將軍堡 (已結業)

下午茶叫左個欖菜肉碎炒飯啲飯又硬又難食 好似雪左好耐既感覺成碟飯又硬又咸另外叫左個星洲炒米等左好耐 摧左2次先到竟然完全冇味 得隻色夠黃一係完全冇味一係得個咸字唔會有下次🙄

來到深水埗運動場附近，點都要幫襯荔枝角的將軍堡茶餐廳。這大飯堂於附近工廠寫字樓區很受打工仔歡迎，食店面積非常大，食物質素不錯， 人流多，食材自然會好新鮮，款式包羅萬有，梗有一款啱你食。伙記非常友善，服務態度良好，上菜速度神速，絕對能夠保持食物溫度。今次早餐，試即製牛肉腸粉配熱奶茶。腸粉當然要配甜豉油，分格上豉油，隨自己喜歡，加幾多都得。牛肉腸多料，食落非常美味。熱奶茶本身多奶，唔使加糖，好好飲。午餐下午茶都經常滿座，可想而知，呢位將軍好歡迎大家探訪這個堡壘。

在荔枝角工作想食早餐, 都有好多的餐廳給我地呢d 打工仔選擇但唯獨呢間茶仔令我特別喜歡, 皆因佢每個星期都會有d 早餐優惠選擇!就好似今個星期咁 (3/6/19-8/6/19), 每星期都有四款不同選擇.基於我大分熱愛湯粉的關係, 今天早餐我就食呢個雲吞魚片河.等左五分鐘到, 雲吞魚片河就送上來了,湯底原來是魚湯來的! 有別一般茶仔的 hea 湯底. 飲哂咁滯!魚片都有好咬口, 係雲吞好似無什麼材料咁.但整體都可以話是合格有餘.飲埋杯凍檸檬茶, 加埋都只係 $29.又滿足到我食湯粉的喜好.唔想下下都係五香肉丁沙嗲牛麵,不妨試下呢度

將軍堡Kay gor 去咗荔枝角做野之後都未搵到一間午餐好食嘅茶餐廳😞行行吓見到呢個名幾特別叫將軍堡咪行去試吓囉當然再叫好耐冇食嘅燒味飯可能係肚餓嘅關係覺得都尚算唔錯叫咗個叉燒燒肉飯叉燒乾身無汁完全冇叉燒味燒肉更加唔使講， 雖然係瘦無脂肪但係咁嘅燒味真係麻麻地最重要係真係唔好食配搭態度一般嘅店員如果附近有得揀嘅話絕對唔會再嚟食唯一優點係上菜好快唔使等太耐如果但求醫飽個肚嘅話佢係一個唔錯嘅選擇👎👎👎

將軍堡麵包店，最近最近早餐之選😝由上年開始，佢地d包就變得好好味，款式又多。聽講係因為堅持新鮮製造+用靚麵粉～但今日唔係講麵包最近就黎母親節,已經pre-慶祝左好多餐，當然蛋糕店都食勻曬，試新野係我既強項💪🏻🏬🏨將軍堡麵包店，除左麵包，最近主打蛋糕～靚靚鮮花蛋糕🎂💐💐💐除咗靚之外佢仲有季節限定新鮮榴槤餡🥰一切開已有香濃榴槤味，已經忍唔住要食🤤吃下去蛋糕超級軟滑，榴槤是新鮮果肉，而家很甜很香，一絲絲果肉，配上忌廉，真係好好味小店隱藏限定版，一個字「正」

每次到荔枝角買衫我都必定到將軍堡餐廳吃早餐🍽呢度嘅早餐價錢都算合理💰款式多，份量適中，有：粉麵類🍜、粥品類🥣和三文治餐🥪今日叫咗一份火腿面包腸仔通粉加熱奶茶 上餐都幾快，食完就可以到隔離工廠區買衫非常方便。

這星期每天都到在附近開會，等客人途中好想食個雪菜肉絲湯米 ，入到呢家茶餐廳，望來望去都找找不到雪菜肉絲米，直接叫侍應哥哥寫，點知佢粗聲粗氣話：「叫返餐牌嗰啲，我地15日轉一次餐牌。」 唔緊要，最後只好點了個沙爹牛米早餐 。米粉好滑 ，比一般茶記的粗小小，不錯。沙爹牛一般，因為個汁好漿，似用左好多粉溝出來咁，食唔到有牛肉味。反而個熱檸水就好足檸檬，有成4片，現在好少菜記會咁大方。這個跟餐的餐包入面有牛油，但少到豆豉咁細粒 。最後冇食塊火腿 ，因為很油膩，加上食完個米粉都夠飽了。

同同事等開會，梗係要係附近食個早餐先有力量，精神去完成這場漫長gar會。我地各自都叫左沙嗲牛肉通粉，味道不過不失!!!個餐配埋火腿+太陽蛋+餐包……但個包得丁少少牛油係入面仲要係唔夠熱………唉!不過算，最緊要係D野食黎得夠快~~~~~

行開荔枝角，回想起曾經係呢個地方工作過10年嘅地方，又熟悉且溫馨，我最記得食得最多嘅就係呢間將軍堡，呢間野服務員個個都係非常大聲的，而且還快手快腳，一埋位就會即刻預你諗左食咩，開頭我真係唔慣，之後慢慢就去到熟悉到連你想食咩，都被服務員諗到，完全不用動口，就幫你落左單，呢到食物唔可以話係好好味黎形容，但絕對係對得住呢個價，服務員雖然大聲，但同樣係因為佢地午市忙，同希望沒有遺漏有任何的服務。另外我覺得最好味嘅食物就係呢間餐廳的燒味飯，尤其係叉燒。

員工態度真係極品級。我唔係第一次去食。平時去食，人多混亂，啲員工快手，大聲無禮都冇咩問題。香港一間便便地味道唔太差既，畢竟員工都係人。但今日下午茶時段3點零，入到去坐底，望左下餐牌，即刻叫野食。個員工行埋黎，咩都冇講，企係度，準備落單款，我指住個餐牌 ： A.沙爹牛肉公仔面。 個員工即刻指住餐牌，用普通話講: B 牛扒/豬扒/雞扒。 我冇唯意原來個餐牌係選公仔要(A 主餐)配 餸(B)。又覺得奇怪，他做咩指住B 餐。所以我再講，我要A 餐喎~最極品極行為來了， 他即刻「凳」一下腳，行前幾張枱，右手掩面款，方死冇人唔知他心諗：「做咩咁蠢」咁，然後行返黎，仲話:「你識唔識聽廣東話，係選牛扒/豬扒定雞扒。」我堅嬲，冇錯，我冇睇清楚餐牌，又冇即時反應過黎。但我黎食野姐，唔使受你氣掛。嬲嬲地，走人算!顧客至上係極瑞，但員工至上，我都覺得有問題囉！

夜晚要ot, 黎到地鐵站附近搵野食teammate話食過呢間唔錯就入去試下呢間食碟乜都有，小炒，米線，炒粉麵應有盡有，任君選擇今晚揀左個沙爹肥牛粉絲煲，用料好足好大個!! 女仔既話可以兩個人share 一個個煲上菜果陣仲會”咋咋”聲，岩岩煮好沙爹肥牛粉煲入面其實我鐘意就係啲粉絲，佢粉絲同肥牛都好多!!! 絕對足夠要黎送一大碗飯跟餐仲會有湯，可以揀中湯或西湯，今次揀左西湯，入面都有唔少料，都幾好飲成個餐都係六十幾蚊，個人認為都算抵食

和朋友相約於荔枝角覓食. 邊行邊找未吃過的餐館. 突然想起早上去荔枝角也會去將軍堡買個麵包吃. 他的麵包多花款曾出不窮. 但他的餐廳卻沒有去過, 便打算一試吧. 入到去是一間很大的飯店. 很隨意地便找個卡位坐. 打開餐牌. 很多東西也想吃. 最後選擇了2款食物. 潮式瓜粒鮑魚絲雞絲泡粥, 本以為是粥. 但原來是湯飯. 本來不太喜歡吃湯飯. 但飲了一口湯很好飲. 飯也很入味. 覺得很好吃. 而且料也很多. 對湯飯有所改觀. 火腿奄列. 很大份. 火腿亦很足料. 好吃. 

呢間將軍堡既芒果糯米糍同長洲糯米糍真的不相上下。外層有棷絲增加口感。糯米皮較薄身，軟度適中，糯米只要硬身，成個糯米糍口感會差好多，若果太軟，又會hold 吾住入面既芒果，仲會搞到個皮濕濕咁，難以入口。 而呢個糯米糍就整到岩岩好👍🏻👍🏻入面既芒果仲好足料，啖啖大大舊芒果，食落去仲有清新既感覺。講到個芒果糯米糍咁好，以為會好貴，始終一分錢一分貨。但事實係，$4一個炸👍🏻👍🏻👍🏻👍🏻👍🏻性價比超高‼️今時今日整到咁既水準仲係賣緊$4一個，都真係好難得p.s. v.s. 長洲糯米糍， 雖然好食，但貴，芒果太大，皮略濕v.s. 滿記糯米糍，太差，貴得黎又極少芒果，皮太厚v.s. 許留山糯米糍，芒果量尚可，皮略厚，價錢正常

茶餐廳係嘈，員工同員工大大聲講野係正常，但同客講野都大大聲，其他茶餐廳已經唔算好，呢間語氣真係唔太接受到，唔係1個半員會係咁，基本上係個個員工都係咁，坐我隔離個呀叔聽唔明佢覆單講咩，佢覆多一次已經大大聲渴多次出黎，可以直接炒魷魚既態度

「將軍堡美食」早於2004年已開業，位置就在過去曾風光一時的香港紗廠工業大廈地下，由於十多年來香港的租金飈升和勞工短缺，大部份工廠生產線都轉移北上，包括紡織業也不能幸免，過去人流鼎盛的工業區工廈都被空置或改變用途作為貨倉及寫字樓。「將軍堡」主打港式茶餐，店面分開兩邊，一邊是餐廳，另一邊是賣麵包的。餐廳早上6時天未光就開舖，算得上是港九新界僅存供應早餐最早的港式茶餐廳。門口不大也不起眼，但內裏地方很大，樓底又高，坐得舒適，大量卡位，更有電視睇。這裡提供11款港式早餐(時間每天由6:15am-11:30am供應) 包括6款港式早餐及5款魚湯底粉麵早餐，價錢也十分實惠，早起的朋友值得一試！ 餐廳早上6時天未光就開舖，算得上是港九新界僅存供應早餐最早的港式茶餐廳 地方很大，樓底又高，坐得舒適，大量卡位，更有電視睇 這裡提供11款港式早餐(時間每天由6:15am-11:30am供應) 包括6款港式早餐及5款魚湯底粉麵早餐 ▲沙爹牛肉麵+煎蛋火腿餐包+熱飲HK$33 沙嗲牛肉麵出乎意料的好味，沙嗲汁夠濃，帶點微辣，牛肉很嫩，而麵是公仔麵，老實說，麵質一點也不會比現時的出