比我$3件中華沙律螺肉芥末三文魚帶子群芥末八爪魚推薦芥末嗰2款~係濃味嘅choices (個人覺得食平壽司揀有調味嘅好啲, 因為唔期望佢鮮味十足)

口味唔講因人而異但係我真係想講間嘢成春日執錯壽司唔係執漏就係執錯其他已經寫埋落張紙度比足時間你對住張紙執都可以執錯又成日計錯錢個D師父嬸嬸麻煩比多D專業做嘢唔好掛X住吹水 執完再對一對

今晚要加班, 又見有時間, 咁就搵下睇下有咩好食, 打開OpenRice 睇下睇下, 就發現左呢間壽司店, 二話不說馬上開車去買. 到左之後入面無咩人, 可以慢慢睇下, 但其實好耐無食過壽司, 所以今次主要想返自己鍾意既, 估唔到軍艦大部分都係$3, 真係超抵食, 買左7件軍艦(包括: 芥辣八爪魚, 螺肉, 芝麻八爪魚, 海膽), 1件希靈魚, 1件花之戀, 軍艦用料十足, 味道比連鎖店感覺好少少, 希靈魚就一般般, 而花之戀就食唔出咩感覺, 食既次序唔岩, 搞到件花之戀既味道比d軍艦蓋過晒, 真失策 以我試既呢幾款來講, 好過X氣果間真係好多, 如果下次來開附近值的一再食.

其實要食三蚊件壽司，除左爭鮮之外，如果你係筲箕灣人，仲有一個選擇比到你，就係壽司仔喇。佢淨係做外賣既，雖然吾係全部三蚊件，但都有十款左右揀咖，另外花之戀一件8蚊，都好抵食。一入到店入面，好大陣酸味，醋睇泥用量好大，食左佢壽司既飯，果然不出所料，醋香同酸味比一般店強小小咖，我個人就中意既，但睇喜好拉。花之戀所用既蛋黃醬係日式既，好味道，吾會用左沙律醬咁9吾搭8，三文魚新鮮度過得去。芝士蟹子都好好味，分量好夠，芝味濃厚。蔥三文魚就有驚喜，竟然有落麻油，香味逼人，小小蓋過左主角三文魚碎，但整體泥講就加左分。總括泥講平又吾錯既一餐。

今晚想食壽司，所以特登搭車去買壽司外賣，因為計埋車錢，呢間既價錢仲平過好多連鎖壽司店。當然啦，冇爭x或者風x咁平，但佢勝在質素好，又可以新鮮整今次買左三十舊都只係166蚊，抵牙！推介呢個壽司拼盤，都係50蚊，有齊二件花之戀，三件京蔥三文魚軍艦，三件三文魚壽司，二件三文魚牛油果卷同四件三文魚小卷真係好抵！三文魚都好新鮮咁另外要講一講，之前買過某平價壽司店既三文魚壽司，啲三文魚竟然甩色！啲飯染左紅色！！！真係嚇死人！以後都唔敢再幫襯佢呢個係自選即整壽司，我揀左：二件帶子壽司 - 帶子非常厚，有彈性二件海膽壽司 - 俾人搶曬，冇食到但佢顏色好似比平時既深色，唔知點解二件鵝肝壽司 - 其貌不場，但佢燒到個邊金黃色，食落好香！估唔到幾好味四件燒蟹柳壽司 - 呢款壽司唔洗問都知好味，但有燒同冇燒價錢相差3蚊，雖然睇落相差唔多，但已經貴左一倍，抵唔扺就視乎你點睇啦二件燒芝士鰻魚壽司 - again 正！芝士好香好滑，配埋鰻魚一起食，感覺好得意其餘三舊冇咩特別，魚蛋個個唔推介 好硬有奇怪味但overall 呢間外賣壽司店真係唔錯，另外佢仲有好多款便當同蠔(好似$20-50/一隻) 下次可以再試下

自從壽司仔在巴士總站開業後，母親大人不時會買一盒雜錦拼盤壽司回來給我們享用。是日晚上，偷懶的她，準備了一頓簡便的晚餐 - 煲粥炒麵配精選雜錦拼盤。精選雜錦拼盤$98一盒有十七件刺身壽司司八粒飯卷，足夠四人分享有餘。壽司拼盤分別有花之戀 5件、三文魚壽司 4件、鰻魚壽司2件、北寄貝壽司2件、比目魚壽司2件、八爪魚壽司2件和三文魚小飯卷8粒。個人而言，壽司仔的壽司遠比超市較為新鮮好味，花款也較好，更為經濟實惠。壽司飯圓潤煙韌，粒粒分明，又握得夠實淨，稍嫌醋味較為遜色了少許，不然味道會更佳。各款刺身雖稱不上甘甜清爽非常，但質素可以接受也。眾款壽司中，花之戀成為了我們必爭的寵兒。誠然，飯團被鮮紅甘美豐腴的三文魚刺身團團圍著，再加上粒粒晶瑩剔透、咬口十足的鮮魚籽，以及清爽開胃的沙律醬，口感豐富澎湃，啖啖滋味在心頭。