尋味館

营业中

休息中

隱世餐廳食評 🌟🌟🌟🌟✨ (4.8/5)話說最近同兩個朋友去咗觀塘一間隱世餐廳，平時返工都係無意中見到有人排隊，先知道原來呢度有間咁有趣嘅地方。行先見到有啲人排隊，我哋就決定試下，真係唔失望！試過之後，真係覺得值回票價，絕對值得同大家分享！以下係我哋當日試過嘅菜式同體驗～🌟 枝竹羊腩飯 - $39（堂食） / 外賣 $38 - 5/5呢道係店內嘅招牌菜，真係驚喜滿滿！羊腩煮得超入味，啲汁真係超香，枝竹仲吸晒啲湯汁，入口即化，完全冇羶味，配埋啲熱辣辣嘅白飯，嗰種暖胃又滿足嘅感覺，真係無得頂～特別係呢道枝竹羊腩飯，呢個價錢真係嚇一跳，$39 就可以食到咁高質嘅羊腩飯，簡直係超值！喺出面酒樓食同款羊腩飯隨時要賣緊 $120 至 $180，呢間餐廳嘅性價比真係高到冇朋友！我哋堂食嗰陣係照價 $39，埋單嗰陣先知原來外賣仲抵！外賣加 $3 就有支可樂，仲有9折優惠（即係$39 + $3 可樂 = $42 外賣 9折只需 $38），比堂食平咗成幾蚊，真係即刻加單幫同事買外賣返公司，真係令人一試難忘。🌟 咖喱海陸空飯 - $51 - 4.5/5呢個飯超有趣，所謂嘅「海陸空」就係炸雞翼、炸蟹鉗同豬扒，

🍱 #觀塘 #尋味館觀塘 #駱駝漆 有好多食肆就大家都知喇，但其實駱駝漆地下都有一條小食街㗎😛～ 駱駝漆三期地下，有好幾間食物外賣店，可以拎上上面嘅一個foodcourt位置食，非常方便，價錢又平🥳🐷 椒鹽豬頸肉飯 （$50）估唔到個椒鹽豬頸肉會整到好似天婦羅🍤咁！鬆脆香口！個飯仲有啲蔬菜同豆腐添💕🍖 燒/炸一字排 （$50）一字排可以揀燒或者炸，我就揀咗燒😋 佢個bbq醬汁好香甜，支骨唔大舊，啖啖肉，正！🐥 台灣夜市爆漿雞扒 （$45）爆漿雞扒超大塊！佢係超厚身嘅炸雞扒，再加裏面有啲芝士流心，超邪惡😈 但一餐半餐，唔緊要喇嘻嘻🤭🥟 日式炸餃子 （$30）炸餃子不嬲係我最愛🤗 呢度嘅炸餃子仲好香脆，好味！🍑 白桃烏龍冷泡茶 （$12）🌸 桂花烏龍冷泡茶 （$12）冷泡茶好香☺️

今日係觀塘返工，lunchtime就同同事去左駱駝漆食。駱駝漆搭電梯成日都要排好耐隊所以我地就係地下到亂覓食啦🤣三座背面呢間尋味館舖仔細細，原來樓上有個好大嘅空間可以堂食架😍真係勁方便觀塘友呀！＊＊＊＊＊🍜醬燒豬軟骨 烏冬 $50配小食一份及冷泡茶一樽🥗煙薰鴨胸沙律 $45午市套餐超抵，仲每日都唔同添。另外佢送個小食有炸春卷、咖哩角、同炸雞塊，都好足料。烏冬同湯有分開上，細節加分呀👍🏻🐷豬手拼春雞 $68🐣台灣夜市鹽酥雞 $30另外叫左啲小食，豬手拼春雞好大份好抵食😍鹽酥雞雖然細細粒但係咬落都啖啖肉😋💐梔花烏龍 (跟餐)🌸炭焙桂花烏龍 (跟餐)去地啲冷泡茶夠香濃，淡淡花香嘅無糖烏龍又健康又好飲💖＊＊＊＊＊

觀塘不嬲出名好多美食，外賣店都好林立，今次換咗駱駝漆，見到呢間外賣店賣手打烏冬好吸引😍佢個套餐真心抵食，有一個主食、一客小食同埋冷泡茶先$50 ， 好高CP值👍🏻燒汁牛扒湯烏冬實在太好食，牛扒入味加好鬆軟，而且烏冬軟硬適中，非常好味🤭燒春雞加豬手非常之邪惡，燒春雞嘅肉質嫩滑，豬手有咬口得來，而且好入味，又唔會過鹹🥰另外叫咗個店長推介嘅爆漿芝士雞扒真心好有驚喜，雞扒都係即叫即做，食落好辣口，而且芝士味好重，一咬就湧晒出嚟，夾埋香噴噴嘅雞肉，不得了🤩另外巴香辣雞翼都唔錯，雞翼大隻，而且都炸得好好，keep到肉質嘅juicy，食到舔舔脷😋整體食物質素唔錯，而且價錢好親民，喺附近返工或者住都可以考慮佢☺️

如果想尋找一家價格實惠、味道美味的小店，尋味館絕對是值得一試的地方！尋味館的鹽酥雞真打烏冬、金沙雞扒真打烏冬和吉列蝦真打鳥冬都價格為$50，這樣的價格絕對是非常實惠的。而且味道也非常美味，鹽酥雞的雞肉外皮酥脆，口感爽口；金沙雞扒則是口感豐富，帶有經典的咖哩味道；吉列蝦的鮮美度也令人印象深刻，加上烏冬的爽滑口感，完全是讓人垂涎三尺。除了美味的主菜之外，尋味館還附送了炸餃子和春卷，這些小吃也非常值得一試。炸餃子皮酥脆，餡料多汁，春卷則是外脆內嫩，口感極佳。此外，尋味館提供的熱飲玄米茶、凍飲梔花烏龍和凍飲芒果烏龍等飲品都非常好喝，特別是梔花烏龍茶，口感清新，帶有淡淡的花香，非常適合搭配豐富的美食。此外，尋味館的豬手拼春雞也是非常值得一試的菜品，價格為$68，份量十足，味道鮮美，豬手的肉質柔軟，春雞則是滑嫩多汁，口感讓人回味無窮。如果想要享受更加舒適的用餐體驗（不是外賣），尋味館樓上的隱藏寬敞座位絕對是一個不錯的選擇！

觀塘打工仔午餐外賣又多個選擇喇🤗呢間位於觀塘工廈地下食店 即叫即做 價錢親民每日都有多款外賣午市套餐以供選擇 可選飯或真打烏冬 套餐仲送埋小食一盒及冷泡茶一樽📱 WhatsApp落單： 61011627🔸 滷牛筋飯 （$42）滷牛筋索盡滷水汁 滷得非常入味 牛筋軟硬適度中 口感十分煙韌 伴埋滷水汁送飯食 食得很滋味呢😋附送小食係沙律菜 蔬菜新鮮翠綠又爽脆 非常健康🔸 鹽酥雞真打烏冬 （$50）鹽酥雞熱辣辣的 炸得香脆又可口 食落脆卜卜 附送小食係咖哩角同炸雞塊 全部炸類物食到停唔到口😂🔹 白桃烏龍冷泡茶🔹 荔枝烏龍冷泡茶係食店自家製飲品 有陣水果味道 很清新

📍尋味館 (觀塘)原來駱駝漆大廈開咗條新食街。雖然有部份餐廳仲裝修緊，但反而人少少易等位😆。呢間小店主打滷水、燒烤、炸物，性價比都幾高。💕豬手拼春雞 $68拼盤份量多到誇張，夠3-4人share🤩。豬手脂肪唔算多但肉質軟嫩，豬皮充滿膠質。燉煮得入味又唔會太鹹。春雞肉質軟腍，有預先醃過。返屋企用氣炸鍋加熱雞皮會更脆。💕唐揚魷魚條 $30望落有啲燶，其實食落去完全冇燶味。啖啖魷魚肉，好似連少少炸粉都冇，有少少喜出望外。💕炸薯格 $30唔會炸到過晒火，香脆仲keep到薯味。💕炸燒賣 $10燒賣係大粒煙韌嗰種，炸完更加香。💕司華力腸拼鹽酥雞 $45司華力腸正正常常，鹽酥雞全部細細粒，炸得香脆而且調味啱啱好。📍尋味館 (觀塘)觀塘開源道60號駱駝漆大廈3座地下B3號舖

🔸金沙雞扒飯 $50🔸滷水四寶飯 $62🔸爆漿芝士雞扒🔸燒雞髀 $28-lunch同同事一齊買外賣返公司食，嚟到駱駝漆地下，揀咗依間有金牌滷水嘅尋味館。每日都有唔同嘅精選飯餐，我就揀咗星期四嘅金沙雞扒飯，雞扒即叫即炸熱辣辣，白飯仲跟埋新鮮沙律夠健康。同事嘅滷水四寶飯揀咗豬中腸、牛脷、牛面肉、東坡肉，超豐富，而且滷味都滷得好入味～仲叫咗真係爆漿嘅芝士雞扒，同燒得好香好好味嘅燒雞髀，開心share～

好耐無返爸媽屋企食飯，趁今日有啲空閒就扮吓乖囡。雖然話返自己屋企，但都無理由兩手揈揈，都係要加返兩味。去觀塘搭車，行經駱駝漆大廈，見到呢間尋味館有唔少選擇，只係做外賣，岩啦！門口和落單位都放咗大量點菜紙和餐牌，唔好睇佢店小小，選擇多多架！有金牌滷水小食、飯類、港式滋味、烤焗美食、香炸小食、沙律、套餐、日式小食、台灣美食、午巿套餐、凍熱特飲等等，真係厲害！揀咗半隻招牌黑椒豬手和半磅滷水牛筋，兩份都唔少，應該夠食。招牌黑椒豬手（$45/半隻）已切件，啖啖肉，連埋厚厚的豬皮和筋膜，煙煙韌韌，好有咬口，味道就鹹香帶啲黑椒辛辣，幾惹味！滷水牛筋（$45/半磅）都滷得入味，切開咗一件件，有啲有咬口，亦有啲係腍滑，用來送飯唔錯！另要了特色熱飲黑糖紅棗薑絲茶（$12），點解咁補，皆因我近排血補不足，希望有幫忙啦！估唔到係樽仔裝，賣相得出，仲方便外帶，好！拎上手就知真係好夠熱，見到有唔少紅棗片，好有紅棗香，甜度又岩岩好，如果多些薑絲，辛辣味重啲就更好啦！

呢日經過鱷魚恤中心，諗住買啲外賣返屋企同屋企人擦餐飽，經過見到「尋味館」呢間外賣小店，見到提供嘅食物款式非常多樣，有台式手抓餅、小丸子等街頭小食，又有各式精美飯盒，又有唔同嘅滷水小食，價錢都十分相宜，於是決定一試。😍😍呢日我叫咗豬手拼燒春雞（$68），以及豬頸肉飯（$42），隨飯餐附上冷泡茶一枝，我選了白桃烏龍茶。😋😋豬手拼燒春雞🐤🐤🐷🐷豬手煮熟後，再用滷水燉煮而成。豬手肉質本身軟嫩，味道鮮美，有一定咬口。而且用滷汁燉煮豬手，更讓其充分入味，滷水的香味更是獨特迷人。而燒春雞以年輕嫩雞燒煮而成，肉質同樣鮮嫩，肉汁豐富，食用時蘸上特製的醬汁，增添風味。豬頸肉飯🐷🐷豬頸肉肉質鮮嫩，口感豐富，能夠給人帶來濃郁的肉香味，與米飯混合在一起，讓米飯吸收豬肉的香味和口感，吃起來非常美味，讓人回味無窮。白桃烏龍茶🍵🍵白桃烏龍茶的口感清新怡人，茶味濃郁，帶有淡淡的茶香和白桃香氣，口感甜美，非常適合用來解渴。等外賣期間，發現原來店面旁邊寫住樓上有雅座，八八卦卦上去一望，原來有個勁寬敞嘅飯堂😯😯如果唔係叫咗外賣同屋企人食，都可以坐低歇歇。或者下次lunch我都會過黎坐低食下飯，支持一下價廉物美的小店。💪🏻💪🏻