將之湯日式蛋包飯

营业中

休息中

奧海城食個經濟快飯去左food court想各人叫到想食既野又可以share👉🏻叫左芝士漢堡扒日式蛋包飯（包左例湯$58）蛋包飯幾好味唔知係咪冇即食，食左另一份餐先再吃漢堡扒就unun地，size都唔太大不過偶爾一次都可以試下😌

本人好喜愛吃蛋，openrice尋找蛋包飯，見到有呢間專門店就黎一試。嚟到先發現原來係food court🤣🤣🤣，搵咗位之後就去買嘢食。叫咗個龍利柳帶子蛋包飯。真心有一點失望，全碟得一粒帶子，仲要細細粒🙈🙈🙈但是蛋包飯是欣賞的，好有誠意是炒飯底，再用蛋包住，食起嚟熱辣辣，加上茄汁，好好食。而龍利柳方面，味道就不過不失啦🤗朋友就叫左牛肉鰻魚蛋包飯。鰻魚肉質鮮甜，好好食。牛肉方面，由於本人唔食牛，所以就唔清楚啦🤣整體來說，其實蛋包飯嘅份量好足，食完真係好飽，以晚餐來說都叫抵食。

和親戚在附近遊玩完就來到奧海城的food court午飯見到這店的蛋包飯賣相不錯...就決定買來試試！選了龍脷柳拼燒扇貝蛋包飯蛋包飯的賣相確實夠鮮豔～伴碟的還有沙律～蛋包飯的蛋夠滑，但缺了陣蛋香味！龍脷柳和燒扇貝的質素普通，配上日式燒汁，勉強過得去差劣的部分在於蛋包飯的飯...用的竟然是白飯...毫無味道可言要配以碟上的一般茄汁及芝麻醬來吃才覺得是有味道的！即使蛋有多滑也彌補不了味道失去的分數！！！

放工捻唔到食咩 去food court 行個圈 打算hea hea地食番餐 但原來呢間日式蛋包飯hea得黎又唔差wo 叫左平平地食個日式飯 日式咖喱 有牛有雞有豬排都幾多選擇 $40-70 一餐都差唔多簡左個雞排配吉列豬排蛋包飯$49 黑椒雞排好入味 雞肉唔會嚡 有肉汁 係份量少d 信相係因為仲有成塊豬排係到 平衡番個份量吉列豬排炸粉都唔算落得太厚 咬起黎脆口有層次 另外講講個蛋薄薄一層 唔會太流質而又香滑 控制得岩岩好 整體個飯都算有驚喜 下次要求再多d茄汁就正啦 同food court 環境都唔差呀 離開辦公室黎感受一下熱鬧同人氣

話說自己一個有時都唔知食咩，黎到行完街就上咗food court搵嘢食。店簡單，無乜花巧，直接，價位都係咁上下，當然會比出名啲嘅平啲（飲品係另外叫）。樣子似不錯，諗住都好耐無食蛋包飯，剛剛好。蒲燒鯛魚蛋包飯，蛋滑，鯛魚汁味濃左小小，蓋過魚味，食得好飽。平平地一餐，過下口癮，可接受(￣▽￣)

其實我食過呢間餐廳已經幾次平均50幾蚊一碟飯要加錢添飲品都要＄65左右餐廳食物質素好穩定蛋包飯嘅賣相非常之吸引在味覺上已經加左好多分叫咗個龍利柳帶子蛋包飯有配菜沙律同湯條魚雖然係薄啲，但勝在冇咩油（因為係鐵板整的）蛋包飯熱辣辣，配埋茄汁真係好好味沙律好新鮮帶子基本上好細粒，冇咩味湯就真係唔會飲，又係唔知啲咩味道整體來說，一至兩個月會嚟食一次個價錢其實都係貴嘅,大把其他餐廳嘅選擇同埋喺food court lunch 嘅環境真係好鬼嘈基本上食嘅時候都食得唔係好舒服😵

有點兒身體不適，而且時間不太充裕，去商場的food court，有那間將飯放在鑊上煮的，又生怕熱氣。海南雞又恐防會咳，結果便吃個蛋包飯算了。看見前一張枱的阿姐在吃這間蛋包飯，賣相相當不錯，又有綠色青菜，蛋包飯黃黃的，看似脹卜卜。幾片沙律菜、粟米也放在碟邊，比較冷，但可作點綴之用。漢堡扒蛋包飯，漢堡扒只有兩塊，圓形的，煎得比較熟，當然，這種漢堡扒與漢堡包那種不同，不可能保留少許粉紅色便給你😏。但是內裏肉汁也不錯，有點兒香味，內裏咬到好像還有些荵。蛋包飯的蛋外皮剛好，不算極熟，唯一不足之處就是飯是白飯，沒有將飯先混入茄醬或蛋花炒底。客人只好自行用碟邊的甜茄醬及胡麻醬混入飯及蛋一併進食。這家蛋包飯在這美食廣場質素不錯，是看電影前的好選擇。

一開始叫野食 有個洗碗阿姐黑晒面放低個洗緊既碗埋嚟問食咩 語氣極唔友善 之後又因所剩無幾拒絕找紙幣 叫人攞餐更大聲呼喝 少少禮貌都冇 雖然之後味道還可以，但係態度可一不可再

曾撰文讚歎蛋網包米粉，至於蛋包飯，我喜歡貓之眼。其實，蛋包飯的製作，要有十分高超的技巧，既要是滑蛋，亦要包裹整團飯。此店是即叫即做，隔著玻璃任人觀看。蛋漿落鑊時間短，便被放在飯團上。白飯未被百份百掩蓋，亦說不上是包著白飯。往時，港人食物質素低，要加炒蛋在飯面，叫做和尚帶帽。此店情況類近。點算了咖哩雞扒蛋包飯。雞扒是較早預製品，再併上蔬菜，加上咖哩汁液，方式是快餐店，不會有好質素。蛋是熱烘烘的，48元水平說明是將貨就價。同是咖哩飯，貓之眼價格是78元，由專業厨師處理，質素倍增。

奥海城food court有好多選擇,行左一圏後鎖定lee間蛋包飯,心思思唔知揀邊款好, 最後揀左日式鰻魚蛋包飯,由於即叫即整,所以都等咗差唔多十五分鐘,鰻魚都幾大條同埋好好味,燒汁好味好juicy,個蛋包飯都整得好好,個蛋好香滑,下次有機會會試埋其他款式