寿司大 (已結業)

星期日晚經過看到九點半後七折優惠被吸引到壽司大 進餐記得以前食過兩次水準都不錯所以今次再次帶新朋友去試Order左鰻魚飯、滑蛋豬扒窩、火灸帶子壽司、吞拿魚腩壽司及朱古力巴夫。鰻魚飯還不錯大致上都ok今次沒有試大大舊壽司還記得之前食過 好足料的除左甜品........巴夫簡直用求其 是旦黎形容被同行朋友（第一次光顧）稱為最難食的甜品 因為雪糕下面只有大量趣趣 上面的蛋糕又鬆又散，的確很失望呢！其實七折的確好抵不過某部份食物就唔太好味

2016年來過一次，其時等半個鐘才有上盤sushi，講多句都冇用。一年以後再來這家分店，絲毫未改，等咗四十分鐘講忘記落單，d㜣店，服務如此低劣，即使平價都再不會來。

呢間店我係見住佢開張既剛剛開張食物可以既，又有折算係樂富比較抵食既日本菜不過過左幾年之後，價錢貴過板x,質素差過x鮮，堅嬲仲要個會員一d優惠都無(關於壽司大既優惠，佢有其他食肆)間店仲要成日唔滿座，有理由懷疑等約滿收鋪評價-可以的話不要試

晚餐好想食日本野，元氣實在太多人排隊於是呢到樓下呢一間壽司大正值晚餐時候，但係都唔需要排隊，可以即刻入座一早已經成為咗佢哋嘅會員會員可以係佢旗下幾間餐廳包括牛刷鍋、牛角、溫野菜等等使用成為會員後星期一至四都免加一同可以儲積分，另外不時有啲coupon送但成為會員就好似要＄200成為會員後佢再送一張＄100coupon 俾你抵唔抵就真係睇下會唔會成日食呢幾間舖頭啦畢竟呢幾間舖頭都唔係熱門店內採用電子餐牌，可以慢慢睇慢慢揀實在太三心兩意，樣樣都想食所以最後決定叫一碗魚生飯魚生飯份量十足，而且食材新鮮當中有北寄貝、帆立貝、三文魚、芥辣八爪魚、油甘魚、吞拿魚、赤海蝦同魚子完全啱晒樣樣都想食，但又食唔到咁多壽司嘅我一碗飯只係需要百零蚊，就滿足晒我所有嘅願望其實食一碗飯已經好飽，但係我仲心思思想加個甜品，於是加左一個我最愛嘅日本燒番薯番薯冇乜特別，但我非常鐘意食，軟綿綿嘅甜薯再塗一層牛油，是我到日本餐廳必叫既甜品令到今餐畫下一個完美嘅句號！

朋友住樂富，推介呢間話好抵食，外賣有七折或者係九點後堂食七折！我哋揀咗外賣，先講價錢，咁多嘢食兩個人食到超飽每人都係百頭，又真係好抵！同埋佢啲嘢食質素真係好高，炸雞軟骨不得了，卜卜脆，食到停唔到口！洋蔥牛舌非常惹味，紫薯餅同樣係我朋友嘅大愛，無諗過食壽司，熟食都咁出色！除咗傳統壽司，佢啲特色壽司都好吸引，好似果隻三文魚船勁多三文魚，而傳統壽司都好高質，刺身亦都好新鮮，所以呢間野長期都好多人， 如果去食就預咗要等位嘞！

今日突然又想食日本菜，於是選擇交通方便的樂富，看見Openrice 大多數是正評，價錢又不太貴，於是試試。第一個印象十分好。顧客除了有一本菜單，亦可用平板電腦點餐，很先進和方便。估計電子菜單有十多版，有壽司丶魚生丶定食丶小食和飲品等。點菜後，大約五至十分鐘，便有第一個餐 - 牛肉蕎麥麵，很有效率。可惜，太多油，牛的鮮味不足。第二個餐 - 迷你炙燒三文魚丼。飯很軟，而且落了醋，很開胃。三文魚則欠缺鮮味。由於兩個餐的份量不多，加上太想吃魚生，於是點了三品刺身盛合。這個份量多，共有九件，但不夠新鮮，蝦頭是黑色的。這個午餐用了$165，不算貴，可簽卡，但食物質素一般，不夠新鮮，希望餐廳有所改善。

星期日悠悠閒閒，就嚟食個lunch~餐廳裝潢都有日式風格，有淙淙流水聲陪你食午餐，仲有吧台位。海膽軍艦＄32 - 海膽質素OK，勝在海膽夠多。食落好滿足。粟米沙律軍艦＄10 - 沙律醬唔夠多，粟米亦唔甜，好一般甜蝦蟹羔軍艦＄20 - 蝦唔算大但蟹羔多，幾片青瓜令到個壽司清新啲，都算幾好食。特大三文魚壽司$14 - 質素一般，勝在夠長。三文魚腩壽司$20 - 三文魚油脂豐富，不過就真係薄左啲，將貨就價吧。咖喱牛肉湯烏冬$48 - 之前喺板X食過，牛肉量多而且咖哩好creamy。呢個就真係唔掂，一上枱已經見到成個面有一層好厚既油，咖哩味一般，烏冬亦唔彈牙，再加4塊牛，咁就$48。假日周圍都要等位，呢度就唔駛等，坐得都好舒服，店員亦不斷加茶，合格!臨走時店員啱啱換左門口個廣告牌，原來下午茶同宵夜時段有七折，感覺幾抵食。

520同女朋友慶祝食壽司點知兩個住走起失望！第一次openrice負評每人$2xx 換嚟比不上X鮮嘅壽司刺身性價比極低見Dbs信用卡推出套餐優惠同女朋友兩個叫醫極上二人套餐本來滿心歡喜見餐牌壽司賣相都唔錯點知壽司刺身味道竟然比不上超市然後上餐次序錯曬先嚟前菜,之後就嚟炒飯！！！你冇睇錯！嚟完前菜就係到炒飯！之後到牛舌,炸物......壽司刺身竟然最後先上.......同埋唔知係咪信用卡推廣關係自問食嘢唔嘴刁,個炒飯食左一啖同女朋友已經唔敢再掂 d飯爛到好似冇炒過咁 被迫做大晒鬼.......最後甜品都係得雪榚👌....嗰三舊雪米滋都麻麻地西九$10蚊5粒仲好食好多D野食食到我地都冇心機再影落去淨係影左前菜.....同女朋友已blacklist

之前我到黃大仙樂富廣場，拜訪大名鼎鼎的韓國炸雞專門店「BBQ Chxxken Express」的同時，也發現樂富廣場也開了一間名稱叫「寿司大」的日本壽司料理餐廳。如果你曾經去過日本旅遊，拜訪過著名的築地和漁市場的話，你沒有理由不知道「寿司大」是何方神聖。在眾多築地壽司店之中，「寿司大」跟「大和寿司」都是築地壽司店當中最享負盛名的代表，出名得旅遊書也有介紹他們。當然，香港這間「寿司大」，跟日本築地原裝正版的「寿司大」是否有直接關係，還是只假借日本正版的名氣來作為食店賣點，我沒有上網查驗過兩者有沒有直接關係，孰真孰假就只有當事人才知道。不過兩年前初次拜訪築地時，很遺憾沒有試食過日本正版的「寿司大」，或另一間很有名氣的「大和寿司」。就算當時真的想試食，亦未必有耐性排隊等候入座。所以當時我們也只是隨便幫襯築地其中一間寿司店算數。「強將手下無弱兵」，反正築地食街內大部分日本壽司店都肯定有其水準，所以當時還沒有因為錯過「寿司大」而感到遺憾，直到現在才開始想反悔。現在日本「寿司大」還未能試食，惟有光顧香港版本的「寿司大」吧。香港「寿司大」的裝潢格局，跟香港很多日本壽司刺身店的風格都是差不多，都是仿日

因為樂富有【屍囚之路】，所以陪表弟去玩下，順便食野。路經此店，比殷切既服務員在門外招左入去，環境唔錯，服務好。但食物一般，價錢唔平，份量少，$330連加一，一大一小食，可有更多選擇。千其唔好叫赤貝刺身，$40得一塊，尺碼好似2件3元壽司咁大，嚇死人

第三次食壽司大，每次都會等9pm後食，一來就朋友放工，二來有7折真係抵食好多食物水準好滿意，唔會有爭X既怪味。軟殼蟹手卷極力推薦足料而且好脆，超好食食飽飽埋單都係一人70幾蚊，朋友聚會之地一流！

位於樂富的寿司大, 比較少人提起, 並沒有其他分店。事實上他們價格相宜, 刺身壽司軍艦都好有水準, 小食炸物都十分好。壽司是即握的, 吞拿魚非常美味鮮甜, 有相為証。老實說, 香港一早已經俾幾間集團式經營的壽司店壟斷, 隨著板X近期從旺區及大商場徹出, 在商場中仍然搵到一間價廉物美的壽司店真係好難得, 性價比十分高, 如果想係九能塘/旺角一帶食刺身壽司飲下清酒 (並非放題), 寿司大真係一個唔錯的選擇。P.S. 星期五六日限時個半鍾要交枱綜合評價: 食物>環境>員工*綜合性價比: 抵!(不代表平)超乎想像的驚喜!!*性價比1.  抵!(不代表平)超乎想像的驚喜(嘩! 無論怎樣一定要再來! 抵啊)2.  Wow! 物超所值(幾好啊!唔錯,有機會一定再來)3.  正常, (可以, 但這個價錢坊間有很多選擇)4.  物次價高(都不是太差, 但這個價錢坊間有質量更好的)5.  有比較大的改善空間(填胞肚算, 失望)

開OT後去樂富行街，血拼後去呢間壽司店食晚餐，門口已經排咗十幾人，好在我一個人，好快可以入座，坐吧枱位置！可以睇到師傅整壽司！枱面最特別係咭紙筷子座！又簡單又衛生！活赤貝壽司（$34）橙色賣相靚，赤貝切成蝴蝶形，厚身爽口唔腥！群邊淺粉紅色，有咬口唔腥！好味海膽軍艦（$32）兩件軍艦，海膽唔大瓣好細，其中之一有點溶，海膽味道唔夠甘香，味道唔腥正常！紫菜好爽脆炙燒左口魚群邊壽司（$34）燒完嘅左口魚油香出晒來，魚肉滑溜！好味！三味魚子軍艦（$40）三件軍艦紫菜爽脆，蟹籽軍艦比較亂，蟹籽卜卜脆，三文魚子脹卜卜，卜卜脆，味道鮮味唔腥！另一款芝士蟹子就一般，芝士比較酸，蟹籽卜卜脆，但比芝士味掩蓋了味道！辣味三文魚溫泉蛋冷烏冬（$48）呢個後加，等了10分鐘，賣相幾靚！溫泉蛋好滑，蛋白彈牙，蛋黃味濃！烏冬係失望嘅，係粉嘅，一啲都唔彈，辣汁係泰式嗰種辣，辣度好辣，但鹹味唔夠，好單調兼唔夾日式烏冬！比普通冷麵汁仲好！配菜青瓜絲乾咗，紫菜淋咗，切粒三文魚肉肥美正常！敗筆在啲沾汁！壽司幾好，但冷烏冬個汁唔得！店員服務有禮有笑容，不過細心唔夠，好似我食冷烏冬係木盒上菜，都無比隻碗仔我沾麵之後盛住食，我要問先

難得同家人係平日食午餐，黎到樂富區有好多選擇，最後選擇左食日本野既壽司大。對餐牌原本無咩期望， 但竟然比我搵到一樣係呢區比較少有既選擇！蔥吞拿魚腩丼定食 $62就係佢喇！估唔到樂富都有得食粉紅粉紅既吞拿魚腩丼！ 色澤粉紅，如果唔食生野既人可能會覺得好似生豬肉，難以接受。加上豉油，連同大蔥及珍珠米同吃，雖然簡單，但好滿足。 吞拿魚腩蓉幼滑又帶有少少油香，而珍珠米酸味適中，口感煙韌。我有刻意叫到少飯，但覺得跟吞拿魚蓉的比例剛好。 如果正常飯量，可能伴飯的吞拿魚就不夠了。而且美中不足的是吞拿魚味不夠濃。定食中的麵豉湯好咸，喝了兩口就被擱置了。

牛肉炒烏冬，除了主菜牛肉片外，配菜還有洋蔥、紅蘿蔔絲及椰菜，配料搭配尚算勻稱。烏冬味道一般，不算太入味。牛肉肉質尚可，不會太韌。兒童餐，份量十足，包括沙津、五件sushui --玉子、蟹、粟米、熟蝦及帶有笑臉的蟹籽卷、牛肉炒飯及雪糕糯米糍。sushi上的餸全都是熟食，除了適合小朋友，更是不吃生肉者的恩物。可惜，卷物上只有少量蟹籽，小朋友只吃了sushi 上的餸，並沒有把飯吃完。滑蛋豬排鍋，以滑蛋鋪底，配上吉列豬排，燒汁惹味，而且汁量非常多，如不快手品嘗，汁料就會把脆身的豬排浸淋。赤貝刺身，原隻赤貝切件上碟，只有3 件，有點腥。